Isch mach ma Bause
Im Kopp da habsch nu ma ne Flaute,
was machsch da? Nu, isch setz misch hin.
Ich läse ma Geschichten un Gedischte,
diesch hier finde drin.
Geschriem sinnse von Leiten,
die och gerne schreim wie isch
un isch wills och nisch bestreiten,
dass’is och ma scheen for misch.
Bloße ma lesen un nischt schreim
was mor och äma gefällt
unne ma gommendiern,
dass iss och ma meine Weld.
Isch habbe hier viel Freinde,
die habbsch och werklich gern,
denn ihr Zeich das läs’sch
un vorgebe manschen Schdern.
Isch wees die frein sisch drübber
und die sinn stolz dorbei ,
mir geht’s doch och nisch andersch,
och isch misch übbern Schdern ma frei.
So nu willsch abber weider läsen,
sonst verbas’sch iss Beste noch.
For Heite seis erscht ma gewäsen,
mor sähn uns widder, aber doch.
Texte: Cover und Text Copyright by Ulf Heimann
Tag der Veröffentlichung: 12.06.2009
Alle Rechte vorbehalten
Widmung:
Für Alle die Dialekte mögen.