Buchmesse Leipzig 2011


Demnäschd werd in Leibzsch Buchmesse sinn,
ihr gönnd mor globm ich geh dorde hin.
Da gibds dausende Büscher zu sehn,
die dorde in de Regale sdehn.

Schrifdsdeller lesen dord aus ihre Werge,
Geschichden for de Großen,
und ooch forde gleenen Zwerche.
Globd mor, es iss immer widder scheen,
wemmor off die Buchmesse gann gehen.

Hier driffd mor Leide wie Du unn Ich,
ooch begannde Audoren sicherlisch,
die uns Freide machen wolln,
mid ihre Büscher, die ganz dolln.

Vielleischd iss ooch mei Buch dorbei,
wens dorde dalieschd,
isch mich besonersch frei.
Wenn’de gannsd, dann gomme hin,
goof eene Garde unn schon bisde drinn.

Isch sache dir, du wärsds ooch nisch bereien,
denn Büscher machen gluch,
unn so sools ja ooch immer sein.

Impressum

Texte: Copyright by Ulf Heimann, 2011
Tag der Veröffentlichung: 10.03.2011

Alle Rechte vorbehalten