HATUTAKI PENZI KAVU

Hamtoi penzi kavu,
    Ila kwetu walemavu,
    Mnatoa penzi kavu,
    Hatutaki penzi kavu.
 
    Sisi wenye ulemavu,
     Mnatuona na kovu,
     Sababu ya ulemavu,
     Hatutaki penzi kavu.
 
   Hata kama tuna kovu,
     Penzi lililo ang’avu,
     Pia lipo kwenye kovu,
     Hatutaki penzi kavu.
 
Hamlioni ang’avu,
    Kwa wasiofanya ovu,
                                        Mnaliona ang’avu,                                       
    Hatutaki penzi kavu.
 
   Japo wapo wenye ovu,
     Ninyi huwalisha mbivu,
     Bila kujali uovu,
     Hatutaki penzi kavu.
 
Wengine hawana mbivu,
     Wakishawalisha mbovu,
     Huwateka bila mbivu,
    Hatutaki penzi kavu.
 
Waliowalisha mbovu,
    Wakiacha uonevu,
   Toba hutakasa mbovu,
    Hatutaki penzi kavu.
 
Mnafanya uonevu,
    Mkihisi maumivu,
     Mtaacha uonevu,
     Hatutaki penzi kavu.
 
Hamhisi maumivu,
    Hatufanyi uonevu,
   Tunahisi maumivu,
   Hatutaki penzi kaovu.
 
Tunakwepa uonevu,
     Mnatupambia mbovu,
    Tusione uonevu,
     Hatutaki penzi kavu.
 
Hatukuwalisha mbovu,
    Tulipowalisha mbivu,
    Mlitushibisha mbovu,
    Hatutaki penzi kavu.
 
Kama hamleti mbivu,
    Msitufanyie ovu,
    Tunaposubiri mbivu,
     Hatutaki penzi kavu.
 
Hatuwafanyii ovu,
     Penzi letu ni ang’avu,
     Lililofanyiwa ovu,
     Hatutaki penzi kavu.
 
Mnatafuta ang’avu,
     Mkituonja wa kovu,
     Mnalipata ang’avu,
     Hatutaki penzi kavu.
 
Penzi likipata kovu,
    Suluhu ni walemavu,
    Tusio wapeni kovu,
    Hatutaki penzi kavu.
 
Japo tuna ulemavu,
    Sitisheni penzi kavu,
    Tuoeni walemavu,
     Hatutaki penzi kavu.

NDOA YETU NI SUFURI

Wasaliti walijiri,
    Maumivu ni sufuri,
    Mpenzi ulipojiri,
    Ndoa yetu ni sufuri.
 
Nilianza na sufuri,
     Sasa ninayo magari,
     Ukwasi siyo sufuri,
     Ndoa yetu ni sufuri.
 
Nilikukabidhi gari,
    Kabla ya kwenda safari,
    Ukalikataa gari,
    Ndoa yetu ni sufuri.
 
Ninapokuwa safari,
    Magari ya ufahari,
    Huinogesha safari,
    Ndoa yetu ni sufuri.
 
Japo nina ufahari,
    Ulionesha tayari,
    Hukujali ufahari,
     Ndoa yetu ni sufuri.
 
Mlipokuwa tayari,
    Nilijulishwa mahari,
    Fungate liwe tayari,
    Ndoa yetu ni sufuri.
 
Nilishangaa mahari,
    Nikadhani ni hiari,
    Hulingani na mahari,
    Ndoa yetu ni sufuri.
 
Penzi letu la hiari,
Niendapo ni habari,
    Siliachi kwa hiari,
    Ndoa yetu ni sufuri.
 
Nilipokupa habari,
    Ulikuja kwa hiari,
    Kwetu ikawa habari,
    Ndoa yetu ni sufuri.
 
Mahari siyo hiari,
    Nilizidisha mahari,
    Niilipe kwa hiari,
    Ndoa yetu ni sufuri.
 
Nilipoleta mahari,
    Mlijiweka tayari,
    Mkakubali mahari,
    Ndoa yetu ni sufuri.
 
Nina kiwanda tayari,
    Tungeishi kifahari,
     Jumba ninalo tayari,
     Ndoa yetu ni sufuri.
 
Nimekosa ufahari,
    Nilipokuwa safari,
    Ya kuoa kifahari,
    Ndoa yetu ni sufuri.
 
Gari langu la safari,
    Liligongana na gari,
     Nikasitisha safari,
    Ndoa yetu ni sufuri.
 
Mgongano wa magari,
    Haukuwa sufuri,
    Yalipinduka magari,
     Ndoa yetu ni sufuri.
 
Uhai siyo sufuri,
     Ulemavu umejiri,
    Penzi lako ni sufuri,
    Ndoa yetu ni sufuri.

 

 

 

 

NANENA YA AKILINI

Wanajua ya mwilini,

Yaliyomo akilini,

Hawayaweki mwilini,
 Nanena ya akilini.
 
Najua ya akilini,

Yalio hospitalini,

Pia yamo akilini,
 Nanena ya akilini.
 
Tiba ni hospitalini,
Wanaokwepa imani,
  Huenda hospitalini,
Nanena ya akilini.
 
Wakiitaka imani,

             Huenda msikitini,            

Kuaminishwa imani,
Nanena ya akilini.
 
Siyo tu msikitini,

            Pia kuna kanisani,             
                                          Kama tu msikitini,                                          

Nanena ya akilini.
 
Wakristo ni kanisani,
  Waislamu siwaoni,

  Wasalio kanisani,
Nanena ya akilini.
 
Halisia sizioni,

Nikaapo jalalani,
  Takataka sizioni,
     Nanena ya akilini.
 
Nikitoka jalalani,
      Nazunguka mtaani,
    Marejeo jalalani,
     Nanena ya akilini.
 
Wana nyumba mtaani,
   Makazi ni jalalani,
  Sina nyumba mtaani,
Nanena ya akilini.
 
Najilaza jalalani,
Jamii hainioni,
Nakulapo jalalani,
Nanena ya akilini.
 
Msaada siuoni,
Hata kule kanisani,
Maombezi siyaoni,
Nanena ya akilini.
 
Nitapona kanisani,
Zamu ni msikitini,
   Wakishindwa kanisani,
Nanena ya akilini.
 
Nikija msikitini,
Nitahitaji imani,
Nipone msikitini,
Nanena ya akilini.
 
Ikinishinda imani,
Zamu ni hospitalini,
Itaishinda imani,
Nanena ya akilini.
 
Tabibu hospitalini,
Anatiba akilini,
Hutibu hospitalini,
Nanena ya akilini.
 
Siko uchi akilini,
Nguo sivai mwilini,
Nazivaa akilini,
  Nanena ya akilini.

MSITUTENDE WENZETU

Hatutendi ukurutu,
   Lakini wale wenzetu,
  Hututenda ukurutu,
      Msitutende wenzetu.
 
     Japo nyote ni wenzetu,
        Wenye tabia za mwitu,
   Hawajioni wenzetu,
       Msitutende wenzetu.
 
           Watu wengi siyo mwitu,
              Ila huvilinda vyetu,
            Wakishatudhuru mwitu,
              Msitutende wenzetu.
 
               Tukiwa na vitu vyetu,
             Tunapakimbia kwetu,
              Kuvilinda vitu vyetu,
              Msitutende wenzetu.
 
            Hatuna furaha kwetu,
             Mwitu huviwaza vitu,
             Wanapotuona kwetu,
              Msitutende wenzetu.
 
         Wengi wanawaza vitu,

           Sababu wanao utu,
              Kwetu hawaoni vitu,
             Msitutende wenzetu.
 
           Wale wasio na utu,
              Huwa na umbo la watu,
                                      Lisilokuwa na utu,                            

              Msitutende wenzetu.
 
           Watu walio na utu,
               Baadhi yao ni butu,
                                                       Tunapohitaji utu,                                          

                 Msitutende wenzetu.

Sheria zikiwa butu.
Wanapotudhuru watu,
Wenzetu msiwe butu,
Msitutende wenzetu.
 
Wanalolitenda watu,
Wakitenda bila utu,
 Hawafanani na watu,
Msitutende wenzetu.
 
Japo wamepewa utu,
Wakivithamini vitu,
Wanajitenga na utu,
Msitutende wenzetu.
 
Wanapoviwaza vitu,
Hutuingilia kwetu,
Kujitafutia vitu,
Msitutende wenzetu.
 
Wanapotukuta kwetu,
Hukata viungo vyetu,
Vitu huviona kwetu,
Msitutende wenzetu.
 
Hubeba viungo vyetu,
Mithili ya mbwa mwitu,
Vitu ni viungo vyetu,
Msitutende wenzetu.
 
Nawaita watu mwitu,
Ukatili wa wenzetu,
Umezidi mbwa mwitu,
Msitutende wenzetu.
 
Elimisheni wenzetu,
Waepuke ukurutu,
Wasiwadhuru wenzetu,
Msitutende wenzetu.
 
 

UMASKINI TUNAPEWA

Dhana nyingi tunapewa,

Potofu zikitolewa,
Hizo ndizo tunapewa,
Umaskini tunapewa.
 
Uhai tunatolewa,
 Uchawi ukizidiwa,
Wafuni tutatolewa,
  Umaskini tunapewa.
 
Mila ilipozidiwa,
     Japo hatukuuwawa,

Jamii ilizidiwa,
  Umaskini tunapewa.
 
Huenda tungeuwawa,
  Sheria ikazaliwa,
Kuzuia kuuwawa,
 Umaskini tunapewa.
 
Sisi tulipozaliwa,
  Wazazi walijaliwa,
    Karaha ikazaliwa,
  Umaskini tunapewa.
 
Raha hawakujaliwa,
  Laana tuliumbiwa,
                                        Tabu tukajaliwa,                                         

Umaskini tunapewa.
 
Kuishi tulijaliwa,
                                               Ila tulibaguliwa,                                             

Porini tulijaliwa,
     Umaskini tunapewa.
 
        Kote tulibaguliwa,
              Dhihaka tulifanyiwa,
              Ninyi hamkubaguliwa,
           Umaskini tunapewa.
 
Mengi tulishafanyiwa,
Bado tunabaguliwa,
Maovu tunafanyiwa,
Umaskini tunapewa.
 
Chanzo cha kubaguliwa,
Rangi tulioumbiwa,
Sisi tunabaguliwa,
Umaskini tunapewa.
 
Madini mmeumbiwa,
Albino hujaliwa,
Sicho mlichoumbiwa,
Umaskini tunapewa.
 
Uhai tumejaliwa,
Majuto ni kuzaliwa,
Kuishi ni majaliwa,
Umaskini tunapewa.
 
Kheri tusingezaliwa,
Nchini tunauwawa,
Kisa tumeshazaliwa,
Umaskini tunapewa.
 
Wenzetu wameuwawa,
Sheria imezidiwa,
Tunangoja kuuwawa,
Umaskini tunapewa.
 
Uchawi hujazidiwa,
Elimu ikitolewa,
Nchi haitazidiwa,
Umaskini tunapewa.
 
Viungo vikitolewa,
Ulemavu tunapewa,
Kazini tunatolewa,
 Umaskini tunapewa.

Impressum

Tag der Veröffentlichung: 28.08.2020

Alle Rechte vorbehalten

Widmung:
Wilfred Emmanuel Mwero, alizaliwa mwaka 1988 nchini Tanzania. Mwaka 2013 alijiunga na Chuo Kikuu cha Dodoma kusomea Shahada ya Soshologia na kuhitimu mwaka 2016. Bw, Mwero ameamua kuitumia elimu yake ya Sosholojia kuielimisha jamii kupitia kipaji chake cha utunzi wa mashairi aina ya tenzi.