OKUMANYISA:

 

Nohaburwa okugaba empapura ze kihandiiko kinu kuraba omumiringo yoona eyokwenda, hambeho rundi mumulingo ogwempapula eziprintingibwemu. Osobora kuhandiika okateeka ebigambo binu, byoona rundi mubichweka, aha mukutu gwawe, rundi ahandi hoona. Baitu nitukumanyisa kuteekamu okumanyisa kunu nukwo abandi basobole kumanya nukwo bakope kandi nabo bagabire abandi. Ekitabu kinu kiroho kyabusa aha intaneti, hamu na mp3 aha mukutu:

https://marriagesupper.wixsite.com/endtimescatalog

©2013 by Susan Davis

Ebyahandikirwe byoona ebitekerwemu nibiruga omu Baibuli ya King James Version.

EBIRI OMU KITABU KINU

1. Baingi muno bagwijagiire

 

2. Tinkwija kwikiriza kugya omukiikaro Kyakabiri

 

3. Busaho okuhindura omulingo Gwebyafwayo hati

 

4. Ebigwererezi biija kuhika ahakasolya akatakahurwahoga

 

5. Tinsobora okulindiira omugole WANGE ebiro nebiro

 

6. Aheeru yokugonza KWANGE, Abantu boona begezamu omu kukora ekibi

 

7. Abantu baine enyikiriza ngu okurabura KWANGE hamu nebigambo BYANGE ngu byokusandaara

 

8. Ekintu kyoona kisobora kufwoka kisisani

 

9. Ndi wamananu hali ebigambo BYANGE

 

10. Tihaliyo ondi weena owumusobora kurabamu kutunga okujunwa

 

11. Amakanisa gali kizaaniro kya sitani

 

12. Ekibi kirimu Nokurumba ebichweka ebisemeriire kuba biri kurungi 

EBIKUKWATAHO OBUNABI BUNU

 

Susan akolera omu kisembo ekyobunabi. Omu 1 Abakorinso 14:1 nihagamba hati: "Muhondere omuhanda ogwengonzi kandi mwegombe nekihika kiingi ebisembo ebyo MWOYO, kukira muno obunabi.” Hati tulimu kwikara kandi tusemeriire kuba nitworobera engenderwaho za RUHANGA omundagaano empyaka. Nobukiraaba abamu baikiriza ngu ebisembo ebyo Mwoyo, nkobunabi tibikyaroho kunu kuli kutekereza kwomuntu kutali okwa RUHANGA. RUHANGA tahinduire endagaanoye. Nitukyaikara omu kyasa ekyendagaano empyaka-- ekikwetwa endagaano empyaka. Boojo, wetegereze ngu okwehayo kwawe okukubanza kuine kuba hali MUKAMA YESU KRISTO hamu nekigambo kye nkokukihandikirwe my Baibuli-- okukira muno omundagaano empyaka. Nkengeri kiba, obunabi bwoona bwetagisa kubulengesa n'ekigambo ekya RUHANGA ekyomubaibuli. Baitu, obunabi kakusinga buba nibwikiraniza n'ebaibuli hati tuba nitunihirwa kubworobera. Obwire bunu RUHANGA takolesa obunabi kuletaho enyegesa ezihyaka. Obunabi bunu nibukolesebwa kugumya ekyo ekya MUKAMA amazire kutuhereza omu baibuli. RUHANGA era abikozesa kuhereza okurabura aha muntu omu omu aha mikoro eyomumaiso eyekugenda kutukwataho.

 

Engeri kiri omundagaano enkuru, RUHANGA akolesa abanabi omubwire bunu obwendagaano empyaka obwire bunu obutulimu kwikaramu. Ekitabu ekyengeso ezabakwenda, ekinyakuli omundagaano empyaka, kibazaho abanabi abamu nka Judas na Silas. (Engeso zabakwenda 15:32) hamu na Agabus (Engeso zabakwenda 21:21) kandi haliyo nabandi. Obuhereza bwabanabi era nibubazibwaho omu bwire bwendagaano empyaka omu 1 Abakorinso 12:28,14:1,29,32,37 ahamu nomu Abefeso 2:20,3:5,4:11.

 

YESU akoma abanabi kumukolera omulimogwe hanu omunsi. Hagati yebintu ebindi, YESU akolesa obunabi hamu nabanabi kubaliza abaana be ebyakwenda. Ebaibuli nayo yonka ekahandiikwa habwobunabi kuraba omu kwebemberwa kwa MWOYO ARUKWERA.

 

Abantu abamu bagamba ngu ebigambo byobunabi biri omu kabi akokwongeraho aha Baibuli rundi kuihaho hali Baibuli-- kirungi, Baibuli ebazaho obunabi ngu kiri kisembo ekya MWOYO ARUKWERA. Omulingo Baibuli eyongerwaho rundi ekaihwaho ebigambo tikuli habwebigambo ebyobunabi ebitungirwe abantu ebi MWOYO ARUKWERA abahereza, baitu kiri habwokuhindura ebigambo bya RUHANGA okugaitamu ebindi ebintu ebitali mu baibuli kuruga omunyikiriza ezindi ezekikafiiri nkekyokuroraho. Baitu omulimo ogwokubanza ogwa banabi omu baibuli guikaire guli okugaara abantu hali ekigambo kya RUHANGA, Baibuli.

 

Engeri kikugamba omu 1 Abasesalonika 5:19-21, otalizimya omurro gwa MWOYO ARUKWERA, Mutalirabyamu maiso obunabi. Mugezese buli kimu, mukwatiriire ekirungi. Kandi omulingo ogwokukebera obutumwa kuli kulengesanizamu ebiri mu butumwa bunu n'ekyo ekya baibuli ekubaza.

 

Omu bunabi bwoona obuli hansi hanu, NYOWE (MIKE PERALTA-- omuteekaniza wekitabu) nkebiire obutumwa bwoona bunu kandi bwoona nibwikiraniza nekyo ekya Baibuli ekugamba. Baitu mutekwa kwekeberera obutumwa bunu inywenka nimukolesa Baibuli. Kandi kakusinga buraba nibwikiraniza na Baibuli, hati RUHANGA nakunihiramu kuba nobutwara ha mutima kandi noyorobera engenderwahoze.

 

ESUURA 1: BAINGI MUNO BAGWIJAGIIRE

 

Kyasande, 7, Okwaikumi, 2012

 

Ebigambo bya MUKAMA: "Tinkusobora kukingura amaiso bwangu ekikumara: baingi muno bagwijagiire."

 

Ebigambo bya MUKAMA ebya Kiro kinu.

 

Abahondezi ba KRISTO Abagonzebwa abesigwa:

 

Baana BANGE, MUKAMA wanyu abainiire ebigambo.

 

Haroho okuburanganizibwa kwingi muno hali ekiro ekiri mumaiso. Abamu nibakikiriza ngu okwija KWANGE kuli haihi. Tibali baingi ekikumara abakwikiriza kinu. Tiharoho abakumara abakwikiriza kinu. Baingi nibaikiriza ngu ensi enu neija kubemerezaho omubwire bwomumaiso. Tibalimu kwikaza amaiso gabu goona hali NYOWE. Ninyowe KIGARUKWAMU kyonka hali ensi eyegwerirwe enaku-- ensi eyenaku nyingi muno omunziha. Nimwetaaga kutekaniza emitima yanyu engeri ebiro birimu kufwoka byekirima. Teri nsobi yoona kurora ngu abantu bensi balimu kukyama-- bolekeriize omu kiirima, hansi munziha omukuhwerekera. Tinkugenda kutwara kugenda Nabaana abajemu bundagaruka kutwara omugole WANGE owasemiire Kandi ndimu kwija! Banu nibo abakugenda kuba basingireyo okubihirwa: Ekanisa YANGE eya koya koya hamu naabo ababebembera nibabahabya. Mutahwamu okunihira inywe ekanisa YANGE erukwera-- abo abanyakunseera haiguru yebindi byoona: ebintu byensi, ebisisani byensi, ebintu bindi byoona ebinyakuletereza omutima gwawe okuhaba. Okurabura kulimu kugenda nikuhwayo, habwokuba okwija KWANGE kusembiire haihi. Mulekeraaho kwesigamira hali bwaruhanga bwanyu obwensi okubebembera. NINYOWE, RUHANGA OMU owahikire. Abo bonka abalimu kurora nibo bakwija kuija NANYOWE. Ekanisa-- mutekanize: okujunwa KWANYU kuli haihi.

 

AYABAMBIRWE, YAHUSHUA HA MASHIACH.

 

 

 

(Ebigambo ebitungirwe Susan kuruga hali MUKAMA, Okwaikumi, 5, 2012)

Ebigambo bya MUKAMA:

"Tinkugenda kuhumbuura ensi eyenyakwijwire enobi hali NYOWE."

 

(Ebigambo ebitungirwe Susan kuruga hali MUKAMA, waitu, Okwaikumi, 1, 2012)

Obwire bwongiire buhikire era obwebaruha:

 

Baana esaaha yanyu erimu kusembera habwokwija KWANGE. Ndimu kwija nokuhambisiriza Kwona.

 

Ensi erimu kweyongera ekiirima. Bataito abakwenda kwikiriza kinu engeri kirimu kubaho. Baingi nibenda kubumbaatira ensi. Bataito abakwenda kwikiriza ngu ningya kukora ekyo ekingamba ngu ningya kukora. Bataito abakwenda kwikiriza ngu ndi RUHANGA owa mananu. Nkozire pulani ZANGE kandi zirimu kuhikiira.

 

Ensi erimu kuhotoka nkomuti. Niguhotoka. Okubonerezebwa kwekibi kulimu kugireta ahansi. Ndimu kwikiriza omuti okuhotoka. Buhikire obwire obwekyo ekitakwana byana okufwa, okwikiriza okufwa kwensi eyerimu kufwa, kujunda, ensisi.

 

Tinkugenda kugarra buhyaka abatakusoboka kugarurwa buhyaka. Tinkugenda kuhumbuura ensi eyenyakwijwire enobi hali NYOWE. Ningenda kwikiriza ensi enu okuhika ahampero yayo. Ningenda kwihamu abo abataito abakyainemu obwomezi omulibo, abataito abakyanyesiga-- abakwikalira kimu omuli NYOWE. Abasigaire baija kurora ekikangabwa kyomuti ogulimu kwoma: engeri ensi ekwisana-- obu NYOWE RUHANGA obundasikamu Omukono gwange ogukuha obwomezi.

 

Abo abarasigara enyuma baija malikwo kurora kiki ekyobwomezi ahansi enu eyerimu kufwa engeri buisana. Ngya kurubata nduge omunsi kandi ngiikirize okugwa hansi yokujunda kwekibi hamu nenguzi kandi nokulema kwobwemi kwija kufuga. Enu eri ensi eyetakumanya RUHANGA. Enu niyo ensi eyerimu kwizira ekanisa YANGE eyesigaire enyuma, hamu nabasaija abasisi abanyakwanga RUHANGA wabo.

 

Enu eri saaha eyekiriima eyerimu kwija. Mwine esaaha zitaito muno ezanyamusana ezisigaireyo okuija aha mukono gwange. Mwirukire omumikono YANGE bwangu orwigi rutakakingirwe kandi netabaza zanyu zitakazimire kandi nekiirima kikatahamu.

 

Mukole obusinge na RUHANGA wanyu. Muteeke obwomezi bwanyu aha bigere BYANGE. Muheyo omutima gwanyu hamu nomwoyo. Nyine obwire butaito obwokubaha hati omunyanyigwa WANGE atakatahiremu okumira ekyererezi ekyanyamusana. Entale erimu kutoka: nerubata kurora oha oweralya. Mwerinde nomusaahi GWANGE. Omusaahi GWANGE oguhikirire nukwo okunihira kwanyu kwonka.

 

Mumpondere okukuba kurungi. Muine obudakiika bwonka byoona bitakabaire kufwoka ebikwiragura. Mutarwanisa engonzi ZANGE-- muheyo omulikwo. NINYOWE OMUNAARA GWONKA OGUGUMIRE-- ORUGO hali abantu-- AMAANI AGAKUJUNA.

Mwesike muruge aha kibi-- mwirukire omukujunwa.

 

Onu nuwe OMUJUNI hali abantu,

OWEBIRO BYOONA...OMWESIGWA...MASSIYA...OMUJUNI.

 

Ebyahandikirwe ebikugenderaho:

 

Matayo 21:18-19 Kandi Nyenkya obwakaba nagarukayo ha rubuga, akaba arumirwe enjara. Yabona omuti gumu ha muhanda harubaju. Yaguhikaho nasanga busaho kintu, rundi amababi masa; yagugambira ati otalyana byana ebiro nebiro.

 

Marako 11:11-13 Kandi yahika Yerusalemu, yataha omu yekaru; obuyamazire okubungyamu amaiso okurora byona, obuire bukaba bwa'sa kuira, yaturuka nagenda Besaniya nikumi nababiri. Kandi nyenkya, obuire bukiire obubakaba barugire omu Besaniya, yarumwa enjara. Obuyarozire hara omuti ogunyakuroho amababi, yaguhikaho rundi azoleho kintu: kandi obuyaguhikireho, tiyabona kantu, rundi amababi kwonka, baitu bikaba bitali biro bya itini.

 

Marako 11:19-21 Kandi obwire obubwairaga yaturukaga omu rubuga. Kandi nyenkya obuire bukire, obubakaba nibarabaho, barora omuti gwomere okuruga omukikoro.

 

ESUURA 2: TINKWIJA KWIKIRIZA KUGYA OMUKIIKARO KYAKABIRI

Ebigambo ebitungirwe Susan kuruga hali MUKAMA waitu, Okwaikumi, 2, 2012

 

Leka tutandike.

 

Huliriza kurungi engeri ndimu kukuhereza ebigambo.

 

Baana BANGE-- engeri mukumanya ensi erimu kuhinduka bwangu muno. Haroho omwijuzo gwekiirima ogulimu kurubata omunsi. Tinsobora kukingura amaiso bwangu ekikumara-- baingi muno bagwijagiire. Bwangu omubi aija kutunga omuhanda gwe omunsi enu kandi nabantu baija kugwibwamu batetekanize-- babyamiire kimu. Baija kutwarwa kandi babonesebwe nemihito entaitoho eyekibi ekikwija.

 

Bataito bonka hati nibo balimu kurora malikwo kandi nibarora emihito eyerimu kurubata omunsi ahaitaka. Haroho bataito muno abanseera nukwo etaara zabu zijuzibwe kandi namaiso gabu gakingurwe ekyererezi, ekyererezi ekyamananu GANGE hamu na MWOYO ARUKWERA. Nuwe anyakwakisa. Nuwe anyakwijuza etabaza kandi akaleta amananu omurwate rwabantu. MWOYO WANGE wenka nuwe asobozesa abantu okwija hali NYOWE omubwijwire bataine kyoona ekibesigalize ekibanserekere NYOWE, RUHANGA.

 

Hataroho okwijuzibwa okumalirizibwe okwa MWOYO WANGE, hamu netaara eyeine amafuta gebichweka, timukwija kurora emihito eyerimu kwija kandi timukwija kurora omubazi ogwokweharamu obuzibu obulimu okukwizira. Kiri habwamafuta getabaza ZANGE-- okwijuzibwa kwa MWOYO WANGE kurora ngu nimutekanizibwa.

 

Okuba netabaza eyeijwire hamu nobwomezi obwijwire MWOYO-- otekwa kweihamu byoona, okuba nomwanya ogwa MWOYO WANGE. Otekwa okwihamu byoona omu myoyo gwawe, ebyokunyumirwa nokwegomba okwensi enu. Ebyokuhambya byensi enu biija kumaraho omutima gwawe, bitwale entekereza yawe, kandi bikwijuze nukwo hasigale hatakyaroho obwire bwoona obwokuha NYOWE RUHANGA Wawe.

 

Ijuka ndi RUHANGA oweihali-- tinkwija kwikiriza ekiikaro ekyakabiri omubwomezi bwawe! Omukiikaro Omukiikaro kyakyo, ndeeta okumalirizibwa, ndeeta okuteekana, ndeeta engonzi hamu nokumarwa. Ebigere byanyu bitekerwe aha Mwandara. Tiharoho ekiituru ekyokuhindukiramu omumihanda YANGE. Timukwetagisa okugurukyagurukya, habwokwikiriza-- omusingi gwanyu omuli RUHANGA.

 

Nyombeka obwomezi bwawe aha mwandara ogugumire: okuteekana okwomuntekereza. Omutima gwawe tigukwija kugurukyagurukya. Ikara omu kubaho KWANGE kandi ngya kukuletera obusinge obwa RUHANGA. Tokwetaagisa kwongera kutuntura omurundi ogundi, habwokuba Engonzi Zange hamu nobulinzi BWANGE bikwetoroire-- bikulinda hali ekibi kandi nkwoleka omuhanda ogurungi ogufunda ogukutwara omu bwomezi obutahwaho hamu nomukujunwa.

 

Mwirukire omumikono YANGE eyerindiriire-- ensi enu erimu kuijura ekiirima kandi nefugibwa omwoyo gwomuhakaniza wa Kristo. Ningya kuleta omugole WANGE omu kuba kurungi. Kakusinga munyikazaho amaiso muli hali NYOWE, ngya kubaikaza hansi yamapapa gange agobulinzi. Nsobora okwemerezaho. Nsobora okwesigibwa. Tiharoho ensonga yoona eyokutiina-- abo bonka abatakumanya nibo baine bingi ebyokutiina kandi nebitiito ebyokurora omumaiso. Mutaine NYOWE-- okuswekwa kwomusaahi GWANGE hamu namaani GANGE, abantu boona bakubaire babuzire.

 

Ndimu kuseera abantu abakugonza muno RUHANGA wabo, behaireyo muno okurubatakuruga omu mitwalize yabantu hamu nokwekamba okwobwomezi bukuleterezaho bukasikiriza obwire obumazirwe muli NANYOWE, RUHANGA. Inywe nobukiraaba, mutekwa kukomamu, omulingo mukumara obwire bwanyu-- obwire obwokuhumuraho obymuhairwe. Kuli kubumara nimulengaho okumanya kurungiho rundi mwikiriza ebintu ebindi okwija hagati yaitu?

 

Tinsobora kutwara abo Abatakumanya omumaka GANGE omuiguru. Mukitekerezeho kinu nobwegendereza. Muchwemu. Muraija NANYOWE obundayetayo ekanisa YANGE rundi oraikara kurora obwire obuzibu muno obukukirayo obwakamanywaga abantu? Enu eri esaaha eyokubaganizamu. Saba okutunga akabazi akamaiso. Saba okutunga amananu GANGE hamu nomutima ogusemiire nukwo osobole kusangwa osemeriire okwemerra omumaiso ga ISENYOWE. Leka nkujune hati obwire butakahoireyo.

 

Ninyowe OMUJUNI wabantu boona.

 

OMUKAMA WA bakama, MUKAMA wabakama.

“NINYOWE”

 

Ebyahandikirwe ebikugenderaho:

 

1 Abasesalonika 5:6 Nukwo tuleke okugwijagira nkabandi, baitu turolege tuleke okutamiira.

 

Matayo 25:3-4 Baitu abadomadoma obubatwaire etabaza zabu, batatwale namagita: baitu abamagezi bakatwara amagita omu nsale zabu netabaza zabu.

 

Ekyebiragiro 4:24 Baitu MUKAMA RUHANGA wanyu guba mu'ro ogurukwokya, RUHANGA wihali.

 

1 Yohana 4:3 Kandi na buli mwoyo ogutayatura ngu YESU KRISTU akaizira omu mubiri tiguli gwa RUHANGA: kandi ogwo nugwo omwoyo ogwomuhakaniza wa Kristo, ogumwahuliireho ngu nigwija; kandi nahati guhikire ira omunsi.

Okusukururwa 3:18 Nimbahabura inywe okugura hali nyowe zaabu eyenyakulengesibweho omu mu'ro, nukwo musobole kuba bagaiga, hamu nirugoye orurukwera nukwo musobole kujwekwa, kandi nokuswara kwobutajwara kwanyu kutazooka; kandi nsige amagita aha maiso ganyu nukwo musobole okurora.

Yakobo 4:8 Mui're haihi RUHANGA, nauwe aliba'ra haihi. Munabe omungaro zanyu, inywe abasisi; kandi musemeze emitima yanyu, inywe abanyina emitima ebiri.

 

OKURAMYA OKWAHAMUNWA OKWEKANISA EYA KOYA KOYA

Kyakasatu, 17, Okwaikumi, 2012

 

Ebigambo bya MUKAMA: "Tiharoho okuhindura engeri yebyafwayo hati."

 

Ebigambo bya MUKAMA ebya kiro kinu.

 

Abahondezi ba KRISTO abagonzebwa abesigwa:

 

MUKAMA, enyumaho kataito akampereza ekigambo kinu. "Engonzi ezitaine bikorwa, tiziri ngonzi". Akagumizamu okubazaho okuramya okwa hamunwa okwekanisa eya koya koya hamu nengeri abantu omukanisa engeri baikaramu omukaire akokuramya engeri bakora buli kwija mukanisa kandi bakatekereza hali ekyo ekibalimu kutekaniza okulya ekiro ekyo rundi okutekereza hali omuzano gwomupira ogubakugya kurora hanyumaho baitu hatali kutekereza hali RUHANGA. Tinsobora kuyamba baitu oihireho okutekereza hali engonzi ezebikorwa eza KUKAMA waitu ahakiro ekyo obuyaheriireyo kimu ebye byoona aha calvary kuraba omukubonesebwa hamu nemihito eya buli mulingo gwoona. Malikwo kweri kiki ekyandibaire ekikorwa ekyengonzi muno ekikukira RUHANGA owahaiguru okukorra abantu kinu? Hati ninyihuka orukaara orwomukusukururwa hali ekyo kyonyini ekya KRISTO alikorra ekanisa eya koya koya hanyuma yabyoona:

 

Okusukururwa 3:16 Nahabweki habwokuba ngu muli koya koya kunu timurukufuka rundi okwokya, ningya okubatanakayo omukanwa kange.

 

Nahabwabuli mikoro yona eyensi eyekwoleka okutwarwa okwekanisa okusembiire, ebigambo ebinatungire enyumaho kuruga hali MUKAMA bitekwa kuba nibitalibaniza muno hali iwe kakusinga oraaba otatekere amaiso hali KRISTO. MUKAMA akangambira ngu abo abajwija okutwarwa baija kuba nkekitereke ekiri haihi nobugenyi (munyikiririzemu, tinkutekereza nti...).

 

Kiki ekikuletereza hali abantu baingi kurora ngu bali omumbeera eya koya koya kandi batetekanirize okugaruka kwa MUKAMA? Ningira nikizokera kimu ngu habwokuba ensi eine obukwataine obukooto muno hali abantu kukira na RUHANGA ayabahangire. Hanu haroho enkaara ezimu kuruga omu Baibuli ezikwolekeza kimu ngu tosobora kuhereza abakama babiri-- RUHANGA hamu nensi-- kandi tiharoho okwikirizibwa okwakasatu okwomuntu:

 

Matayo 6:24 Busaho muntu asobora okuko'ra abakama babiri, baitu alinobaho omu, nagonza ondi, rundi aligumira homu, nagaya ondi. Timurukusobora kuko'ra RUHANGA na mamona.

 

Abarumi 12:2 Kunu mutasisanizibwa nkobusinge bunu: baitu muhindurwe omu Magezi ganyu amahyaka, nukwo mwero're inywenka RUHANGA ebyagonza okubiri ebirungi, ebisemiire, ebihikire.

 

2 Abakorinso 4:4 Kandi omuli abo ruhanga owobusinge bunu akaigara amaiso gamagezi gabatarukuikiriza, nukwo omusana ogwenjiri eyekitinisa ekya KRISTO, nuwe kisisani kya RUHANGA, gutabajwera.

Yohana 17:14 Mbahaire ekigambo kyawe, kandi ensi ekabanoba, baitu tibali bensi, nkanyowe okuntali wensi.

1 Abakorinso 2:12 Baitu itwe tutahabwe omwoyo ogwensi, rundi omwoyo oguruga hali Ruhanga: nukwo tumanye ebi Ruhanga ebyatuhera busa.

Baibuli eine enkaara nyingi muno ezikubazaho omuhanda ogufunda (ogwabataito basanga) ogukutwara hali RUHANGA nka gunu:

Matayo 7:14 Baitu irembo lifunzire nomuhanda ogutaha omu bwomezi muke, nabo abaguzora bake.

 

Eri ensi hamu nokuramya ebisisani byensi ebinyakulemesa abantu kuteeka KRISTO Omukiikaro ekyokubanza omubwomezi bwabo. Hanu haroho bimu ahabisisani ebitakunihirwa ebilemesa abantu Kuteka RUHANGA omukiikaro kyokubanza omu bwomezi bwabo:

 

Ebisisani ebitakunihirwa: okuramya ihanga nkekisisani-- okuramya abaana nkebisisani, okuramya pulani zawe ezomumaiso nkekisisani-- okuramya ekanisa/ediini nkekisisani-- okuramya ekisisani ekigwire ekya karuhanga akataito (okwikiririza omubyahandikirwe ebimu nebimu baitu nokomamu ebimu ebyokuikiriza)-- okuramya ebisisani ebyokweraliikira/obujunanizibwa/emihito-- okuramya ebisisani: ekintu kyoona ekikukuletereza kwiha amaiso gawe hali RUHANGA Otwaliranizemu nokuhambya ebintu byensi, okusemezebwa, amaka, omulimo.

Bataito Muno Nibenyumiriza Omu Ngonzi Zange, Hamu Nokurabura KWANGE

Ebigambo bya MUKAMA:

"Abaana BANGE abobwemi baijwire emyoyo eyomuhakaniza wa Kristo eyekwija kubebembera nebatwara omu kuhwerekera okukumaliirayo.”

 

(Ebigambo ebitungirwe Susan kuruga hali MUKAMA Waitu, Okwaikumi, 8, 2012)

Leka tutandike:

 

Kiro kinu baana BANGE, ninyenda kubahereza ebigambo ebihyaka.

 

Ensi erimu kweyahukanizamu malikwo. Kakusinga oraaba otakakyetegeriize buli tilimu kurora. Haroho obutandwa obulimu kuzanwa, obutandwa obwamaani muno. Nkayandiika akazano kanu obwire bwakara muno-- omubigambo byekitabu KYANGE, ekigambo KYANGE. Hati bunu mulimu kurora oruganikyo runu nirwesukura. Rulimu kubaho tirukwehakanwa. Muli kimu hali oruganikyo runu...

 

Muli bazaani abakuru muno omuli binu...ebiro ebikusembayo. Baingi bahandikirwe kwetororwa. Abo abanyakunyanga... abo abanyakuhinduka nibaruga hali NYOWE.... abo abanyakwirukira omwomunyanzigwa WANGE hamu nensi, habwokuhumuzibwa kwabo hamu nebigarukwamu byabo. Balimu kuhindukira ekibi mumitima yabu kubafuga hamu nokubebembera habwokuba baikiriza ngu kunu nuho ebigarukwamu byabo biri. Byoona binu biija kutwara omukuhwerekerra, kakusinga obumbatirira ekibi habwebigarukwamu byawe. Nubwo oija kuba nokumaliira okwenaku. Kakusinga otunuura hali ekyererezi KYANGE habwebigarukwamu byanyu, nubwo murasanga okuhumuzibwa, oburungi, hamu nokulindwa okurungi.

 

Era nyina naabo omukitabu KYANGE abakukikira Omugole WANGE: ekanisa YANGE eyehikire. Alekere ebindi byoona habwa NYOWE OMUSWEZIWE OMUSAIJA. Ahunguire baruhanga abandi boona abansi abo abali omumutima gwe kandi anseera NYOWE nyenka, OMUKAMA owomwoyo gwe. Ninyowe omwebembezi womutima gwe owanyakuhikire. Abandi boona nibafugwa emyoyo endi emibi eyomunyanzigwa WANGE: emyoyo eyemyepanko, okulemera hakintu, okwegomba ensi, okurogotana hali RUHANGA, obutiini, okuhoora enzigu, obusaalizi, obutaganyira, obusiihani, oburogo, obwemi, obwisi.

 

Abaana BANGE abaine obwemi baijwire emyoyo eyomuhakaniza wa Kristo eyekwija kubebembera nebatwara omu kuhwerekerra hanyuma yabyoona. Nibenda bwenda kuhuliiriza emyoyo eyekubiihabiiha hatali ekigambo ekihikire ekikuruga omukanwa ka MWOYO WANGE ARUKWERA owanyakwikara omumugole WANGE kandi ekanisa eyerukwera.

 

Haroho orutaro orulimu kubaho orwekiirima muno kukira ekintu kyoona ekyokusobora kurora neriiso lyawe-- orutaro runu rukwetoroire wena. Ruli orutaro orwomwoyo gwawe gwonyini-- omunyanzigwa atongoizeho okurumba okutekanizibwe kurungi hali Iwe. Akuteriireho buli mutego gwoona inywe abaana BANGE okugwamu. Kiri habwokuba netabaza ezijwire amafuta zonka kurora ngu nimusobora kurora ebiina ebiserekerwe ebyomunyanzigwa WANGE abatekiireho-- kiri habwokuba netabaza ezijwire amafuta zonka kurora ngu nimwija kurora emitego eyebatekirweho okugwamu.

 

Mutaine amaani agaijwire aga MWOYO WANGE, akukolera omu mwoyo wawe, habwokukora okwehayo okwijwire kandi okumalirizibwe hali NYOWE, timusobora kuhona ekyo ekirimu kwija aha rwigi. Etaara eyenyakwijwire eyekuherezibwa omukuhingisanizibwa nokwehayo okwijwire nikyo ekyererezi; amananu aganyakumulika omuhanda hansi ahamuhanda ogufunda ogukutwara omu kucungura kwange okukwija. Okwehayo okwijwire kunu kwonka-- okufwa hali omubiri gwawe-- nukwo kuihamu byoona omumwoyo gwawe okuletaho omwanya omumwoyo gwawe habwa MWOYO WANGE kwija omuli iwe okwijuza etabaza yawe kandi akakuha amaiso okurora emitego eyamaani hamu nebiina ebitekerweho omunyanzigwa WANGE habwokuhwerekerra kwanyu. Aija okubaita, okubaiba hamu nokubahwerekereza. Asigamiire aha kuhwerekereza abaana BANGE boona. Baingi muno bagwire omungaro ze. Baingi muno baija kuzigwamu bwangu.

 

Ndimu kubarabura habwokuba nimbagonza. Bataito muno nibenyumiza omungonzi Zange hamu nokurabura KWANGE. Babihabihirwe muno omunyanzigwa WANGE ahamu netoko nokusikiriza kwensi. Mutekwa kurugayo omunsi hamu netoko yayo yoona, kandi oculeere na RUHANGA wawe. Ija omukumanya omukaikaro akaculeire akensita, nambere nsobora kukusukura omutima gwange kandi nkakwebembera omumananu kuraba omumpapura zekitabu KYANGE.

 

Esaaha erimu kuhwayo. Mwije mukwikiraniza nokwesengereza Kwange. Mwikirize obwomezi bunu obundimu kubahunguura-- nugwo omukono gwange oguteirwemu omusumaali hamu nomusaraba GWANGE ogwibikirwe omumusaahi. Kunu nukwo okujunwa KWANGE. Kinu nikyo Nyowe RUHANGA ekinakoleire abantu. Engonzi ZANGE zonka zimalirizibwe kandi nizimara habwebyetaago byoona ebyabantu ebitakahikirizibwe.

 

Ija omukwehayo okwokwebundaaza-- okwegarukamu. Seera amaiso GANGE. Ningya kukuganyira kandi nkugare buhyaka kandi oija kunyegaitaho omubukama BWANGE-- oburungi obutahwaho.

 

Nyetekanize kukukwata kandi nkakuleta-- noija?

 

Onu nuwe RUHANGA OWENGOZI

 

OMWANA GW'ENTAAMA KANDI ENTALE.

Ebyahandikirwe ebikugenderaho:

 

2 Timoteo 3:16-17 Ebihandikirwe byoona ebiterekerezebwa OMWOYO gwa RUHANGA nibigasa obwokwegesa, nobwokuhana, nobwokusobo'ra, nobwokugambi'ra okuli omukuhiki'ra: nukwo omuntu wa RUHANGA aleke okuburwaho kyona kyona, abe na byoona ebyegomberwa omulimo gwona omurungi.

 

Enfumo 1:24-33 Baitu nketa, mwayanga; nkago'ra omukono gwange, busaho muntu yakitaireho omutima: Baitu inywe mukadibya okuhanura Kwange kwona, kunu mutaikirize okuhana kwange na kake. Nanyowe ndiseka omu kasumi akomuhito gwanyu; Nditera enaku, okutina kwanyu obukuliija. Okutina kwanyu obukuliija nkekiyaga, nomuhito gwanyu obuguliija nkakai'riringwa; okutuntura nokuhururwa obubiribahika. Balinkunga, baitu tindigarukamu; Balyekamba okunse'ra baitu tibalinzora. Baitu bakanoba okumanya, bategomboze okutina MUKAMA. Bataikirize na kake okuhanura KWANGE kwona. Nikyo balirira ha byana ebyomuhanda gwabu bonka, baliiguta amagezi gabu bonka. Baitu okute'ra okugaruka enyuma okwabatanyina amagezi kulibaita. Kandi omugisa ogwabadomadoma gulibahwerekereza. Baitu wena anyakuhu'ra nyowe aliikara hataroho kutina, kandi aliba nobusinge atarukutina akabi.

 

1 Samuiri 15:23 Baitu obwemi buli nkekibi kyoburogo, nokugumangana kuli nkokuramya ebisisani na terafimu. Baitu iwe okanga ekigambo kya MUKAMA Nikyo uwe akwangiire okutaba omukama.

 

Yohana 10:10 Omusuma taija, rundi okwiba, nokwita, nokuhwerekereza; NYOWE nkaija zibe nobwomezi kandi zibe nabwo obwingi.

Zabuli 91:1 ANYAKUIKARA omu kiikaro ekyensita ekyogu anyakuli haiguru muno nuwe araikaraga ha kiituru kyowobusobozi bwona.

 

ESUURA 3: BUSAHO OKUHINDURA OMULINGO GWEBYAFWAYO HATI

 

Ebigambo bya MUKAMA:

 

"Busaho kuhindura omulingo gwebyafwayo hati."

 

(Ebigambo ebitungirwe Susan kuruga hali MUKAMA Waitu, Okwaikumi, 10, 2012)

Leka tutandike:

 

Baana, ndi RUHANGA owebiro byoona-- nfuga amahanga goona.

 

Ninyija kutwara abange kugenda NANYOWE. Ntekaniirize ekiikaro omugole WANGE. Kiri ekiikaro ekirungi muno omu Iguru LYANGE.

 

Bwangu abo abetekaniize nibagya kuija. Nibaija okuikara omunju ezimbakoleire. Haija kubaho ebintu ebirungi muno ebikuhuniriza ebyokurooraho omumaiso-- oburungi obutakusobororwa.

 

Baana BANGE, muhuliirize nobwegendereza engeri nkugumizamu kubagambira omulingo musobora kwetekaniriza okuija KWANGE:

 

Ninyenda mukole okwehayo okwijwire hali NYOWE.

 

Ninyenda munyegarukiremu nobwegendereza kurugira kimu omumutima.

 

Ninyenda muganyire boona abanyakubetoroire mutakuleka kintu kyona kitamalirizibwe.

 

Ninyenda mube nokwijuzibwa okumalirizibwe okwa MWOYO ARUKWERA nimutaisura ebintu ebyokuhambya ensi, omukuhingisanizamu nenkoragana eyenyakwijwire na RUHANGA wanyu. Mwije omu kumanya-- mumale obwire muli NANYOWE. Mumpe ebyanyu byona mu byona-- mutaine ekimukwesigaliza.

 

Baingi muno baija kusigwa enyuma kurora ensi eyenyakulimu kugaruukira muno omumulingo ogukooto negwa omu ngaro ezomunyanzigwa WANGE. Timusobora Kugonza NYOWE hamu na sente hamurundi gumu-- muija kugonzaho omu kandi munobeho ondi. Timukusobora kukitungira hamu omumiringo ebiri yoona engeri ekanisa YANGE eya koya koya ekutekereza.

 

Busaho okuhindura omulingo ogwebyafwayo hati. Ensi erimu kutandika okugwa nabebembezi ababi boona abanyakwetoroire ensi. Mutekwa kuchwamu: Nimuija okuija obundabetamu? Murankomamu rundi omunyanzigwa WANGE hamu nensi eyakufuga?

 

Kiki ekinkusobora kukora okubatereza kubakakasa ngu okuhwerekerra kulimu kwija omunsi kandi kinu kiri habwokuba ensi ekomeremu okubumbatira ekibi omukiikaro kya RUHANGA wayo?

 

Habwaki abantu nibaikiriza ngu ensi enu ebainiire ebigarukwamu kandi kunu haroho enaku nyingi muno buli hokuhindukira? Kiki ekikubweyabweya hali ekibi hamu nenaku eyenyakuli hona hona eyandikuleterize okwikiriza ngu Engonzi ZANGE, engonzi za RUHANGA tizikumara?

 

Nyiniire pulani obwomezi bwawe. Eri yokukuhereza okunihira hamu nobwire oburungi obwomumaiso, baitu tinsobora kukutwara omu Iguru LYANGE kakusinga oyechweramu kundwanisa-- okwehayo kutekwa kuba kumalirizibwe kandi kwijwire kitalyekyo nitwahukana kandi osobora okubulira omu kuhwerekerra okwa bwangu bwangu.

Mukomemu NYOWE kandi muleke njune omwoyo gwawe. Ndi RUHANGA owasumurra. Nkasumurra buli omubwire bwa NOHA. Omubwire bwa Loti, hamu nomubwire bwa Musa... kandi ningya kwongera ninsumurra omurundi gundi.

 

NINYOWE OWAMAANI.

 

“NINYOWE”

Ebyahandikirwe ebikugenderaho:

 

Zabuli 66:7 Alemesa obusobozi ebiro byoona; amaisoge garole'ra amahanga: otaleka abemi okwenyumiza bonka.

 

Abefeso 6:12 Baitu titurukufukana nesagama nomubiri, baitu nabakuru nabobusobozi nabarukulema ensi abomuirima gunu nemyoyo eyobubi eyomu biikaro ebyahaiguru.

 

Isaya 13:11 Kandi ndibonabonesa ensi habwekibi kyabu, nababi habwokusisa kwabu; ndifwisa emyehembo yabarukwekuza bonka, ndibundaza hansi okwekunika kwabatinwa.

 

Luka 17:26-30 Kandi nkokukyahikirire omu biro bya nuha, nukwo kiriba kiti omu biro byomwana womuntu. Balyaga, banywaga, basweraga, bagabukaga okuhikya aha kiro nuha ekiyatahiremu omu omu bwato, okusandara kwamaizi nukuija nukubahwerekereza bona. Kandi nkokukikaba kiri omu biro bya Loti, balyaga, banywaga, baguraga, baguzaga, babyaraga, bayombekaga, baitu ha kiro Ruta ekiyarugire omu sodomu omu'ro nekibiriti bikagwa okuruga omu Iguru, nubibahwerekereza bona.

 

1 Abasesalonika 5:3 Obubagamba ngu Mirembe, busaho kabi, nubwo okuhwerekereza okwa bwango kubaizira, nkokurumwa okukwizira anyakuli nenda, kunu tibalikira na kake.

Matayo 13:22 Nogu asigirwe omu mahwa, nuwogu anyakuhu'ra ekigambo, nokutabana okwensi, nebisuba ebiitungo bihukya ekigambo nauwe tayana.

 

Enu ebaruha enkuru muno ekatungwa omuhandiiki omu; Hasfa Rashid: Obusinge, ningira kinu kiija okukuhereza omugisa kandi era kikwongereze kimu haihi na MUKAMA YESU:

 

"Obwire bwizire hati obwokusirimuka KWANGE okwabwangu omunsi enu kutwara Omugole WANGE. Nooha Omugole WANGE? Ogwo owanyakulinzire eganduura ye etaine kamogo, neyera, etaine kwefunya, etaine kitonyezi. Ogwo owanyakwerinzire kandi atayegombere ebyokunyumirwa byensi: Ogwo nuwe omugole WANGE.

 

Baingi bagwijagiire, nibapulaningira obwire obwomumaiso bataine NYOWE. Osobora ota kupulaningira obwomezi bwomumaiso otaina NYOWE? Kinu nikisoboka kita, kandi kunu ekigambo KYANGE nikyetegerezebwa muno hali kiki ekyengonzi zawe ezokubanza ekiziine okuba rundi omazire okwebwa ngu ninyowe AMANANU, omuhanda hamu nobwomezi.

 

Omunyanzigwa WANGE abaisire amaiso okubahikya aha rulengo orwobutasobora kurora ekibi ekinyakubetoroire? Ekigambo KYANGE tikikugamba ngu Setani aseera oha awaralya? (Yohana 10:10: Omusuma taija, rundi okwiba, nokwita, nokuhwerekereza; NYOWE nkaija zibe nobwomezi kandi zibe nabwo obwingi.)

 

Mucure kandi munseere kandi ndataisura OMWOYO WANGE kandi nakinu ekisweko ekyokubaita amaiso kiija kubarugamu nukwo musobole okurora engeri kinu kisobora kuba obwabange bonyini engeri banyehindukiriire. Tinkyasobora kugumizamu kurora abange bonyini nibanyehindukirira, kunu nkasasura omuhendo mwingi muno. Nkafwa okufwa okubi okukutinisa muno omungaro zonyini ezabaana BANGE. Kunu nimukyabaliiramu ngu kinu kikaba kutaine ekikiri.

 

Mumatuke inywe abagwijagizi, obwire buli haihi, murole kitalyekyo mwija kugwa omungaro ezomunyanzigwa WANGE. Orwigi rukyakingwirwe habwabo abakugonza kwija hali NYOWE. Nyemeriire aha rwigi ninkonkona, abo abarahuura kandi bakakingura, ngya kutahamu kandi mbaikalemu. Abo abanyakwanga okweta KWANGE, NANYOWE ndibaleka obundigaruka okutwara kugaara buhyaka Omugole WANGE.

 

Imuka O'omugole owanyakugwijagiire. Omugole owanyakulimu okwetekaniriza obugenyi bwe obwobuswezi asobora ata okugwijagira? Tasemeriire kuba natekaniza kandi nayeikaza ayetekanirize ekiro ekisemiire ekyekitiinisa ekyobwomezi bwe, okuba ayegaisire hamu nomugolewe omusaija. Omuhendo gumazire kusasurwa, eganduura ekyairagwire, kwesemeze inywe bagole BANGE, habwokuba nsobora okukwatagana nomugole owarukwera, ataine okwefunya kwona, hamu nekitonyezi kyona. Onu nuwe nkwizira.

 

Mwimuke kandi mwikale nimurora habwokuba ekiro kisembiire haihi ekyokwija KWANGE!”

 

Obutumwa bunu bukatungwa saha Musanju ezekiro (1:00 A.M.) 10th/Okwaikumi, 2012.

Obusinge, Hasfa Rashid.

 

 

Ebaruha hamu nokwolekwa kuruga hali omusomi; Mwene waitu Susan. Kiro kinu 10th, Okwaikumi, Nkarora ekondo eyazabu eyabonekere kuruga omuiguru kandi ekaba neyetorora kuhikya obuyabuzireho kandi nkaba ninyowe nyenka ayagirozire. Bojo kinu nikimanyisaki? Ninfwayo muno kumanya. Boojo cali garukamu. Mukama akuhe omugisa.

 

Ekigambo kuruga hali MUKAMA ekikubazaho okwolekwa kunu: Kanu Kali karooraho mali akokwija KWANGE-- ndimu kwizira omugole WANGE owakunyorobera owanyakulimu kunseera. Abandi boona baija kusigwa. Musobora kubara hali okwolekwa kunu, nikwesigwa.

 

 

Okugonza KWANGE-- hanu honka niho musobora kuba kurungi

Kyakana, 25, Okwaikumi 2012

 

Ebigambo bya MUKAMA: "Muli bomunyanzigwa WANGE kakusinga muraba nimundwanisa kandi mutali omu Kugonza KWANGE.”

Ebigambo bya MUKAMA ebya kiro kinu.

 

Abahondezi ba KRISTO abagonzebwa abesigwa:

 

Matayo 22:1-5 YESU akagarukamu nabaza nabo omu nfumo nagamba ati obukama obwomu Iguru nibusisanizibwa nkomuntu akabali omukama, ayacumbire omwanawe obugenyi obwobugole, natuma abairube rubaale okweta abeserwe hali obugenyi obwobugole: bakanga okwija. Kandi yatuma abairu rubale abandi nagamba ati mubagambire abeserwe ngu Dora, ncumbire obugenyi bwange: ente zange nezebisajwa zisirwe na byona bitekanize, mwije ha bugenyi obwobugole.

 

Enyumaho, nkaba ninsoma hali emitwe yamakuru eyitusembereyo kuhandiika eyekubazaho repota eyobwire bwempero eyitwaheriize kandi nkahuniira muno. Kandi nayetekerezaho ngu "Omuntu mali asobora ata kurora emitwe yamakuru enu kandi akalema kwetegereza ngu tuli omubwire bwempero kandi ngu nobwire obwokugaruka kwa MUKAMA buli haihi muno?” Orutaro rwa semataro eyakasatu rusembiire haihi kandi na Isaleri eri hagati na hagati honyini eyekikorwa-- baitu mutebwa ngu obwa MUKAMA araija, abantu baija kuba bali omu ruculeero rwabo, kusigikiira hali ebyahandikirwe okubikugamba. Kandi kunu abakurisitaayo hamu nabaliisa bekanisa nibakyayendera kimu kubazaho okuba hanu emyaka nyingi muno omumaiso, baitu kinu nakyo muno buli bunabi obwomubaibuli obulimu kuhikiira ngu abantu baija kukwatwa batetekanize-- abakukira obwingi omulibo.

EBIGAMBO BYA MUKAMA:

 

"Mukingule amaiso ganyu kandi murole hali ensi eyenyakulimu kuhinduka negenda omumihanda eyomuhakaniza wa Kristo hamu nenyikiriza."

 

(Ebigambo ebitungirwe Susan kuruga Hali MUKAMA waitu, Okwaikumi 18, 2012)

 

Muhara WANGE, NINYOWE, MUKAMA wawe kuruga haiguru:

 

Esaaha erimu kusembera haihi kandi ndimu nokusembera haihi muno. Busaho kugurukya gurukya ngu okwija KWANGE kusembiire Haihi. Tindukwetaaga abaana BANGE babe omukuburanganizibwa kunu baine bingi muno ebyokuroraho mumaiso hanyuma Yange kubaihamu kubatwara omu maka gabu hamu nomukulindwa haiguru omumwanya GWANGE.

 

Haroho okuba kurungi hansi yomusikati ZANGE. Kunu niho nambere muli kurungi. Mutatekereza ngu musobora kusanga okuba kurungi ahandi hoona. Mwije hagati na hagati yokugonza KWANGE-- hanu honka niho muli kurungi. Tiharoho ekiikaro ekindi kyoona ekikutwara omukuba kurungi. Ebiikaro ebindi byoona nibyebembera nibitwara omu kuhwerekerra hamu nomukufwerwa okutahwaho. Habwaki nimwesibiira muno hali entekereza ngu ensi ebainiire ebigarukwamu hali okuyayana kwemitima yanyu-- omutima ogukwikara nigusera ebigarukwamu hali emihito yensi enu?

 

Mutalemwa okuhakaniza emihanda yensi enu. Habwakaire byoona nibikyaisana nkebirungi, baitu kakusinga oyeikiriza okuhabisibwa notwarwa omubisuba hamu nokubihwabihwa okwensi eyenyakuli aheeru yokugonza KWANGE-- okuhwerekerra kwanyu kukakasibwe kandi kusangirwe. Okufwa kwanyu kutegekere kandi nokumaliira kwanyu kukakasibwe.

 

Okugonza KWANGE kwonka, omuganda GWANGE gwonka, amananu GANGE agakutwara hansi ahamuhanda ogufunda gaija okukwebembera omu bwomezi obutahwaho omubukama BWANGE obwoburukwera hamu nobusinge. Haroho ensi aheeru okwo eyenyakulimu kubansikaho. Etekanizibwe omunyanzigwa WANGE okubasikiriza hamu nokubabihabiha. Mugirugemu inywena. Kuseere omuhanda gwanyu ogukugya omumuhanda gwange ogufunda.

 

Tinkwija okukererezamu okwija KWANGE omurundi gundi. Ensi erimu kweyongera kwijura ekiirima. Bwangu muno mwija kuba mutakyasobora kurora engaro zanyu ezinyakubali omumaiso-- ekibi hamu nekiirima biija kuba bikwasire muno. Ekiirima kyona kibetoroire. Mukingule amaiso ganyu, kandi murole Hali ensi eyerimu kuhinduka eyerimu kugenda omumihanda yoona eyomuhakaniza wa Kristo, hamu nenyikiriza. Ekigambo KYANGE ekisemiire hamu namananu GANGE biija bwangu kusikwamu omwoyo womuhakaniza wa Kristo owalimu kurubata omunsi.

 

Omugole WANGE aija kwihwamu kandi abo abasigaire baija kurora enguzi eyekukirayo hamu nokutinisa okwomuntu atakamanyaga. Musobora kwehara ekirooto ekyokutiinisa kinu. Mukwatiriire hali MUKAMA wanyu... mwirukire omu sikati ZANGE. Mwemigirize omuli NYOWE habwokutunga amananu goona, okukingurwa amaiso ganyu hamu namatu ganyu gakingwire hali amananu. Hati nubwo obwire obwokumanya RUHANGA wanyu-- hatali hanyumaho. Hanyumaho haija kuba hakereriirwe muno.

 

Mumpindukire omukwehayo okwijwire. Munyegarukiremu ebibi byanyu byoona. Munyoleke engonzi hamu nokuganyira abandi abanyakubetoroire. Mwije hali NYOWE mutunge Okwijuzibwa okwa MWOYO WANGE. Aija kubebembera kubata omumananu hamu nomukuba kurungi, okukizibwa hamu nokumalirizibwa.

 

Ensi erimu kujunda,nechweka. Bwangu eija kuba nkoruku orukwaka rulimu kufwa. Mwije omukwahurwa okurungi NANYOWE-- OMUJUNI AYEBUNDAIZE.... IBARA LYANGE NIRYO HOSANNA-- AMAANI AGAHAIGURU MUNO.

 

Ebyahandikirwe ebikugenderaho:

Yohana 12:25 Anyakugonza obwomezi bwe, bumubura, baitu anyakunoba obwomezibwe omunsi enu alibulinda okuhika ha bwomezi obutahwaho.

 

Matayo 23:37 Yerusalemu, Yerusalemu, arukuita banabi, atera amabale abantu abatumwa namberoli, emirundi ka mingi, nakugondeze okusoroza abana bawe, nkenkoko obwebumbatira obwana bwayo omunda yamapapa gayo, kandi mutagonze!

Matayo 7:14 Baitu irembo lifunzire nomuhanda ogutaha omubwomezi muke, nabo abaguzora bake.

1 Yohana 4:3 Baitu omuntu wena owanyakwehakana kinu hali YESU taine OMWOYO oguruga hali RUHANGA.

 

 

 

 

Ebigambo BYA MUKAMA:

 

"Oli munyanzigwa WANGE kakusinga oraaba nondwanisa kandi otali omu Kugonza KWANGE.”

 

(Ebigambo ebitungirwe Susan kuruga hali MUKAMA, Okwaikumi, 19, 2012)

Huliriza ebigambo BYANGE-- handiika ebigambo binu:

 

Ensi erihaihi okugwa omu kavuyo. Kali kavuyo akomunyanzigwa WANGE. Kali kavuyo akekibi. Obusinge...engonzi, obulinzi byona biruga hali RUHANGA. Ekibi kizaara okuburanganizibwa, akavuyo, hamu nobwemi. Enu niyo embaganiza enyakuroho hagati yobukama bwa RUHANGA hamu nobukama obwekibi obwo'Munyanzigwa WANGE.

 

Kakusinga otankomamu, oli womunyanzigwa WANGE oba kiki ekindi ekyokwikiririzamu. Oli womunyanzigwa WANGE kakusinga oraaba nondwanisa kandi otali omu Kugonza KWANGE. Nobuhakuba abo abanyakugenda omu kanisa, bakeisaniza abanyadiini, bali za sitaani kakusinga baba bali koya koya kandi babuliire omu mihanda yabu. Ekigambo KYANGE tikigamba kinu?

 

Musobora kwekolera milioni zebyekwaso okwenda kurubatira omu KUGONZA KWANGE okuhikiriire mukenda okwesemeza nimutekereza ngu byoona biri kurungi hagati yaitu, baitu baingi bali omu gehena hati abanyakwikiriize kinu nabo. Okuzina na setani kwina emiringo nyingi muno. Niyo ensonga habwaki ali mubiihi muno webisuba kandi worugezigezi. Oihireho kuba omukugonza KWANGE, oba nokolera Omunyanzigwa WANGE nobuwakuba noikiriza ota ngu oli muhikiriire. Akatumbisa kataito muno akamu kasisira kimu ekintu ekikooto.

 

Timusobora kurwanisa nokufuga ekibi kinu omunsi enu omumubiri mutaine okwijuzibwa okumalirizibwe OKWA MWOYO ARUKWERA nobukiraaba baingi balengaho kandi baikiriza kundi. Baingi baija kufwera omu kurwanisa kwabo kandi batahe omu gehena. Baingi muno baija omu kubaho KWANGE nibaikiriza ngu byoona biri kurungi hagati yaitu kuzora kwonka ngu okuba aheeru yokugonza KWANGE okuhikiriire, hali obwomezi bwabo, nuho hali okufwa hamu nokuhwerekerra hamu na gehena eyetahwaho.

 

Osobora ota kumanya obworaaba oli Omukugonza KWANGE okuhikiriire?

 

Haroho omuhanda gumu gwonka: mwije hali NYOWE kandi mukole okwehayo okwijwire-- mumpereze byoona otwaliranizemu na pulani zanyu ezomumaiso hamu nokugonza kwanyu. Leka mbasweke omumusaahi GWANGE ogurungi muno kandi nkwijulize kimu na MWOYO ARUKWERA WANGE. Weihemu byoona. Wefwereze byoona. Saba okutunga OMWOYO WANGE wena-- okwehayo okwebundaize-- nimunfwolera kimu omukama wanyu kandi MUKAMA wanyu. Oihireho kinu, okyali musibe womunyanzigwa WANGE. Ali isiinywe kandi ekibi nikyo omukama wanyu kandi okora okugonza kwakyo hamu nokwetaaga kwakyo nimurwanisa obukama Bwange.

 

NINYOWE OMULIISA. Entaama ZANGE zihuliriza iraka LYANGE, entaama ZANGE zimanyire iraka LYANGE, Okugonza KWANGE. Entaama ZANGE zikora okugonza KWANGE Kandi ningya kubajuna obundaija okucungura obange kuruga omu bikutiinisa ebirimu kugya kwija hali ensi hamu nabanyakwine obwemi abarasigara. Okutiina okwamaani kwija okutera abo abarasigara enyuma, nahabwekyo mwije hali NYOWE hati omu kwehayo okwijwire. Mwegarukemu ekibi kyanyu ekimukozire hali RUHANGA OWARUKWERA; muganyire abo abanyakubetoroire, habwokuba hataroho okuganyira, timukwija okutaaha omu bukama BWANGE.

 

Ninyizira abo bonka abakwendera kimu okuba omu Kugonza KWAGE. Binu nibyo ebyetaago BYANGE okutunga eganduura yange eyetaine bitonyezi, bibara, hamu nokwefunya.

 

Mwije hati obwire butakahoireyo okutekaniza ekijwaro kyawe hamu nokuba neganduura eyesemeriire eyobugenyi bwange Obwobuswezi. Abo bonka abanyakujwaire kurungi nibo bakwija kuba ahabugenyi. Leka mbajweke omu kwebundaaza, okuhikiira kandi mbatekanirize okwija KWANGE okwavwangu okubacungura.

 

Esaaha eri haihi. Eidirisa eryobwire hagati yasaha zinu hamu nokuhika KWANGE omunsi bulimu kukendeera bwangu muno. Ndimu kuhereza okurabura kwingi muno. Bataito muno balimu kuhuliiriza. Bataito muno baija kwihwamu kugenda omu kuba kurungi. Mwogye eganduura zanyu omumusaahi GWANGE.

Esaaha erimu kuhika eyokugaruka KWANGE. Ekiirima nikyetorora haiguru omunsi.

 

Tindi muntu ngu ndabihabiha,

 

OMUJUNI OWEBIRO BYOONA owabantu.

Yohana 6:70 YESU yabagarukamu tininyowe nabekomire inywe ikumi nababiri, kandi omu halinywe was setani?

Abarumi 3:13 Omumiro gwabu kiituro ekyasamiire,nibabihabiha, nendimi zabu: obusegwe bwenchwera buli munda yeminwa yabu.

Okusukururwa 7:14 Timanyire sebo, omanyire. Nagarukamu! Yangambira ati banu nibo abantu abanyakurugireyo kurungi omu kubonabonesebwa okuzibu muno. Bogeze eganduura zabu kandi bazeza, nomusaahi gwomwana Gwentaama.

 

Yohana 8:44 Muli ba Isiinywe setani, kandi nimugonza kukora okwegomba kwa Isinywe. Ogu okuruga kara na kara akabali muisi; takaikaraga omu mananu, baitu amananu busamu omuluwe. Obwabiha ebisuba, buli agamba ebye, baitu ogu mubihi nuwe ise ebisuba.

 

Abagaratiya 5:9 Ekitumbisa kike, kitumbisa ekiihuro kyoona.

Yohana 10:27 Entama ZANGE, zihu'ra iraka Lyange, nanyowe nzimanya, nazo zinkuratira.

 

Okubara 23:19 RUHANGA tali muntu abihe ebisuba; kunu tali mwana womuntu, ayeyijukye, Akagamba, talikikora? Rundi akabaza talikihikiriza?

 

 

 

 

 

EISOMO LYEKINTU: OKUKOMA HALI EKIBI

 

Mpakanizibwe muno hali habwaki abakurisitaayo batasobora kunagira akaruuru hali ekibi nobukiraaba ngu baingi muno hati baikiririza omu kusagika ekibi ekitoitoho hali ebibi ebibiri binu. Ninyenda kubahereza isomo lyekintu erinatungire kuruga hali MUKAMA enyumaho.

 

 

 

MUKAMA aine ekiyansukuliire kuraba omuli mutabani WANGE, owanyakwine ekisembo ekikuhuniriza ekyokurora omunsi eyomwoyo. Mutabani wange obuyali aine emyaka 14, huwe hamu Nanyowe tukagenda hamu okulya, kandi obutwali tukyali omu hoteri, mutabani Wange akahura yasindikibwa okuhereza baibuli ye hali omusigazi ayali asendekerezibwe abasaija bana abakuru. Abakuru bana banu bali batasobora kwikiriza omusigazi okwikiriza baibuli yomutabani Wange engeri basoboroire ngu bali bediini eya Jehovah's witnesses-- oburogo obunyakumanyirwe obukurwanisa abakurisitaayo. Abantu bataano banu baikaara haihi naitwe hali emeeza eyenyakwetoroire, kandi obutwali nitukyalya, mutabani wange akarorarora haiguru yabo kandi yangambira ngu akarora emizimu enkooto muno ena-- buli gumu gwemeriire enyuma yabuli muntu omu omukuru hamu nogundi gumu ogugufu gwemeriire enyuma yomusigazi nomukono gwagwo gugutaire ahamutwe gwomusigazi.

 

2 Yohana 1:10-11 Nahabwekyo omuntu wena, obwalibaizira atalesire enyegesa enu, mutalimutangiira omumaka ganyu; mutaligamba nokugamba ngu obusinge bube naiwe. Habwokuba omuntu wena anyakubagondeza obusinge afwoka mugenzi wabo omu bintu ebibi ebibakora.

 

Nekyahandilirwe kinu mubiteekerezo-- nikyemerra kimu kwoleka ngu tosemeriire kuleta abantu nkaabo omuka yawe abakukora ebyoburogo nka Jehovah's witnesses habwokuba nibakolesebwa emisimu engeri MUKAMA yakinyolekiire kimu kuraba omuli MUTABANI WANGE. Aboburogo obwa Mormon (baikiriza ngu mwene wa MUKAMA ni lucifer) ngu Mitt Romney huwe na Barack Obama nibasagika okuhagira ediini yabasiramu tibahukaineho nakamu nedini ya Jehovah's witnesses kakusinga obasoma. Oburogo bwomuhakaniza wa Kristo. Boona bali hara muno kuruga hali enjiri ya KRISTO.

 

Hati ekintu ekindi ekya MUKAMA yansukuliire, nikigendera kimu hantandikwa yobwire omukubanza obwekibi kyatahire omunsi, kandi na Adamu hamu na Hawa balya ahamuti gwa Magezi agokumanya ekibi hamu nekirungi. Abakurisitayo betegereza ngu Adamu hamu na hawa bakalya aha muti gwamagezi agekibi kandi nubwo ekibi kyatahire omunsi-- kandi kiki hali amagezi agekirungi? Kurungi amagezi gekirungi hanu eri nsonga eyensi esobora kukora ebikorwa ebirungi oihireho okuba omu Kugonza Kwa RUHANGA okuhikiriire. Ekyokurooraho: obwabantu ababi bakora ekurungi,kandi nabuli omu akamanya ekirungi ekyo-- kinu tikiri kirungi malikwo. Kiri abasaija ababi kugamba ngu nibasobora okukora ekirungi bataine MUKAMA, kandi ngu nensi embi tekwetaaga obusobozi obwa RUHANGA halibo kandi ngu basobora kwirukanganiza ebintu kurungi bali omu mubiri gwabo bataine RUHANGA. Ago nigo amagezi gekibi.

 

Okubanza 2:17 Oihireho omuti ogunyakuha amagezi hali ekyo ekirungi hamu nekyo ekibi. Mutekwa butalya ekijuma ekyomuti ogwo; obumulikirya mulifwa ekiro ekyo.

Kinu nikyo kyonyini ekyabakurisitayo balimu kulengaho kubumbatira obubakukoma Mitt Romney owanyakuli munziha noburogo obwa Mormonism. Nibenda kwikiriza ngu Mitt Romney ngu asobora kukora ekirungi kuraba omumusingi gwe ogwoburogo (akwasirwe emizimu) ogwa Mormonism kandi ngu kasta kiba nikizooka kirungi, kandi kyengeso kusigikiira hamitwalize yabantu, ngu byoona biri kurungi. Kurungi byona tibiri birungi nentekereza enu-- bali bakuristayo bonka abanyakulimu kuhinduka nibahindukira ensi hamu nemitwalize yabantu nambere hali okunihira kwabo, omukiikaro kwokuhinduka okuruga omu kibi hamu nokwemerezibwaho CHRISTO, nobukiraaba ngu embeera nizisana zita.

 

Tinsobora kuyamba oihireho kwijuka ekigambo kya mutabani wange ekikuteeza enduuru ekyokurora emizimu eyekusendekereza aba Jehovah's witnesses abarogo abaikaliire aha ntebe haihi naitwe. Tusobora tuta itwe nkaba kurisitaayo okusagika obwebembezi obunyakwine engenderwaho ezombekerwe aha musingi gwekibi?

 

1 Abakorinso 10:21-22 Timurukusobora okunywa ha mpwahwa ya MUKAMA waitu na ha mpwahwa yabachwezi: timurukusobora okubagana ha meza ya MUKAMA waitu, nemeza yabachwezi. Rundi tumukwasa ihali MUKAMA waitu? Rundi tuli bamani okukira uwe? Nitukwasa MUKAMA eitima? Tuli bamaani kumukira?

 

Ebigambo kuruga hali MUKAMA ebikubazaho okukoma kunu okwabebembezi ababi:

Baana, ninyowe MUKAMA wanyu.

 

Mwizire omumbeera eyetakyasoboka. Muhumiire ekisiika. Timwine anyakwesimbireho omwomezi. Kinu tikiri kyakagisa bugisa, kiri habwa dizaini. Mpangire dailema enu. Ninyenda mutunurre hali ekyo ekirimu kubaho, ensi yanyu erimu kugwa. Kiri habwokuba ensi ehindwire omugongo gwayo hali NYOWE Nobuhakuba abo abanyakweyeta neibara LYANGE. Bakozire engonzi hamu nensi kandi hati batekwa kwikara kusigikira nebirarugiiramu. Kinu nikyo kibaho obwohindura omugongo gwawe hali RUHANGA. Timwine kagisa koona akamulekirweho. Kakusinga okoma ekibi, oba oine ekibi kyonka. Kakusinga otekereza ngu haroho ekibi ekitaitoho hali binu bibiri, era oba okyaine ekibi. Kiki ekyotarukwetegereza hali kinu? Ndimu kukuhambisiriza okuntunurra. Mpindukira, kandi oteeke obwomezi bwawe hansi habigere BYANGE obwire butakahoireyo muno.

 

Tinkwija kukutwara kakusinga oragumizamu okukwatirira ensi enu habwebigarukwamu byawe. Ensi eri munyanzigwa hali NYOWE. Ekigambo KYANGE tikikigamba? Hindukira ensi habwebigarukwamu byawe kandi kakusinga oraswera ensi enu: obundagarukira omugole WANGE; tinkwija kukumanyiira kandi oija kusigwa enyuma. Kinu nikyo nyine okukubaliza obworaaba otamanyire ekyokukora. Ekigarukwamu kiri ngu teza amaju gawe mumaiso GANGE kandi oyetekanirize okugaruka KWANGE. Onu nuwe RUHANGA OWAKUKIRAYO.
  

Ensi Erimu Kuchweka

 

Kyakasatu, 31, Okwaikumi, 2012

 

Ebigambo bya MUKAMA: "Ensi erimu kuchweka. Erimu kweyahukanizamu. Ndimu kusikamu omukono GWANGE."

 

Ebigambo Bya MUKAMA ebya Kiro kinu.

 

Abahondezi ba KRISTO Abagonzebwa abesigwa:

 

"Obwire buhoireyo muno habwanyu okwetekaniriza okutwarwa?"

 

Nahabwekyo obumu nobumu abantu bampandiikira nibankaguza hali okujunwa kwabo hamu nokwetekaniza habwokutwarwa kwekanisa okwabwangu-- kandi nibenda kumanya obukuraaba obwire bubahoireho habwobwomezi bwabo obwenyuma obubabaire baine obwekibi? Nahabwekyo hanu haroho ebigambo ebimu ebyokugumya hali boona abanyakuhuniira ngu obubaraaba batakusobora okugenda omukutwarwa kwekanisa okulimu kwija:

 

Abarumi 3:9-18 Nukwo kiki? Itwe ntukirabo? Nangwa na kake: baitu tumazire okuhambiriza abayudaya Nabayonani ngu bona nibatungwa ekibi: nkokukyahandikirwe ngu busaho ahikire, busaho nomu: busaho ayetegereza, Busaho ase'ra Ruhanga: Bona bakahaba, bakasisikara hamu: Busaho akora kurungi, busaho nomu: omumiro gwabu kiituro ekyasamiire nibabihabiha nendimi zabu obusegwe bwenchwera buli omunda yeminwa yabu, Akanwa kabu kaijwire okukyena nokusa'ra: Ebigere byabu nibyanguhi'ra okusesa esagama: Okuhwerekereza nemihito biri omu mihanda yabu; Kunu omuhanda gwobusinge tibakagumanyaga: okutina RUHANGA tikuli omu maiso gabu.

BULI OMU WENA AYANGIRE MUKAMA-- baitu nka Lydia omungeso ezabakwenda 16:4, MUKAMA akakingura omutima gwe:

 

Engeso ezabakwenda 16:4 Kandi obubakaba nibaraba omumbuga, babaha ebigambo okubikwata ebyaragiirwe abakwenda nabakuru abakaba bali Yerusalemu.

 

KIRO KINU, OBWORAABA NOSERRA RUHANGA--TIWAKUBAIRE NOSERRA RUHANGA KAKUSINGA YAKUBAIRE ATALIMU KUKWEGARURRA HAIHI.

 

Omu Yohana 6:44 Busaho muntu asobora okuija namberendi, Isenyowe ayantumire obwatamucunda; nanyowe ndimwimukya ha kiro kyahampero.

 

NAHABWEKYO IJA HALI MUKAMA KIRO KINU NOMANYA NGU TOKAKERERIRWE MUNO-- ERI NSONGAYE KURORA NGU IWE OJUNIRWE! WEGARUKEMU EKIBI KYAWE. HAYO EBYAWE BYOONA HALI OKUGONZA KWE. SABA OKUTUNGA ETABAZA EYEIJWIRE AMAFUTA OKWETEKANIZA KANDI OROLE AMANANU. OKUJUNWA KWAWE KUSOBORA KUKAKASIBWA-- NOBUHAKUBA KIRO KINU!

Ebigambo bya MUKAMA:

 

"Ensi erimu kuchweka. Erimu kweyahukanizamu. Ndimu kusikamu omukono GWANGE"

 

(Ebigambo ebitungirwe Susan kuruga hali MUKAMA Waitu, Okwaikumi, 26-27, 2012)

 

Nyetekanize okukuhereza ebigambo:

 

Ensi erimu kuchweka. Erimu kweyahukanizamu. Ndimu kusikamu omukono GWANGE. Ndimu kwihamu emikono ensi enu ninyihaho omukono GWANGE ogwobulinzi. Ndimu kugaruura obusobozi obukulema ensi enu, abo abakwanga okumpondera. Ndimu kubaikiriza okuhambibwa okufuga kwomunyanzigwa habwokuba abantu bampindulire emigongo yabo kandi bagumya emitima yabu. Bangire okuhondera MUKAMA wabo hamu Nokugumizamu okuhindukira ensi.

 

Bwangu, ninyija okusabayo omukazi owunkoleriire. Nkasasura omukaaga gwe. Nkagusasura gwoona. Gukaba omuhendo gwingi muno. Aikaire agusemeriire kandi nakubaire ningugarukamu omurundi gundi, baitu omusaahi GWANGE aha musaraba guli gwamaani muno kandi gusweka ebibi byoona ebyabasisi abanyakwegarukamu kandi nobwomezi bwabo bwona BWIJWIRE NYOWE. OKWEHAYO OKWIJWIRE, okwegarukamu hamu nokusaba okwijuzibwa na MWOYO ARUKWERA WANGE hamu nokuhingisaniza obwomezi bwawe nokwijuzibwa kwa MWOYO WANGE.

Mutekwa kumanya, baana BANGE, ngu ensi enu tesobora kwemerezibwaho omunyanzigwa WANGE, emihandaye, hamu nabasaija ababi abakwiruka nkabomukisaka batakebirwe RUHANGA ARUKWERA. Kandi kunu kinu nikyo baingi muno bahabya kwikiriza. Okugwa kwabo kukakasibwe kakusinga baragumizamu omurukaara rumu orwentekereza.

 

Nyetekanize okuleta obwomezi obuhyaka hali abo bonka abakubwenda. Ndeeta obwomezi obutahwaho hali abo bonka abanyakubona oburumi hamu nenaku eyensi enu eyerimu kufwa eyenyakwebaganizemu hali RUHANGA ARUKWERA. Busaho kirungi kyoona ekinyakurugamu omu kwebaganizamu hali engonzi Za RUHANGA.

 

Esaaha yanyu ngufu muno eyokutereza ebintu NANYOWE. Mwerinde: Tindi RUHANGA owasobora kuzanisibwa. Ensi erimu kutembya ekibi ekintakusobora okwongera kugumisiriza.

 

 

Ebaruha eyongezibweyo Okwaikumi, 27, 2012:

MUHARA WANGE, leka tugumizemu:

 

Baana, habwaki nimugurukya gurukya ebigambo byange muti? Habwaki nimusoma ekitabu KYANGE kandi mukakigurukya gurukya muti? Timusobora kurora ebigambo byange nibihikiira? Timukurora ensi engeri ekuhindukira ekibi? Kinu kirimu kubaho omunsonda ina zoona ezensi. Tiharoho ekitonyezi kyoona ekisigaire omunsi ekitakahindukire kuruga hali RUHANGA OMWOMEZI-- boona banyanga. Nyangirwe omu kwetegereza amananu GANGE, enyegesa ZANGE, hamu nemihanda YANGE.

 

Abantu banyanga habwokuba nibagonza emibiri yabu. Nibenda okusemeza emibiri yabu hamu nemihanda yabu eyobuntu eyekurwanisa Ekigambo KYANGE ekikikugamba: okwegarukamu, okuganyira, okweherayo kimu hali MUKAMA wawe, hamu nokwefwera hali omubiri gwawe wenka. Kinu kihakaniza okwegomba kwabu okwensi. Tibasobora kuba namananu, kandi bahakaine namatu gabu okuhurra enyegesa ezihikire kuruga hali MWOYO ARUKWERA. Huwe wenka ayegesa amananu. Amananu ganu gasobora kwija habwo KWIJUZIBWA KWA MWOYO ARUKWERA WANGE kyonka, ekikusobora kukorwa OKWEHAYO OKWIJWIRE hali NYOWE, OMUJUNI Wawe.

 

Kasta omara okuhayo ebyawe byoona hali NYOWE Kandi okanfwora MUKAMA wawe kandi OMUKAMA kandi okasaba okutunga OMWOYO WANGE, omumutima gwawe kwonyini, nubwo OMWOYO WANGE aija okukwikaramu kandi aterekereze emihanda yawe kandi akwebembere omumananu goona hamu nokwetegereza emihanda YANGE, hamu nokugonza KWANGE hali obwomezi bwawe. Kuhikya kinu obukimara okubaho, kitakabaireho muba mukyali koya koya, muijuzibwe ebichweka, rundi mutaine OMWOYO WANGE, kandi nokwetegereza kwanyu okwekigambo KYANGE hamu namananu GANGE oija kuhiburanganisa. Oija kutunga enyegesa eyabantu, hubo bonka abanyakuli aheru yokugonza KWANGE, kandi nokwetegereza kwanyu okwekigambo KYANGE kuija kuba kutahikire. OMWOYO ARUKWERA WANGE wenka obwaba atungirwe omu BWIJWIREBWE BWOONA, omu bwomezi bwawe nuwe asobora kukuhereza okwetegereza kwenyini okwekigambo KYANGE hamu namananu GANGE. Nubwo obu murayetegereza ekigambo KYANGE kandi musobole okukitekakwo omunkora omubwomezi bwawe. Kinu nikyenda OKWEHAYO OKWIJWIRE hamu nokufwa hali omubiri gwawe.

 

Mutekwa kukomamu okwegondeza kinu-- inywe inywenka musobora kuchwamu. Busaho nomu owasobora kubakorra kinu. Engeri oija okwemerra wenka omumaiso gentebe yange eyokuchwa omusango, nukwo oti okujunanizibwa nokujunwa kwawe. Chwamu kiro kinu: oraija hali NYOWE kandi okaba WANGE rundi oranyanga? Enchwamu enu eri yawe kukora. Mukomemu kirokinu oha owumurahereza-- RUHANGA omwomezi rundi omunyanzigwa wa RUHANGA hamu nokufwa okutahwaho.

 

Esaaha erimu kuhika eyokugaruka KWANGE. Oraaba woha obundamara okuzookaho okutwara omugole WANGE kandi nkamuteka omukuba kurungi?

 

Ndindiriire ekigarukwamu kyawe,

 

RUHANGA OMWOMEZI,

 

RUHANGA owabomezi.

 

 

Ebyahandikirwe ebikugenderaho:

 

Luka 20:38 Nukwo, tali RUHANGA wabafu, baitu wabomezi: baitu bona bomire habwe.

 

Abefeso 6:12 Baitu titurukufukana nesagama nomubiri, baitu nabakuru nabobusobozi nabarukulema ensi abomuirima gunu, nemyoyo eyobubi eyomu biikaro ebyahaiguru.

 

Yohana 12:31 Hati bunu ensi enu nechwerwa omusango hati bunu omukuru wensi enu arabingirwa aheru.

 

Yohana 12:40 Akabaita amaiso, nabagumya omutima; baleke okurora namaiso nokwetegereza nomutima, bahinduke, Nyowe mbakize.

Abafilipi 2:12 Nukwo abarukugonzebwa bange, nkokumwahulire ebiro byona, tibuli bwonka obunkaba ndoho, baitu okukira obunkaba ntaroho, muhikirizege okujunwa kwanyu inywenka omukutina nokutukumira.

Abarumi 8:6 Baitu okutekereza okwomubiri nukwo kufa; baitu okutekereza okwomwoyo nubwo bwomezi nobusinge.

Luka 14:27 Wena atahimba mutigwe wenka naija enyuma YANGE, tasobora okuba mwegeswa WANGE.

1 Abakorinso 2:10-13 Baitu RUHANGA akabisuku'ra halitwe omu Mwoyo: baitu Omwoyo ase'ra byoona, nebitarukumanywa ebya RUHANGA. Baitu muntu ki amanyire ebyomuntu, rundi omwoyo ogwomuntu oguli omuluwe? Nukwo busaho amanyire ebya RUHANGA, rundi Omwoyo gwa RUHANGA. Baitu itwe tutahambwe omwoyo ogwensi, rundi omwoyo oguruga hali RUHANGA, nukwo tumanye ebi Ruhanga ebyatuhereza busa. Kandi nibyo tugamba hatali omu bigambo amagezi gabantu ebigegesa, baitu omwebi Omwoyo ebyayegesa obutuinganinganiza ebyomwoyo nebyomwoyo.

Abarumi 14:10 Naiwe nohendere'ra ki mwene wanyu? Rundi naiwe noburanganiriza ki mwene wanyu? Baitu itwena tulyeme'ra omu maiso gekitebe ekichwerwaho emisango ekya RUHANGA.

 

 

 

Engenderwaho ahali Omulingo MWOYO ARUKWERA ayegesa: http://www.takehisheart.com/holyspiritspiritualthings.htm

 

Omugonzebwa Susan Davis, ibara lyange ninyowe, Andre Kofi Akyere kuruga Christian Palace International Ministries omu Florida, USA. Nkatunga okwolekwa omubwire bwekiro, hali obwire bwempero obunyebembirwe okukusindikira habwokusobolerwa hamu nokurabura America.

Okwaikumi 26, 2012, nkatunga okwolekwa omukiro, nkaba nyemeriire hagati Yeiguru hamu nensi haiguru ya mapu ya America. Nkarora ekicu kandi omuhagati yekicu, hakaba halimu omurro kandi ekicu kyakingura kandi nomurro gwatandika okuhwerekereza omwaro gwa bugwaizooba lyeihanga lya America kandi hamwaro gwa buruga izooba, emiijuzo yatandika okusweka itaka. Hakaba haroho emyoyo esatu kuruga omumaizi kandi nayongera nayerora ngarukire ahaitaka omunsisira zabu. MUKAMA akampereza Yeremiya 25:15-22: IRAKA LYA MUKAMA lyanyizira nirigamba liti ngu kinu nikyo EKINIGA KYANGE, hamu nokuramura KWANGE. Nibetaaga okwegarukamu kuruga omu busihani obwamaani muno.

 

Susan akatunga okuhakibwa okwe kigambo kinu kuruga hali Donna McDonald, Okwaikumi, 30, 2012, nawe owanyakuhurra kuruga hali RUHANGA.

 

Ego muhara WANGE, nkwinire ebigambo ebikukwataho mwenewawe onu omwojo hamu nobunabi bunu. Ebigambo binu bihikire: omurro gwija kwokya omwaro gwa bugwa izooba, kandi amaizi gasandale omumwaro gwa buruga izooba. Haija kubaho omurro hamu namaizi nkebitakarorwahoga. Boojo mwerinde okurabura kandi muhikiire Nanyowe. Mwegarukemu kandi murubate nimwija hali NYOWE nkegaali yomwika elekerwe etaina muvugi. Onu nuwe MUKAMA kandi MUJUNI, YAHUSHUA, Amiina

Kyasande, 4, Okwaikumi nakumu, 2012

 

Ebigambo bya MUKAMA ebya kiro kinu.

 

Abahondezi ba KRISTO abagonzebwa abesigwa:

 

Enkora empyaka eya polipo enu eyenyakuki US hali abakurisitaayo abaingi eri "koma hali obubi obutaitoho hali binu ebibiri." Hati haroho emiringo ebiri enkuru muno-- omu owanyakwikaire ali puresidenti owataine kakwatagaine koona na baibuli, hamu nowakabiri, owanyakwesimbireho owanyakwine ebyafwayo ebikwatagaine nediini yoburogo eyekuhakaniza obukurisitaayo eyenyakwina entekereza ngu MUKAMA waitu Ali mwene wa Lucifer (satan), ninyenda kwongeraho.

 

Obuzibu obunyakuroho nembeera enu buli ngu abakurisitaayo abakwehuura ngu baine kuba nibakoma "ekibi ekitaitoho hali ebibi ebibiri binu" bali haihi muno nembeera enu. Nibaisana abakutekereza ngu ekyo ekirimu kubaho kiri hali abantu banu ababiri bonka. Barack Obama hamu na Mitt Romney-- kunu kiri kiri kikooto muno kukira ekyo-- kiri aha murwa ogunyakufwokere omubi muno kandi ogukurwanisa KRISTO kurora ngu omurwa gukomirremu kimu obwebembezi obukurwanisa RUHANGA okwefuga.

 

Baingi muno nibaikiriza ngu kirungiho okuba nomu owatali mubi muno hali banu ababi ababiri okubafuga okuhagira ekintu ekibachwiremu okukira RUHANGA wenyini: karuhanga kabu akabakafiri hamu nekisisani “America”. America, karuhanga akabakafiri hamu nekisisani kyabaingi hati nekikirra ekibi nokurwanisa RUHANGA hamu nenyikara yobwomezi: ebimansulo, obusiihani kurabyamu amaiso hamu nokurogotana na RUHANGA; endora yomuhakaniza wa Kristo, okwenda ebyobuguuda omumbeera zona, oburogo, hamu nokuramya setani; hamu nenyegesa eyebyabakalimagezi abomulembe gunu oguhyaka.

 

America niyo okukiikira kwayo okwobwebembezi bwayo obuhikire: setani. Nitumanya tuta? Ñitumanya habwebijuma byabu: okutekaho TV; okugenda omu movies, okugenda omulyahurro lyebitabu, okuhuliriza amakuru, hamu nokugenda omumakanisa amakooto aganyakwegesa enkurakurana baitu niganga okubaho okwa MWOYO ARUKWERA.

 

Mitt Romney ali owokuhingisaniza na Barack Obama-- ekikuzooka nkekikusemeza abakurisitaayo abaingi muno habwokuba bazooka nkowanyakwemeriire kurungi muno.
Nobukiraaba, Romney alimu kutekaho ekibi muno ekyobuzibu muno nka mugenziwe, ekibi muno ekitayanguhire nakamu okwemerezibwa habwokuba nikizooka nkekihikire muno. Romney ali nkaba Falisaayo obobwire obwa MUKAMA. Bali nibaisana nkabakworobera ebiragiro, nkabaterekeriire, kandi nkabakukikira RUHANGA-- baitu MUKAMA akatwara okwahukanaho hali kinu obuyabesire ebituuro ebikwera ebyogiibwe. Oku nukwo omulingo kiri na Romney hamu na mormon we omurogo-- ebituuro ebikwera aheru.

 

Baingi abanyakubihirwe bagamba ngu tibakukoma ekibi kinu ekyobwebembezi bwekyekanisa enu nahabwekyo habwaki ntakoma Mitt Romney hamu nomusingi gwe ogwoburogo okwirukanganiza eihanga. Nangwa timulimu okukoma abebembezi bekanisa-- oihireho omuntu buntu ovaseya webyokurwanisa ebyobutwa owakulema amahe-- ekyonikyo kyoona. Kitoito kandi kyanguhire-- nokoma omu hali banu abesimbireho, bona hamu ekibi kiri omumuhanda gwabu bonka-- kandi olimu kukoma notera akaruru omukurwanisa RUHANGA nobworaaba nosaliriza rundi nolengaho okwetwara omukwehura kurungi hali kinu.

 

United States erimu kukorwaho nomukono ogugisemeriire. Obwofwoka omurwa ogunyakwijwire ekibi, hati onihira ota MUKAMA okuhinduka akaha empeera omurwa ogu nemigisa eyahaire omubwijwire ihanga linu omubwire bwenyuma? RUHANGA nayetegerezibwa muno omubaibuli hali ebyo ebirugiiramu hakwanga Okugonza kwe. Kandi malikwo nitwenda RUHANGA okuhereza empeera ekibi kinu itwe nkomurwa ekitumazire okusirimukamu? Ekyo kyakubaire nikirwanisa MUKAMA kyonyini ekyali kandi na kiki ekyakukikira. Kandi nikizookera kimu MUKAMA tasobora kuha empeera ekibi.

 

Matayo 23:27-28 Ziribabona inywe abahandiiki nabafalisaayo abagobya! Baitu nimusisana nkebituro ebisemezibwe okwera ebirorwa aheru bisemire baitu omunda biijwire amagufa gabantu, nebifire byoona. Nainywe nukwo muti haruguru nimusisana nkahahikirire omu bantu baitu omunda mwijwire obugobya nobwemi.

 

Ebigambo byobunabi ebitungirwe Susan Davis, 10/25/2012 kuruga hali MUKAMA, saha 11:44 A.M.

 

Ngya kutaisura omukono gwange ogwamaani hali U.S. Tibakugenda okwegurukya omukibi ekiberesiremu bonka. Eihanga linu limpindulire omugongo gwalyo. Ekinunko nekijunde bitembere omukisiika kyekitebe kyobukama bwange. Eihanga linu nirikiriza ngu lisobora kugarurwa buhyaka baitu litaahire kimu hansi kandi hati litekwa okutunura okuchwerwa kwomusango. Okuramura nikwizira ihanga linu eryabandize niryeta ibara Lyange, omumananu hamu nomubugabe. Abantu banu hati bairukiire bwangu omumikono yekibi kandi begombere obwemi, hamu nekibi omukiikaro kyekitiinisa KYANGE hamu namananu GANGE. Ningya kuhereza okuhwerekera kandi nomugole WANGE wenka naija okutoroka. Huwe wenka naija okwihwamu atwarwe omukuba kurungi. Okuhwerekerra kulimu kwija ahaitaka linu eryali nirigonza ibara LYANGE kubanza kandi hati nirigonza ekibi omumiringo yakyo yona. Ekigambo KYANGE Nikiha obujulizi hali ebigambo binu byoona.
 

 

Ebigambo ebyobunabi ebitungirwe Susan Davis 10/25/2012, kuruga hali MUKAMA, saha 1:25 P.M.

 

Ego, omurwa gurugire hali omugole WANGE. Asigirwe ayemeriire wenka omumusiri gwemisega. Akyalimu kumpondera wenka, kandi kunu abandi boona abanyakuli haihi nawe bakyalimu kuhondera ekibi. Obubaraaba nibenda okubumbatira ekibi, kubi muno, halimu okwesikaho kuruga omumananu GANGE. Tibasobora kuba nekibi hamu NANYOWE murundi gumu. Tuli omubiro nambere ekirungi kiija kwetebwa ekibi kandi nekibi kiija kwetebwa ekirungi. Obubarahambya ekibi, tibali bagole BANGE. Okubaganizamu kwomugole WANGE kurugira kimu hali MWOYO ARUKWERA.

  

 

Ebigambo ebyobunabi ebitungirwe Donna M. 10/27/25 saaha 1:52 A.M.

 

Ego, muhara WANGE, Nyine ebigambo ebikukwataho obutumwa bunu haiguru. Biri bigambo BYANGE kandi ninyenda mubiteke aha email habwa boona okurora okukira muno abo abagole BANGE, abakomerwemu BANGE abakutekereza ngu baine okukoma omu karuru kanu akekibi. Ekibi kugaitaho ekibi, bizaara ekibi. Kiri okulegeyalegeya kwomugole WANGE. Kakusinga akoma omu karuru kanu, tinsobora kumweta omugole WANGE. Ganu nugo amananu GANGE, kandi musobora kugeyahura. YAHUSHUA, RUHANGA OWAKUKIRAYO. AMIINA.

 

Ebigambo ebitungirwe Susan D. kuruga hali MUKAMA, 10/27/12, saha 4:07 P.M.

MUKAMA, kiki ekikubaho kakusinga omugole ateera akaruru omu kukoka kunu?

Muhara WANGE Susan, nyetekaniize kukuhereza ebigambo. Binu nibyo ebigambo:

 

Omugole tali wokusisira obwirebwe omumirimo nkegyo. Okwo kuli kusisa obwire. Omugole tasobora kukoma ekibi mumulingo gwona. Kakusinga asagika ekibi, atunga ekibi kyonka. Haija kubaho ekibi kyonka ekikugeswa omu bantu ababiri abo abesimbireho. Boona mukwokya omwamani bemeriire mukundwanisa. Omu nazooka nkomurungiho hali ondi, baitu kinu kisigirwe kurungi omunyanzigwa WANGE. Aija nkamalaika owekyererezi hahwokubiihabiha. Nikizooka nkekirungi baitu kikyali kibi. Okuhindura kwona okwekigambo KYANGE, hamu namananu GANGE, kuli kulyamu enguzi amakuru gonyini agekigambo KYANGE. Anyakwesimbireho onu nakikira ebisuba, hamu nokulyamu enguzi, amananu GANGE. Abantu babihabihirwe habwokuba nabazokera nkowanyakuhikire. BUSAHO KINTU KYOONA EKIHIKIRE HALI EDIINI ENU EYESOBERE EYAKUNYUMIZA. ERI OKUJUMIKA AMANANU GANGE. OMUGOLE WANGE TASOBORA OKUKOMA EBISUBA HAMU NOKUBIHWABIHWA. AYEMERIIRE NANYOWE RUNDI AYEMERIRE NENSI. HANU NIHO LAINI EKUBIRWE HATI. Ebintu byona bihindwirwe hati habwokuba ensi efwokere yekibi muno. Haroho bataito muno abakuhambya amananu GANGE. Abakukira bakwatiriire ensi hamu nabanyakubuzire. Binu bigambo BYANGE kandi bigumu.

 

 

 

 

Ebigambo bya MUKAMA:

 

"NINYOWE Irembo eryo-- ndi MUHANDA OGUFUNDA, OMUHANDA OGWOKUTURUKIRAMU.”

(Ebigambo ebitungirwe Susan kuruga hali, MUKAMA, Okwaikumi na kumu, 1, 2012)

 

Muhara WANGE, huliriza kurungi:

 

Haroho ebicu ebikwiragura ebingi muno ebirimu okwimuka, omunsi. Birimu kwesoroleza aha baana BANGE: Abo abakumpondera nokuyayana.

 

Ndimu kurora habwa BANGE. Ndi RUHANGA wanyakuli wamananu ha kigambo KYANGE. Ningya kulinda omugole WANGE. Tasobora kukwatibwaho omunyanzigwa WANGE-- kasta aba ali WANGE wena, kandi alimu kwemigiriza omuli NYOWE. Tasobora kutwara omwoyo gwe. Omwoyo gwe GWANGE, habwebiro byoona, kandi OMWOYO GWANGE gulinda omwoyo gwe. EMYOYO yaitu eri kimu. OMUKAZI WANGE hamu NANYOWE. Kinu kiri habwokusemeza-- pulani eyebiro byoona, eyekozirwe ahamusingi gwensi, kandi busaho nomu owasobora kunsikaho omugole WANGE, Owahikire, kuruga omungaro ZANGE.

 

Aine okuguru kwe aha mwandara ogugumire-- NINYOWE omwandara. Ndi ndugiiro yobusinge bwoona, obulinzi, okuba kurungi, hamu nokuba kurungi. Nyowe nyenka mpereza omusingi gwokukizibwa. Ndeta okutekana hamu nobusinge obwomuntekereza, omuhagati yeihunga. Ntekaanisa enyanja ezikuyoora ezomumutima. NINYOWE OMUCUNGUZI OWAMAANI KANDI OMUHUMUZA. Byoona birungi obwokuba oli hansi yokuroleerwa KWANGE hamu nokulindwa: ebindi byoona guli musenyi ogukudikira hamu nebiituuru ebikugenda.

 

Obwire bugumire muno obwawe kukikwata wenka. Omunyanzigwa WANGE narubata nakwetorora torora nkentale naseera oha owarasobora kuhambya kandi akahwerekereza. Abo bonka abanyakuhumurra Kurungi omu hagati yokugonza KWANGE, basanga obulinzi. Omu Kugonza KWANGE, abo bonka abasangayo okuhumura, basanga okujunwa okwemyoyo yabu, Okwemera kurungi na RUHANGA hamu nokugarurwaho buhyaka hanyuma yebigonzi ebinyakutera halibo, omunsi eyabantu. Kuraba omubusinge BWANGE bwonka obwomuntekereza obumperereza busa abo abanyakunseera, nibo ensi erazookera nkenyakwanguhire kurabamu.

 

Baana kutekwa kwija hali NYOWE hati-- mutekwa kwirukira omumikono YANGE eyenyakwanjurwire. Mwije bwangu muno nka elk eyesumurwirwe kuruga omu tapu. Mwirukire omu bugabe bwanyu. NINYOWE IREMBO-- Ndi omuhanda ogufunda, omuhanda ogukuturukya. Kuraba omuli NYOWE NYENKA niho musobora okusanga obugabe...habwomusaahi gwange GWONKA. Enyigi zindi zoona zitwara omu gehena. Baingi Bali omu gehena habwokuba batanseere.

 

IJA otungire okujunwa omwoyo gwawe ogwine enjara. Leka nkuhereze amaizi habwomwoyo gwawe ogwine iroho. Leka ndete okukizibwa hali entekereza yawe hamu nomutima gwawe. Ebigonzi byengonzi ZANGE byonka, ebirimu okukwetoroleraho biija kukuhimba. Engonzi ZANGE ziri kigenyi ekinyakukuterirweho okuroza hamu nokunyumirwa. Omunyanzigwa WANGE asobora kukuhereza ekyo ekikunulirra aha kubanza, baitu nikimara nikifwoka obutwa obukusaara, obukuletereza okufwa kwawe.

 

Munseere habwebigarukwamu byanyu byoona. Mwiruke kuruga hali omutego ogubatekirweho omunyanzigwa WANGE. Akimanyire ngu esaaha eri ngufu muno, kandi ayesigamire aha kuhwerekerra kwawe. Wejune omumusaahi gwange, ogwokubasweka ogwange nyenka ogunkusobora okubahereza okubataho obulinzi bwengabu kuhona okuchwerwa omusango ogusemeriire obwomezi bwawe obwekibi ekikurwanisa Okugonza kwa RUHANGA ARUKWERA. Omutango gwonka ogunakusasulire aha musaraba ogugumire ogwokufwa guija kusweka ibanja lyekibi kyawe obwoliija maiso na maiso na RUHANGA Wawe. OMURAMUZI OWAKUSINGA AMAANI owensi yoona. Eibara LYANGE ERIRUKWERA liija kwoleka ngu ekiryagambaga kyali kihikire hali abo boona abanyakwimuka okundwanisa nemitima eyetakwenda okwegarukamu abatakugya kumanyiira nokusima hamu nokutunga okusasulirwa ibanja omubwijwire habwaho. Okutiina okwabwango hamu nokupapa biija kuba bikorwa byabo obubalihereza obujunanizibwa bwobwomezi bwabo.

 

Boona baija okwemerra omumaiso GANGE, kandi bahereze obujunanizibwa bwobwomezi bwabo. Omugole WANGE aija kutunga ekitinisa kye kyoona hamu nokumutamu ekitiinisa kandi nabanyanzigwa BANGE baija kutunga okufwa hamu nokuhwerekerezebwa okutahwaho.

 

Nimukomamu muta?

 

Mumpereze ekitiinisa kandi mwebundaaze. MUHEYO EBYANYU BYOONA hali NYOWE; MWEGARUKEMU obwomezi obwekibi, muganyire boona abanyakubetoroire; TANGIIRA OMWOYO WANGE okwirukaniza obwomezi bwawe nomuhereza akagisa koona kukuhikaho, otaine ekyokwesigaliza enyuma. Mwije hali NYOWE hati. Obwire bwanyu bulimu kubasomokaho. Okurabura KWANGE KUKAKASIBWE.

 

Onu nuwe RUHANGA wawe.

OMUGONZEBWA WOMWOYO GWAWE... OMUJUNI wabantu boona.

Ebyahandikirwe ebikugenderaho:

Yohana 10:27-30 Entama Zange, Zihu'ra iraka Lyange, Nanyowe nzimanya, nazo zinkuratira. 28 Kandi nziha obwomezi obutahwaho; kandi tiziribura ebiro nebiro, kandi busaho alizisahura omu mukono gwage. 29 Isenyowe ayazimpaire nakira bona amani, kandi busaho asobora okuzisahura omu mukono gwa Isenyowe. 30 Nyowe na Isenyowe tuli omu.

 

Matayo 7:25-27 Nenjura yagwa, nemigezi yagera, nekiyaga kyatera, nibitera enju egi, kandi etagwe, baitu ekombekwa ha mwandara. 26 Nomuntu wena obwahu'ra ebigambo byange binu atarukubikora, alisisana nomuntu omudomadoma ayayombekere enjuye ha musenyi: 27 nenjura yagwa, nemigezi yagera, nekiyaga kyatera nibitera enju egi, (enju) yagwa: nokugwa kwayo kukaba kuli kwingi.

 

Zabuli 116:7 Garukaho omu kuhumura kwawe, iwe obwomezi bwange; baitu MUKAMA akugirire ebyembabazi. 

 

Matayo 7:14 Baitu irembo lifunzire nomuhanda ogutaha omubwomezi muke nabo abaguzora bake.

Yohana 4:13-14 YESU yagarukamu namugambira ati Wena anyakunywa ha maizi ganu aligaruka okukwatwa iroho. 14 Baitu wena anyakunywa ha maizi agandimuha talikwatwa iroho ebiro nebiro; baitu amaizi agandimuha galifoka omundaye iziba lyamaizi nigadubuka hali obwomeezi obutahwaho.

Zabuli 119:103 Ebigambo byawe ka birungi, binuli'ra muno! Ego nibinura okukira obwoki omu kanwa kange.

Okusukururwa 20:12 Narora abafu, abakuru nabato, bemeriire omumaiso gekitebe ekyobukama: nebitabu byasuku'rwa: nekitabu ekindi kyasuku'rwa: nikyo kyobwomezi: abafu bachwerwa omusango obwebi ebyahandikirwe omu bitabu, nkengeso zabu okuzikaba ziri. Nenyanja yaleta abafu abakaba barumu,

 

Wakabatizibwe omu MWOYO ARUKWERA?

 

Okaba okimanyire ngu okubatizibwa okwa MWOYO ARUKWERA kwahukaineho hali okubatizibwa okwa maizi?

 

Matayo 3:11 Nyowe nimbabatiza namaizi, omu kwegarukamu, baitu ogu arukuija enyuma yange nankira amani, nenkaitoze tindukuseme'ra okuzikwata: ogu alibabatiza omu Mwoyo ogurukwera nomu'ro:

 

Engeso ezabakwenda 10:44-48 Kandi Petero obwakaba Nabaza ebigambo ebi, Omwoyo ogurukwera yabagwaho, bona abahulire ekigambo. 45 Nabo abasazirwe omuli abaikirize batangara, bona abaizire hanu na Petero, baitu nabamahanga ekisembo ekyomwoyo ogurukwera kikabaseswaho. 46 Baitu bakabahu'ra nibabaza endimi, nibakugiza Ruhanga. 47 Nubwo Petero yabagarukamu ati omuntu nasobora okuima amaizi, bano batabatizibwa, abahairwe Omwoyo ogurukwera nka itwe? 48 Kandi yaragira babatizibwe omu ibara lya YESU KRISTO. Nubwo bamwesengerize okuikarayo ebiro bike.

 

(Ebigambo ebitungirwe Susan kuruga hali MUKAMA Waitu, Okwakatano, 4, 2012)

Nyowe nyenka mpereza amaani agamukwetaga okwikara omu Kugonza KWANGE. Omubiri tigusobora okuhikiriza kinu ekyokwikara omu KUGONZA KWA RUHANGA. Habwa amaani GANGE gonka omuntu wena nubwo asobora kuba musinguzi omukurubatira omu Kugonza KWANGE-- omubiri tigusobora okuhikiriza omulimo gunu. Gali amaani ga MWOYO ARUKWERA.

 

Okwehayo okwebichweka tikwikiriza okwijuzibwa okwa MWOYO ARUKWERA WANGE okuleeta omuntu hansi yamaani agakufuga ago'MWOYO WANGE nahabwekyo tibasobora okusingulira kimu omukurwanisa obubi, ekibi, kandi okaba omu Kugonza KWANGE. Babarwa nkabanyakuli “koya koya” kandi nkababuzire. Okwehayo okwebichweka tikuli “kwehayo”. Mutakora ensobi; okwehayo okwebichweka kuletereza okufwa nikwisanaisana okwehakanira kimu NYOWE nka RUHANGA.

 

Okwegarukamu kiri kisumuruzo hali okwehayo okwomuntu. Kakusinga baraba nibakyaikiriza ngu tibaine ekibi, rundi tibakwetaaga okuganyirwa nibasobora bata okusumururwa habwe kibi ekikyabafuga?

 

Okweijukya hali ekibi nukwo okutandikwa kwokukizibwa-- okukizibwa kwomutima, omwoyo, obwomezi-- byoona nibihingisanizibwa. Omutima ogukwegarukamu, omutima ogwebundaize, nugwo gusobora okutunga okujunwa okwemyoyo kandi balitaha omubukama bwange hanyuma yokutunga OMWOYO ARUKWERA habwokubatizibwa.

 

Kinu kiri kimu hali okutaisura omuntu ogugya omu bugabe okusumururwa kuruga hali emyoyo yemizimu; okweijukya okuhikire hali ekibi ekyenyuma, okwikiriza ekibi kyawe mumaiso ga RUHANGA ARUKWERA kandi nukwo nokwijuzibwa okwa MWOYO WANGE hamu nokwehayo okwijwire hali emihanda YANGE hamu na hali NYOWE nko MUKAMA Womuntu kandi OMUKAMA.

 

 

Enyehurra ending yoona ncheke kandi tekumara. Omuntu atekwa kuba ayeheriireyo kimu hali NYOWE Okusumururwa hali amaani gomunyanzigwa WANGE kandi ntekwa kuba OMUKAMA Wanyu owatakurabibwamu amaiso, nukwo omuntu asobole kuba narubatira omu Kugonza KWANGE nafuga ekibi kandi aijwire amaani ga MWOYO WANGE ARUKWERA. Kitakabaire kiti, omuntu takwija kusobora kurwanisa kurungi kuhika aha businguzi ekibi omubwomezi bwe. Gunu nugwo "omuhanda ogufunda." Emihanda endi yoona etwara omu kuhwerekerra.

Ekyebiragiro 30:9 Kandi MUKAMA RUHANGA wawe alikutungisa omu mulimo gwona ogwomukono gwawe, nomu byana ebyomubiri gwawe, nomubyana ebyente zawe, nomu byana ebiitaka lyawe, habwomugisa: baitu MUKAMA aligaruka okukusemererwaho habwomugisa nkokuyasemererirwe baswenkuru.

 

Etabaza yawe eijuzibwe amafuta? MUKAMA naija kutwara abo bonka abanyakwetundire kimu haluwe kandi abaijuzibwe MWOYO ARUKWERA omu kutwarwa kwekanisa okulimu kwija. (Ijuka abaisiki 5 abagezi netabaza ezijwire amafuta nubo betekanize obwomugole omusaija araija). Kakusinga oraba otakutekereza ngu otunzirwe haluwe, habwokuba okwatirwe omubintu ebyensi enu, hati hakyaliyo obwire kakusinga omwekwata hati, omukumusera okwamani muno, okwokumumanya hamu nokumuhondera. Mutekwa kubanza kwijuzibwa "mukabatizibwa" na MWOYO ARUKWERA.

 

Osobora okubatizibwa na MWOYO ARUKWERA hati bunu: osobora kusaba esaara enu eyehandikirwe: “Omwibara lya MUKAMA, ninsaba okubatizibwa omwibara lya Isiitwe, neryoMWANA, Hamu neryo MWOYO ARUKWERA. Ninsaba okwijulizibwa kimu na MWOYO ARUKWERA kurugira kimu ahamutwe kuhikya ahamaguru hanono. Ninsaba kutunga amaiso gange agomwoyo okukingurwa hamu nebikokwa okwihwaho bikaragara kandi ninsaba nokuba nobwakaiso obwobumanzi kukiraho habwa MUKAMA YESU Hamu nahabwe'tabaza Yange okwijuzibwa okuhikira kimu ahaiguru. Nimpayo ebyange byoona hali MUKAMA, Kandi ninyegarukamu ebibi byange byoona kuruga omumutima oguchwekere ogwokweijukya habwebintu binu ebikozirwe Mumaiso ga RUHANGA OWARUKWERA.” (Era osobora kusabirwa omuntu ondi wena owanyakubatizibwe omuli MWOYO ARUKWERA.)

 

Tokwetagisa kugenda ahantu hoona, rundi okukora ekintu kyoona, engeri kiine kuba entekereza yomutima gwawe. Saba busaba kandi oija okutunga omutima ogwembabazi oguchwekere. Hayo obwomezi bwawe bwoona, kandi oyegarukemu ebibi byawe byoona hali MUKAMA. Kakusinga oraaba noyayana okubatizibwa omuli MWOYO ARUKWERA, leka byoona ebyolimu kukora saha enu, nambere oli hona kandi Osabe. Osobora kusaba esara eyoyegondize wenka. Toine kintu kyona ekyokufwerwa kandi oine byoona ebyokugoba! Obworasaba okutunga hati, wemigirizemu kandi osome baibuli yawe rundi kikora muno kandi osabe muno. Okusiiba nakwo nikuhaburwa kukorwa habwokuba kiri habwokusiiba kuruga ha byokulya, ekiihuro, rundi ekintu kyona ekyokunyumirwa, nka Ipod; TV/movies, okuhambya ebyensi, buli kimu kyona ekitukora ekitufwera hali omubiri gwaitu!

Okusiiba tikugaruka mukiikaro kyokujunwa habwo'musaahi gwa YESU nakamu. Kimanyisa bumanyisa ngu nitwefwera hali emibiri yaitu, ekintu ekikusemeza RUHANGA habwenkoragana eyamaani na MUKAMA, okuseera ebigarukwamu kuraba omu saara, kunu harubaju orundi okujunwa kiri kisembo ekya busa kuruga hali RUHANGA kandi ekitakolererwa nekikorwa kyona ekyomuntu ekyokuhongwa. Haroho ebyahandikirwe ebikusagika okubatizibwa okwakabiri (okundi nukwo okubatizibwa okwamaizi-- okubatizibwa okwamaizi kusobora kwija karaho, rundi hanyuma yokubatizibwa okwa MWOYO ARUKWERA) okukuhebwa OMWOYO ARUKWERA.

Matayo 3:11 Nyowe nimbabatiza namaizi, omu kwegarukamu, baitu ogu arukuija enyuma yange nankira amani, nenkaitoze tindukuseme'ra okuzikwata: ogu alibabatiza omu Mwoyo ogurukwera nomu'ro:

 

Marako 1:8 Nyowe nkababatiza namaizi: baitu ogu alibabatiza noMwoyo ogurukwera.

 

Luka 3:16 Yohana yagarukamu nabagambira bona ati mananukwo nyowe nimbabatiza namaizi; baitu naija ogu arukukira nyowe, orukoba rwenkaitoze tindukuseme'ra okuruboho'ra; ogu alibabatiza nomwoyo ogurukwera nomu'ro.

 

 

Yohana 1:33 Nanyowe ntamumanye baitu ogu ayantumire okubatiza namaizi nuwe yangambiire ati owolirora Omwoyo nasirimuka haluwe, namuikaraho, nuwe abatiza Nomwoyo ogurukwera.

 

Engeso ezabakwenda 1:5 Baitu Yohana nuwe yabatizaga namaizi; baitu inywe mulibatizibwa Nomwoyo ogurukwera ebiro ebitali bingi.

 

Engeso ezabakwenda 11:15-16 Kandi obunabandize okugamba, Omwoyo ogurukwera yabagwaho, nkokuyabandize halitwe. Kandi naijuka ekigambo kya MUKAMA, waitu nkokuyagambire ati Mananukwo Yohana akabatiza namaizi; baitu inywe mulibatizibwa Nomwoyo ogurukwera.

 

 

Ebitabu ebyabusa ebyobunabi obwobwire obwempero kuruga hali Deborah Melissa:

 

Ebitabu bisobora okudaunilodingwa habwa busa: https://marriagesupper.wixsite.com/endtimescatalog

 

Ekitabu ekyokubanza 1: “The Final Call”- Ekitabu kiri hali OMUGOLE hamu nekyo ekya MUKAMA akugamba hali OMUGOLE.
https://www.smashwords.com/books/view/118164

 

Ekitabu ekyakabiri 2: “The Exodus”- Ekitabu nikibazaho hali okuruga omuli Misiri hamu nengeri yokutaaha omu itaka eryanihizibwe (Millennium).
https://www.smashwords.com/books/view/118176

 

Ekitabu ekyakasatu 3: “MY Son David”- Ekitabu nikibazaho abalemi nabakufuga, omumyaka RUKUMI (Millennium). Abo abakwija kulema hamu nokufuga na KRISTO.
https://www.smashwords.com/books/view/118181

 

 

Kyasande, 11, Okwaikumi nakumu, 2012

 

Ebigambo bya MUKAMA: “Nsobora nyowe nyenka okuhereza ebisumuruzo ebyobukama BWANGE. Tinsobora kubihambiriza omungaro Zanyu."

Ebigambo bya MUKAMA ebya kiro kinu.

 

Abahondezi ba KRISTO abagonzebwa abesigwa:

 

Hanyuma yokumara okutandika okuhura kuruga hali MUKAMA, ekiro kyona, MUKAMA akampereza isomo ligufuho hali “Yona”, hali okworobera RUHANGA. Nkaba ndi muka ya mama wange aha kaire ako, kandi nkaba ningenda aha elevator, eyekyombeko kye okwiruka nokwihayo mutabani wange ahaisomero kandi nkaba ninyiruka nkereriirwe. Hakaba haroho omukazi okukuruho, omu kichweka kya lobby nambere elevator yali eri kandi na MUKAMA yangamba ati muhe ekigambo kuruga haliwe. Wow, osobora kukikiriza, nkagambira MUKAMA ngu nkaba nkererirwe okutabaara mutabani wange kandi nkaba ntakugya okukikora.

 

Nubwo MUKAMA yangambiire kurungi nokutekana ngu "Nkuheriize orusa kugenda muhara WANGE."

 

Kurungi ekintu ekindi ekyayongiire okubaho kikaba nikihuniriza muno. "Obunali ninkyamara okurubata aha elevator, omukazi naruga omukisiika kuruga aha elevator owunali nsemeriire okubaliza (baitu ntamubalize) ahonaho yaguruka omuntebe yarubata omukisiika natereza kurungi elevator orwigi rutakakingirwe. Omukazi onu akaba ayemeriire haihi nanyowe, aha elevator kandi namaiso gange aganali nfundwire, Nagambira MUKAMA "Nintebesereza noyenda mbe nekinkumubaliza" nukwo hali ekyo akagamba "ego" kandi yampereza ekigambo ekyokuha omukazi onu ekyali kyamakuru muno haluwe.

 

Ekiro ekyo, nkega isomo nka Yona, ayairukire kuruga hali RUHANGA, akeega obuyayesangire Ali omunda yekyenyanja ekikooto. Isomo liri lyokworobera RUHANGA obwaba akugambiire okukora ekintu kyona. Hati nkengeri ebaruha zinu ezimpandika nkatekeraho RUHANGA, ntunga okwemurugunya kwingi muno halizo-- baitu ekyo tikikumanyisa ngu nsobora kujemera RUHANGA nabantu nobubakubazaki rundi bakatekereza ki.

 

"EMANYIKIRIZO YEKISORO"

 

Hati, ninyenda kubazaho ebintu ebya MUKAMA Ansukuliire, okubagana nainywe. Ninyenda okubazaho hali "Emanyikirizo yekisoro"-- Niyo RFID Chip kusigikirra hali MUKAMA-- gonze abantu baingi-- nobubakuba abo abaingi abantu abobuhereza ekibakugamba. Abantu abakukira nibenda okuihaho amananu ngu microchip eyenyakuroho bwire bunu ngu teri manyikirizo eyekisoro, habwokuba tibakwenda engamba enu ngu Okwija KWA MUKAMA kwakuba kuli haihi muno kandi ekyo nikitutekera kimu aha rwigi rwokuija kwe kakusinga RFID chip enu nananukwo eri manyikirizo yekisoro. RFID chip (eyenyakuroho hati nkemanyikirizo) eri murukaara rumu na Baibuli ekyekusoboraho kyonyini: Eri yokutekwa omu buso, rundi omumukono gwobulyo, engeri kwenyini RFID chip eri kandi nekolesebwa omu kugura hamu nomukutunda.

 

Tiharoho hona mubaibuli nambere ekugamba ngu gunu guija kuba mulembe ogwakabiri, rundi ogwakasatu ogwemanyikirizo ogukutebanira kimu nokusobora kwa baibuli nkabaingi engeri balimu kugamba, ngu RFID chip erimu kutekaniriza butekaniriza emanyikirizo yonyini-- kinu kisuba.

Okusukururwa 13:17 Kandi ngu busaho muntu weena asobora kugura rundi kutunda, oihireho ogu owanyakwine emanyikirizo rundi ibara lyekisoro, rundi enamba yeibara lye.

 

 

 

MUKAMA akanyoleka ngu RFID chip niyo "manyikirizo yekisoro" habwokunsukurulira ngu buli kimu kyona kitekerweho bar codes hati, kandi kinu nikimanyisa ngu chip enu ekora na coding enu kandi na bar coding enu erimu kuletwa buli hamu (omumahe, omubyobwomezi, hamu nomumaduuka). Okuhikiriza emanyikirizo emu kandi emu yonka. Kinu nikyo habwaki kigwire, kigwire muno nokuletereza abantu kwikiriza ngu chip enu, teine buzibu okugitunga.

 

Ninyenda okuhabuza abantu banu abahereza abakutekereza ngu tikiine buzibu okurarangya ebisuba binu-- baitu nooha ayabahaire orusa okuteeka okujunwa okutahwaho okwabantu abandi aha butengenene nobagambira ebigwire ngu chip enu eri nungi, kandi ngu era Teri niyo emanyikirizo eyekisoro kandi kunu nehikiriza buli kimu kyoona mubaibuli hali emanyikirizo ekyagibazibweho. Nobuhakuba hati, obukumi bwabantu kabe kasinge na milioni zabantu zimazire ira okutekwamu aka chip kanu.

 

Hati ninyenda kugumizamu kubasukurra ekintu ekindi hali inywe ekyamaani muno ekya MUKAMA anyolekere hali RFID chip emanyikirizo enu. Rora You Tube enu eyekubazaho ekirooto ekyamahano kinu okusukururwa kuruga hali RUHANGA hali "emanyikirizo eyekisoro" hamu na puresidenti Obama nokutandika kutekebwaho chip enu. https://www.youtube.com/watch?v=lcLqHcl8M20

 

 

Hati habwekirooto ekyokusukulirwa kinu kyonka, ekinyakuhairwe kuruga hali RUHANGA wenyini-- kikaletereza link enu/chart: 

http://www.federalnewsradio.com/pdfs/cisco_federal_healthcare.pdf

 

Omu kichati kinu ekyo 'obamacare, nosobora okurora omusaija omunyamahe nagenda naraba omu irwarro kandi nahabuli yakwemerra, norora omunyamahe omurwaire alimukutunga obuyambi habwebintu ebihandikirwe aha RFID micro chip ebikumukwataho (manyiira eki chati kinu ekolesa omuntu omusirikale okwoleka ebyakalimagezi binu-- nosobora kurora muno hali pulani eyekisirikale okutekamu microchip enu omu basirikale bayo, hanu okukichweka kinu ekyebihandikirwe: 

http://www.mobiledia.com/news/134354.html). Hamaliira yabyona ali omuka kandi nasoborwa okukeberwa Ali hara mukyaro oku kuraba omu RFID micro chip enu. Eki chati kinu kiine Obama logo,/kisibirwe kandi kinu kiri kimu hali pulani ya Obama eyebyobujanjabi; kiri kimu omumulingo gumu engeri Obama yagayire RUHANGA nagamba “ngu ensi eteyesame" ekiro ekyekihandiiko kyarabibweho na microchip enu ekyo kyali kitairwe munda muno omukihandiiko kyakyo ekya 2000 pages.

 

Ekintu ekikuhuniriza ekya MUKAMA yanyolekere kyali omu bigambo bisatu ebitoito muno omu baibuli "NA'HAMBISIRIZA BOONA" Kinu kyokuhuniriza-- eri puroguramu eya Obama care eyenyakulimu nerabyaho okurangi'ra hamu nokwikirizibwa ngu micro chip enu esobora/eija kuba nekolesebwa omu kukwata abantu-- nahabwekyo eri nkora ya Obama eyitukurora engeri "emanyikirizo yekisoro" omukubanza eyekuzokaho-- nuwe alimu okugiretereza.

 

Okwetegereza kiki ekya Baibuli erimu kugamba hanu, leka turole hali okusoborra kwonyini okwekigambo kinu "cause” (okuleterezaho) nikimanyisa; okuletereza ekintu okubaho, muno muno ekintu ekibi. Kiro kinu busaho nomu ondi owaine ibara erinyakwine obukwataine nabinu omulingo obamacare puroguramu hamu na administration ya U.S. engeri eri hati bunu.

Okusukururwa 13:16 Ekisoro kikahambisiriza abantu boona, abataito nabakooto, abaguuda nabanaku, abasibe hamu nabobugabe, okutunga emanyikirizo omumukono gwobulyo, hamu nomubuso;

 

Busaho nomu yatundaga rundi okugura oihireho ogu anyakwine emanyikirizo, egyo niyo ibara lyekisoro rundi enamba eyekukikiira ibara eryo. Era otaikiriza endora yabantu bensi hamu nentebesereza yabu hali bwireki obwa technology/emanyikirizo yekisoro enu erahambisirizibwa aha bantu. Otaleka niyo okukugambira nokukuha entekereza hali bwireki obwosemeriire okwetekaniriza okugaruka kwa MUKAMA. RUHANGA nuwe hanyuma ya byoona Akujumanizibwa ali haiguru ya byoona kandi nokutwarwa kwija kubanza kubeho nikuhambisiriza okukozesebwa okwa microchip enu okugiletera kimu omumaiso, okugara ensi hansi yokwehayo hali omuhakaniza wa Kristo.

 

 

Nahabwekyo hati nubwo obwire obwokurora habwokutwarwa okwekanisa okubaho kwiha Chip enu etandika. Buli bwire mananukwo obwokwekamba okutunurra habwokugaruka kwa MUKAMA hamu nokwihaho amakuru goona agatahikire agakwoleka kindi kyona amabi agatairweho hahwekigendererwa ekyokuhwerekereza abantu omu gehena habwa setani wenka wenyini.

 

ESUURA 4: EBIGWEREREZI BIIJA KUHIKA AHAKASOLYA AKATAKAHURWAHOGA

 

 

Ebigambo bya MUKAMA:

 

"Museere amananu GANGE; musabe okutunga amaiso agokurora amananu; hamu nekyo ekirimu bwangu okuhika omunsi-- ekibi ekitakutangwa.”

 

Ebigambo ebitungirwe Susan kuruga hali MUKAMA waitu, Okwaikumi na kumu, 7, 2012

Ego tusobora kutandika:

 

Ebigambo BYANGE mbinu hanu: Biri bya abaana BANGE.

 

Baana, ninyenda muhulirize ebigambo BYANGE. Ndi RUHANGA owamananu-- amananu agatahwaho. Nbarambikiire orugendo rwange orundimu kurubatiramu. Ndimu kulengaho okubaimukya, Baana BANGE, okubaimukya haiguru!

 

Nimurora esaaha eyekiirima eyerimu kuhika? Erimu kuhika bwangu muno hali esaaha eyokugaruka KWANGE. Ndi RUHANGA owanyakukora okunihiza kandi nkahikiriza. Ndi wamananu hali ekigambo KYANGE. Ebigambo BYANGE biija kuhikirra engeri mbigambire. Musome kandi mwege ekitabu KYANGE.

 

Bwangu Baana, ngya kwikiriza ekigwererezi ekikusingayo obubi okuteera ensi enu ekyomuntu atakaroraga. Kiija kuba kigwererezi hali ekigwererezi.

 

Aha kasumi akomugole Wange araihwamu; ebigwererezi biija okuhika aha kasolya akatakahulirwahoga kandi naabo abasigirwe enyuma baija kuba nebyokweijukya, nibetegereza biki ebibalihaihi okutunnura. Busaho nomu aratoroka omukono ogwomunyanzigwa WANGE-- ogwo owakwegambisa ngu amanyire, nkomujuni wabo. Boona baija okuhutazibwa kandi bacumitwe habwokwemera nanyowe okurwanisa omunyanzigwa WANGE. Okuhwerekerezebwa kwabo abakungonza kwija kuba kubahobubaho. Tihakwija kubaho nomu wena owaratoroka ekibi ekitekanirizibwe hali abo abanyakugamba ngu bange hanyuma yomugole amazire okutwarwa omukuba kurungi-- kirungiho okumanya hati kandi okaba omu hali OMUGOLE WANGE.

 

Kinu kisobora okuba kyawe kakusinga orateeka buteka hansi obwomezi bwawe kandi okahayo ebyawe byoona hali NYOWE. Mpereza okwekamba kwawe kwona okwijwire. Mukomemu nyowe okurwanisa ensi, hamu nabyona ebyekwemereera. Mwegarukemu ebibi byanyu ebimukozire mukyali omunsi. Muganyire abo abanyakubali haihi. Musabe okwijuzibwa OMWOYO WANGE ARUKWERA. MUNSEERE OKUNSANGA KURABA OMUKITABU KYANGE. Murangiire enchwamu yanyu hali abandi kandi mugambire abandi hali Okugonza okumumanyire kuraba omukihongwa KYANGE.

 

Omukuhingisaniza, ningya okukuhereza obwomezi obutahwaho. Ningya okuhandiika ibara lyawe omu kitabu KYANGE ekyobwomezi. Ningya okukuhereza ibara erihyaka hamu nentekereza empyaka hamu na MWOYO WANGE, aija okwikara omu mwoyo gwawe kandi oija okusibwaho na MWOYO ARUKWERA WANGE.Haroho obwire butaito muno obusigaireyo okuija hali NYOWE hati. Torukwenda okukerererwa engeri ekibi kirimu kurubata hali ensi omu mbiro nyingi muno. Esaaha eyokucungurwa kwanyu eri Haihi obworaba oli Omugole WANGE.

 

Ija leka muhanule hamu: Serra amananu GANGE; saba okutunga amaiso agokurora amananu; hamu nekyo ekirimu kuhika bwangu omunsi-- ekibi ekitasobora kutangibwa. Ebicu ebikwiragura birimu kwekora. Mutagwibwamu mutaine ekimumanyire omumutego ogwomunyanzigwa WANGE owakwenda muno kuhwerekereza abaana BANGE.

 

Ekigambo kinu kiri habwoburungi bwanyu. Mutakijuma hamu nokukyanga. Muhindukire okunihira kwanyu kwonka.

 

OMUJUNI wanyu,

 

KRISTO MUKAMA.

Ebyahandikirwe ebikugenderaho:

Isaya 45:7 Ninyowe nkora omusana, nkora nomuirima,ninyowe nkora obusinge, nkora nobubi; ninyowe MUKAMA arukukora ebi byoona.

Ekyebiragiro 32:4 Mwandara, omulimogwe guhikirire, Baitu, emihanda ye yoona yobulyo: RUHANGA wokwesiga hataroho kutahikira nuwe ahikirire, kandi wobulyo.

Marako 13:20 Kuba MUKAMA atarachwireho ebiro ebyo, tihakujunirwe mubiri gwoona: baitu habwabakome, abanyakomeremu, akachwaho ebiro.

Okusukururwa 20:4 Kandi narora ebitebe byobukama, kandi nabo ababikaliireho bakahebwa amaani okuramura. Nayongera narora emyoyo yabo abali batemerweho emitwe habwokuba baali barangiriire amananu aga YESU yasukuire, hamu nekigambo kya MUKAMA, bali bataramize ekisoro rundi ekisisani kyakyo, rundi nobukwakuba okutunga emanyikirizo yekisoro aha buso bwabo rundi hamikono yabu. Bakoomera kandi balema na KRISTU kumara emyaka rukumi.

Okusukururwa 3:5 Abo abasingura bakaba basinguzi balijwekwa nkabati omubikwera, kandi tindihamu amabara gabu omukitabu ekyabomeezi. Kandi ndibatura omumaiso ga Isenyowe nabamalaika ngu Bali BANGE.

Okusukururwa 2:17 Kakusinga oraaba oine amatu, hati huliriza ebyo ebya Mwoyo arukugambira amakanisa! Hali abo abanyakusingura bakaba basinguzi ndibahereza ebyokulya ebyo ebiserekerwe ebya maano, kandi ndibahereza buli omu ibaale erirukwera nambere buli rimu hahandikirweho ibara erihyaka, eryokuntu ondi wena atamanyire, oihireho ogwo wena, owanyakulitunga.

Abarumi 12:2 Kunu mutasisanizibwa nkobusinge bunu: baitu muhindurwe omumagezi ganyu amahyaka, nukwo mwero're inywenka, RUHANGA ebyagonza okubiri, ebirungi ebisemire, ebihikire.

 

Abefeso 1:13 Kandi nainywe omuluwe obumwahulire ekigambo ekyamazima, niyo enjiri eyokujunwa kwanyu-- kandi ogu obumwaikirize oumwaterirweho, akokuroraho, nomwoyo ogurukwera owomurago, kandi ogu nuwe mukwatirizo.

 

EBIGAMBO BYA MUKAMA:

 

“NYOWE NYENKA nsobora okuhereza ebisumuruzo ebyo bukama bwange-- tinsobora okubihambisiriza omungaro zawe."

Ebigambo ebitungirwe Susan kuruga hali MUKAMA waitu, Okwaikumi na kumu 9, 2012

 

Baana, NINYOWE MUKAMA Wanyu. Ninyenda okubabaliza hati.

 

Haroho obwire obulimu okwija nambere nkugya okusindika bomo kuruga omunyindo YANGE hansi hanu omunsi eyekiniga KYANGE, hanu nokubonereza KWANGE, hali abasaija ababi-- abasaija abanyakwanga RUHANGA Wabo. Ensi efwokere musango hali sensi ZANGE ezirukwera. Tinkyagyenyumirizamu. Tinkyasanga okunyumirwa kwoona omukugiroraho. Omugole WANGE wenka niwe akunsemeza wenka-- abataito muno bonka abakomerwemu abanyakunseera habuli muhendo gwona. Banu nibo nkwija okutaisura bwangu okwiha omukufuga okubi okuli haihi okutwara ensi.

 

Omugole WANGE owasemiire aija butakwatwaho kandi alindwe kurungi kuruga hali ekibi ekinyakulimu kutwaliriza ensi enu. Tinsobora okwemerra harubaju kandi nkaikiriza ensi enu okweziringuura omu kuhwerekerra kwayo kutakebiirwe omurundi gundi gwoona. Bwangu, haija kubaho okufubirwa okwijwire habwenchwamu ezabantu bakukora kurwanisa RUHANGA ARUKWERA omuhangi wabo-- OMULEMI OWAHAIGURU MUNO.

 

Nobukiraaba ngu abantu bakomamu butaikiriza, omuli NYOWE, ekyo tikikuhindura amananu agacenchwirwe ngu mbaho kandi boona baija okuntunuura-- buli omu okuhereza obujunanizibwa hali obwomezibwe omumaiso gobuso BWANGE, Oburukwera okuija omu kitinisa KYANGE ekitahwaho habwokuswekwa kwomusaahi GWANGE hamu nokujunwa okwabusa rundi okutunurra okufwa, okuhwerekerra, ekibonerezo ekitahwaho.

 

Haija okubaho ebintu bibiri byonka ebikusoboka okurugiiramu hali omwoyo gwawe aha kiro ekyolitunurramu RUHANGA wawe hamu nokwemerra omumaiso GANGE Okuchwerwa omusango ogwobwomezi bwawe obwenchwamu okundwanisa rundi okukomamu NYOWE. Kinu nikyo kiija kuba okumaliriza kwobwomezi bwawe omunsi okutunga obwomezi obutahwaho hamu nokuhumura kwomwoyo gwawe omu Iguru LYANGE rundi okutunga empeera yekibonerezo ekyokwanga okugonza kwa RUHANGA habwobwomezi bwawe.

 

Baingi muno bemerra omumaiso GANGE Ahakumalira kwobwomezi bwabo omunsi batetekanirizeho kimu nakamu okuntunurra kandi batinisibwa hali ebirugiramu omuli obwire bwobwomezi bwabo obwokukomamu kunyanga obubayesanga bali aheru yobukama bwange habwebiro byoona ebitahwaho. Bataito muno abakomamu omuhanda ogufunda ogunyakwebembera kutwara omu kulindwa okutahwaho okwomwoyo gwabo. Okubihwabihwa kwomunyanzigwa kuraira muno kandi kukoto, kandi nomuhanda ogukutwara omu kuhwerekerra gugazi muno.

 

Bataito muno bazoora omuhanda gwange ogufunda ogunyakutwara omu kujunwa. NYOWE, YAHUSHUA, nkasasura omuhendo ogwokujunwa kwabantu kandi omukurugiira omuli ekyo bataito muno abakwenda okutaisura ensi, okuhayo ebyabu byoona, okuhingisaniza okugonza kwabo nokutunga okugonza okwange, okuhimba omusaraba gwabo. Bataito muno bonka nkengaro emu nibo abanyakukizoora ngu ekyo ekikuzooka nkekisingireyo okuguma nikyo ekisingireyo okuba omuhanda ogukusingayo okworoba ahamaliira yabyoona. Bataito abanyakugumisiriza kandi bakasingura obutini bwabo-- hamu nokwegomba okwemihanda eyensi enu enyakubuzire.

 

Ninyowe nyenka owakusobora okuhereza ebisumuruzo ebyobukama BWANGE-- tinsobora okubihambisiriza omungaro zanyu. Mutekwa okwenda okusumururwa kuruga hali okusikirizibwa ensi enu eyekibi hamu nebyokwegomba byayo. Inywe inywenka musobora okwekomeramu-- busaho ondi weena. Nobukiraaba ngu baingi basobora okulengaho okukuhikaho, iwe wenka otekwa okuchwamu Kuba nanyowe rundi okundwanisa.

 

Mwine obwire butaito bwonka obusigaire okwirukira hansi yokuswekwa kwomusahi GWANGE omukuba kurungi okunseera omumiringo yawe yoona hamu nokuhayo ebyawe byoona hali NYOWE Nomutima ogugwegarukamu ogukweijukya, noganyira abo boona abakwetoroire. Ekigambo KYANGE kimalirizibwe. Mutasisa obwire bwanyu nebigambo ebyabantu. Museere ekigambo KYANGE ekihikire habwokusemezibwa kwomutima gwawe.

 

Semeza omwoyo gwawe, nokwijuzibwa okumalirizibwe okwa MWOYO ARUKWERA WANGE omumwoyo gwawe. Leka OMWOYO WANGE ayokyemu oburofu bwawe bwoona kandi akukize akuhikirize okwija omumaiso ga RUHANGA wawe, omusaaha enu eyekusembayo. Komamu omuhanda oguhikiriire; hinduka oruge omukibi.

 

Engonzi ZANGE zisobora okukwemerezaho omubwomezi bunu kandi bukakutekaniriza ebitinisa ebyobwomezi obukwija omu bukama bwange obukwija bwangu. Ija kandi ojwekwe ebijwaro byawe ebyobukama-- ebikwera kandi ebitaine kamogo.

Ndi Muro ogukwokya okusemeza akanwa kawe*

 

Mwije omu muuro gwange ogukusemeza.

Ebyahandikirwe ebikugenderaho:

*Isaya 6:5-7 Nubwo nagamba nti Ziboine nyowe! Baitu nfire; baitu ndimuntu weminwa etasemezibwe, kandi ninyikara hagati yabantu abeminwa etasemezibwe; baitu amaiso Gange gaboine omukama, OMUKAMA Wamahe. Nubwo omu hali abaserafi, yahu'ruka naija namberendi, anyina eryanda erirukwokya omu ngaroze, eriyaihire aha kyoto, noruhana yalita aha kanwa kange, nagamba ati Dora, linu lihikire ha minwa yawe, nokutahikira kwawe kukuihirweho, nekibi kyawe kisemezibwe.

 

Luka 21:36 Baitu inywe murolege bwona, musabege, musobole okukira ebi byona ebirihiki'ra nokweme'ra omu maiso Gomwana womuntu.

Abarumi 14:12 Nukwo itwena tulyetonganira omu omu hali Ruhanga.

Abarumi 12:2 Kunu mutasisanizibwa nkobusinge bunu: baitu muhindurwe omu magezi ganyu amahyaka, nukwo mwero're inywenka Ruhanga ebyagonza okubiri ebirungi ebisemire, ebihikire.

Matayo 7:13 Mutahe omu irembo erifunzire: baitu irembo ligalihire nomuhanda ogurukugenda omu kuhwereke'ra mukoto, nabo abagutahamu baingi.

Luka 14:27 Wena atahimba mutigwe wenka naija enyuma YANGE tasobora kuba mwegeswa wange.

Matayo 11:30 Baitu ekikoligo KYANGE, tirurukulemera nenketo YANGE neyanguhi'ra.

Kyasande 18, Okwaikumi nakumu, 2012

Ebigambo bya MUKAMA: “Abo abarasigwa enyuma baija kuba bulindaara bwangu."

Ebigambo bya MUKAMA ebya kiro kinu.

 

Abahondezi ba KRISTO Ahagonzebwa abesigwa:

 

Omukukoma ba puresidenti ba America okubaireho enyumaho, abakurisitaayo baali batuntuiremu hali emisingi yabantu banu ababiri abaali besimbireho, omu ali puresidenti owataineho kakwataine koona na baibuli omu byafwayo byoona ebyahandikirwe kandi nondi, omuhondezi owamaani owekidiini ekikuhakaniza abakurisitaayo ekyoburogo. Abakurisitaayo abaingi bayegumyaga nokwegumya nibaikiriza ngu habwokukoma ekibi ekitaitoho hali binu ebibiri kyali ngu nchwamu eyali eikirizibwe RUHANGA ngu kandi guli nkomulimo gwabu nkabahondezi ba KRISTO. Okukomamu ekibi tikikasagikwaga nokutebebwa RUHANGA. Hati amananu gali nti, hali ebibi ebibiri binu-- ekibi kikyali omumaani (kandi kyakubaire kikyalimu nobukiraaba oba okukoma mulingoki gwakukozirwemu).

 

Abakurisitaayo batakura emitwe yaabu kandi bahuniira nambere RUHANGA Ali obubinu byoona biba nibibaho? RUHANGA akagenda okuhumuraho obwokukoma kwa United States Kwali nikugenda omumaiso? Leta turoleho aha byahandikirwe binu kuruga omuli Baibuli:

 

Ekyabachwi 3:12 Kandi abaana ba Isaleri bagaruka okukora eki ekikaba Kiri kibi omumaiso ga MUKAMA: MUKAMA yaha Eguroni omukama wa Moabu amani okurwana na Isaleri, baitu bakakora eki ekikaba kiri kibi omu maiso ga MUKAMA.

Ekyabachwi 6:1 Kandi abaana ba Isaleri, bakakora ekikaba kiri kibi omumaiso ga MUKAMA: MUKAMA yabahayo omumukono gwa midiani emyaka musanju.

Okuruga 10:1 Nukwo MUKAMA yagambira MUSA ati, genda orole omukama. Mufwoire wamalyo huwe hamu nabadumizibe, nukwo nsobole okukora ebyamahano binu omulibo.

 

Ezera 1:1 Kandi omumwaka ogwokubanza ogwa kuro, omukama wa Peresi, ekigambo kya MUKAMA ekyomu kanwa ka Yeremiya kihikirizibwe, MUKAMA akaimukya omutima gwa Kuro, omukama wa peresi, kandi yarangi'ra ebyokuduma omu bukama bwe bwona, kandi yabihandika ati.

Yohana 19:10-11 Kandi Pirato yamugambira ati torukungambira nyowe? Tomanyire ngu nyina obusobozi okukulekera, kandi nyina obusobozi okukubamba ha muti? 11 YESU yamugarukamu ati tokubaire nobusobozi bwona hali nyowe, kakuba butarakuhairwe okuruga ha iguru; ampaireyo namberoli nukwo anyina ekibi ekikira.

Yohana 12:40 Akabaita amaiso, nabagumya omutima; baleke okurora namaiso, nokwetegereza nomutima, bahinduke, Nyowe mbakize.

Abarumi 11:8 Nkokukyahandikirwe ngu RUHANGA akabaha omutima ogwokuhungira namaiso agobutahweza, namatu agobutahu'ra okuhikya nekiro kinu.

Okusukururwa 17:17 Nahabwekyo MUKAMA ataire omumitima yabu okugonza okukora ekigendererwa kye habwokukolera hamu hamu nokuhereza ekisoro amani gabu okulema okuhikya ebigambo bya MUKAMA obubirahiki'ra.

 

RUHANGA TAKAGENDAGA OMU KUHUMURA, AIKARA ALI OMUKUJUNANIZIBWA nobwabantu baba nibatekereza ebindi. Nahabweki kiki ekirimu okugenda omumaiso? 

RUHANGA alimu okuhereza abamerica (hamu nensi yoona) kiki kyonyini ekibakwenda-- omwebembezi omubi omukuhingisaniza nenchwamu zabu embi, enyikiriza ezekikafiri, okwetaaga okubaine okwokurwanisa RUHANGA. Abakurisitaayo nibanihira bata RUHANGA okuhereza empeera omurwa ogubi muno muno oguine obwebembezi bwengeso embi muno? Ensi enu erimu okusarura busarura amagesa agekyo kyonyini agakibyaire buli kiro kuraba omunchwamu ezikozirwe kuraba omukurwanisa KRISTO, hamu nokugonza kwa RUHANGA.

 

Hati engeri RUHANGA aikirize obwebembezi obubi okutaaha omunju eyobufugi eya America (hamu nomunsi yona) nikizookera kimu ngu ekibi kinu ekikanyire muno tikisobora okuhindurwa oihireho haroho amaani ga RUHANGA. RUHANGA takwija okuhereza empeera ekibi ekikulya byoona ekinyakutwalirize ensi. Aija okwikiriza ekibi okukanyira kimu hamu nokutwara ensi enu eyerimu okudikira okufubira abantu habwemisango yayo hali RUHANGA ARUKWERA.

 

Abakurisitaayo: okunihira kwanyu tikuli omu gavumenti zanyu ezitaine engeso; omu byentahya zanyu ezitakwemerezaho; omu bwebembezi bwekanisa yawe eya koya koya; omu byokuhambya byawe ebyobuntu; hamu nomukugonza kwawe nebigendererwa byawe. Oine orwigi rumu rwonka orukutwara omu kuba kurungi: MUKAMA WAITU kandi OMUJUNI CHRISTO. Tiharoho ebigarukwamu bindi Byoona, nobuwakulengaho ota okuseera, rundi nobuwakulengaho ota okwebweyabweya. Kinu nikyo ekya RUHANGA alimu kulengaho okwoleka buli omu ngu tiharoho kiikaro ekindi kyona ekyokuhindukiramu hati oihireho haliwe. Muheyo EBYANYU BYOONA hali HUWE WENKA kiro kinu. Mutasisa akaire kandi koona akataito nimwomera aheeru yokugonza kwa RUHANGA. Nooha amanyire ngu nikisobora kuba nikikira nobwomeezi bwawe obwolimu okujuna obwohindulira obwomezi bwawe hali KRISTO?

Ebigambo bya MUKAMA:

 

"Abo abakwija okusigwa enyuma baija kuba bulindaara bwangu hanyuma yokwega bwangu ensobi yemihanda yabu hamu nagavumenti eyekubonereza eyibali haihi okurora."

 

Ebigambo ebitungirwe Susan kuruga hali MUKAMA waitu, Okwaikumi nakumu, 13,  2012

Tusobora okutandika:

Baana BANGE, MUKAMA Owamahe goona, Omufugi wa byoona.

 

Ensi tekyatwara RUHANGA wayo nkekikuru muno. Neyenda okufugibwa ekibi-- ekibi kitahiremu kandi kyayefuga. Kinu kiri habwa kakodyo. Nkikiriize habwokuba abantu bakomeremu kundwanisa omumitima yabu. Bakomeremu okwegomba ensi haiguru ya RUHANGA wabo, nahabwekyo hati baija okutunga ekibakwenda hamu nekyo ekikurugiiramu omukwanga RUHANGA OWAMANI GOONA, habwokwegomba ebyensi.

Bwangu, baija okukizoora kiki ekikikumanyisa okwesembeza hara ya RUHANGA okuhambya abaruhanga abagwire, enyikiriza ezekikafiri, hamu nokwegomba okwomubiri. Okuramya kunu okukurorwamu okutaine kantu koona, okwebintu ebitasemeriire, kwija bwangu okwehindukira boona abanyakukwetabamu. Okuhambya kwabo okwabusa kandi okutasemeriire kuija okubebembera kubatwale omukufwerwa okwamaani hamu nebizibu ebitahwaho, ekibonerezo ekitahwaho.

 

Tinkwata mpora abo abanyakunyanga. Ebirarugiiramu biija kuba bibi muno hali abo abanyakukomamu okundwanisa nibekomeramu ebisisani ebyekiti, hamu nokugonza sente. Banu baija okusigwa enyuma okurora ebibi ebikusingayo. Bwangu muno binu biija okuzanwa. Abo abakwija okusigwa enyuma, baija okuba bulindaara bwangu hanyuma yokwega ensobi eyemihanda yabu hamu nokufuga okubi muno okubali haihi okurora. Baija okuba bafwerirwe okutoroka kwabo hamu nokujunwa okubonabona okukuru, kandi nokufwerwa kwabo kwija kuba kukuru muno.

 

Bataito muno bonka nibo baija kuba betekaniize obundabagarukira. Habwaki kinu kiri kiti? Kiri habwokuba abataito bonka nibo bakwenda okwemigiriza omunda omuli NYOWE. Ensi nebonereza muno kandi nabantu tibasobora okugiihaho emikono yabo. Mwebaganizemu kandi mumpondere muno namaani, NYOWE RUHANGA wanyu kandi okunihira KWONKA.

 

Habwokumpereza okwehayo okwijwire kyonka hamu nokwebundaaza habwokwenda kutunga Etabaza eyeijwire amafuta, eyekuletereza enkoragana NANYOWE, RUHANGA Wanyu, nubwo murasanga okujunwa kwomwoyo gwawe.

 

Ensi bwangu muno tekwija kwongera kwisana nkokwebaire. Eri haihi okurora ebikutiinisa hamu nokuhwerekerra. Nkekyo ekikwija kubaho tikikarorwahoga enyuma. Ziija kuba embabazi zange zonka hamu nekisa kurora ngu nizo zonka ezikwija hanyuma yabyoona okutekaho enkomerero yakinu kandi nahabwamaani GANGE gonka nubwo ekibi kiratangwa. Abantu tibasobora okutanga ekyo ekirimu okwija kandi nibagya kuba batakusobora okukiikazaho. Okutiina hamu nokuhwerekerra hamu nebikutiinisa biija kulema mumaani agakukirayo hanu omunsi omubwire obu obwokubonabona okukuru, okwomuntu atakarorahoga.

 

Ija orugeyo NANYOWE obundayetayo abataito BANGE, Omugole WANGE, anyakukomerwemu. Bataito muno bonka nibo bakugenda-- bataito muno. Banu nibo bakumanya omu kaikaro akensita nambere batoito muno abakwehura nibagonza okurubatira. Bataito muno bonka nibo bakwenda okuntungira obwire mananukwo okumanya RUHANGA Wabo. Kinu nikyo ndukwetaaga. Enkoragana. Ekigambo KYANGE nikyetegerezibwa muno hali ensonga enu. Ija hati oije omu kumanya omukiikaro ekyensita. Tiharoho okugarurwaho hali enkoragana enu. Ensi tesobora okulengesanizibwamu nebiro byoona ebimazirwe na RUHANGA.

 

Baana, obwire bwanyu bulimu okuhwayo. Omunyanzigwa WANGE alimu kusembera haihi hali ekigendererwa kyaye ekyenfuga embi hali abantu. Tinsobora okulindiira ebiro byoona hali emitima yabantu BANGE. Baingi muno bagiire hara muno butasobora kugarurwaho. Nimwetaaga okuhinduka mukatunurra RUHANGA wanyu obwire butakakererirwe.

 

Ebigambo binu byamananu. Mubisanize nkebikuru muno.

Onu nuwe RUHANGA wanyu.

 

OMUSWEZI WANYU NAIJA.

 

Ebyahandikirwe ebikugenderaho:

Matayo 6:24 Busaho muntu asobora okuko'ra abakama babiri, baitu alinobaho omu, nagonza ondi; rundi aligumira homu nagaya ondi. Timurukusobora kuko'ra RUHANGA na mamona.

Luka 17:26-30 Kandi nkokukyahikirire, omubiro bya Nuha, nukwo kiriba kiti omubiro byomwana womuntu. Balyaga, banywaga, basweraga, bagabukaga okuhikya ha kiro Nuha ekiyatahiremu omu bwato, okusandaara kwamaizi nukwija nukubahwerekereza bona. Kandi nkokukikaba kiri omu Biro bya Ruta (Lot), balyaga, banywaga, baguraga, baguzaga, babyaraga, bayombekaga baitu ha kiro Ruta ekiyarugiire omu sodomu omu'ro nekibiriti bikagwa okuruga omu iguru nibibahwerekereza bona: nukwo kiriba kiti ha kiro Omwana womuntu ekyalisuku'rwamu.

Okusukururwa 7:9-14 Hanyuma yebi narora, kandi dora, ekitebe kingi omuntu wena ekyatasobora okubara, barugire omu mahanga gona, nenganda, nabantu, nendimi, bemeriire omu maiso gekitebe kyobukama, nomumaiso Gomwana gwentama, bajwaire ebyokujwara ebirukwera, namatagi genkindu, omu mikono yabu. 10 Kandi nibami'ra niraka erihango nibagamba ngu okujuna Kube hali Ruhanga waitu, anyakuikalire ha kitebe kyobukama na hali omwana gwentama. 11 Nabamalaika bona bakeme'ra behingulirize ekitebe kyobukama, nabakuru, nebyomezi ebina; kandi bainama omu maiso gabu omu maiso gekitebe ekyobukama nibaramya Ruhanga, 12 nibagamba ngu Amina: okusimwa, nekitinisa, namagezi, nokwebaza, nokutinwa, nobusobozi, namani, bibe hali Ruhanga waitu okuhikya ebiro nebiro. Amina. 13 Kandi omu hali abakuru yagarukamu nangambira ati banu abajwaire ebyokujwara ebirukwera, nibo baha? Kandi barugire nkaha? 14 Nanyowe namugambira nti Mukama wange, niwe omanyire. Yangambira nti banu nibo barugire omu muhito omwingi, kandi bayogya ebyokujwara byabu, babyeza omu sagama eyomwana Gwentama.

Matayo 25:1-10 Omu biri ebi, obukama obwomu iguru bulisisanizibwa nkabaisiki ikumi, abatwaire etabaza zabu, nibagenda okutangi'ra omuswezi. 2 Baitu abatahi babu abatano bakaba bali badomadoma, nabatano bakaba bali bamagezi. 3 Baitu abadomadoma obubatwaire etabaza zabu, batatwale namagita: 4 Baitu abamagezi bakatwara omagita omu nsale zabu hamu netabaza zabu. 5 Kandi omuswezi obuyaikaireyo, bona bakahungira, nibagwijagira. 6 Baitu ekiro omu itumbi, haroho obwogo ngu dora omuswezi naija, muturuke okumutangi'ra. 7 Abaisiki bona nubwo baimukire, basemeza etabaza zabu. 8 Abadomadoma bagambira abamagezi ngu mutuhe ha magita ganyu; baitu etabaza zaitu zazima. 9 Baitu abamagezi bagarukamu, nibagamba ngu rundi, tigatumale, itwena nainywe: hakire mugende hali abarukugura mwegu're. 10 Nabo obubakaba bagenzire okugura, omuswezi yaija; nabo abakaba batekanize bahingura nauwe omu bugenyi obwobugole: oruigi rwakingwaho.

 

Zabuli 91:1 ANYAKUIKARA omu kiikaro ekyensita ekyogu anyakuli haiguru muno Nuwe araikaraga ha kiituru kyowobusobozi bwona.

 

 

 

MUTAISULE OKWEKAMBA KWANYU KURUGA HALI ENSI

Ebigambo bya MUKAMA:

 

"Mutaitwa amaiso habwokuburwa amagezi hamu nokuhakaniza amananu-- amananu GANGE."

 

Ebigambo ebitungirwe Susan kuruga hali MUKAMA Waitu, Okwaikumi nakumu, 14, 2012

 

Leka tutandike:

 

Baana, NINYOWE MUKAMA wanyu:

 

Haroho isomo erindi haihi okwegesa ensi. Ndihaihi okwikiriza abantu okumanya RUHANGA wabo omumulingo ogubatakamanyamuga enyuma. Ngya okwikiriza abantu banu okundora nkomujuni OWAMAANI owabahondezi BANGE Abehaireyo muno kandi hanyuma nkomuramuzi OWAMAANI hali abasisi kandi abakukora ebyobwemi abanyakunyangira kimu mubwingi.

 

Ensi enu eri kijumo hali NYOWE-- ekinunko kandi ekijunde, hansi yenyindo YANGE ERUKWERA. Obulinzi hali ensi enu obumperiize bulimu kugirugaho mpora mpora. Ndimu okutaisura okukwata kwange hali ensi nintekaniza okugihindulira hali omunyanzigwa WANGE, owanyakulimu Alindiriire omumapapa, okukora okakodyo kanu hamu nokuhwerekereza. Timukamanyire ekibi kinu ekingi muno baana BANGE, mufwokere abakurumiriza hali omukono GWANGE ogwobulinzi. Timukarozire kiki malikwo ekikusobora okubaho obwa RUHANGA wanyu owamani ataisura okukwata kwe kandi akahindura ensi enu kugitunuliza obwebembezi obubi. Timuketegeriize ensi nkokweri obwekuba etaine obulinzi bwa MUKAMA obugiroho.

 

Ensi enu bwangu muno tekwija kwongera okwisana nkokwebaire, engeri ogu owakuhagana NANYOWE hamu nabasaija ababi bagitwara hamu nekyererezi kyomugole WANGE kikaihwamu okuruga omu kubaho kwanyu. Namyangasana muno huwe Na MWOYO ARUKWERA WANGE, owakulemesa ekibi okufuga omumaani agaijwire. Bwangu okulemesa kunu kwija okwihwamu kandi nomuhakaniza wa KRISTO, aija okwimuka okuhwerekereza abo abaraba basigaire basigirwe enyuma abo abakuhindukira NYOWE habwokutunga okujunwa kwabo. Takwija kwikiriza muntu wena owakweyetesa NYOWE ngu ndi MUJUNI wabo, kandi RUHANGA okwiruka Bali bobugabe, rundi okwikara omubusinge. Boona baija okumanya ekibonerezo ekyokunyorobera NYOWE.

 

Gavumenti enu embi erimu okukorwa hati. Otaitwa amaiso habwokuburwa amagezi hamu nokuhakaniza amananu-- amananu GANGE. Mugaruke omu sensi zanyu. MUSOME EKIGAMBO KYANGE. Mwimukire omukwetegereza okwesaaha eyimulimu okwikaramu kandi mutereze ebintu na RUHANGA wanyu. MWEHEYO hali NYOWE Omukwehayo okwijwire kandi okumalirizibwe. MWEGARUKEMU hali oburukwera BWANGE. Muganyire abo abanyakubali haihi mutarukuleka ibaale ryona litahindwirwe. MWIJE hali NYOWE kandi mutunge ETABAZA EYENYAKWIJWIRE AMAFUTA.

 

Musome kandi mwege ekigambo KYANGE, kandi mwije omu kumanya RUHANGA wanyu omumulingo gwenkoragana, habwokunserura omu kaikaro akensita. Mwije omu kumanya RUHANGA wanyu. Mutaisule okwekamba kwanyu hali ensi. Mutungire obwire RUHANGA wanyu. Tihaliyo omulingo gundi gwona. NINYOWE MUHANDA gumu gwonka ogwabantu bakusobora okurabamu okwija hali ISENYOWE. Habwokunyikiriza hamu nokumanya kyonka. Emihanda endi yona, netwara omu gehena.

 

NDI HOKURUBATIRA AHAKAKASIBWE-- HANSI AHAGUMIRE-- NDI BULINZI bwanyu omu ihunga. Mwije hali NYOWE hati. Mwije omu kumanya hati, Nbakwatiire ekiikaro kyanyu aha meeza YANGE, Ahabugenyi bwange. Ninywe inywenka abanyakwine amaani okukomamu NYOWE. Mukole enchwamu yanyu. Mbakolire omuhanda. Orwigi tirukwija okwikara rukingwirwe ebiro byoona.

 

ONU NUWE MUKAMA wanyu, OMUJUNI, OMUNAARA OGWAMANI.

 

Ebyahandikirwe ebikugenderaho:

Yosuha 23:15 Kandi kirihika, nkebirungi byona okubyabahikireho, MUKAMA RUHANGA wanyu ebiyabagambireho, nukwo MUKAMA alibaletaho nebibihire byona, okuhikya obwalibahwerekereza omu nsi enu enungi MUKAMA RUHANGA wanyu eyiyabahaire.

 

Zakariya 14:6-7 Kandi kirihika aha kiro eki, omusana tiguliba nokwangasana nomuirima baitu baitu liriba izoba limu, MUKAMA eryamanyire; teri nyamusana kunu tikiri kiro: Bantu kirihika akairirizi halibaho omusana.

 

2 Abasesalonika 2:7 Baitu ekyensita ekyobwemi nikikyakora: kyonka haroho arukutanga hati bunu, okuhikya obwalihibwaho.

Hoseya 4:6 Abantu Bange bahwerekeriire habwokuburwa okumanya, baitu iwe oyangire okumanya, nikyo nyowe ndyangira iwe kunu toliba nyakatagara nambere ndi: baitu okebwa ebiragiro bya RUHANGA, wawe, nanyowe ndyebwa abaana Bawe.

 

Matayo 25:10 Nabo obubakaba bagenzire okugura, omuswezi yaija nabo abakaba batekanize bahingura nauwe omubugenyi obwobugole oruigi rwakingwaho.
 

 

Kyasande, 25, Okwaikumi na kumu, 2012

 

Isomo: Ebigambo bya MUKAMA: "Okunsera kwanyu okwemitima eyebichweka terigeza okubatungira ekiikaro aha meeza YANGE eyobugenyi bwange."

Ebigambo bya MUKAMA ebya kiro kinu.

 

Bwangu kandi bwangu muno YESU KRISTO, aija okwija okutwara omugolewe owanyakwehaireyo oyuyayeguliire nomusaahi gwe okumutwara omuka ye eyomwiguru. NOYEKAKASAKWO NGU OYETEKANIIZE?

 

Otanuga oburorwaho, ekibi ekinyakujanjaire ensi yoona, obwemi obutaine na kuswara kwona, akavuyo akasasaine omundengo zoona ezomubyaro, kandi NEKIKURU KUKIRA MUBYOONA ENOBI EYABANTU BAINE HALI RUHANGA OWA BAIBULI, OKWANGA ENYETWARA YE HAMU NEBIRAGIRO BYE, BYEYONGIIRE MUNO BWANGU EMYAKA ENYINGI EYENYUMAHO.

 

Embeera yobwire, ekisiki nyijgi nkeyetakazokahoga, obwire bwenyuma, Isaleri eyetoroirwe abo abakuboneseze buli muyudaya hamu na buli mukurisitaayo ahansi enu.

 

Ekigambo kya MUKAMA tikikyali musingi gwa United States. Puresidenti owakana James Madison, owanyakumanyirwe nka Taata wekiragiro kyaitu ekikutufuga, akarangiira ngu: “Twemeriize nyenkya yaitu hali okusobora kwaitu hali okuhondera ebiragiro ikumi nomutima gwaitu gwoona.” TIKIKYAROHO! Nikikorwa mubwesereke hati okuba nekikapura ekyogiibwemu ekibambirwe omumasomero gaitu agaboona.

 

"Hati obwebintu binu biratandika okubaho,mutunurre haiguru, kandi muimukye emitwe yanyu haiguru, habwokuba okucungurwa kwanyu kusembiire haihi.”

Luka 21:28 Bantu ebigambo ebi obubirikabanza okuhiki'ra mulirora haiguru, muliimukya emitwe yanyu; baitu okucungurwa kwanyu kumazire okuhika.

 

 

YESU ALIMU OKUZOOKAHO OMU KWOLEKWA, HAMU NOMUBIROOTO OMUNSI ENU YOONA.

 

ABAYUDAAYA: Nyowe nyenka ninsobora okuheera obwakaiso hali ekyo. Omukazi omu omuyudaaya owunamanyire ahamulimo, akaija hali nyowe kandi yaba nekyakwenda, ekikuru muno. Akangambira ngu YESU Akamwizira omu kirooto, yamuteeka omukono gwe aha mabegage kandi yagamba; Ndi munywani wawe! Akaruga ahamusingi ogukambu muno. Tukagenda aha kyamusana kandi namuhereza Baibuli eyekiyudaya kandi bamwetaaga asome omu Isaya 53. Obuyamazire okusoma orukaara runu, yahinduka yantunuura, namaziga nigaruga omumaisoge, kandi yamanyira kimu kiki ekya Isaya yali nabazaho-YESU!

 

http://www.scribd.com/doc/42277052/Rabbi-Reveals-Name-of-the-Messiah

“Emyezi ntaitoho enyuma atakafwire, omu hali ba rabbi abamaani abamanyirwe omumahanga,-Yitzhak Kaduri, akahandiika ibara lya MESSIAH aha kahandiiko akatoito muno akayasabire ngu kasigale kasibirwe okuhikya hati bunu. Obwakahandiiko kanu kasumurwirwe, kakazonzora ekyo ekyabantu babaire bamanyire enkumi nenkumi zemyaka enyuma. YESU,/YAHUSHUA/YESHUA, Nuwe MESSIAH. Mutabaniwe Rabbi David kaduri nukwo yakigumize. Nobukiraaba ngu omumwakagwe ogukusembayo, Taata we akaba abalizeho kandi arotiire kimu hali MESSIAH, hamu nokwijakwe. "TAATA wange atangatangaine MASSIYA omu kwolekwa." Akagamba kandi akatugambira ngu nagya okwija bwangu." Baitu hali byali bihandikirwe omumpandiika ya Rabbi. Obutwakagwize obumanyiso obu ekibukumanyisa, Rabbi kaduri akagamba ngu "bwali burorwaho obwa malaika." Kwenda kwetegerereza kimu hali oburorwaho obwa malaika,akagamba ngu akaba ataine kyamanyire hali kinu. Rabbi David Kaduri akagumizamu okusoborra ngu ISE Wenka nuwe yali aineho enkoragana eyomwoyo na RUHANGA, Kandi nuwe yali atangatangaineho na MESSIAH omubirooto bye.”

 

YESU OMUSWEZI WAITU OMUSAIJA ALIMU OKURABURA OMUGOLEWE OKWEGARUKAMU.

 

ABAKURISITAAYO: Yoweri 2:28 Kandi kirihika hanyuma, ndisesa Omwoyo WANGE habona abanyina omubiri; kandi abaana BANYU abojo nabaisiki baliragura, abagurusi banyu balirota ebirooto, abasigazi banyu balirora okwolekwa.

 

 

YESU alimu okweyoleka hali abato nabakuru, nabagambira okurabura omugole we ngu alimu okwija bwangu muno, kandi ngu nibeetagisa okuhikiira NAWE.

Amakuru amahyaka hali ebirooto/okwolekwa: Omunywani akugonzebwa kuruga omu Switzerland owanyakurora MUKAMA omu kwolekwa akahandiika akahandiiko kanu wiiki ibiri enyumaho: Akahandiika ati: Kyakataano ekiro; nkaba ndi muruteerano rwokusaba, hakaba haroho omuliisa kuruga England ayatebiize. Obutwali tuli omubwire obwokuramya, nkarora omu kwolekwa, YAHUSHUA, akangambira ati, "Muhara WANGE, ndimu kwija." Nukwo hanyuma yakinu, omutebezi yandora yangambira ati ngu MUKAMA abaza nabantu, kandi abagambira ebintu. Kwihira kimu omu kwamunana, mirundi ebiri arozire okwolekwa kwa KRISTO naija okurabira omu bicu kandi mirundi ebiri nahurra iraka lyengwara niritoka muno.

 

Nubwo yayongera yampandiikira ekihandiiko ekindi kinu nka wiiki emu hanyuma: Olyota Susan! Ninkuramukya omuibara lya YAHUSHUA. Nkengeri nakugambiire, ijo saaha nka 6:20 P.M., nkehuura nimpimbwa, nkaba ntakusobora okuhurra entambu zange, nkehuura ntakulemera nakamu. Nkateekereza ngu obundi kubaire kutwarwa kwekanisa mumwanya, kikabeeraho kimu kandi enyehuura enu eyokugenda ahaiguru ekaba nehuniriza. Nkarora ebyererezi bingi ebyerangi eyekutukura binyetoroire, kandi nkamanyiraho ngu hali haroho bamalaika banyetoroire. Nahabwekyo nagambira ABBA TAATA; "Kuli kutwarwa okwekanisa?" Nkegarukamu kandi namugambira ngu tinkwenda okusigara enyuma. Nkehuura nimpimbibwa mumwanya na wiiki eyenyumaho era, baitu ijo kikaba kyamaani muno nebyererezi ebyo ebya bulu binyetoroire.

 

Era iba ya munywani WANGE muno omurungi akaba nokwolekwa okwebichweka bisatu, wiiki ezenyumaho. Akabanza yarora omusaraba ogwerangi eyekwera nigwaka muno. Hanyumaho ekyayongiireho, yarora abantu nibagenda omumwanya-- akagamba ngu bali enkumi nenkumi batali obukumi bwabantu obuyarozire, kandi hanyuma yabyoona nawe yayerora naharuuka omumwanya hagati yenyunyuzi ezikwaka muno, kandi akagamba ngu yali nyehurra eyobusinge muno.

 

Hakumaliira kwa byoona ninyenda okugaitaho ngu omunywani WANGE ondi nawe agambire ngu akasanga ebyooya bingi muno ebirukwera biijwire omukaye ebikweyoleka omubwire bwenyumaho.

 

 

EBIGAMBO BYA MUKAMA:

 

“Okunseera kwanyu okwemitima eyebichweka terigeza okubatungira ekiikaro kyona aha meeza YANGE eyobugenyi."

 

(Ebigambo ebitungirwe Susan kuruga hali MUKAMA, waitu, Okwaikumi nakumu, 20, 2012)

 

Nyetekaniize okukuhereza ekigambo ekihyaka. Ekigambo kinu kyabantu BANGE.

 

Abaana Ba Ruhanga:

 

Muli omumaiso GANGE. Nindora ekanisa YANGE, abo abanyakundamya omu ngonzi hamu nomumananu; Abo abanyakunseera okuraba omu kigambo kyange kandi abansera omumananu. Abaana BANGE abakugonza mananukwo RUHANGA wabo, abakunseera muno batakugaruka nyuma kuraba omu kwikiriza, nibaikiriza ngu mananukwo ndoho. Nibenda NYOWE NYEENA OBWIRE BWOONA. Bantungira obwire omubiro byabo byoona.

 

Abaana banu bamanyire RUHANGA wabo habwokuba batwaire obwire omukunseera omumitima yabu. Tibanyanga okugenda okwendamu ensi mukiikaro kyange. Bansanga nsemeriire okuhebwa obwire bwabo. Nyijuza ebiro byabo habwokuba banyumirwa obunywani BWANGE. Banga nemihanda yensi, hamu nebintu byensi ebinyakubansikaho hamu namananu GANGE. Obwire bwabo nubwo obwire bwange. Bayehaireyo hibo bonka hali NYOWE. Tibakyali babo bonka kandi tibakyali bomunyanzigwa.

 

Emitima yabu eyehaireyo hali NYOWE, Okugonza KWANGE, emihanda YANGE, hamu nebintu ebinseera. Okuseera KWANGE nukwo okuseera kwabo. Bali mikono YANGE kandi bigere BYANGE. Okuhayo kwabo kwongera kwijuza baingi. Gunu nugwo omulingo GWANGE, omulingo ekanisa YANGE, ebumbatiiramu--omugole WANGE, ekyererezi KYANGE.

 

Bwangu ningya okutwara banu okubaiha omunsi enu-- abo abanyakumulika omuhanda omukiirima-- ensi eyekiirima. Ningya okwihamu ekyererezi ekisigaire omunsi-- OMWOYO WANGE owakwaka okuraba omumugole WANGE, hamu nekanisa YANGE eyenyakwine ekyererezi ekya MWOYO ARUKWERA. Boona baija okwihwamu hamu nogu owanyakusibire ekibi aija okwihwamu omumuhanda. Ekibi nubwo kiratwara ensi omumaani agaijwire.

 

Ningya okukutwara omu kuba kurungi obundaizira omugole WANGE. Mutekwa okwija hali NYOWE nokwehayo okwijwire, okwegarukamu nomutima ogwebundaize, okuganyira kuruga hali omutima ogukwegarukamu hali abo abanyakubetoroire. Mutekwa okuseera etabaza eyenyakwijwire amafuta, hamu nokwijuzibwa kwa MWOYO ARUKWERA WANGE. Otekwa okusoma ekigambo KYANGE. Ija omanyiireNANYOWE habwokuija hali NYOWE Omukaikaro akensita nambere tukusobora kutangatangana tukamanyangana.

 

Tingumire okusangwa. Nyikara ndi haihi muno. Nyikara nyetekaniize okukutangatangana nambere okali hoona, baitu otekwa okwebundaza wenka, okahayo ebyawe byona, kandi oketaaga okuntunga omubwijwire bwange Bwoona. Tinkwija okuikiriza kusemeza enkoragana eyomumutima ogwebichweka-- egyo yonini nambere mukuyayanira ebintu byensi, kukira kuyayanira RUHANGA. Kinu tikisobora kuba, Oba oine kuba noyenda nyowe nyeena rundi tokunyenderaho nakimu.

 

Tinkwata mpora abo abanyakuhambya esente hamu nebyokuhambya ebintu ebyomwoyo, hamu nebintu ebyensi enu-- kandi obu bongera baikiriza ngu NYOWE RUHANGA nsobora okugabirwaho akachweka kataito akobwomezi bwawe. Kinu kiri kibi kandi obutulitangatangana maiso na maiso, ndi kutanakayo.

 

Mwije omu kwikiraniza nekyo ekindukubeetagaho okuba omu hali obukama BWANGE, hamu nokujunwa okubonabona okulimu okwija: ekibonerezo ekyahulirwe abasaija ababi. Esaaha erimu kutaahamu kandi mutekwa okwogya ebijwaro byanyu omumusaahi GWANGE kakusinga oba noyenda okusangwa ohikiriire okutwarwa aha kasumi kokutwarwa kwomugole WANGE.

 

Okunsera kwanyu okwemitima eyebichweka tikuligeza nakamu okubatungira ekiikaro aha meeza yobugenyi BWANGE. Mukitekerezeho kinu nobwegendereza. Okujunwa kwanyu okwebiro nebiro kwesigamire hali kinu. Tinkwija okusiga abo enyuma abakungonza nemitima eyembabazi, kandi abakunseera kuraba omumananu kuruga omukwijuzibwa okwa MWOYO ARUKWERA WANGE. Kinu nikyo ndukwetaaga. Nohura oyehaireyo okusasura omuhendo ogwokuba NANYOWE habwebiro byoona?

 

Bataito muno bachwiremu okubiikiza obwomezi bwabo ahansi, okuleka ensi ekagenda yonka kandi bataito muno nibaija Nanyowe. Ekyahandikirwe KYANGE nikikigamba kinu. Mukyerore.

 

Esaaha erimu kuhika eyokugaruka KWANGE. Ndimu okuseera abo abeganduura zabo ezinyakutekanizibwe.

ONU NUWE OMUGOLE OMUSWEZI.

 

OWOBUKAMA.

Ebyahandikirwe ebikugenderaho:

 

Marako 12:30 Kandi ogonzege MUKAMA Ruhanga wawe nomutima gwawe gwoona, nobwomezi bwawe bwona,namagezi gawe gona.

 

Okubara 15:39 Kandi kirabaga nambere muli emiyondo, mugirolege, muijukege, ebiragiro byona ebya MUKAMA mubikolege: muleke okugendagenda nimukuratira emitima yanyu inywenka namaiso ganyu inywenka ebimwahonderaga nobusihani.

Luka 16:13 Busaho muiru asobora okuko'ra bakama babiri, baitu alinobaho omu nagonzaho ondi rundi aligumira homu nagaya ondi.

2 Abasesalonika 2:6-8 Kandi hati bunu ekirukutanga mukimanyire, nukwo asuku'rwe omu mpikoze. 7 Baitu ekyensita ekyobwemi nikikyakora: kyonka haroho arukutanga hati bunu, okuhikya obwaliihibwaho. 8 Kandi nubwo ogu owobwemi alisuku'rwa, MUKAMA waitu YESU owalihwerekereza norwoya orwakanwake, namuburanganiza obwokumanyisa okwokuijakwe.

 

Okusukururwa 3:16 Baitu habwokuba oli koya koya, kunu yokwokya rundi tokufuka, ningya okukutanakayo omukanwa kange.

 

1 Petero 4:18 Engeri ebyahandikirwe bikugamba; nikigumira muno abantu abarungi okujunwa, hati kiki ekyabasisi abatali bobwaruhanga baraba??

 

2 Petero 2:20-21 Baitu rundi obubamara okuiruka obugwagwa obwensi, obwokumanya kwa MUKAMA kandi omujuni waitu YESU KRISTO, obubagaruka okwetaba omwebi nokusingurwa, ebyahanyuma byabu nibikira obubi ebyokubanza. 21 Baitu kyakubaire kirungi nambere Bali kuba bataramanyire omuhanda ogwokuhiki'ra, okukira obubamazire okugumanya okugarukayo enyuma okuleka ekiragiro ekirukwera ekibahairwe.

 

 

 

 

Haroho Obwire Butaito Muno Obusigaireho

Ebigambo bya MUKAMA:

 

"Okujunwa Kwange tikucheka-- busaho nomu owasobora okuteka kindi kyona omukiikaro kyakwo, rundi okukwihaho ekintu kyona, rundi okwongeraho kindi kyona."

 

(Ebigambo ebitungirwe Susan kuruga hali MUKAMA waitu, Okwaikumi nakumu, 21, 2012)

 

Muhara WANGE, nkinu ekigambo:

 

Baana Nimwetaaga okumpuliriza, NYOWE RUHANGA wanyu. Haroho obwire butaito muno obusigaireyo engeri omunyanzigwa WANGE alimu okulyamu ensi. Alimu kutwara ebikozeso byensi-- abantu BANGE. Alimu kufuga hali abo abakumwikiriza okutaha omumitima yabu. Alimu okutwaliriza emibiri yabu hamu nokwiba emyoyo yabu yoona nagitwara nebisuba bye hamu nokubihabiha kwe. Afwoire abantu abasibe nukwo basobole kwanga okuhuliriza RUHANGA wabo owanyakuhikire: Ayahangire abantu boona.

 

Omwoyo gwomuntu guhambirwe ekibi kuhikya obumuteekaho omukono gwange haluwe, kandi akagarurwa hali omuhangiwe. Obwohura okusikwa rundi okusembezebwa haihi okwa MWOYO WANGE, alimu okukweta ogaruke hali NYOWE-- MUKAMA Wawe.

 

Nkateka obwomezi BWANGE hansi habwanyu. Nkahayo byoona: Ekihongwa KYANGE kikaba kimalirizibwe-- busaho nekimu ekyasigaire kitamalirizibwe. Nkafwoka omuhereza omwebundazi, owa RUHANGA okuhereza hamu nokutangatangana ebyetaago byabantu, okweyoleka ndi MWESIGWA, okuhereza ebyange BYOONA hali abahondezi BANGE-- abo abakutungire obutumwa BWANGE, Okujunwa KWANGE: abo abakwikiriza ngu ndi RUHANGA wabo. Kunu kwali kwegomba KWANGE, okuhikaho abantu boona abakwizire hali NYOWE kandi bakatunga Okujunwa KWANGE obwire bwona.

 

Okujunwa kunu tikukukehebwa obwire. Kukyali kwamani nkengeri kwali kuli aha kiro ekinafwerireho aha musaraba ninfwera abantu boona. Okujunwa KWANGE tikucheka-- busaho nomu asobora okuteka ekintu kyona omu kiikaro kyakwo,rundi okukwihaho kintu kyoona, rundi okukugaitaho ekintu kyoona. Omusaahi GWANGE ogwasesirwe gukyali gwamani muno hati kandi nkengeri guliikara guli gwamani muno. Mutwale ekisembo kinu, kikuhairwe kiri kyabusa. Kiroho bwire bunu-- bwangu muno haija Kuba haroho omuhendo ogwokusasura hanyuma yokwihwamu kwekanisa YANGE. Abo abanyakusigaire enyuma baija kuba nibetagisibwa okuteka hansi obwomezi bwabo okutunga okujunwa kwabo engeri omunyanzigwa WANGE aija kwetaaga abo abanyakwanga emanyikirizo ye okuroza okufwa omukuhingisaniza nokwanga okufuga kwe halibo.

 

Mukomemu NYOWE hati kandi mwehaye ekibi kinu hamu nokubonabona. Okujunwa KWANGE kuroho kandi kuroho hati. Ija omu kisa KYANGE hamu nembabazi ZANGE ezikujuna. Muhingisanize obwomezi bwanyu obwekibi hamu nokuhondera omunyanzigwa WANGE owakurwanisa okugonza KWANGE, habwokujunwa kwomwoyo gwawe. Mutunge OMWOYO WANGE omubwijwire bwe bwoona. Mutunge ebisembo ebyo'MWOYO WANGE engeri abigabira busa. Mujwekwe nebijuma ebyo MWOYO WANGE kandi otunge omutima ogusemiire hamu nentekereza eyenyakugaruirwe buhyaka. Hati bunu nubwo obwire obwokutunga amaani kuraba omu kwikarwamu kwa MWOYO WANGE ARUKWERA. Kinu kiri kyange okuhereza-- kwawe okukisaba.

 

Iwe wenka osobora okukomamu. Busaho nomu asobora okukukomeramu kinu. Era NANYOWE tinsobora okuhambisiriza ekisembo kinu hali iwe. Otekwa okukomamu. Oraija NANYOWE rundi ndatekwa kukusiga enyuma? Ninyenda okumara ebiro byoona naiwe omu Iguru lyange erisemiire. Boojo mukomemu NYOWE.

 

Ndi ngonzi ezobwomezi bwawe.

 

OMUHANGI--OMUKOZI--OMUTEKANIZA wobwomezi byoona.

 

RUHANGA OMWEBUNDAAZI.

 

Ebyahandikirwe ebikugenderaho:

 

2 Abakorinso 4:6-7 Baitu RUHANGA nuwe yagambire ati, omusana gulijwa omu muirima, kandi niwe yajwire omu mitima yaitu, okuleta omusana ogwokumanya ekitiinisa kya RUHANGA omu maiso ga YESU KRISTO. 7 Baitu tunyina ekyobuguda kinu omu bibindi ebiibumba, amani agali amaingi muno gabe ga RUHANGA, kunu tigali gaitu.

 

Yohana 6:44 Busaho omuntu owasobora okuija namberendi, Isenyowe ayantumire obwatamucunda; nanyowe ndimwimukya aha kiro kya hampero.

 

Marako 14:65 Kandi abamu babanza okumuchwera amacwanta, nokumusweke'ra amaiso, nokumutera nokumugambira ngu Ragura: nabahereza bamutwara nibamutera empi.

 

Abaheburaniya 2:9 Baitu nturora ogu ayakozirwe okuburaho kake okuba nka bamalaika, nuwe YESU, obwokubonabona okwokufa, ajwaire ekondo, eyekitinisa nokutinwa, nukwo omumbabazi za RUHANGA aroze ha kufa habwabantu bona.

 

 

Kyasande, 2, Okwaikumi nebiri, 2012

Ebigambo bya MUKAMA: “Mukomemu oburukwera hamu nemihanda YANGE kuraba omukwehayo okwijwire.”

Ebigambo bya MUKAMA Ebya kiro kinu:

 

Abahereza ba RUHANGA: nimwija okugarukamu hali RUHANGA habwokwikara muculiire hamu nokuleka abantu abataine omusango okwikara omunyikiriza yabo ngu buli kimu kyoona, kiri kurungi omunsi kandi ngu tiharoho nsonga yona eyokuhunirizibwa rundi eyokuhindukira MUKAMA Okwetekaniriza okugaruka kwe.

Yakobo 3: MUTABA abegesa baingi bene baitu, mumanyire ngu tulicwerwa omusango ogurukukira obukooto.

 

ESUURA 5: TINSOBORA OKULINDIRRA OMUGOLE WANGE EBIRO NEBIRO

 

Ebigambo bya MUKAMA:

 

“Ndi RUHANGA owamananu hali ekigambo KYANGE: Ekigambo KYANGE kirimu okuhikirra."

 

(Ebaruha enu eyekweyongeraho ekehaherezebwa Susan kuruga hali MUKAMA hanyuma yokwesengerezebwa kwekanisa emu omu Africa eyali neyenda obutumwa obumu kuruga hali MUKAMA, Habwomusomo gwabu ahakanisa, Okwaikumi nakumu, 21, 2012).

 

Leka tutandike:

 

Ndihanu okubaliza ekanisa YANGE.

 

Haroho etoko eyamaani haiguru muno eyerimu kwija. Eija kuba neija hali ensi yoona. Ndimu kubazaho hali okubonabona okukuru. Ensi enu erimu okumaliriza kuruga hali orugendo irwebaire nerubatiramu negenda-- hoona hona nimurora ensi nechweka kandi neyahukanamu. Amananu tigakyayetaagwa. Abo bonka abakugetaaga bataito kandi bali hara muno.

 

Ndihaihi okweyoleka MUKOOTO muno okukira obwomeezi hali abo abalimu kugwijagira. Baija okwimukibwa kuruga omu turo twabo. Bwangu muno mwija kumanya obukambu bwekiniga KYANGE. Ningya kukolesa abantu, embeera yobwire, embeera okukora ensonga YANGE. Nahabwekyo otasangwa obyamire obundaizira omugole WANGE owaali bulindaara. Busaho nomu owakwija kutoroka ekiniga KYANGE kakusinga araaba asigaire enyuma. Busaho nomu owakwija okugumisiriza ekyo ekirimu kwija. Omugisa Gwange gwihirweho-- omukono GWANGE ogwobulinzi gwihirweho-- ekiniga kyomunyanzigwa WANGE ekisesirwe namaani goona agaijwire, kinu nikyo ekirimu kwija.

 

Tekaniza okutoroka obundaija okutabaara ekanisa YANGE enyakuhikire. Bataito muno nibaija. Banu nibo abagezi abataito abanyakumanyirwe habwengonzi zabo ezaamani hamu nokwehayo kwabo hali NYOWE: BEHERIIREYO KIMU HALI RUHANGA WABO-- OBAKWOROHERA KIMU MUBWIJWIRE-- ABETEKANIIZE OKUHEREZA KURUGIRA KIMU OMUMUTIMA OGUSEMERIIRWE--NIBEYENDERA OKUHONDERA HAMU NOKUSERA ABANYAKUBUZIRE BALI NKEMIKONO YANGE NAMAGURU EBIKUSOBORA.

 

Hati enu eri saaha eyokucungurwa kwanyu hamu neyokugendera abandi kubatwalira enjiri-- nyenka kisobora kuba kikereriirwe muno. Otazimya okuhambya kwawe okwokuseera RUHANGA, okujunwa, hamu nokwetekaniriza okutwarwa Kwekanisa. Binu byona bigendera hamu. Otaleka ebisikiriza byobwomezi bunu okukuhabya. Hindukira otunu're RUHANGA wawe. Weheyo omumaiso GANGE agarukwera, wegarukemu oli wobugabe, kandi buli kaire.

 

Bataito muno baija okucungurwa. Leka okurabura kunu kwerindwe. Tinsobora okulindiira omugole WANGE ebiro byona. Asemiire kandi nyetekanirize okujaguza kwobugenyi BWANGE. Ija hati engeri "okwija hali RUHANGA kukyaroho hati". Otafwerwa okuhayo KWANGE. Baingi tibakwija okusingura. Kinu kigambo ekihikire. Tinkumanyisa ngu nimbatiinisiriza-- okubaimukya bwimukya.

 

Amananu GANGE gemeera okulengesebwa obwire. Ndi RUHANGA owanyakuhikire hali Ekigambo KYANGE. Ekigambo KYANGE nikiija okuhikiira. Otarabyamu amaiso ekyo ekimazire ira okuhandiikwa, kandi nahati kirimu okubaho, nkwenyini engeri nagambire ngu nikigya okubaho.

 

Ija otunge omukono GWANGE ogukujuna. Ebyokweijukya biija kuba haiguru muno hali abo abakubaire nubatunga okujunwa KWANGE, baitu bakomamu okukunuga habwokwenda emihanda yensi. Zibasangire abo abanyakugonza ensi, kandi bakanga RUHANGA wabo.

 

Ndimu okwija. Oyetekaniize?

 

Onu nuwe MUKAMA Wanyu.

 

Omukama wabakama. Omulemi wabalemi.

Ebyahandikirwe ebikugenderaho:

Matayo 7:14 Baitu irembo lifunzire nomuhanda ogutaha omu bwomezi muke, nabo abaguzora bake.

1 Petero 4:18 Engeri ebyahandikirwe bikugamba: obukiraaba nikiguma abantu abarungi okujunwa, kandi hati kiraaba kita hali abasiisi.

1 Abakorinso 9:26-27 Nanyowe nukwo nyiruka nti, tikuli nkanyakuhabahaba: nukwo ndwana nti, tikuli nkanyakutera masa: baitu nyesaliza nyenka omubiri gwange, ningulema, rundi obundikamara okutebeza abandi, nyowe nyenka ntaba atarukusimwa.

2 Petero 2:20-22 Baitu rundi obubamara okuiruka obugwagwa obwensi, obwokumanya kwa MUKAMA kandi omujuni Waitu YESU KRISTO, obubagaruka okwetaba omwebi nokusingurwa, ebyahanyuma byabu nibikira obubi ebyokubanza. 21 Baitu kyakubaire kirungi nambere Bali kuba bataramanyire omuhanda ogwokuhiki'ra, okukira obubamazire okugumanya okugarukayo enyuma okuleka ekiragiro ekirukwera ekibahairwe. 22 Kibahikireho nkefumo eyamazima okweri ngu Embwa negarukira ebitanaki byayo, nempunu eyogibwe negaruka okwekulingura omu sabu.

 

Matayo 7:13 Mutahe omu irembo erifunzire: baitu irembo ligalihire nomuhanda ogurukugenda omu kuhwereke'ra mukoto, nabo abagutahamu baingi.

Zabuli 2:12 Munywegere omwana atabihirwa, nainywe nimubura omu muhanda. Baitu ekinigakye kiryaka bwango. Bayina omugisa bona abanyakumwesiga.

Matayo 18:8 Omukono gwawe rundi okuguru kwawe obukuliba nukukutabaijura, okutemeho, okunage hara: kikusemeriire okutaha omubwomezi obuzirweho omukono rundi okuguru, okukira okunagwa omu mu'ro ogutahwaho, nemikono ebiri rundi namaguru abiri.

 

Abafilipi 2:12 Nukwo abarukugonzebwa bange, nkokumwahulire ebiro byona, tibuli bwonka obunkaba ndoho, baitu okukira obunkaba ntaroho, muhikirizege okujunwa kwanyu inywenka omu kutina nokutukumira.

Komamu Oburukwera Hamu Nemihanda YANGE Kuraba Omu Kwehayo Okwijwire

 

Ebigambo bya MUKAMA:

“Komamu oburukwera hamu nemihanda YANGE kuraba omu kwehayo okwijwire."

 

(Ebigambo ebitungirwe Susan kuruga hali MUKAMA waitu, Okwaikumi nakumu, 25, 2012)

Leka tutandike:

Ensi erimu okwahukanamu omubuchweka chweka. Akachweka hali akachweka, erimu okuchwekamu. Ensi tesobora kwemerezibwaho emitima yekibi. Emitima eyekwanga RUHANGA. NYOWE nyenka RUHANGA ninyowe nsobora okuhindura ensi-- engonzi ZANGE zonka, hamu namaani GANGE gonka nigo gakusoboire okuhindura ensi enu okugifwora eyetaine kamogo nkengeri yali eri omubanza.

 

Omukono GWANGE, gulimu okuhimbwaho nukwo ekibi kisobole okutunga omuhanda hali abantu abakora ebyobwemi-- abantu abaine enyikiriza ngu RUHANGA tarohokwo, kandi abakwenda okurwanisa engenderwaho ZANGE ezirukwera ezokwomera omunsi enu. Hataroho RUHANGA owokugarukamu; abantu batekereza ngu basobora kukora kyona ekibakwenda hataroho omukono GWANGE ogukwebembera. Bwangu muno baingi baija kurora ngu kinu tikiine kikiri baitu okubihibwa okwamaani okulesirweho omwebembezi omubi owubalimu okuhondera okugenda omubiina ebya gehena etahwaho, okufwa, hamu nokuhwerekerra. Ekibonerezo habwobujemu hamu nobwemi.

 

Ninyenda okubazaho aha burukwera bwa RUHANGA wawe-- ndi Arukwera kandi ataine kamogo ahikiriire. Oburukwera bwange nubwo bwomezi, obwomezi obutahwaho: omusingi ogwebiro byoona ebitahwaho na RUHANGA. Omwoyo gwawe tigusobora okwija omu kubaho kwange okuhikiriire hataroho okwijuzibwa okwijwire okwa MWOYO ARUKWERA WANGE, naikara omu mwoyo gwawe okwisaniza omwoyo gwawe omukisisani KYANGE, Nahabwekyo nakufwora owanyakuhikire okuletwa okwija omu kubaho KWANGE okutahwaho.

 

Okutunga okwijuzibwa kwa MWOYO WANGE, otekwa kubanza KUHAYO ebyawe byoona okukora omwanya ogwa MWOYO WANGE. "Self" etekwa kubanza kwihwamu nukwo habeho omwanya ogwokugiibwamu amaani gange goona agakuliira kimu byoona hamu nokugonza KWANGE. Hataroho okugonza KWANGE omubwomezi bwawe, toli WANGE, baitu nokolera omu Kugonza kwomunyanzigwa WANGE, nakwebembera omu kulya enguzi, obwemi hali RUHANGA wawe arukwera. Obwomezi bwawe hamu nomwoyo nibulyamu enguzi omubiri gwawe okukora emiromo embi kurwanisa RUHANGA arukwera, omuhangi Wawe.

 

Omwoyo wawe asobora kyonka okufworwa ahikiriire habwokukorwa omu kisisani KYANGE ekihikire, nubwo kandi nubwo honka osobora okutunga okujunwa kwomwoyo gwawe kandi nubwo osobole okuletwa okwikara na RUHANGA ARUKWERA.

 

Okwegarukamu, okuhayo obwomezi bwawe hamu nomutima ogwebundaize-- kinu nikyo ndukwetaaga okutaisura OMWOYO WANGE okugwa omumwoyo gwawe, omu bwijwire bwona-- etabaza eyenyakwijwire amafuta, nemulika omuhanda gwawe ogukukutwara omu bugabe, okurubata oli nobulinzi na RUHANGA wawe.

 

Ndimu kwija okwihamu omugole WANGE, abo abemyoyo yabo enyakuli omu kisisani kyange ekihikiriire. Ekintu kindi kyona kuli okwehayo okwebichweka kandi okutamalirizibwe; ekihongwa ekinyakuli koya koya, nambere ekyo ningya okukyanga nimpa okuganja hali abo abanyakukomamu okumpereza ebyabu byoona omukuhingisaniza nengonzi ezibakuhaire ensi. Tunurra hali ensi omukuhingisaniza nokujunwa kwomwoyo gwawe-- kinu nikyo ekibi ekyabantu balimu okusubura omukuhingisaniza na RUHANGA wabo okukora engonzi hali ekibi-- mperiize byoona okucungura abaana BANGE, kunu nibairukira ebyo ebitoito muno-- okuzina nobwemi, nibahingisa okusemera hamu nobwomezi obutahwaho.

 

Komaku oburukwera hamu nemihanda WANGE kuraba omu kwehayo okwijwire. Obwire bulimu kuhwayo. Ensi erimu kwetorora negenda hansi omukiirima-- ensi eyetaina RUHANGA wayo. Weyahukanizemu-- weyahukanizemu kuruga hali kyoona ekinyakuli kibi. Ba kichweka hali abo abataito muno abakwenda okujunwa okuhikire. Bataito baija okurugamu okwija omukuba kurungi. Ningya okukuleta omunsi Yange eyobusinge obutahwaho, baitu mutekwa okukyetaaga. Mukikomemu. Enchwamu eri yanyu okukora.

 

Mukomemu oburukwera,

 

NDI ARUKWERA-- NAIWE BA ARUKWERA.

Ebyahandikirwe ebikugenderaho:

 

Zabuli 29:2 Muheyo hali MUKAMA, inywe abaana abemanzi, muheyo hali MUKAMA, ekitinisa namani.

 

Ekyabalevi 11:45 Baitu ninyowe MUKAMA ayabaihireho omu nsi, ya misiri, okuba RUHANGA wanyu: nukwo muraikaraga abarukwera; baitu NYOWE ndi ARUKWERA.

Abefeso 4:24 Nokujwara omuntu omuhyaka arukuhangwa Ruhanga omu kuhiki'ra nokwera okwamazima.

Abaheburaniya 12:14 Muhonderege obusinge hamu na bona, nokwezebwa, hatali oku busaho alirora MUKAMA.

Abakolosai 3:10 Kandi mujwaire omuhyaka arukuforwa omuhyaka obwokumanya omu kisisani kyogu ayamuhangire.

Zabuli 4:3 Baitu mumanye ngu MUKAMA akeyahu'ramu ogu anyakutina RUHANGA: MUKAMA arahura'ga obundamukungaga.

1 Petero 1:16 Baitu kikahandikwa ngu muliba abarukwera, baitu ninyowe ndukwera.

 

EMANYIKIRIZO YEKISORO: OKURABAMU BYONA MUBUGUFU

 

Okusukururwa 20:4 Nubwo narora ebitebe, hamu nabo abali babikalireho, bakahebwa obusobozi kuramura. Nayongera narora emyoyo yabo abali batemerweho emitwe habwokuba bakaba batebiize amananu aga YESU yabasukuliire hamu nekigambo kya RUHANGA. Bakaba bataramizeho ekisoro rundi ekisisani kyakyo, nobuhakuba okutunga emanyikirizo eyekisoro aha buso bwabo rundi aha mikono yabo. Bakahumbuuka kandi balema nkabakama na KRISTO okumara emyaka rukumi.

Buli kimu kyona hati kirimu okutekebwaho emanyikirizo enu eya bar code. Emanyikirizo yekisoro niyo RFID chip eyenyakuli hati omumiringo enu ebiri;-- chip hamu nemanyikirizo kandi nikyo ekikwato ekikukwata ekikukoragana hamu na bar coding eyenyakuli buli hamu. Eija okutekwa omu mukono gwobulyo, hamu na habuso, kusigikiira aha kusoma okwamaani okwebeyi muno okurakorwa ikoore, nambere aharungi honyini ahabarateeka chip enu, omumuntu.

 

Okusukururwa 13:16 Ekisoro kikahambisiriza abantu boona, abataito hamu nabakooto, abagaiga na banaku, abasibe hamu nabobugabe, okutunga emanyikirizo ahamikono yabo rundi aha buso;

 

Ekihandiiko ekimu ekyokubanza ekiikirizibweho okutwaliraniza microchipping enu nkengeri esoboroirweho omu baibuli kiri omu United States Health care Bill eyenyakurabibweho enyumaho aho.

 

Hahwaki microchipping?

Yakobo 4:4 Inywe abakazi abasihani timumanyire ngu okuganjana okwensi nubwo bunyanzigwa na RUHANGA? Nukwo omuntu wena anyakugonza okuba enganjani yensi, buli ayefoire omunyanzigwa wa RUHANGA.

 

Microchipping eija okuletereza kutunga amagezi, hamu nokuhikaho amakuru agakukwataho buli omu owakatungire emanyikirizo enu, habwa bebembezi abataine ngeso abakuhakaniza Kristo, abakugifuga. Haroho enchwamu ibiri, ezabantu ezibaine okukora. Sitani hamu nomuhanda gwensi, rundi Omuhanda gwa RUHANGA. RUHANGA amanyire byoona, wamaani goona, kandi ali buli hamu. Setani aikara nayenda okukopa RUHANGA kandi nenkora enu eroho kwenda okumanya byoona nka RUHANGA nkokwafuga-- baitu ikara omanyisibwe ngu abo abanyakwetaba omunkora enu eyobuntu, hali Obukama bwa RUHANGA. Osobora era okukomamu emanyikirizo ye kisoro, omubuso bwawe, rundi emanyikirizo ya RUHANGA engeri okurora omu byahandikirwe binu:

 

Okusukururwa 14:9-10 Kandi malaika owakasatu yabahondera, nagamba neiraka eryamaani, kakusinga omuntu wena aramya ekisoro hamu nekisisani kyakyo, kandi akatunga emanyikirizo yakyo ahabuso, rundi omumukono gwe, 10 Ogu wenyini alinywa wine yekiniga kya RUHANGA, ekisesirwemu omukikopo kitatabwire kandi alibonabonesebwa nomurro hamu nobuganga omumaiso ga bamalaika abarukwera hamu nomumaiso gomwana GWENTAAMA.

 

Okusukururwa 22:4 Kandi balimurora amaisoge nibaralye liriba ha buso bwabu.

 

Okusukururwa 14:1 Nkarora, kandi dora Omwana Gwentama gwemeriire ha rusozi Sayuni, kandi hamu bauwe akasisira mu bukumi buna mwenkumi ina, bayina ibaralye nibara lya Ise lihandikirwe ha buso bwabu. 

 

Okweyongera Kwensi Okwikiriza Enkora Eyebyakalimagezi Eya Microchip

 

Ensi okwikiriza kwayo okwa microchip technology okulimu kukura, ninkaha nambere emirwa ekwemereera omu kwikiriza microchip technology kiro kinu? Ensi enu esembiire haihi muno yokwikiriza okubaho kwonyini okwa microchip enu eyekutekwa omu mubiri. Nobuhakuba hati, enkumi nenkumi zabantu abaingi abakuhikya mirioni nkaibiri, abantu bomumakoore baikiriza ngu bakatekwamu emanyikirizo enu beyendiire. Hanu haroho amagezi agamu aha kukurakurana okwensi erimu kukora omukurubata negenda omu kuteekaho emanyikirizo (microchipping):

 

Abasagiki aba technology enu abakubandiriza kimu, amakoore ga banka, hamu banakadi ga makoore (credit card companies) balimu okututwara hali ekyo ekibakusobora okutembeza kimu nemyepanko yoona, nka "orwesoroozo orutakukolesa sente ezomungaro." MasterCard eine amakuru agakukwataho obwire byomumaiso obwokusasura sente ezitali zomungaro, amakuru ganu nigasangwa aha link enu:

http://newsroom.mastercard.com/future-of-payments-stream/

Hati bunu ekinagirwe hali buli omu, ekiwakugambire ngu ruli rutambu rumu rwonka orusigaire kuhika aha kutekaho emanyikirizo aha bantu (microchipping). Ekintu ekindi ekisembiire haihi muno hali microchip enu omumubiri kiri okukwata hamu nokuterezamu hali microchip enu aheeru yomubiri na MasterCard's program pay pass enu: http://www.mastercard.us/paypass.html#/home/ kandi

https://newsroom.mastercard.com/press-releases/isle-of-wight-festival-goers-to-receive-first-ever-auto-top-up-mastercard-paypass-wristband/

 

 

 

 

Kyabalaza, 10, Okwaikumi nebiri, 2012

Ebigambo bya MUKAMA: "Ekyererezi kiija okusikwamu hanyuma yobundakamara okwihamu etabaza ZANGE, ezirungi muno ezijwire amafuta."

 

Ebigambo bya MUKAMA ebya kiro kinu:

 

Abahondezi ba KRISTO abagonzebwa abesigwa:

 

Kinu kintu ekigumire muno okuhandiika baitu nkekaguza hali MUKAMA, omulikyo, kandi yagamba ngu: "Kihandiike-- abantu nibagenda okufwa kakusinga otabagambira amananu." Kurungi ekyo kirungi muno ekikumara hali nyowe.

Obwire bwekyanda enyumaho, nkagenda okukanisa emu, omuruterano nkomugenyi. Nkaba nyikaliire omukiikaro ekyokuliramu kunu abantu nka 100, rundi nokukiraho Baali besoroize balimu kulya, nibaseka, nibabaza... obwire obu nkaba ndi ha computer yange habwa Wifi-connection eyali eroho aho, kandi nubwo MUKAMA, yambaliize kandi nkahuniira-- nahuniira hali ekyo ekiyabalize: "BOONA BABUZIRE-- NIBABALIZA NGANA, BAITU TIBAMBALIZA."

 

Ndihanu okukugambira ngu orwesorozo oru rwona rwija okusigwa ENYUMA AHAKAIRE AKOKUTWARWA KWEKANISA.

 

HABWAKI?

 

Okusukururwa 3:16 Nahabweki hati, habwokuba oli koya koya, kunu tokufuka rundi tokwokya, ningya okukutanakayo okuruga omukanwa KANGE.

  

Ensonga eri abantu tibalimu kutunga amananu omumakanisa gabu ago agakooto. Habwembabazi nekisa ekyamaani muno ekya RUHANGA aine, abantu bachwiremu okurabyamu amaiso ehiragiro bya MUKAMA, Kandi batekereza ngu bali obsolete hali obwire bunu. Baitu RUHANGA atahungule kuli ebiragiro habwembabazi ze ezikujuna, hamu nekisakye ekyekihongwa kya KRISTO, ekikuhuniriza aha musaraba. Nitumanya tuta? Endagaano empyaka ekigamba ekyo:

 

Matayo 5:19 Nukwo omuntu wena alisisa ekimu ekyomubiragiro, binu ebike, nayegesa ati abantu, alyetwa muke mali omu bukama obwomu iguru, kandi wena alibikwata nabyegesa, ogu alyetwa mukuru omu bukama obwomu iguru.

Yohana 14:15 Muraba nimungonza mukwatege ebiragiro byange.

1 Yohana 3:22 Tutunga kuruga haliwe byona ebitusaba habwokuba tworobera ebiragiro bye kandi tukora ebyo ebinyakumusemeza.

1 Yohana 5:2-3 Nuho turukumanyira ngu ntugonza abana ba RUHANGA, obutugonza RUHANGA, ntukora ebiragiro bye. 3 Baitu kunu nukwo Kugonza RUHANGA, itwe tukwate ebiragiro bye: kandi ebiragirobye tibirukulemera.

 

Okusukururwa 14:12 Hanu nuho hali okugumisiriza okwabahikirirwa; banu nubo abanyakulinda ebiragiro bya RUHANGA kandi abaine okwikiriza omuli YESU.

Okusukururwa 12:17 Kandi na dragon ekaba nekiniga hali omukazi, kandi yagenda okurwanagana nabataito muno abembiboye, abanyakworobera ebiragiro bya RUHANGA kandi Abanyakwine obwakaiso bwa YESU KRISTO.

Nobukiraaba ebiragiro tibikahindwirwe nkabaingi bakutekereza; bikyalimu kukora kandi nibyo bikutuhabura nibitufuga okwomeera. Kandi kunu nabaliisa nibasagika orwesorozo rwabantu mumakanisa gabu okubichwa nibagufuihaza okusaba kwomukanisa nukwo abantu basobole okwiruka bagende omumaduuka okugura hamu nokurora emizaano yemipiira aha kiro ekirukwera ekya MUKAMA. Abantu tibakwetebwa omu kwegarukamu hamu nokweijukya habwokumara wiki yoona nibarora filimu ezensi ezikurogotana hali RUHANGA omumiringo nyingi nka milioni emu hamu nokwegezesamu omukuhambya ebintu ebyensi ebikuhakaniza RUHANGA omumiringo yoona. Amakanisa aga koya koya kiro kinu gehangiireho ruhanga owokuramya-- karuhanga akenkora eyabo—ekisisani-- ruhanga owatarukwenda oburukwera hamu nokwegarukamu okwabuli kaire hamu nokweijukya hali ekibi ekikozirwe mumaiso ga RUHANGA ARUKWERA.

 

Amakanisa agakooto agakukira aga koya koya, tigasobora okubazaho obwire bwempero hamu nemiringo eyekuzookera kimu engeri ensi erimu okuhindura omugongo gwayo hali RUHANGA nehindukira ekibi ekyamaani muno kutinisa, omulingo kuruga hali RUHANGA ogukwolekereza hali oburorwaho obwingi muno obwa RUHANGA yaheriize omu baibuli obukwolekereza okwija kwa MUKAMA, kutwara omugolewe. Obutumwa bunu guli muziro omumakanisa aga koya koya-- gagumire muno hali abagenda omumakanisa ga koya koya, abanyakugonza ensi.

 

Amakanisa aga koya koya era gaine enyikiriza ngu ebiragiro ikumi tibisobora okworoberwa kandi ngu noburukwera tibusobora okuhikirizibwa, nahabwekyo oburukwera tibukutembebwa nomubantu. Bahikire ekichweka ekimu-- tibisobora okworoberwa omumubiri-- baitu hanu ekisumuruzo nkinu: habwa MAANI AGAINGI AGAKUHUNIRIZA AGA MWOYO ARUKWERA agaherezibwe habwokubatizibwa kwa MWOYO ARUKWERA habwokusaba okugatunga kandi nahabwokukora OKWEHAYO OKWIJWIRE, HALI MUKAMA, kandi nahabwokumufwolera kimu MUKAMA KANDI OMUKAMA OWAIJWIRE NORUBATIRA OMU KUGONZA KWA RUHANGA-- nikisoboka. RUHANGA tasobora okwetaaga ekintu kyona hali Omuntu ekitakusoboka.

Luka 1:37 Baitu na RUHANGA busaho kintu kyona ekitakusoboka.

Matayo 3:11 Nyowe nimbabatiza namaizi, omu kwegarukamu, baitu ogu arukuija enyuma yange nankira amani, nenkaitoze tindukuseme'ra okuzikwata: ogu alibabatiza omu Mwoyo ogurukwera nomu'ro:

 

Amakanisa agakukira aga koya koya gatiina OMURRO Ogwa MWOYO ARUKWERA, hamu nebihuniriza bingi ebinyakuhondera ebiikara obwire bwona biri byobwaruhanga ebikuru muno, mananukwo obubiraaba nibiruga hali MWOYO ARUKWERA-- ebintu nkokubaliza omundimi, (nobukiraaba kitakukira muno kukanya engeri OMWOYO ARUKWERA agaba ekisembo nkokwayegondiize); obunabi: (okuhuura iraka lya RUHANGA) okwolekwa; ebisembo byokukiza, okubaganizamu emyoyo, hamu hebindi. Baingi muno batontoroma hali ebisembo binu ebya MWOYO ARUKWERA kandi benda okubinga OMWOYO ARUKWERA aruge omumakanisa gaabu-- obuzibu obunyakuli omuli kinu buli nti, KRISTO ali kimu na MWOYO ARUKWERA kandi namaani ga MWOYO ARUKWERA gomugaso muno okukora hamu nokuba omu KUGONZA kwa RUHANGA, ekyetaago hali Okujunwa hamu nokuhikiriza ebiragiro bya RUHANGA ebikyalimu kukora nahati, kandi tibikaihirweho nobukiraaba ngu abantu baine enyikiriza egyo. (Soma hali okubatiza kwa MWOYO ARUKWERA omungeso ezabakwenda 19).

Kandi habwaki amakanisa aga koya koya hamu namakanisa gaingi aga biro binu gatakwenda kukoragana na MWOYO ARUKWERA omu bwijwire bwe bwoona, kuraba omu kubatizibwa okwa MWOYO ARUKWERA? Habwokuba omwoyo ogwediini--omwoyo ogwomuzimu-- nigwirukangana hamu nabasuma omumakanisa ga kiro kinu (obuzibu buli ngu abantu tibasobora okurora kinu bataine amaani ga MWOYO ARUKWERA owubalimu okwanga). Guli gumu omwoyo gwediini ogukuletereza abantu kubi muno ekihinguraine, omumakanisa gabu hamu naheeru yamakanisa gabu omunyikara yaabu eyabuli kiro. Ali munyanzigwa omu kanisa owanyakulimu nayanga okurubata okwamaani ga MWOYO ARUKWERA hamu nokuhangaho okumarwamu amaani, habwekanisa okurubatira omu KUGONZA KWA RUHANGA.
Hanu haroho amakuru agakukiraho hali omwoyo ogwediini:
http://www.takehisheart.com/satanpythonreligious.htm

Kakusinga Okomamu Okundwanisa...

Ebigambo bya MUKAMA:

"Ekibi kirimu okusorooleza hamu amaani gakyo, kurwanisa abantu okuhwerekereza abaana babantu."

(Ebigambo ebitungirwe Susan kuruga hali MUKAMA, waitu, Okwaikumi nebiri, 3, 2012)

Nyetekaniize okukuhereza ebigambo:

 

Esaaha erimu kuhika eyokugaruka KWANGE. Bwangu muno abantu baija kurora engeri basibirwe omunyanzigwa omukambu kandi omuzibu muno. Omunyanzigwa onu ali mukambu muno kandi muzibu, nayenda okuhwerekereza hamu nokwita hamu nokunsikaho abaana BANGE. Tinkwija kuba ninsobora okulemesa abaana BANGE, kwikara omungaroze kakusinga bagumizamu banyangire-- OMUJUNI WABO.

 

NYOWE nyenka nsobora okubajuna, baitu mutekwa okumpindukira. Tinsobora okukuyamba kakusinga onyanga-- onfwora nkowataine mugaso omubwomezi bwawe kakusinga oyehakana okubaho KWANGE. Ntekwa okufuga obwomezi bwawe kuraba omu kwehayo okwijwire hali NYOWE ntakakucungwire kuruga omu mikono hamu nomumitego yomunyanzigwa WANGE. Tainiire kimu mbabazi omunkoragana ye nabantu. Amanyire omulingo asobora okwebemberamu abantu okubahabya.

 

Timwine ekimuli kyona haluwe mutaine NYOWE, MUKAMA wanyu. NINYOWE NYENKA Owanyakwine amaani goona, haluwe. NINYOWE NYENKA owakusobora okumufuga, kandi nokumufwora nkataine mugaso omubwomeezi bwawe. Kuhikya obworaija omunyikiraniza na kinu, oija kubonabonesebwa huwe omumulingo gumu rundi ogundi. Aleeta obusasi hamu nokubonabona hali boona abaana BANGE omunsi enu eyegwire. Habwokuba nokuswekwa kwomusaahi GWANGE gwonka ogutungirwe kuraba omu KWEHAYO OKWIJWIRE okwobwomezi bwawe hali NYOWE nubwo musobora kuba kurungi nobulinzi hali okurumbwa okwekibi okwatongozaho haliwe.

 

Mutekwa okuntunuura. Mwegarukemu obwomeezi bwanyu obwekibi ekimukozire nimurwanisa RUHANGA wanyu, kandi OMUHANGI wanyu, ekimukoliire hansi yobwebembezi nokufuga kwomunyanzigwa WANGE, owanyakwirukaniza obwomezi bwawe. Kuhikya obumurakaherayo kimu ebyanyu byoona omumikono YANGE hamu nokulindwa kurungi, timuli kurungi nakamu mutali NANYOWE nko'MUKAMA KANDI OMUKAMA WANYU. Muli kazaano akarungi muno hali omunyanzigwa WANGE kandi hanyuma yabyoona nimwija okugwa omubutego bwe hamu nokufuga kwe hali obwomezi bwanyu. Emaliira yanyu eija kuba gehena eyebiro nebiro, okubonesebwa, hamu nokubonabona. Kinu kiri habwa kakodyo. Nabeenda mubonabone omubwomezi bunu hamu nobukwija. Akufuga iwe kakusinga oba otehaireyo wena hali NYOWE. Nobworaaba oine enyikiriza ngu noyefuga wenka, era oli hansi yokufuga hamu nobwebembezi obwa boosi omubi otali NANYOWE omuhangi wawe.

 

Garuka omu sensi zawe-- obwire bulimu kwiruka nibuhwayo. Ekibi kirimu kusoroleza hamu amaani gakyo kurwanisa abantu okuhwerekereza abaana babantu. Habwaki nimugurukyagurukya hali enchwamu enu? Ensi nimurora ngu neigusa nukwo muhure ngu timukwenda okuba nomuhangi wanyu habwebiro byoona? Enu eri nchwamu yanyu kukora.

 

Kakusinga mutankomemu, ngya okutamu enchwamu yanyu ekitiinisa, kandi mbanage kuli kuruga omu Kubaho KWANGE, kumara obwire bwoona, obukwija. Enchwamu yanyu nubwo eija kuba eyekusembayo, kandi eyebiro nebiro kandi tihakwija kubaho kugaruka enyuma. Komamu kiro kinu oha oworahereza-- omunyanzigwa wawe kandi owange rundi OMUHANGI WAWE, RUHANGA kandi Omugonzebwa. Chwamu. Obwire tibuli aha rubaju rwawe.

 

NDI RUHANGA owatahwaho.

Ebyahandikirwe ebikugenderaho:

 

Yohana 10:10 Omusuma taija, rundi okuiba, nokuita, nokuhwerekereza, nyowe nkaija zibe nobwomezi kandi zibe nabwo obwingi.

 

Matayo 10:28 Baitu mutalitina abaita omubiri baitu,tibasobora kuita myoyo; hakire mutinege ogu arukusobora kuhwerekereza omwoyo nomubiri omu gehena.

Matayo 12:31 Nikyo mbagambi'ra nti Abantu baliganyirwa ekibi kyona nekyokujuma kyona; baitu anyakujuma Omwoyo ogurukwera taliganyirwa.

Matayo 24:12 Kandi obwemi obwokuba obwingi, okugonza okwabaingi nukwo kulifuka.

Luka 10:17 Kandi ensanju bakagaruka nokusemererwa, nibagamba ngu MUKAMA waitu, nemizimu nayo netuhu'ra omu ibara lyawe.

Matayo 7:13 Mutahe omu irembo erifunzire: baitu irembo ligalihire nomuhanda ogurukugenda omukuhwereke'ra mukoto, nabo abagutahamu baingi.

 

Ebigambo bya MUKAMA:

"Ekyererezi kiija kusikwamu hanyuma yobwire obundamara okuihamu etabaza ZANGE ezomuhendo ezijwire amafuta." 

(Ebigambo ebitungirwe Susan kuruga hali MUKAMA waitu, Okwaikumi nebiri, 5, 2012)

Ego, tusobora kutandika:

 

Baana, ndi RUHANGA OWEBIRO BYOONA-- OMUJUNI OWEKITIINISA. Nkaija okujuna emyoyo yanyu. Nkaija okubebembera kubaturukya-- okwija KWANGE kukaba kwokuhereza ekitiinisa abaana BANGE, Okutandika obwomezi obwijwire. Ndi RUHANGA owakugonza okwehereza. Nkahereza byoona-- ndi RUHANGA omwomezi, RUHANGA owakujuna, AMAANI AGATAHWAHO... Ndi OMUGONZEBWA WOMWOYO GWAWE.

 

Otanyima okunyumirwa kwobunywani bwawe habwebiro byoona. Nkafwa nukwo nsobole kuba naiwe ebiro byoona. Nkagumira okubonesebwa okuzibu muno. Nkabyamibwa hansi muno... nkarora ekibi ahabubi bwakyo obukusingayo nukwo nsobole okukwimukya otunge ebirungi ebikukirayo. Okubaho KWANGE nukwo ebiro nebiro-- obukama BWANGE obutahwaho obwokusemera okutahwaho. Kinu nikyo kyali kisembo KYANGE hali abantu-- oruganda orugwire orutinisibwe ekibi, orutiirwe omunyanzigwa.

 

Ebihangwa BYANGE, ebimperiize obwomezi,bisobora okukomamu OMUHANGI WABYO, rundi okuseera omunyanzigwa WANGE. Nkaija omunsi omukwolekya okwamaani okwengonzi okusukuruura abantu OMUTIMA GWANGE nkoMWEGESA, Omuhabuzi, OMUHUMUZA, OWAKUKIZA, OMUJUNI, hamu nomugonzebwa hali ababuzire BANGE, ebihangwa ebinyakubuzire. Nkaija okwoleka engonzi ZANGE ezamaani-- tihaliyo engonzi zindi zoona ezikukiraho ezisobora kwolekwa kukira RUHANGA OWATAHWAHO ayaizire omubantu okufubirwa habwebibi byebihangwa BYANGE.

 

Musobora kwikiriza ekisembo kinu kandi mukajunwa kuruga omukibonerezo ekitahwaho-- obwomezi obwahukaine na RUHANGA ebiro byoona. Mutekwa kukomamu okwija omu kisembo kinu. Nkihereza kyabusa,baitu obwire bulimu kuhwayo, habwanyu okucungurwa kuruga omukiniga ekiraija.

 

 

Ekiniga KYANGE kiija kuseswa hali ensi enu embi, habwobwemi bwayo bwona obweine hali NYOWE hamu nemihanda YANGE. Haija kubaho omuhendo ogwokusasura habwokwanga RUHANGA kandi nokusasurwa kwija okugwibwamu abo abanyakunyanga. Musobora okwehara empaka zinu hamu nokutinisa baitu mutekwa okuhayo EBYANYU BYOONA hali NYOWE Mutaine kyoona ekimukwesigaliza enyuma, omukuhingisaniza nokujunwa KWANGE hamu nokuhindurwa KWANGE kugya mubugabe.

 

Nyetekaniize okusimbura bwangu. Byoona birimu kukura nibifwoka ebibi kurwanisa NYOWE. Ikara hanu kandi otunurre ebibi ebikusingayo. Kakusinga okomamu rundi okarugamu okaija omu Kuba kurungi nabahondezi BANGE abahikire. Nkuheriize obugabe bunu okukomamu. Tinkwija kutwara muntu wena muhsmbisiriize. Omunyanzigwa WANGE aija okubatwara nabahambisiriza kakusinga murasigara. Nimuija oba okuhambisirizibwa omu pulani ze embi, rundi mufwe mulimu kuzanga. Muli bibiri binu byoona biija kutwara omu kufwa-- okufwa kuruga omu kujunwa rundi okufwa kuruga omu kuhwerekerra.

 

Tibukwija kuba obwire obwanguhire muno hali abahikirirwa BANGE abokubonabona-- abo abafwera okwikiriza kwabo. Komamu obwomezi hati kandi oyehale oburumi bunu. Ningya kukutwara kandi nkutwale haiguru omu kusemera okutahwaho. Haroho obusumi butaito bwonka ensi enu obwesigaizeyo etakabumbaatire ekibi kandi ekafwokera kimu eyekiirima. Ekyererezi kiija okusikwamu hanyuma YANGE kwihwamu etabaza ZANGE ezomuhendo ezijwire amafuta. Nubwo murarora ekiirima nkekimutakarorahoga.

 

Ndimu okubaculiira. Murugeyo. Mweyahukanizemu hali ekibi, mwirukire omumikono YANGE eyenyakulinzire. Muchwemu okuba NANYOWE rundi okundwanisa. Ninsobora kubatwara hati honka kakusinga mwanga ensi hamu na kyona ekyekukikiira. Binu nibyo ebyokugenderaho ebimutekwa kutangatangana. Bataito baija kubitangatangana... bataito baija kuba nibagenda.

 

Akagisa kakyaroho nkengeri kaali kakyaroho hali omulembe ogwali gubuzire ogwobwire bwa Noha. NDI RUHANGA omurungi owobwinganiza. Mulimu kuraburwa. Leka ebigambo binu byemerre okulengwa kwobwire.

RUHANGA WANYU: OMUGUMISIRIZA, OMURUNGI, OWAKUGUMISIRIZA.

Ebyahandikirwe ebikugenderaho:

 

Yeremiya 30:19 Kandi omu ebi nuho haliruga ebyokukugiza, niraka lyabo, abarukuseka; kandi ndibakanyisa tibaliba bake; kandi ndibanyumiza, tibaliba bato.

Yohana 3:2 Ogu akaija namberali ekiro,namugambira ati Rabi tumanyire iwoli mwegesa ayarugire hali RUHANGA: baitu busaho muntu asobora okukora obwokurora'ho obwokora rundi RUHANGA obwaikara nauwe.

 

Engeso ezabakwenda 10:38 YESU owa Nazalesi, RUHANGA okuyamusesereho Omwoyo ogurukwera namani ayagendagendaga nakora okurungi, nakiza bona abayenderezibwe setani, baitu RUHANGA akaba ali nauwe.

2 Samuiri 22:3 RUHANGA womwandara gwange, nuwe ndayesigaga: Engabo Yange, nihembe eryokujunwa kwange, orukomero rwange oruraihire nekyokwebingamu kyange; omujuni wange, nonjuna hali itima.

 

ESUURA 6: AHEERU YOKUGONZA KWANGE, ABANTU BOONA BEGEZAMU OMUKUKORA EKIBI

 

Ebigambo bya MUKAMA: “Aheeru yokugonza KWANGE, abantu boona begezamu omukukora ekibi."

 

Ebigambo bya MUKAMA ebya kiro kinu.

Ebigambo bya MUKAMA:

 

"Kunu nukwo okumaliira nambere nkwebembera ekanisa YANGE okutandika: Okusemera okutahwaho na RUHANGA wakwo owamaani owaijwire ekitiinisa.”

 

(Ebigambo ebitungirwe Susan kuruga hali MUKAMA waitu, Okwaikumi nebiri, 12, 2012)

 

Teeka ebigambo binu aha rupapura muhara WANGE:

 

Baana NINYOWE MUKAMA wanyu:

 

Ninyija hamu nekinyine. Haroho ekiro ekikwija ekinkwija kuba nyemeriire mumaiso gawe aha meeza YANGE eyobugenyi NKOMUKAMA WAWE KANDI NKOMUSWEZI. Nitwija okwimukya gilaasi zaitu kandi tweteranize omungonzi zaitu hamu: Ekanisa YANGE eyehikire-- omugole WANGE owakworobera OMUKAMA.

 

Ninkuhimba mugole WANGE: Owakworobera omukama omumihanda yawe yoona... Owamananu-- aijwire ekyererezi-- abagonza okuhikirra.... abesigwa hali MUKAMA wawe. Abahimba amananu nibebembera abandi nibabatwara omu kyererezi. Enu niyo ekanisa YANGE, abahondezi BANGE: Abakweyendera okuteeka obwomezi bwabo hansi omumaiso GANGE, okunyikiriza okuvuga obwomezi bwabo...nibarubatira omu Kugonza KWANGE Okukora omulimo GWANGE okunyamba omukwombeka obukama BWANGE: okuyamba okusumurra abasibirwe, okulemesa omunyanzigwa, okuhandiika ekiragiro ahamitima yabaana BANGE okuhondera okuraba omu kugonza hamu nomukwehayo habwamaani ga MWOYO ARUKWERA WANGE, owanyakufuga buli kugenda kwabo kwona... nibarubatira omu mihanda yokuhikirra nibagya hali ekisembo ekyamaani ekibali mumaiso gabu: okujunwa okutahwaho, omu kitinisa ekya TAATA wabo, kugya aha kumalirra kwekitinisa hali ekitinisa, okweyanika omu kyererezi kyengonzi ZANGE ezitahwaho.

 

Enu niyo emaliira nambere nkwebembera ekanisa YANGE kutandikira. Okusemera okwebiro byoona, na RUHANGA wakwo owamaani kandi owanyakwijwire ekitinisa, OMUKAMA wensi yoona, AMAANI AGATAHWAHO. NDI WAMAANI MUNO ATAGAMBWAHO, OBUGUUDA OBUTAGAMBWA, EBYOBUGUUDA EBYAHUIRWE EBIRO BYOONA. Kinu kirindiriire Ekanisa YANGE eyenyakunteeka haiguru yebindi byona, omubwomezi bunu-- akachweka kagufu omubwire bunu.

 

Ija kandi onyumirwe ebiro byoona, ebyokuba nabuli kimu kyoona nomuhimbo hamu nokunyumirwa omu MUKAMA wawe owatalihwaho. Ensi enu eri kuzina okwakacu kake muno. Ija ozine na RUHANGA wawe. Teeka hansi ebyokweraliikira byawe-- leka obwemi enyuma. Lekeraho okusisa frocks zawe, lekeraho okukwata ekibi. Ija oyege obusinge, okujunwa, oburukwera, hamu nokunyumirwa kwokuhikirra. Ija ofuge kandi oleme NANYOWE, omuli nyenkwa eyamaani eyekugarukaho era. Ningya okukwimukya haburaira obwamaani muno omubukama bwange obutahwaho kakusinga orayehayo hali NYOWE HATI BUNU.

 

Teeka hansi obwomezi bwawe mumaiso GANGE, habigere BYANGE. Hayo ebyawe byoona hali NYOWE. Ningya okukuteka aha kiikaro ekyahaiguru muno omu bukama BWANGE obukwija, nambere obusinge, engonzi, enseko zigwa hansi nkeihunga-- eihunga eryobutagansi eryokusemera okwebiro ebitahwaho.

 

Obwomezi bunu tutoito muno omukwisana kwabwo omukubulengesanizamu nobukama bwange obulimu kwija obwokunyumirwa okutahwaho hamu nebyokunyumirwa bingi ebinyakuli aha mukono GWANGE ogwobulyo. Naga kuli ebyokwegomba byawe ebibi ebyokora oyegondiize nokolera omutendeke wawe omubi owomwoyo gwawe-- omunyanzigwa WANGE. Okulema kwe nokufuga kwe haihi kuhoireyo. Otateza okuju kwawe mumaiso gonu omutendeki owalimu kusingurwa owokutinisiriza. Obukama bwe bwija bwangu muno okuhwerekerezebwa kandi naiwe hamu nogenderamu kakusinga ogumizamu oli hansi yobwebembezi bwe.

 

Ija omu maani GANGE agatahwaho hamu nokufuga-- ningya okukusumurra kuruga hali amaani ganu, agakukuletereza okukora ekibi hali obwomezi bwawe. Ningya okukubumbatira omumikono YANGE eyengonzi, nteeke ekondo aha mutwe gwawe, hamu neganduura eyokuhikirra aha mabega gaawe. Oija okwemerra ahansi ahagumire-- omwandara-- NINYOWE omwandara gunu.

 

Naga okuhakaniza kwawe kandi ompondere. Obwire bwange obwokukwesengereza bulimu okuhwayo bwangu hambiro.

 

Onu nuwe MUKAMA... OMUJUNI, OMUKAMA Womwoyo gwawe.

 

Ija weena owakugonza....

Ebyahandikirwe ebikugenderaho:

Yohana 8:12 Kandi YESU yagarukamu nabagambira ati Ninyowe musana gwensi: anyakukuratira NYOWE taligenda omu muirima, baitu aliba nomusana ogwobwomezi.

Luka 4:18 Omwoyo gwa MUKAMA guli hali nyowe, Baitu akansesaho amagita okutebeza abasege ebigambo ebirungi; Akantuma okutebeza okulekerwa hali abanyankomo, nokwigura amaiso gabafu bamaiso okulekera abasasanguirwe.

Abaheburaniya 8:10 Baitu kinu nikyo kiragano ekindiraganiza enju ya Isaleri: hanyuma yebiro biri, nukwo MUKAMA agambire; nditahya ebiragiro BYANGE omu magezi gabu, kandi omumitima yabu numwo ndibihandikiramu: nanyowe ndiba RUHANGA nambere bali, Nabo baliba ihanga namberendi.

Zabuli 16:11 Olinyoleka omuhanda ogwobwomezi: Namberoli haroho okuniha okusemererwa, Omu mukono gwawe ogwobulyo numwo harumu ebinyakusemeza ebiro nebiro.

Zabuli 95:1 Muije tumuzinire MUKAMA: tusemererwe omwandara ogwokujunwa kwaitu.

 

Okusukururwa 16:15 Dora, ninyija nkomusuma. Aina omugisa ogu owarora, kandi akalinda ebijwaro bye, kitalyekyo arubate Ali busa, kandi aswale.

 

ESUURA 7: ABANTU BAINE ENYIKIRIZA NGU OKURABURA KWANGE HAMU NEBIGAMBO BYANGE NGU BYOKUSANDAARA

 

(Ebigambo ebitungirwe Susan kuruga hali MUKAMA waitu, Okwaikumi nebiri, 10, 2012)

Ego mugara WANGE, nyeteekaniize kugumizamu:

 

Ndimu kusindika ebigambo biingi muno. Okurabura kwingi muno hali okugumirirwa kwingi okunyakuli mumaiso hali abo abatayenda kuhuliriza nokwegendereza ebigambo BYANGE, hamu nokuhondera omu Kugonza KWANGE. Ekiirima kirimu kwetorora omunsi. Nikizookera kimu hali abo abanyakulimu kutunuura. Baingi muno babyamire, bakyabyamire-- nibakyahakaniriza kimu obwire obubalimu kwikaramu-- nibangira kimu RUHANGA wabo-- nibaikara aheeru yokugonza KWANGE.

 

Nobukiraaba ngu baingi muno beikiririzamu ngu bahikiriire mumaiso GANGE, tibalimu kuhuliiriza kurungi hali obwire bunu kandi balimu kwanga okuraburwa okundimu okuhereza omubwingi. Abantu baine enyikiriza ngu ebigambo BYANGE hamu hamu nokurabura KWANGE ngu byokusandaara. Basoma ebigambo BYANGE kandi bafu bamaiso hali amananu. Tibalimu kwebemberwa OMWOYO WANGE, nahabwekyo tibalimu kulisibwa amananu kandi tibasobora okurora kiki ekinyakuli mumaiso hakasongezo-- baine enyikiriza ngu bamanyire kusigikiira hali entekereza yabo eyibaine hali obwire obwomumaiso. NYOWE NYENKA, RUHANGA ninyowe nyenka manyire kyonyini ekinyakuli mubwire obwomumaiso ekibukwatiriire, kandi kuli kucura okwahara muno hali kiki kyonyini ekyabantu balimu okwepulaningira. Wecumitirizemu abantu abakozirwe omu kisisani kya RUHANGA baine enyikiriza ngu nibasobora okumanya obwire bwomumaiso, batayambirweho RUHANGA Kandi bataizire okunyekaguzaho NYOWE. Bwangu muno baija okweijukya hakiri kakusinga bali banserwire bataserwire amananu omumitima yabu yonyini embi...emitima eyekubiihabiha.

 

Pulani ezabantu ziija bwangu muno okuhwaho muno nkomusenyi kandi naabo abatakwata amananu GANGE baija okusanga bwangu muno kyonyini kyonyini ekinyakuhindukireho. Tindi RUHANGA owakusobora okujumibwa, okusekerezebwa hamu nokukendezibwa kufworwa busa hataroho okufubirwa okwamaani muno. Tinsobora kwikiriza obwemi kugenda butakebiirwe. Butekwa kusangwa kandi bukakorwaho. Baingi muno baija kwega engeri obwemi bwabo butasobora kuserekwa kandi boona baija kuba aheeru omurwate habwa boona kurora.

 

Tinkwata mpora ekibi. Tinsobora kukigumisiriza oihireho kiswekerwe omusaahi GWANGE, okuganyira hamu nembabazi eziherezibwa abo abanyakuziseera kuruga omumutima ogwembabazi. Tiharoho mulingo gundi gwona, ogwa RUHANGA asobora okukolesa okugarukamu hali ekibi nka kinu ekinyakulimu okugumizamu. Bwangu muno ensi eija kurora ekibonerezo ekigisemeriire habwokujuma ibara LYANGE erirukwera, hamu nekihongwa KYANGE ekyamaani ekyabantu, hamu nabaperesona basatu abarukwera, ekondo yobukama.

 

Hatekwa kubaho omuhendo ogusaswirwe habwebibi hamu nokwanga okuhebwayo okukozirwe RUHANGA okukehya ekibonerezo ekitekerweho RUHANGA habwekibi kinu. Ekihongwa KYANGE ekiguzirwe nomusaahi GWANGE Ahamusaraba ogugumire. Kinu nikyo kyali kusasurwa okwebibi byabantu, kandi Kunu abantu banga ekintu kyonyini ekinyakuroho ekyabusa ekyokubajuna kuruga hali okuchwerwa kwabu habwekibi ekinyakusasaine ekikozirwe mumaiso ga RUHANGA anyakuli ARUKWERA.

 

Mperiize omuhanda ogurungi ogukugya omu BUKAMA BWANGE, kugya omu kuba kurungi. Ningya okukwebembera nkutwale omu muhanda gunu, habwa MWOYO WANGE kuraba omurugendo oruli omu kutabu KYANGE.

 

Baana BANGE, mutekwa okuhuliriza okurabura KWANGE. Haliyo ebiro ebyekiirima biingi muno ebirimu kwija. Ensi erimu kuhindura omugongo gwayo hali RUHANGA, OMUHANGI wayo. Timanyirwe abantu-- bataito muno malikwo bamanyire. Bataito muno baija kuba nibagenda NANYOWE obundaija okucungura ekanisa YANGE eyehikire-- omugonzebwa WANGE.

 

 

Haroho akachweka kataito muno konka, akabantu akanyakwangira kimu ensi hamu nemitego yayo yoona-- ebintu ebyobwomezi bunu ebinyakuletereza kwiha eriiso hali RUHANGA hamu nokumpereza nomutima oguhikiriire. Kiri habwokwikara haihi NANYOWE kyonka kurora ngu eganduura zanyu nizisobora okusemezibwa hamu nomutima gwanyu okusemezibwamu, gutekanizibwe okubaho KWANGE.

 

Muhambye muno kwija hali NYOWE. Hati bunu nubwo obwire. Iruka noija hali NYOWE, nengeri ensi erimu okwiruka nendugaho. Runu nirwo orugendo orukugya omu kuba kurungi. Tokwija okuba kurungi omungaro ezomunyanzigwa WANGE, owanyakufuga emitina yabantu ababi. Aheeru yokugonza KWANGE, abantu boona bakora ebibi, Nahabweki okuba omu Kugonza KWANGE, otekwa okuhayo ebyawe byoona. Obwomezi bwawe butekwa okubambwa, kandi bwefweriire. Nubwo honka orasanga okujunwa kwomwoyo gwawe.

 

Ebigambo binu bihikire-- busaho ebihikire kubisinga. Muhambye muno kutunga amananu, gatakasiimwirwemu enkora embi eyomunyanzigwa WANGE, hamu naabo abe. Manya esaaha eyolimu kwikaramu, kandi ohindukire RUHANGA wawe. Ndi kunihira KWAWE kwonka. Teeka hansi obwomezi bwawe hansi kandi ningya okukwimukya obundasikamu ekanisa YANGE.

 

Entekereza yawe, tesobora okukujuna...

 

Okuhindurwa kwomutima gwawe gwonka habwa MWOYO WANGE, hamu nomusaahi GWANGE byonka nibyo bikukujuna.

 

Ebyahandikirwe ebikugenderaho:

 

Matayo 7:21 Omuntu wena anyakungambira ati MUKAMA WANGE MUKAMA WANGE, tali ogu alitaha omu bukama obwomu iguru; baitu ogu anyakukora Isenyowe ali omu iguru ebyagonza.

 

Matayo 12:50 Baitu anyakukora wena Isenyowe ali omu iguru ebyagonza, nuwe mugenzi WANGE, nuwe munyanya nyowe,nuwe mau.

Yakobo 4:13-14 Nukwo nainywe abanyakugamba ngu hati, rundi ijo, tuligenda ha ruhuga runu, tulimarayo omwaka gumu, tulisubura tulisagisa ensagi: 14 Baitu timurukumanya ekiribaho ijo. Obwomezi bwanyu kiki? Baitu muli ekiho ekinyakurorwa akacu kake nikihwaho.

Matayo 7:14 Baitu irembo lifunzire, nomuhanda ogutaha omu bwomezi muke, nabo abaguzora bake.

Abarumi 8:13 Baitu obumuraaba nimwomeera habwomubiri, mwagenda okufa; baitu muraba nimwisa omwoyo engeso ezomubiri, mulyomera.

Yakobo 4:8 Mui're haihi RUHANGA, nauwe alibai'ra haihi. Munabe omungaro zanyu, inywe abasisi, kandi musemeze emitima yanyu, inywe abanyina emitima ebiri.

 

Kyamukaaga, 22, Okwaikumi nebiri, 2012

Ebigambo bya MUKAMA: "Bwangu muno, ekiirima kyonka kiija okusweka ensi, obwebyererezi BYANGE ebitahwaho obubiramara okutwarwa."

Ebigambo bya MUKAMA ebya kiro kinu:

Bene baitu abakugonzebwa omuli KRISTO, Abesigwa:

 

Matayo 7:21-23 Omuntu wena anyakungambira ati Mukama WANGE MUKAMA WANGE, tali ogu alitaha omu bukama obwomuiguru: baitu ogu anyakukora Isenyowe ali omu Iguru ebyagonza. 22 Baingi balingambira ha kiro kiri ngu, MUKAMA waitu, MUKAMA waitu, tutagambire omu ibara LYAWE? Tutabinge mizimu omu ibara LYAWE? Tutakole byamahano bingi omu ibara LYAWE? 23 Nyowe ndibagarukamu ningamba nti, Tinkabamanyaga inywe murugeho namberendi, inywena abakora ebyokwema.

Byoona ebirungi ebinyakuli omunsi, tibiri birungi kwihaho kakusinga biba biri omu Kugonza kwa RUHANGA. Nahabwekyo, emirimo nobuyakuba eri nungi muno kwinganaki, Aheeru yokugonza kwa RUHANGA ISIITWE, ebyo ebikwetwa "emirimo enungi" rundi "emirimo eyesemiire" boona bali harulengo rumu nemirimo emibi. Haroho Bingi muno ebinyakulimu kugenda omumaiso, omunsi, ebikuzooka nkebirungi. Obuzibu bulinti, byona binu nibibarwa "nkamagezi agekirungi" kuruga aha muti ogwamagezi agekirungi hamu nekibi:

 

 

 

Okubanza 2:9 Akakora emiti yemiringo nyingi eyesemire okukurrayo okwo hamu nokuzara ebijuma ebirungi, omuhagati yomusiri, hakemeramu omuti ogunyakuhereza obwomezi, hamu nomuti ogunyakuhereza amagezi agokumanya ekibi hamu nekirungi.

Okubanza 2:17 Oihireho omuti ogunyakuhereza amagezi agokumanya ekirungi hamu nekibi. Mutekwa butalya ekijuma kuruga ha muti ogu; kakusinga mugulyaho nimugya kufa ekiro ekyo kyonyini.

 

Habwaki “ekirungi” omunsi enu ekyokolera aheeru yokugonza kwa RUHANGA kiri kibi muno? Habwokuba ensi eyebihabiha ngu esobora kukora “ekirungi”, etaine kuyambiranizibwa RUHANGA hamu nokugonza kwe okuhikiriire. Ensi negonyoora omubiri gwayo, omukwepanka okwa'nyowe' etaine RUHANGA kandi hanyuma yabyoona okurangiira kunu okwobukuru kwija kugwa muno hansi ahabuso bwakwo. Leka tutayebwa era nabwo ngu sitani aija nkamalaika owekyererezi nalengaho kubweyabweya abantu ngu “ekirungi” ekibakurora ekikozirwe ensi yo omuhakaniza wa Kristo, ngu kisobora kuba kirungiho, kunu kwenyini kwe ekyo ekikuzooka nkekirungi kandi nkekitaine buzibu aheeru kiri nkebituuru ebikwera aheeru kunu omunda yabyo biijwiremu amagufa: Bigonzebwa aheeru baitu biri aheeru yonyini yokugonza kwa RUHANGA okukujuna kandi biijulire kimu amagufa gabantu abafwire.

 

 

2 Abakorinso 11:14 Kandi tigali mahano; baitu na setani ayefora maraika womusana.

Omuntu wena asobora ata okukora okugonza kwa RUHANGA ISIITWE kurora nti emirimo emirungi malikwo eri mirimo enungi eya RUHANGA?

 

Muheyo ebyanyu byoona hali MUKAMA-- byona-- na pulani zanyu zoona ezomumaiso-- nimuhingisaniza pulani zanyu zenyini na pulani eza RUHANGA habwobwomeezi bwanyu. Tekerezamu omuhangi wawe wenyini okuteeka pulanize zonyini ezihikiriire hali obwomezi obuyahangire.

 

ESUURA 8: EKINTU KYOONA KISOBORA KUFWOKA KISISANI

 

Ebigambo bya MUKAMA:

"Ija nkomwana”...

(Ebigambo ebitungirwe Susan kuruga hali MUKAMA waitu, Okwaikumi nebiri, 18, 2012)

Ego Susan, tusobora okutandika: ngya kukuhereza ebigambo.

 

Nikihuniriza muno obwingi bwabantu abakwanga okwikiriza ngu, NYOWE, RUHANGA ndohokwo, kandi nokwija KWANGE kuli haihi. Kinu kiri kiti habwokuba, abantu bazingamizibwe ensi, hamu nokubiihabiiha kwa Sitani. Aija nka malaika we kyererezi okusikiriza hamu nokwiha abantu kuruga hali RUHANGA Wabo-- OMUHANGI Wabo.

 

Abantu tibakweferayo kugaruka omu sensi zabu. Nibenda okwirukira hamu nokuzanira buzanira omu ruterekerro rwekibi nabakusendekereza baayo abekiirima, hamu nomunyanzigwa owomwoyo gwabu. Nayesereka mubuli kasonda koona, nabweyabweya abaana BANGE, nabaiha omumananu, nabaliisa ebisuba. Nayeisaniza nkekyo ekikwisana ekirungi kandi nkekikutangiira. Ekintu kyoona kisobora kuba kusisani, ekikubuza omwoyo gwabo, ekikwebembera abaana BANGE okubatwara omu gehena. Ekintu kyoona ekinyakwija omu hagati yaitu kikutaagura kuruga ha kigambo KYANGE. Kukora enkoragana eyamaani muno NANYOWE... nikikutwara kuruga omukuba omuhagati yokugonza KWANGE habwobwomezi bwanyu--omulimo ogwobukama ogumbatekiireho okukora. Binu byoona bihwerekeriire, obwoyeteeka ha bintu bindi byoona otataire amaiso hali RUHANGA-- aha kakodyo hamu nokupulaninga okwokuhwerekereza okwomunyanzigwa WANGE: mukambu kandi womutima ogufukire. Okwegomba kwe kuli okutwara baingi muno abakusoboka abaana BANGE, nabatwara omu gehena eyebiro byoona, batali na RUHANGA Wabo OMUHANGI, habwebiro byoona-- omuhendo ogukooto muno ogwokusasura habwakantu katoito muno nekibi omu bwire bunu obugufu. Obwomeezi bwanyu hanu omunsi.

 

Bataito muno baija okwahukanamu kuruga hali ensi, hamu na diiru ezibi ezomunyanzigwa WANGE, okwetekaniriza Okwija KWANGE. Baingi muno baija kuba bemeriire bahuniriire hanyuma yokuhika KWANGE hamu nokuihamu abaana BANGE abeetekaniize abanyakulimu kurora nibanihira okuhika kwa MUKAMA wabo hamu NOMUKAMA. Abarozi baimukire, etabaza zitekanizibwe kurungi zitekerwemu amafuta habwa amaani ga MWOYO WANGE-- omurro ogwebiro byoona.

 

Obundaija okucungura ekanisa kuruga omunsi embi abo bonka abasemezibwe habwamaani ga MWOYO WANGE abakozirwe omu kisisani KYANGE... bafweriire bonka... basemezibwe ekigambo KYANGE... Boogibwe omumusaahi GWANGE, banubonka nibo bakwija omumanyirirwa kandi nokusikwamu kutwarwa omubugabe hamu nokuba kurungi. Abandi boona, tinkwija okubamanyiira.

 

Ija oheyo obwomezi bwawe. Ninsembeza omukono GWANGE hali iwe-- rubata NANYOWE. Ija, manya kandi oyetegereze emihanda YANGE. Bumbaatira ebigambo BYANGE, ebiherezibwe kuraba omu kitabu KYANGE, kuhika hakumaliira kyokujunwa KWAWE, kuhika ahakigendererwa ekyokusemererwa nomuhimbo ogwamaani ogutahwaho ogumanyirirwe habwokulindwa kwomwoyo gwawe gutekanizibwe Hahwekiro ekyokutwarwa Kwekanisa-- eyenyakuli haihi muno. Okumalirra kwanyu kuija okusibirwaho kimu bwangu omu gehena kakusinga otampondera.

 

Enchwamu eyanguhire. Otagyegumiza wenka. Okujunwa okufwoirwe okwanguhire ahabwomulimo gwange ogugumire aha musaraba. Kiki ekikusobora kuba kyanguhire muno okusingaho? Nobuyakuba omwana asobora kukwata amananu ganu. Ija nkomwana...

Omwahuzi wabaana...

 

Ebyahandikirwe ebikugenderaho:

 

Matayo 18:3 Nagamba ati mananukwo nimbagambira nti obumutahinduka nimufoka nkabana abato, mutalitaha na kake omu bukama obwomu iguru.

1 Yohana 2:15 Mutaligonza ensi, nobuhakuba ekintu kyona ekiri omunsi, omuntu wena owaligonza ensi, okugonza kwa Isiitwe owomuiguru tikuli omuliwe.

1 Petero 5:8 Mube bulindara, murole omunyanzigwa wanyu setani nahuruguma nkentale nayetorora naseera owaralya.

Okubanza 1:27 Nahabwekyo RUHANGA yahanga omuntu omukisisani kye, akabahanga omusaija nomukazi.

Abefeso 5:26 Nukwo agyeze, obuyamazire okugisemeza nagyogesa amaizi omu kigambo nukwo agyeretere wenka ekanisa eyekitinisa etanyina kamogo, nobugwakuba omugonya, nobukyakuba ekintu kyona, ekirukusisana kiti, baitu ikalege erukwera etaloho musango.

 

 

Ebigambo bya MUKAMA:

 

"Bwangu, ekiirima kyonka kiija kusweka ensi, kakusinga ebyererezi BYANGE ebitahwaho bimara okwihwamu."

(Ebigambo ebitungirwe Susan kuruga hali MUKAMA, Okwaikumi nebiri, 20, 2012)

Baana abarungi muno, NINYOWE MUKAMA wanyu owanyakulimu okubabaliza:

 

Obwire buizire obwanyu okwekambira RUHANGA-- MUKAMA WANYU KANDI OMUJUNI WANYU. Tihaliyo handi hona hokuhindukira-- tihaliyo handi hona hokusanga ebigarukwamu. Ensi emazirwemu amananu. Eijwire ebisuba hamu nokubihwabihwa. Haliyo enaku yonka, okufwa, hamu nokukerererwamu mumaiso hali ensi eyekweziringurra nkomubisabu etali na RUHANGA.

 

Haliyo ebiro ebyekiirima omumaiso. Mulimu kuroraho endozo yonka eyekyo ekirimu kwija-- ensi eyerimu kwirukanizibwa ekibi, abebembezi ababi, abasaija bengeso embi, okutiina okwingi okuhagirwe emizimu. Ekyo nikyo ekinyakuli mumaiso habwaabo abanyakwanga amananu kandi bakanyanga nkoMUKAMA wabu hamu nomukama wabo habwokuirukira mwomunyanzigwa WANGE.

 

Wetaagule wenka kuruga hali-- okufuga hamu nobwebembezi bwekibi-- obe hansi yobukama BWANGE bwonka hamu nokufuga okumpairwe habwokwehayo KWAWE OKUIJWIRE nubwo orataisurwa kuruga omu kufuga kunu okubi. Kiri habwokweherayo kimu hali NYOWE Mubwijwire kurora ngu kuraba omu kuyayana okwamaani omumutima gwawe kurora ngu nosumururwa kuruga okumukwatwa kwomunyanzigwa, nubwo omwoyo hamu nobwomezi bwawe bukuba buli BWANGE-- buherezibweyo hali okujunwa okwobwomezi bwawe busikirwe kuruga omu bukama obubi obwa hanu munsi, hamu nobwire obwomumaiso obwokubonabo okutahwaho, oyahukanizibweho na RUHANGA, OWAHAIGURU YA BYOONA, omu gehena.

 

Otekwa kukomamu.Nohura noyenda kuba omu hali obukama BWANGE obutahwaho rundi noyenda okugumizamu aha muhanda gwawe hansi aha muhanda ogugazi ogwokuhwerekerra ogwoikaire noirukiraho kuiha hakuzarwa kwawe? Iwe wenka osobora kuchwamu okuruga omumuhanda gunu ogugazi ogukutwara omu gehena kandi okesika wenka kuba nobugabe, okwetwara omumuhanda ogufunda, omu bukama bwange obutahwaho.

 

Haroho omuhanda gumu gwonka, ogwokusobora kurabamu kuhika hali omuhanda gunu ogufunda ogwobugabe, okusemera okutahwaho-- okunyumirwa omu bukama BWANGE obwomuiguru. Ija mumaiso GANGE otiize amaju, nomutima ogukweijukya hamu nokuyayana okurungi okwokutunga obwebembezi BWANGE obutahwaho hamu nobunywani bwokuikara hamu. Enu niyo mananukwo enchwamu enyakuroho mumaiso gabantu boona. Abakukira obwingi muno, barabyamu amaiso enchwamu enu, bagwa, basiikirizibwe ensi, hamu nomunyanzigwa WANGE. Abakukira obwingi babihabihirwe emirwa yabantu, hamu nokuburwa amagezi habwensonga yemitima yabu eyobwemi, kandi begomba okuiruka bonka batali na RUHANGA wabo, OMUHANGI hamu nokuragirwa KWANGE kuraba omu kigambo KYANGE, EKITABU KYANGE.

 

Bwangu muno ningya okusikayo ekanisa YANGE eyehikire, era eyenyakumanyirwe nkoMUGOLE WANGE, mutwale omu kuba kurungi, aheru arugire omunsi enu eyekibi kunu ensi nehinduka kuba yekibi, okutinisa okwamani, hamu nokuhwerekera kuruga omu kibonerezo KYANGE, kunu ninyikiriza ensi okutunga ekyekwenda; okwiruka kuruga hali omukono GWANGE ogwobulinzi.

 

 

Komamu okwikara NANYOWE ebiro byoona hamu nobwingi bwengonzi ZANGE, ezitahwaho, rundi komamu okuhwerekerra okutahwaho. Obwomezi butekerwe omumaiso ganyu. Muhike haihi okubutunga. Ninsobora busobora okububatekera omumaiso ganyu. Tinsobora okubahambisiriza omungonzi ZANGE.

 

Hali abo abanyakukomamu engonzi ZANGE, tihalibaho okuhwayo hali omuhimbo ogubakutunga. Kunu kunihiza KWANGE, ekigambo KYANGE tikikigamba kinu? Bwangu, ekiirima kyonka kiija okusweka ensi, obwebyererezi BYANGE ebitahwaho obubiramara okwihwamu-- bera omu hali ebyererezi ebitahwaho ebikwija na MUKAMA wabyo.

Onu nuwe "OKUSEMERERWA OKWOMUBWIRE OBWOMUMAISO" owalimu kubaza.

Ebyahandikirwe ebikugenderaho:

 

Matayo 7:13 Mutahe omu irembo erifunzire: baitu irembo ligalihire nomuhanda ogurukugenda omu kuhwerekera mukoto, nabo abagutahamu baingi.

Hoseya 4:6 Abantu BANGE bahwerekeriire habwokuburwa okumanya: baitu iwe oyangire okumanya nikyo nyowe ndyangira iwe, kunu toliba nyakatagara namberendi: baitu okebwa ebiragiro bya RUHANGA wawe, nanyowe ndyebwa abaana Bawe.

Marako 7:8 Inywe muleka ekiragiro kya RUHANGA, nimukwata engeso zabantu.

Ekyebiragiro 30:15 Dora ntaireho omu maiso gawe hati obwomezi noburungi, kandi okufa nobubi.

 

Ekyebiragiro 30:19 Ninyeta iguru nensi, okuba kaiso namberoli ha kiro kinu, okuntaireho omu maiso gawe obwomezi nokufa, ebyomugisa nebyokukyenwa: nukwo oyegomboze obwomezi, oikalege oli mwomezi, iwe nabaijukuru bawe.

 

Abafilipi 2:15 Nukwo muikale mutaloho ebyokuhanwa, mutanyina itima, abaana ba RUHANGA abatanyina kamogo, hagati omu businge obuhabire, oburukwanga nambere murukuro'rwamu nketabaza omunsi.

Kyasande, 23, Okwaikumi nebiri, 2012

 

Ebigambo bya MUKAMA: Obutumwa obwembaganiza: "Gambira abantu, ninyija bwangu, baitu baingi baija kuhwerekerra"

Ebigambo Bya MUKAMA ebya Kiro kinu.

Abanywani ba KRISTO, abesigwa abagonzebwa:

Munywani WANGE owa haihi muno, Donna, akaba nekirooto, ekiro muitumbi ijo, kandi nitwenda okukibagana nainywe, nebaruha eyetungirwe kuruga hali MUKAMA eyekukwataho ekirooto kinu:

 

DONNA NAHANDIIKA: MUKAMA AMBONEKIIREGE OMU KIROOTO EKIRO EKYAIJO. Ndozirege kurungi muno omumaisoge, abairege atekaine kandi ajwaire eganduura eyobukama,hamu nekondo eya zaabu. Abairege atiize amaju. Yangambira ati; “gambira abantu ngu ndimu kwija bwangu, baitu baingi baija kuhwerekerra." Ahonaho nasisimuka kandi yangambira: "Otetuntura habwokuba ndi naiwe obwire byoona." Obwire bukaba buli saaha 4:58 A.M.

 

MUKAMA nayenda okurubata noija haliwe bwangu muno. Tutekwa okusomera kimu baibuli zaitu kurungi muno kandi tusabe buli kiro. Saba okutunga etabaza eyeijwire amafuta, hamu nokuba oyetekaniize kutwarwa obwire bwona, hamu nokuba omu Kugonza kwe. Saba obe nokuganyira abantu boona ebintu byona ekibakukozire obwire bwona. Wegarukemu ebibi byawe buli kiro, ebyo ebimanyirwe nebitamanyirwe. Teeka hansi ebyo byona ebyokunyumirwa byensi kandi omuseere nkokunihira KWAWE kwonka habwokuba nuwe okunihira kwawe kwonka.

 

Donna akanyeta hasimu kandi yangambira hali ekirooto kye kinu ekiro ekyagarukireho kandi hanyuma obunamazire kuteeka hansi esimu, MUKAMA akambaliza kandi yangambira nkwate akatabu kange hokuhandiika, kandi ngu akaba nayenda mpandiike ebigambo bye ebikukwataho ekirooto kye hamu nokusindika obutumwa bunu hali buli omu nekirooto kye.

 

 

 

Ebigambo bya MUKAMA:

 

“Ndimu kwija bwangu.”

 

“Okugaruka KWANGE kuli haihi muno."

 

ESUURA 9: NDI WAMANANU HALI EBIGAMBO BYANGE

 

(Ebigambo ebitungirwe Susan, kuruga hali MUKAMA, Okwaikumi nebiri, 21, 2012)

 

Susan, huliriza ebigambo BYANGE-- Nyina ebigambo kandi ninyenda obihandiike:

 

Baana, NINYOWE MUKAMA wanyu.

 

Ndi RUHANGA owahaiguru ya byoona.

 

Ndi OMUTWAZI HAMU NOMWAHUZI Wekyererezi.

 

Nyine ekikoligo ekyamaani muno, ekyokubagana. Omutima GWANGE guchwekere. Tinkajwahire nokuba nenaku. Mpuniriire muno okuhikira kimu aha naku eyamaani muno. Mutekwa okuhuliriza engeri ndimu kubaza:

 

Ndimu kwija bwangu. Okugaruka KWANGE kusembiire haihi muno hati. Bataito muno hati balimu kuhuliriza kurungi. Tibakwenda okwikiriza ngu NYOWE RUHANGA ndi wamananu hali ebigambo BYANGE, kandi ngu ebigambo BYANGE biija okuhikiira.

 

Haija kubaho baingi muno abakubura omu saaha enu eyerimu kwija. Baingi baija kwanga amananu GANGE. Baingi balimu okutunurra omumuhanda ogundi kuli nibagaruka omunsi. Tibaine ekibakwenda kyona na RUHANGA Wabo. Bakomeremu okundwanisa. Balimu okurubata nibandugaho. Nyeralikiriire muno baitu tinsobora okubabweyabweya nobunakutokera kimu.

 

Mbaza kuraba omu bantu BANGE, Abatumwa BANGE, oburorwaho BWANGE, ekigambo KYANGE. Obutumwa bwoona buherezibwe okurabura abantu. Abantu banga bwanga okunyikiriza. Tinyine kintu kyoona ekindekere ntagenderiire. Ebyokurabura byoona bibaire biingi muno. Nyikaire ndi wembabazi muno mubwijwire omu kurabura KWANGE. Ndengereho okurabura abo boona abakubaire nibahuliriza. Mbalize kuraba muli abo boona abemirembe yoona, omumahanga goona. Tihasobora kubaho muntu wena owaine ekyokwekwasa. Boona baija okujunanwa abo boona abanyakwikaire bajemere kandi abanyakwangire ebigambo BYANGE ebyokurabura kuraba omu miringo eyembaganiza eyimbatumiire.

 

Bwangu muno ensi eija kurora okuberaho kimu kwebigambo binu-- omutima GWANGE nigurumwa muno omubusasi bwingi hali abaana abakwija kubura habwebiro byoona ebitahwaho. Esaaha enu eyenaku erimu kuhika bwangu. Kinu kiri kichweka ekyemihanda nyingi omu bwire bunu nambere ebigambo BYANGE ebibazibwe biija okuhikirra kandi nabantu baija kumanya ngu NYOWE RUHANGA ndi wamananu hali ekigambo KYANGE.

 

 

Ndimu kulinguliriza hali abo bonka abakugya bwangu kumpindukira okumpondera obusumi obukusembayo obusigaire butakahikire, nubwo obu ntekwa okusikayo abaana BANGE abakunyorobera, abesigwa, kandi abakurora ebihandikirwe ahakisiika. Ego, abataito muno abatakuzimibwa omurro gwabo habwokunseera kukira okwegomba ensi. Enu eri ngaro emu eyeihwire eyabantu kulengesanizamu nenyanja yabantu.

  

Ndi wamananu hali ebigambo BYANGE kandi hati ebigambo BYANGE birimu okuhikirra engeri nagambire ngu birihikirra. Ndimu kubaikiriza kuba nakagisa okunseera-- okwehayo hali NYOWE. Wehakane okukora hamu nomunyanzigwa WANGE kandi oije aharubaju RWANGE. Tinkwija okuleka omuntu wena owakwenda okundubatira aharubaju. Obwire bwanyu bulimu kwiruka nibubahwaho.

 

Nyetekaniize okuleeta ekitiinisa KYANGE Omunsi okutwara abakomerwemu BANGE, okubaleeta haiguru hanu hamu nokubateeka haiguru ahakukiraho.

 

Nimbenda mwije orwigi orukingwire rutakakingiire kimu ebiro byoona.

 

Onu nuwe MUKAMA kandi OMUJUNI WAWE.

RUHANGA OWAHAIGURU YA BYOONA.

 

Ebyahandikirwe ebikugenderaho:

 

 

 

Abafilipi 2:15 Nukwo muikale mutaloho ekyokuhanwa, mutanyina itima, abana ba RUHANGA abatanyina kamogo, hagati omu businge obuhabire oburukwanga, nambere murukuro'rwamu nketabaza omunsi.

Yakobo 1:17 Ekisembo kyona ekirungi nekisembo kyona ekihikirire kiruga haiguru nikisirimuka okuruga hali Isitwe, owebinyakujwa, atarukusobora okuba nokuhindukahinduka, nobukyakuba ekiituru ekiretwa okuhingura.

Yoweri 2:28 Kandi kirihika hanyuma ndisesa omwoyo gwange habona, abanyina omubiri; kandi abaana banyu abojo nabaisiki baliragura, abagurusi banyu balirota ebiroto, abasigazi banyu balirora okwolekwa.

Abarumi 14:12 Nukwo itwena tulyetonganira omu omu hali RUHANGA.

Matayo 24:37-39 Baitu nkebiro bya Nuha okubikaba biri, nukwo kuliba kuti okuija okwomwana womuntu. 38 Baitu nkokubakaba bali omubiro ebi ebyabandize okusandara kwamaizi, bakaba nibalya, nibanywa, nibaswerwa, nibagaba okuswera okuhikya ekiro Nuha ekiyatahiremu omu bwato. 39 Kandi batamanye okusandara kwamaizi obukwaizire, nukutwara bona; nukwo kuliba kuti okuija okwomwana womuntu.

 

 

 

1 Abasesalonika 5:4-6 Baitu inywe bene baitu timuli omu muirima, ekiro eki okubatangisa nkomusuma: 5 Baitu inywena muli bana bomusana, abana banyamusana: tituli bekiro, nobugwakuba omuirima. 6 Nukwo tuleke okugwijagira nkabandi, baitu turolege tuleke okutamira.

Okusukururwa 4:1 Aha kaire kanu nkongera natunga okwolekwa okundi, kandi narora orwigi orukingwire omuiguru. Hamu neiraka eryatokere nkengwara, eronali mbandize okuhura nirimbaliza enyumaho, likagamba,"ija haiguru hanu, kandi ningya okukwoleka kiki kyonyini ekitekwa kubaho hanyuma tabinu.

Matayo 25:10 Nabo obubakaba bagenzire okugura, omuswezi yaija; nabo abakaba betekanize bahingura nauwe omu bugenyi obwobugole, oruigi rwakingwaho.

 

 

Kyasande, 30, Okwaikumi nebiri, 2012

 

Ebigambo bya MUKAMA: "Ndimu kubeeta murugeyo, okwebaganizamu hali ensi, hamu nemihanda yensi."

 

Ebigambo bya MUKAMA ebya kiro kinu.

 

Abanywani baitu abagonzebwa abesigwa omuli KRISTO:

 

Nooha owa YESU akugarukira kutwara?

 

Omu kwakasatu, 2009, MUKAMA akangamba okurabura abandi ngu akaba nagaruka bwangu muno okutwara abantube. Nukwo, (Okwamunanana 2010), mubusasi obwingi muno kuruga omu kumarwamu amaani engeri kyanyisaniiremu, busaho nomu ayali nampuliriza, omwaka gumu hanyumaho, obunali ndi omumotoka YANGE, nkakaguza MUKAMA, baitu habwaki busaho nomu yali nahuliriza kurungi nobwegendereza hali obutumwa obuyangambiraga okuhereza abantu? MUKAMA akambaliza ahonaho--akagamba, "abantu bataito muno baikaireho habwokurubata okukooto okwa RUHANGA: Bataito muno bakajunwa kuruga omu sodomu na Gomora; bataito muno bakajunwa omubwire bwa Noha; bataito muno bakaikiriza ngu YESU akaba ali RUHANGA obuyarubatiire omunsi enu, kandi nabataito muno baija okutwarwa." Nubwo nahuniriire muno obunagwireho ekyahandiikirwe kinu ekiro ekyayeyongiireho engeri bwali nibwo obutumwa bumu bwonyini:

Luka 17:26-30 Kandi nkokukyahikirire, omubiro bya Nuha, nukwo kiriba kiti omubiro byomwana womuntu. 27 Balyaga, banywaga, basweraga, bagabukaga okuhikya ha kiro Nuha ekiyatahiremu omu bwato, okusandaara kwamaizi nukwija nukubahwerekereza bona. 28 Kandi nkokukikaba kiri omu Biro bya Ruta (Lot), balyaga, banywaga, baguraga, baguzaga, babyaraga, bayombekaga 29 baitu ha kiro Ruta ekiyarugiire omu Sodomu omu'ro nekibiriti bikagwa okuruga omu iguru nibibahwerekereza bona: 30 nukwo kiriba kiti ha kiro Omwana womuntu ekyalisuku'rwamu.

 

Kandi kwiha obwire obu ekigambo kinu obukyanyiziire kuruga hali RUHANGA ekikuhazaho hali bataito muno nibo okutwarwa, MUKAMA angambiire omubwire obutali bumu na bumu ngu "abantu hataito muno" nkengaro emu eijwire... otwokulya tutaito muno kulengesanizamu nekiihuro kyona habugenyi"... nibo baija kutwarwa.

 

Enyumaho muno (Okwaikumi nebiri, 25, 2012), MUKAMA akangambira ngu naizira abo bonka abanyakwikaliire aha kasongezo kentebe zaabo abanyakulindiriire okugaruka kwe.

 

Bantu baingaha abomanyire abanyakwikaliire aha kasongezo kentebe zabo abalimu kurora habwa MUKAMA wabo kulengesanizamu naabo abantu abanyakwikaliire batekaine omubutebe bwabo, bakwatiriire hali ensi enu kuhikya nahakwenda okutera empaka naiwe hali obutumwa ngu OKUGARUKA KWA KRISTO kuli haihi?

Abakurisitaayo abomundagaano empyaka bakabazaho aha kurora habwa MUKAMA--bakaba balimu kulindiira nekihika okugaruka KWA KRISTO, engeri wakuba olindiriire omugonzebwa owogonza muno owomazire obwire bwingi muno otakurora-- itwe tusemeriire kuba nekihika kikwingana nkaha omubwire bunu obwempero (tumanyire ngu bunu buli bwire obwempero habwokuba ensi erimu okwanga KRISTO) ekitusemeriire kuba twine titurora? Kakusinga oraaba otaikaliire, ahakasongezo akentebe yawe norora habwokugaruka kwa KRISTO-- buli toinemu kunyumirwa kwona omu mukoro gunu ogwokutwarwa okwekanisa-toiniire kimu iwe weena kunyumirwa kwoona omu mutima Gwa KRISTO kandi kyakubaire kirungiho okebere omutima gwawe habwokuba MUKAMA nayenda ekanisa eyenyakulimu kuyayanira OKUGARUKA KWE.

 

Hayo ebyawe byoona-- buli kimu kyoona otwaliraniizemu na pulani zawe zoona ezomumaiso ezoine nkomuntu noziteeka omumikono Ya MUKAMA eyekusobora kandi oikirize MUKAMA okugaara buhyaka entekereza yawe nkomukyahandikirwe kinu:

Abarumi 12:2 Kunu mutalisisanizibwa nkobusinge bunu, baitu muhindurwe omu magezi ganyu, amahyaka, nukwo mwero're inywenka, RUHANGA ebyagonza okubiri ebirungi ebisemire, ebihikire.

 

Saba MUKAMA okubatizibwa MWOYO ARUKWERA okutunga etabaza eyeijwire amafuta (nohingisaniza obwomezi bwawe habwokwijuzibwa kwa MWOYO ARUKWERA). Nubwo OKUGONZA kwa RUHANGA Obukurakwatira kimu ahabwomezi bwawe, habwokuba oheriire kimu RUHANGA okufuga okwijwire, MUKAMA aija kukwoleka ngu ensi teine kyeri kulengesanizamu nokugonza kwe okwamaani hamu na pulani ezobwomezi bwawe. MUKAMA aija kuteeka enjara omu mutima gwawe okulindiira nekihika hali okugaruka kwe kandi nomutima gwawe guija kuba guli ahakasongezo kagwo.

 

Marako 12:30 Kandi ogonzege MUKAMA RUHANGA wawe nomutima gwawe gwona, nobwomezi bwawe bwona, namagezi gawe gona.

 

1 Abasesalonika 5:4 Baitu inywe, bene baitu, timuli omu muirima, ekiro eki okubatangisa, nkomusuma.

 

1 Petero 4:18 Engeri ebyahandikirwe bikugamba: ngu obukiraba nikiguma abantu abarungi abaruhanga okujunwa, hati kiraba kita hali abasisi?

Matayo 22:14 Baitu baingi abetwa, kandi abakomwamu bake.

 

Matayo 7:14 Baitu irembo lifunzire, nomuhanda ogutaha omu bwomezi muke, nabo abaguzora bake.

 

Hansi hanu ebaruha za MUKAMA ziri kwolekwa okuhyaka hamu nobutumwa obukuru obukubazaho emanyikirizo eyekisoro. Hansi ahakusembayo omubaruha enu haroho orukaara rwebaruha ezenyuma ezitungirwe kuruga hali MUKAMA ezikubazaho amasomo maingi muno ezikukwataho obwire obutulimu okwikaramu. Era nahansi hanu haroho okuraaliza okwokudaunilodinga hamu nokusoma ekitabu ekya busa ekya MARRIAGE SUPPER OF THE LAMB, EBook,nebigambo kuruga hali MUKAMA, habwomulembe gunu ogwobwire obwempero. EKITABU KINU KIRIMU KUHINDURA OBWOMEEZI! Mp3 audio version eya Marriage Supper of the Lamb, eroho hati omubaruha enu ogaisireho na links eza Spanish version ezekitabu. Kugaitaho nokusainingamu okutunga amakuru agakusingayo muno okwokya ogobwire obwempero, agalimu kwija aha meeza zaitu, omu repota zaitu ezobwire bunu obwempero, agatutekaho buli wiiki. Kugaitaho nebigambo ebisembereyo bwire bunu/okwolekwa kuruga hali benebaitu aboojo abato Jonathan hamu na Sebastian hamu na Buddy Baker.

 

ESUURA 10: TIHALIYO ONDI WEENA OWUMUSOBORA KURABAMU KUTUNGA OKUJUNWA

 

 

"Otalekera kintu kyona akagisa-- ija omumikono YANGE eyekujuna."

 

(Ebigambo ebitungirwe Susan kuruga hali MUKAMA waitu, Okwaikumi nebiri, 25, 2012)

Leka tutandike:

Bwangu, ensi eija kurora oburungi bwamananu-- amananu agatakugwayo-- amananu agebiro byoona-- amananu GANGE tigahindukahinduka, tigatahyatahya—tigakugurukyagurukya. Amananu GANGE gagumu. Obumpereza ebigambo, mbihondera. Ningya okuhikiriza ekyo ekimbalize. Kiija kuba nkengeri mbalize omu kitabu KYANGE. Ekyamukama ataire murugendo, nikirubata, busaho muntu wena asobora kukitanga. Okwija KWANGE kuli ha bwire, kutegekerwe-- engeri okunihiza KWANGE kuli ngu ekiirima kiija kusweka ensi.

 

Ensi eri kaiso hali ekiirima ekinyakulimu kumaraho ensi babwokuba okwanga KWAYO kuhondera RUHANGA wayo hamu nokwanga amananu GANGE, ekigambo KYANGE. Obwemi buija kuhabisa boona abanyakubuhondera. Bataito muno nibenda ekyererezi-- ekyererezi ekihikire ekya RUHANGA, omuhanda ogutaina buzibu ogukuzorwa habwomusaahi GWANGE ogukuruga aha musaraba nambere omusaahi GWANGE gwasesirwe habwokujunwa okwabantu abataina okunihira.

 

Omusaahi GWANGE gwonka nigwo OMUHANDA gwonka ogukutwara omu bugaba omunsi eyekiirima, ensi eyebuzire. Omusaahi GWANGE gwonka, omuhanda GWANGE, ebigambo BYANGE, hamu nokusemeza KWANGE kuraba omu KWEHAYO OKWIJWIRE hali obwebembezi BWANGE-- Nukwo kwija kukwebembera aha muhanda ogufunda ogutaine buzibu kukutwara omu kuba kurungi-- omuhanda ogukutwara omu bukama Bwange obwekitinisa.

 

MUTEKWA KUMPONDERA-- busaho ondi-- tihaliyo ondi weena owakusobora kubajuna. Baingi muno baija kubahabya, kubaiha ahamuhanda ogufunda kubateeka ahamuhanda ogugazi ogwijwire ebisuba hamu nokubihwabihwa. Baingi baija kwirukira omumihanda eyekuzooka nkeyehikire, nibatekereza ngu bali aha mihanda eyehikire. Banu balimu kuhondera emihanda embi, enyegesa, enjiri, bwa ruhanga, enyikiriza, byoona nibiletereza okuhwerekereza omwoyo habwa pulani hamu nenkora yomunyanzigwa WANGE. Nuwe Omukama wanyu, kuhikya ekiro ekyolihinduka okamurugaho okantereeza amaju, okegarukamu ekibi ekyokozire oli hansi yokwebemberwa kwe-- kunu nohondera emihanda ye emibi.

 

 

 

Oihireho kyonka obworaba oyetekaniize okuhungura ekibi kye kuruga omu bwomezi bwawe, kandi okegomba OMUGANGI OMURUNGI KUSINGAHO, kukufuga, oija kutunga okujunwa okwomwoyo gwawe, kandi obe kurungi OMUNGARO ZOMUHANGI WAWE oli hara muno yokunihiza kwokubonabonesebwa okutahwaho: ekibonerezo ekyokwanga okugonza KWANGE okurungi habwobwomezi bwawe hamu nokuhondera omukama omubi owomwoyo wawe. Osobora kunaga kuli omubiihi omubi onu hamu nomwohi onu omubi akasumi koona. Teta ibara LYANGE habwokujunwa-- yayanira obugabe kuraba "omukuyayana okwomunziha" okwokwetaaga kukizibwa hamu bobutongera kukwatibwa kukora okugonza kwomubiri gwawe omukuhakaniza okugonza KWANGE.

 

Oyemeriire hagati yokujunwa kwawe hamu nekisembo KYANGE ekyobugabe hamu nobwomezi obutahwaho, omu bukama BWANGE obwekitinisa. Muteeke hansi ebyokwerinda byanyu. Muteke obwomezi bwanyu omu mikono YANGE. Munyikirize okubasweka omumusaahi GWANGE okubataisura kuruga omu misango eyimwija kujunanizibwa obumuratunura RUHANGA omuhikiriire. Binu byona byanyu. Mutekwa kunseera habwabyo. Busaho ondi weena asobora okukibakoora.

 

Mwine obusumi obwokusigaho ekibi kitakabaire kufugira kimu omunsi yoona hanyuma yokwihamu omugonzebwa WANGE, kumuta omukuba kurungi-- baingi muno tibakwija kwongera kutunga akagisa akakabiri akokujunwa engeri okuhwerekerra okwabwangu kukuija kuhondera omukoro gunu. Otaleketa ekintu kyoona akagisa-- ija omumikono YANGE eyekujuna.

 

Baingi balimu kwikara omu gehena eyebiro byoona, okubonesebwa-- nobuhakuba hati. Otatekereza ngu iwe orabireho ahatulengo orwo orwokugwa omunsobi nkegyo yonyini. Webundaaze.

 

Nfwora MUKAMA kandi OMUKAMA wawe. Ningya okukutaisuliza kuruga omumirro eyetahwaho omu gehena. Ebigambo BYANGE bigumu.

 

Ninyowe KRISTO.

 

OKUNIHIRA KWONKA.

 

NINYOWE.

 

Ebyahandikirwe ebikugenderaho:

Okubara 23:19 RUHANGA tali muntu abihe ebisuba, Kunu tali mwana womuntu, ayeyijukye; Akagamba talikikora? Rundi akabaza talikihikiriza?

Matayo 7:13-14 Mutahe omu irembo erifunzire: baitu irembo ligalihire nomuhanda ogurukugenda omu kuhwereke'ra mukoto, nabo abagutahamu baingi. 14 Baitu irembo lifunzire nomuhanda ogutaha omu bwomezi muke, nabo abaguzora bake.

 

Yohana 14:6 YESU yamugambira ati, Ninyowe muhanda, namananu nobwomezi; busaho aija hali Isenyowe rundi araba okuli nyowe.

Abarumi 4:7-8 Bayina omugisa abaihibweho ebyokusisa byabu, nebibi byabu biswekerirwe. 8 Ayina omugisa omusaija ogu MUKAMA owatarukutekerezaho ekibi.

1 Abasesalonika 5:3 Obubagamba ngu mirembe busaho kabi,nubwo okuhwerekereza okwa bwangu kubaizira, nkokurumwa okukuizira anyakuli nenda; kunu tibalikira na kake.

 

Abafilipi 2:8 Kandi obuyazokere okusisana nomuntu yayebundaza wenka, naculera okuhikya ha kufa, nukwo kufa okwa ha muti.

 

"Ndimu kubeetayo, okweyahukanizamu hali ensi, hamu nemihanda yensi"

(Ebigambo ebitungirwe Susan kuruga hali MUKAMA waitu, Okwaikumi nebiri 26-27, 2012)

Nyetekaniize okukuhereza ebigambo ebihyaka:

 

Baana BANGE, RUHANGA wanyu, alimu kubabaliza:

 

Haroho obwire obulimu kwija nambere bataito bonka nibo bakwija kuba nibahuliriza Amananu GANGE, Amananu GANGE agebiro ebitahwaho. Ensi nezookera kimu nkeyekuraaliza, yonyini, nkehikire. Erimu kubweyabweya, eri kufwa. Osobora kwikara omunsi, kandi etakutwalirize. Kukora kinu otekwa okuhayo ebyawe byoona hali NYOWE kandi okatekwaho emanyikirizo ekutairweho OMWOYO WANGE. Emanyikirizo ye eija kukulinda kuruga hali okwohebwa okwomubiri habwensi. Kiri habwa maani GANGE gonka kurora ngu nimusobora kujunirwa kimu. Gali ganu amaani agajuna kurora ngu emyoyo yanyu esemezibwe, efwoirwe eyetaina kitonyezi, hamu nokwetekaniriza okwija KWANGE. Huliriza ebigambo BYANGE.

 

Byoona tibibuzire kakusinga otunura NYOWE. Tunurra kuli hali ebintu ebyahansi ebindi kandi oija kufwa malikwo. Esaaha eyesigaire okuhika KWANGE kutakahikire nfunda muno nkengeri omuhanda guli ogwokumpikaho. Timwine obwire bwingi muno okuija kusanga omuhanda gwanyu hansi omuhanda ogwabataito basanga.

 

Kinu nikimanyisa ngu otekwa KUHAYO MUBWIJWIRE Obwomezi bwawe hali NYOWE. Obwire bulimu kuiruka nibuhwayo, kandi bataito balimu okwesumurra kuruga hali ebintu ebyokwetabamu ebyobwomezi bunu ebikubahabya. Baherezibwe obwire butaito obusigaireyo, hamu nebyetaago ebyeganduura eyetaine kamogo, kitonyezi nokwefunya, eyinkusaba omugole WANGE, mutekwa okunaga ebisisani byanyu byoona ebyensi, kandi mutunurre hali OMUJUNI wanyu wenka, OMUHANGI, RUHANGA.

 

Okuhuliriza KWANYU kubaganizibwemu kandi kwatekwa aha mihanda eyekutwara omu gehena-- nobukiraaba ngu nibizooka nkebirungi haliwe, emihanda enu erimu kukwebembera nekutwara omu kiirima ekyebiro byoona, nambere hatali okunihira kwona okwokugarukaho buhyaka.

Okwaikumi nebiri, 27, 2012:

Ningya okukuhereza ebisigaireyo ebyebaruha enu haiguru:

 

Baana bekyererezi-- abo abakweyeta BANGE: Mwije hali TAATA wanyu, MUKAMA wanyu, mwinameho hansi, mwebundaaze, mweyoleke nkabasemeriire, kutunga okujunwa KWANGE okuguzirwe nomusaahi GWANGE, habwokunaga ebikorwa byanyu ebyakara. Munage ebyenyuma, mwegarukemu ekibi kyanyu ekikozirwe habwokwebemberwa OMUNYANZIGWA WANGE hamu nokwegomba okubi okwomutima gwawe. Ngaara buhyaka enteekereza yabantu abo abanyakweteka hansi mumaiso GANGE omukwehayo okwokwebundaaza nokwegomba okwokuntunga nka MUKAMA wabu hamu no MUKAMA wabo. Banu nubo abaana abanyikiriza. Banu nibo baija okurugayo NANYOWE obundasikamu Omugole WANGE ali wobugabe.

 

Wesumuure kwija okunsanga hamu nokugonza KWANGE okuhikiriire hali obwomezi bwawe. Leka nsemeze ekikwato kyawe kisemere nobukiraaba mberaki eyeroho, rundi okuhutazibwa okukozirwe hali omwoyo gwawe habwomunyanzigwa WANGE. Ninyowe Akiza emitima, entekereza, hamu nemibiri. Nkiza emitima eyechwekere ningikiriza kimu. Nyine ebigarukwamu. Nfuga hali abo abanyakunfwora wobusobozi halibo kandi mbasumurra mbafwora bobugabe kugonza, kuseka, hamu nokuikara omubusinge, hamu nomukukoragana na RUHANGA, OMUHANGI wabo.

 

Baine omugisa abo abebundaaza abagonza RUHANGA wabo kukira ensi, kukira esente. Baija kurora RUHANGA wabo. Abandi boona baija kunagwa kuli omukiirima ekyaheeru habwebiro byoona, babulire kimu ebiro nebiro batali na RUHANGA. Bwangu, ninyija okutwara kugaara buhyaka enamba etaito muno eyabantu abakuseera mananukwo RUHANGA wabo nemitima yabo, nenteekereza yabo, emyoyo yabo, hamu namaani. Enamba yabantu banu ntaito muno. Bataito muno bonka nibo bahinduire obwomezi bwabo kubuleta hali NYOWE mubwijwire muno kubukolesa aha Kugonza KWANGE, habwebigendererwa BYANGE.

 

Bwangu muno ensi eija kumanya kiki ekikikumanyisa okukomamu kumpakaniza hamu nokugonza KWANGE, okugonza kwa RUHANGA okuhikiriire. Ensi eija kurora kiki ekikikumanyisa okweyahukanizaho RUHANGA ARUKWERA, obwabantu BANGE abakunkikira omunsi baraihwamu kuruga mulibo. Nubwo okutinisa okwamani kuralya ensi engeri obulinzi obunkuhereza abange tibukwija kwongera kuherezibwa ensi, kandi nokuhwerekerra kuija kugwa hali abo abasigaire enyuma.

 

Mwije omu kyererezi hati, muruge omu muhanda ogwa kabi. Ndimu kubeetayo, okweyahukanizamu kuruga hali ensi, hamu nemihanda yensi. Muija kuba mutaine ekyokwekwasa kakusinga murasigara enyuma omunsi, okutunura ekyo ekirimu kwija.

 

Muheyo emyepanko yanyu. Muheyo hali Obwebembezi BWANGE. Mwege emihanda ya RUHANGA. Mubuzirweyo obutikitiki butaito bwonka kuhika aha muhito. Mutaikiriza emyepanko okufuga omumitima yanyu kubatwara omu kuhwerekera kwanyu hamu nokubura okutahwaho. Mutekerezeho hali kinu nobwegendereza.

 

ONU NUWE MUKAMA wanyu.

 

OWAMAANI MUNO OMUKWEBUNDAAZA.

OWAMAANI MUNO OMUKUJUNA.

Matayo 7:21-23 Omuntu wena anyakungambira ati MUKAMA wange MUKAMA wange, tali ogu alitaha omu bukama obwomu Iguru: baitu ogu anyakukora Isenyowe ali omu Iguru ebyagonza. 22 Baingi balingambira ha kiro kiri ngu MUKAMA Waitu, MUKAMA waitu, tutagambire omu ibara Lyawe? Tutabinge mizimu omu Ibara LYAWE, tutakole byamahano bingi omu ibara LYAWE? 23 Nyowe ndibagarukamu nimbagambira nti, tinkabamanyaga inywe: murugeho namberendi, inywena abakora ebyokwema.

Matayo 7:14 Baitu irembo lifunzire, nomuhanda ogutaha omu bwomezi muke, nabo abaguzora bake.

Abefeso 4:30 Kandi mutaganyisa Omwoyo ogurukwera owa RUHANGA owumwaterirweho akokuro'raho hali ekiro ekyokucungurwa.

Abefeso 5:27 Nukwo agyeretere wenka ekanisa eyekitiinisa etanyina kamogo, nobugwakuba omugonya, nobukyakuba ekintu kyoona ekirukusisana kiti, baitu ikalege erukwera, etaloho musango.

 

Matayo 5:8 Banyina omugisa abasemire omu mutima baitu abo balirora RUHANGA.

 

 

Timuligeza Kusanga Engonzi Ezamaani Muno Kukira Ezange.

 

Kyakana, 3, Okwokubanza, 2013

Ebigambo BYA MUKAMA: EBARUHA EYENGONZI

Ebigambo bya MUKAMA ebya kiro kinu. 

 

Ebigambo bya MUKAMA:

 

"NINYOWE ndugiiro yabuli kimu kyoona ekyabantu bakuyayanira omumitima yabu eyetaijwire."

(Ebigambo ebitungirwe Susan, kuruga hali MUKAMA waitu, Okwaikumi nebiri, 30, 2012)

Tusobora kutandika:

NINYOWE YAHUSHUA, MUKAMA wanyu, kandi OMUJUNI wanyu. Nkafa okufa okwokurumizibwa muno habwa bantu boona, okuhikiriza okweraganiza KWANGE hali abantu boona; okuteeka hansi omunyanzigwa WANGE; Okusumurra abasibirwe, okweyoleka ndi wamaani omunsi yoona; okwoleka oburungi BWANGE,ENGONZI ZANGE, engonzi ZANGE ezitalemwa. Nkahereza byoona-- busaho mulimo ogutaito. Nkajwa, omusaahi gwange gukaseswa kandi gukahebwa omukwehayo okwokwebundaaza niguhebwayo OMUKAMA OWAMAANI owensi yoona.

 

Nkaleka eka YANGE haiguru omuiguru, nayegaara hansi, omukikorwa ekyamaani, ekyokwebundaaza nayeteeka omukisisani ekyomuntu, okwoleka engonzi ZANGE Ezaamani, hali ebihangwa BYANGE, okwoleka Omutima gwa RUHANGA hali abo abakubaire nibantangiira omubiro byoona habwabo boona abenyuma hamu nabakwija kuhonderaho, abakwetaaga omujuni. Bunu nubwo bwali buraira bwengonzi ZANGE--Engonzi ezitasobora kumarwayo, okukwatirwayo, rundi okutembebwa.

 

Engonzi ZANGE ziri omwijuzo, amaani maingi muno. Kasta omara kwija haihi NANYOWE, kandi okahuliriza Engonzi ZANGE, hanyuma yokuherezayo ebyawe byoona hali NYOWE, oija kuhindurwa habwengonzi ezinyakuseseka nobugabe hali iwe. Tizikuhwayo. Tizikanga, tizikendeera. Zigumire, zikazire, ekingonzi ekikusingoora: engonzi ezitasobora kusangwa handi hoona, nobukiraaba ngu abantu balengaho.Ensi eija kuija mubugufu. Nobukiraaba nti okubonabona kubaho ahabwakaire katoito omukuhambya ensi, coals zifa nizihwaho, habwokuba ensi enu tehereza engonzi ezihikire, engonzi ezikusobora kugarurwaho bwangu muno kuruga mumbeera eyegumire, ezitakucupurwa, ezitakuhwa amaani, ezitakufa, omurro ogwebiro byoona. Ezo nizo engonzi ZANGE. Ninyowe engonzi-- ezindi engonzi zoona zikopa engonzi ezange, ezinyine kuhereza; ezihangirwe kuruga aha Mutima gwa RUHANGA ezikoperwe ensi eyegwire, baitu eyekwikara neremwa habwokuba endugiiro tekuruga hali omuhangi Wengonzi, Endugiiro eyehikire eyengonzi-- ezitahwaho.

 

NINYOWE engonzi ezo, NINYOWE ENGONZI. Ekigambo KYANGE nikyo ENGONZI; ekihongwa KYANGE nukwo engonzi ezitahwaho, okwoleka okukusingayo okwengonzi. Ija yomeera omungonzi. Wetororwe oburungi bwengonzi ZANGE-- yega emihanda YANGE eyengonzi hamu neyokugonza, Kugonza abandi, kuganyira, hamu nokwikara omubusinge na RUHANGA wawe.

 

Nyine engonzi ezimutaine ekimuzimanyireho. Nizo engonzi ezitahwaho omubukama BWANGE obukwija obwengonzi. Otehakana engonzi ezitahwaho, ebyokunyumirwa aha mukono gwange ogwobulyo, oburukwera, obuhikiriire, ebyobuguuda ebyahuirwe, engonzi ezitahwaho-- hamu nokwikara na RUHANGA Wawe. Ija oyerolere okukizibwa, oburungi, okuganyirwa, obusinge. Ndi ndugiiro eyenyakwikara negera, ebintu byoona ebyabantu baikara nibaseera omumitima yaabu Eyetaina kantu-- eyenyakwikara neyenda, baitu etaigusibwe, habwokuba tibanseera, NYOWE RUHANGA wabo, endugiiro yengonzi, endugiiro yamananu goona.

 

Mwije muhwerere omungaro ZANGE-- nsobora kwesigibwa. Ndi kurungi. Timputaaza. Nkiza abanyakuchwekere emitima. Nyigaara ebihooya ebiraira ebyenaku eyenyuma. Ndi TAATA hali abo abafuuzi. Omwami hali abo abafwakati, omukiza hali abakujwa esagama, omuliisa wentaama ezibuzire, omuhumuza hali abo abajwahire. Ndi kurora hali abo abafu bamaiso, ndi maani hali abo abacheke, ndi munywani hali abo abasoroirwe, ndi kujunwa hali omusisi.

 

Timuligeza kusanga engonzi ezamaani ezikukira EZANGE. Tizikabahoga nobukiraaba ngu abantu baziseera. NINYOWE engonzi. Ninkaha ahandi nambere osobora kusanga engonzi ezihikire? Baingi muno bamazire ira kweyahukanizaho kuruga hali engonzi zinu ezamaani. Omuhanda gufunda, ogukugya omungonzi ezamaani ezikooto muno ezitahwayo. Abo abanyakuzoora omuhanda gunu ogufunda tibalifwa.

Onu nuwe YAHUSHUA... ENGONZI EZEBIRO BYOONA

Ebyahandikirwe ebikugenderaho:

Luka 4:18 Omwoyo gwa MUKAMA guli hali nyowe, baitu akansesaho amagita okutebeza abasege ebigambo ebirungi; Akantuma okutebeza okulekerwa hali abanyankomo, nokuigura amaiso gabafu, okulekera abasasanguirwe.

Yohana 10:17 Isenyowe nikyo angondeza, baitu nyowe mpayo obwomezi bwange, ngaruke mbutwale.

Zabuli 16:11 Olinyoleka omuhanda ogwobwomezi: namberoli haroho okuniha okusemererwa; omu mukono gwawe ogwobulyo numwo harumu ebinyakusemeza ebiro nebiro.

 

Matayo 7:14 Baitu irembo lifunzire nomuhanda ogutaha omu bwomezi muke, nabo abaguzora bake.

 

11, Okwokubanza, 2013

Ebigambo bya MUKAMA ebya kiro kinu: Amakanisa gali kizaaniro kya sitani

 

Abahondezi ba KRISTO abagonzebwa abesigwa:

 

Tumanyire ngu tuli omu bwire obwokusembayo habwokuba ensi erimu kuhindura omugongo gwayo hali RUHANGA kandi niturora ekibi ekikusingayo obubi, nikigenda omumaiso, kandi nekibi ekyo kyonyini ekinyakutuletereza kubihirwa muno omumulingo gumu gwonyini ogwamaani amabi, omuli itwe ogunyakutuletereza okubiihabiiha rundi okuhutaaza abandi. Twanguha muno okubiihiza amaka gaitu, abanywani, hamu nabakozi bagenzi baitu omumiringo entoito kandi titukitekerezaaho muno nokukitekerezaho omurundi ogundi. Nubwo era turora amakuru kandi niturora omuntu nahambya mugenziwe rundi naita ekaye yoona hamu nawe nayeita wenka, kandi tutandika kutukumira nobutiini bwingi muno nitutekereza ngu titusobora okulengesaniza nekibi ekyomulingo nkagunu. Kandi kunu ekiragiro kya MUKAMA ekyobuteeka nikigamba ngu byoona ebyokuhikiira byaitu biri nkebigega ebikusisana kubi oihireho tuli na RUHANGA.

 

Hali RUHANGA, akabi akataito tikiri kirungi kukira ebibi ebingi-- nobukiraaba ngu kiri kitaito muno kwingana ki omumaiso gaitu, hati ninkaha honyini nambere asobora kukuba elaini? Kibi ekikwingana ki ekirungi kandi kibi ki ekikusingayo obukooto? Otyo nukwo abantu bachwa emisango. Buli muntu wena ahangamu omunteekerezaye bwingiki obwekibi obukwikirizibwa hamu nobutakwikirizibwa.

 

Omusaija omu asobora kukwana busuma mukaziwe atamanyire ataine kufwayo kwona amale arole amakuru gekiro kandi nukwo atekereze ngu ekyo ekyalimu kurora kigwire muno. Ekyo nikyo Hollywood ekora obwire byoona. Abamanzi abakurwanisa ekyo ekibakweta abanyanzigwa ababi balimu kukyena hamu nokubyama nabakazi ababamazire kutangaana kandi niturora burora nkarundisi kinu kirungi kandi nikiikirizibwa. Nobukiraaba ekyo, hali RUHANGA, ebibi byona biikara biri bibi otwaliraniizemu okurahira hamu nobusiihani. Ego, obutuju kiri kibi ekyeyanikire, baitu nikisana nkokunakubiihiza omuntu omunyehurraye nobunakuba ntamanyiriirwe. Amaani amabi nkaago gonyini nigo garoho hati omumbeera ibiri hamu kandi hali RUHANGA, ekibi kiikara kiri kibi.

 

Embabazi za RUHANGA (okutunga okuganyira okutatusemeriire) hamu nekisa (okutunga ekisembo ekitatusemeriire) nakyo kibi muno ekihinguraine. Nitwetaaga okuganyira kwa RUHANGA hamu nembabazi kuraba omu musaahi gwa KRISTO,- oba tubiihize omuntu wena, rundi tukozire ekikorwa kyona ekyokuhutaaza. Ekyokuhuniiriza, habwokuba ebibi byoona biri musango hali RUHANGA, omusaahi gwa YESU KRISTO oguhikiriire kandi ogunyakwikaraho obwire bwona, nigusobora kuganyira nekibi ekyekisuba nobukyakuba nkekibi kyoli owakozire omusango ogukooto muno ogukutiinisa. Siima RUHANGA habwomusaahi oguhikiriire ogwa KRISTO.

 

Obutuhayo obwomezi bwaitu hali KRISTO, Kandi tukatangiira OMWOYO ARUKWERA okwizira kimu omu bwomezi bwaitu, OMWOYO ARUKWERA aija kwijamu kandi atuyambe kurwanisa ekibi kya sitani ekinyakurwanisa kandi ekinyakuletereza buli muntu weena okukora ebikorwa ebibi: ebitaito hamu nebikooto. Abantu tibasobora kwahukanizamu ebibi byoona ebinyakuli omubwomeezi bwabo bataine RUHANGA kandi tibasobora nokurora ngu ebibi ebitaito nabyo nibibihiza muno kandi bigwire gusigikiira hali RUHANGA Waitu omuhikiriire kandi owarukwera. Ninsiima muno engeri RUHANGA Ali nuwe OMURAMUZI owakusingirayo kimu hatali abantu, omumbeera yaabu eyeburanganizibwe Eyenkora eyobuntu. Ninsiima RUHANGA ngu nitusobora kumuhindukira habwokutunga amazima hamu nahokutoma habwobwomeezi bwaitu kandi tutekwa kandi tutekwa kukimusaba.

 

RUHANGA ali muramuzi omuhikiriire habwokuba arora byoona, amanya byoona, kandi era amanyire nomunda omumitima yabantu hamu nenyetwara yabantu nababwekyo nasobora kuhereza obwinganiza obuhikire obutasobora kwehakanwa.

 

Omutebezi wenjiri Charles H. Surgeon akahandiika omukitabu kye ngu "kusigikiira hali okweraganiza" Statimenti enu eri hali RUHANGA hamu nekibi: Tikuli ngu era na MUKAMA akora nabantu kusigikiira hali ekipimo kyokusobora kwengeso zabu. “Oh” nukwo akugamba omuseruzi, "ningira nsobora kuba njunirwe kakusinga nyefwora murungiho kusingaho rundi kakusinga mbeera kimu munyadiini, rundi singa nyegezesamu nokuba nokwikiriza okwamaani; baitu tinyine amaani, tinsobora kwikiriza, tinsobora okwegarukamu; tinsobora kukora ekintu kyoona ekihikire." Ijuka era ngu RUHANGA owembabazi tanihiize okukuhereza omugisa kusigikiira hali ekipimo kyokumuherezamu, baitu kusigikiira hali obuguuda bwembabazi ze engeri kibazibwe omu kigambo kye. Kakusinga ebisembobye byali nibikugambirwa kusigikiira hali amaani gawe agomwoyo, tiwakutungire kintu kyoona, habwokuba toine ekyosobora kukora; otaine MUKAMA.

 

Bataito muno baija kucungurwa kutwarwa omu bukama Bwange.

Ebigambo bya MUKAMA:

"Nobuyakuba emirimo yanyu enungi eri nkebigega ebyebisasiro ebiiraguire kakusinga muba muli aheeru yokugonza KWANGE okuhikiriire".

 

(Ebigambo ebitungirwe Susan kuruga hali MUKAMA waitu, Okwokubanza 4, 2013)

Ego Susan, nakwenzire kuhereza abantu BANGE ebigambo:

 

Baana, NINYOWE MUKAMA wanyu: Haroho ekiro ekihyaka ekirimu kwija. Kirimu kwija bwangu aha kwegema-- kiri kiro ekinyakwiniire okunyumirwa okwamaani hali baingi kandi na hali abandi kibainiiire emihito,ekiirima, hamu nekibi.

 

Tinsobora okubabiiha: Bataito muno baija okucungurwa kwihwamu kutwarwa omu bukama Bwange. Bataito muno baija kusangwa basemeriire. Bataito muno nibenda emihanda YANGE. Bataito muno nibenda okweherayo kimu hali RUHANGA Wabo. Haroho bataito muno abakwetaagira kimu kuhondera emihanda YANGE: okwomeera obwomeezi bwonyini obunkubenda boomeere.

 

Kinu nikyo ndukwetaaga: Ninyenda obwomeezi obweheriireyo kimu hali NYOWE mubwijwire. Ninyenda abantu abanyakuteekera kimu obwomeezi bwabo hansi habigere BYANGE, abakuhuura nibendera kimu okumpereza buli kimu kyona: abo abatakyayendera kimu okufuga kwomunyanzigwa WANGE, hamu nokwiruka bonka batali na RUHANGA.

 

Abaana BANGE abanyakuhondera RUHANGA wabo batekwa kuchwamu kuhindura emigongo yabo hali pulani zabo zoona, eza nyenkya eyenyakuli hara muno, hamu nokuteeka byoona ebibaine aha bigere BYANGE. Ninyenda okwehayo okwijwire kandi okumalirizibwe. Abaana Banu batekwa kwechweramu ngu nibetaaga okugonza KWANGE, okwebembera KWANGE, Okufuga KWANGE, hali obwomezi bwabo-- nabuli kurubata Kwabo kwona.

 

Bataito muno nibenda okurubatira omumuhanda gunu ogufunda. Bataito muno bonka baikiriza Omuli RUHANGA wabo ngu nuwe amanyire kurungi hali obwomeezi bwabo hamu namaija gaabo namagenda gaabo. Ntekwa kufworwa OMUKAMA kandi MUKAMA mubwijwire nukwo musobole kuba muli omu Kugonza KWANGE okuhikiriire kandi nokwomeera obwomeezi obupulaningirwe obumbatekiireho obunyakubatwara aha muhanda ogufunda omu bukama BWANGE, obukama BWANGE obutahwaho hali abo abanyakugonza RUHANGA wabo haiguru yebindi byoona. Banu bonka abanyakuli aha muhanda ogwokuhikirra hamu nomukugonza okwa RUHANGA okuhikirire baija okujunwa.

 

Baana musobora okurubatira omu Kugonza KWANGE: nimuhondera engenderwaho ZANGE, nimurubata na RUHANGA wanyu; nimuseerra amaiso GANGE, nimwega okwebundaaza; nimwanira RUHANGA wanyu ebijuma, rundi musobora kugumizamu kuhondera emihanda eyekibi eyekurwanisa RUHANGA ARUKWERA. KAKUSINGA oraaba oteheriireyo kimu, olimu kukora kundwanisa. Olimu kugaara hansi obukama BWANGE, ahansi kandi Oliku kukwataho obwomeezi bwabo abanyakukuli haihi. Nobubyakuba ebikorwa byawe ebirungi biri nkebigega ebiiraguire kakusinga oraaba oli aheeeru yokugonza KWANGE okuhikiriire.

 

Kakusinga oraagumizamu okunyanga, okagenda kuhambya emihanda yawe hamu nokugonza KWAWE, ningya kukusiga enyuma, rundi ekibi kusingaho osobora kwesanga omukuhwerekerra okwabwangu otali na RUHANGA nubwo kumara ebiro ebitahwaho. Abo abasigaire enyuma hanyuma yokugaara buhyaka ekanisa YANGE, Baija kurora obwebembezi obubi hamu neiraru lyomunyanzigwa WANGE. Ekikusingirayo kimu busaho nomu owarasigwa enyuma “owatabonabone". Boona baija kumanya okuonabona okukuru, okutakwija kuleka muntu wena atakwasirweho-- kiija kubarwa kubarwa nkekikuru muno kandi nkekimalirizibwe omumukono gwakyo ogwokuhwerekereza, okutiinisa okukuru, hamu nokubonabonesebwa.

Ija hati omu kujunwa, okucungurwa okukakasibwe, okukizibwa kwomutima, hamu nomwoyo okwikara na RUHANGA wanyu owebiro byoona. Hayo ebyawe byoona. Mpereza byoona. Byoona rundi busaho nakamu. Kinu nikyo ndukwetaaga. Soma ekigambo KYANGE-- mulengese ebigambo binu. Ndi RUHANGA owamananu.

 

NDIMU KWIJA. IKARA OYETEKANIIZE.

 

Onu nuwe MUKAMA Wanyu kandi OMUHANGI.

RUHANGA OWAGAIGURU MUNO. 

 

Ebyahandikurwe ebikugenderaho:

Matayo 7:13 Mutahe omu irembo erifunzire: baitu irembo ligalihire nomuhanda ogurukugenda omu kuhwerekera mukoto, nabo abagutahamu baingi.

Matayo 24:37 Baitu nkebiro bya Nuha, okubikaba biri, nukwo kuliba kuti okuija okwomwana womuntu.

Isaya 64:6-7 Baitu itwena tufwokere nkomuntu atasemiire nokuhiki'ra kwaitu kwona kuli nkekyokujwara ekisisikaire, twena ntuhotoka, nkorubabi ebyokutahikira byaitu nibitwihaho nkomuyaga.

1 Abasesalonika 5:3 Obubagamba ngu mirembe, busaho kabi, nubwo okuhwerekereza okwa bwangu kubaizira, nkokurumwa okukuizira anyakuli nenda kunu tibalikira na kake.

Matayo 24:21 Baitu omubiro ebi, Halibaho omuhito omwingi ogutakabahoga ensi ekaba okubaho nokuhikya hati kandi tigulibaho obwakabiri.

 

ESUURA 11: AMAKANISA GALI KIZAANIRO KYA SITAANI

 

"Amakanisa gali kizaaniro kya sitani."

 

(Ebigambo ebitungirwe Susan kuruga hali MUKAMA waitu, Okwokubanza, 8, 2013)

 

Ego muhara WANGE, ningya kukuhereza ebigambo ebihyaka:

 

Baana aba RUHANGA owahaiguru muno, okuhika KWANGE kulimu kusembera. Baingi muno baine enyikiriza ngu ndi munyabisuba. Nibaikiriza kinu mumitima yabu. Ekitabu Kyange nikirambika ganu amananu aganyakulimu nokuhikiira. Esaaha eyokugaruka KWANGE erimu kwija kandi nabantu nibenda okwanga amananu GANGE. Bali bakulembezi abafu bamaiso abakwebembera abafu bamaiso. Kibi muno kusingayo okukira nokwanga amananu, hibo bonka, nabo balimu okwebembera abandi nibabahabya: Abantu BANGE bonyini abakweyeta ibara LYANGE.

 

Nibaikaara kurungi muno batekaine omumaka gaabu nibehakana ebigambo BYANGE, kunu ensi eyebetoroire erimu kugenda omu gehena, kandi nabo nibagenda nabo, omukiikaro ekyokwija omu Kugonza KWANGE, hamu nokunyikiriza okukolesa obwomeezi bwabo okujuna abandi. Ekiboonerezo kiija kwija bwangu muno kandi kibe kyamaani muno hali ekanisa eya koya koya, eyekurabyaho ediini, omukuhingisaniza namananu habwokwebemberwa kwa MWOYO WANGE ARUKWERA.

 

Sitaani akorra omu kanisa.Amakanisa gali kizaaniro kya sitani. Arubata mporampora namagezi omumakanisa ajwaire nka malaika owekyererezi, nabiihabiiha, nahabya,najuma, nataagura, hamu nokusika abantu nabateeka omu gehena habwebigambo ebigwire, hamu nokuburanganiza. Baingi baingi muno baija kugwa aharubaju rwomuhanda omubisiika byamakanisa ga kiro kinu aha mikono yemisega omu byooya byentaama.

 

Habwaki kinu kiri kiti? Habwokuba ekanisa eya koya koya eyanga okwikiriza ngu ndi RUHANGA owakwetaaga okwegarukamu, okutiina RUHANGA, engeso, okwehayo okwijwire, okufuuhya okuhambya ensi, hamu nemihanda yayo. Kakusinga muraasanga ebigambo binu biri bikambu-- nibigonza. Ndi RUHANGA owengonzi owakugonza. Era mpikiriire, mpikiriire kandi ndi wamananu. Nyemereera amananu kandi nokuramura KWANGE kuija kuba kwamananu obwolyemeera mumaiso GANGE. Nobworaaba ohondiire okuhabura okugwire hamu nokukuhabisa, era ningya kugumizamu ndamule mubuhikire habwokuba boona Bali bobujunanizibwa hali obwomezi bwabo. Buli muntu wena najunanizibwa huwe wenka hali okujunwa kwe. Omukuseera amananu, omukuseera RUHANGA.

 

Ebigarukwamu byoona biroho hali abo boona abakubyetaaga. Biikara omu bigambo BYANGE, omukitabu KYANGE, hamu nokuraba omukuseera obuhabuzi kuruga hali OMWOYO ARUKWERA WANGE habwokumara obwire NANYOWE omu kaikaro akensita. Tingumire kusangwa, baitu enchwamu zitekwa kukorwa kandi iwe wenka niiwe otekwa kuzikora. Otekwa kunyayanira, hamu namananu GANGE, kukira ebisuba byensi-- tosobora kuhereza abakama babiri.

 

Obwire bulimu kwiruka nibuhwayo. Ekiirima kirimu kutaahamu. Komamu nooha oworaheereza. Sitaani ali omukama omubi omukambu. Omuhanda gwe nigutwara omu gehena hamu nomukuhwerekerra okutagwaho hamu nokubonesebwa. Tinsobora kubiihabiha, kunu niho nambere muragenda kakusinga muraaba mutaine OKWEHAYO OKWIJWIRE hali NYOWE, MUKAMA wanyu hamu NOMUJUNI. Nsanga kandi ozoole omuhanda gwawe.

 

AMANANU gabalize.

 

Ebyahandikirwe ebikugenderaho:

 

Abarumi 14:12 Nukwo itwena tulyetonganira omu omu hali RUHANGA.

1 Abakorinso 2:12-14 Baitu itwe tutahabwe omwoyo ogwensi rundi Omwoyo oguruga hali RUHANGA, nukwo tumanye ebi RUHANGA ebyatuhera busa kandi nibyo tugamba, hatali omu bigambo amagezi gabantu ebigegesa, baitu omwebi Omwoyo ebyayegesa obutuinganinganiza ebyomwoyo nebyomwoyo.

 

 

Abagaratiya 1:14-16 Kandi nkahingurana omu dini yabayudaya okukira baingi abomu ihanga lyange abanakuzire nabo, nyina ihali erirukukira obwingi habwengeso ezinahairwe baisenkuru nyowe. Baitu RUHANGA ayansoroire okuruga omu nda ya mau, ayanyesere omumbabazize. Obuyasimire okusuku'ra omuli Nyowe Omwanawe, nukwo mutebeze omu bamahanga: ahonaho ntahanule nomubiri nesagama.

Matayo 6:24 Busaho muntu asobora okuko'ra abakama babiri, baitu alinobaho omu nagonza ondi: rundi aligumira homu nagaya ondi. Timurukusobora kuko'ra RUHANGA na mamona.

 

Zabuli 91:1 Anyakuikara omukiikaro kyensita ekyogu anyakuli haiguru muno nuwe araikaraga ha kiituru kyowobusobozi bwona.

 

 

Kyamukaaga, 19, Okwokubanza, 2013

 

Ebigambo bya MUKAMA: "Abo bonka abanyakwekambiire kimu hali NYOWE, nibo bakwija kuhurra Bali kurungi hati."

 

Ebigambo bya MUKAMA ebya Kiro kinu.

 

Abahondezi ba KRISTO abagonzebwa abesigwa:

 

Ensi erimu kweyongeera kimu omukufwoka yekiirima; ebya polipo, ebintu ebyabantu bakweta 'ebyokunyumisa' engeri omulingo abantu batakwisanaisana, kandi nibafuka emitima, hali abantu abandi, okwanga RUHANGA hamu namahanga goona; okugwa kwesente okunyakuli omunsi yoona, okubumbatiirira entunuraaku yebintu eyobuntu, abataina diini, abakafiiri, enkora ya sitaani, okwega kwensi hali enteekereza yomuhakaniza wa KRISTO, hamu nokwanga okugonza kwa RUHANGA-- kunu kubazaaho ebitoito...

 

Haihi buli kiro ntunga amabaruha kuruga hali abantu abanyakutuntuire habwe mbeera yomumaiso eyekiirima engeri eraisana hamu nenkuyanja yebizibu ebyabantu balimu kutangaana omu bwomeezi bwabo obwomuntu kiinomu. Muno muno omugole wa KRISTO, hamu naabo abanyakulimu mananukwo kuseera RUHANGA balimu kuterwa omunyanzigwa. Mpuliriza: toli wenka omu kurwanagana kwawe. Otakitekereza ngu kyobulemeezi muno ngu obwomeezi bwawe buli omu kabi kaingi. ABANTU BAINGI MUNO ABARUHANGA BALIMU KURABIRA AHABUGANGA. Omunyansigwa ali omu saaha ye eyekusembayo kandi nayenda okubonereza abantu ba RUHANGA hamu naabo abanyakulimu kuhinduka nibaruga omu kiirima nibagaruka omu kyererezi.

 

Ndimu kuhandiika hali kinu habwokuba tindukwenda abantu kuteekereza ngu balimu okwiruka muno omurutaro runu orwomunyanzigwa alimu kuleeta hali abo abanyakulimu mananukwo kuseera RUHANGA omubusumi bunu mananukwo obwokusembayo MUKAMA engeri atakagarukire hamu nekiirima kitakaswekiire kimu ensi.
Teekaniraho aho, wesweke omumusaahi gwa YESU KRISTO-- OMUSAAHI TIGUKURORWA NAMAISO.

 

Omwaka nogumu gutakarabireho, MUKAMA akanyebembera kukora okusiiba kwebiro makumi ana omu kaikaro akasoroirwemu. Nali ninteekereza ngu kyali nikikwataganaho nokukora hansonga ZANGE nyenka Nkomuntu, omukubanza (ego MUKAMA akakoraho ensonga ZANGE)-- baitu kandi ntamanye ngu akaba napulaninga okunsomera amabaruha agaali nigagya hanyuma kufwoka ekitabu ekyamaani muno ekyakubaire nikirabura abantu baingi muno hali Okwija kwe okwabwangu hamu nokutekaniriza obwire bwempero. (Ekitabu kinu nibakyeta 'OBUGENYI BWOMWANA GWENTAAMA' kandi osobora kukitunga kurungi muno habwabusa ha mukutu gunu:
https://www.smashwords.com/books/view/162979)

 

Obunali nunkyatandika ogenda omu kusiiba kunu, nkamanya ngu ebaruha ezinali nintunga buli kiro zaali zikuru muno muno hali MUKAMA Kandi nali manyire ngu nyine kumaliriza ebiro makumi ana ebyo. Obunali nkyahikire omu wiiki eyakana obu hakyaliyo wiiki emu mumaiso, kyali kyokurwanagana ekyamaani. Nkarora omunderebwamu nyerole obuharaaba haine akasigaireho hali NYOWE, hanyuma yabyoona, hamu nengeri kinu kisobora okuhuniiriza eka YANGE, hamu na mutabani WANGE kukira muno. Baitu nali manyire ngu RUHANGA akaba ali NANYOWE kandi era ngu nkaba ndi omu omukiikaro ekikusingayo kuba ekitaine buzibu– ekinkusobora kubamu-- henyini nambere MUKAMA yali anyesire kuba. Eka YANGE hamu nabanywani BANGE Malikwo bali nibakwatwaho, baitu nkaba manyire RUHANGA ngu yali nagya okukindabyamu. Ensonga habwaki ndimu kuleta kinu eri hakiikaro KYANGE ekyahansi muno nambere natekerize ngu tinsobora kukirabamu kinu ekintu. Natekerezamuga ngu "hasobora kuba haliyo abantu abakuhika nkokumilioni omu gehena abakusoboire kuhingisa nanyowe ekiikaro omukusiiba KWANGE kunu okwebiro makumi ana." Ekitekerezo ekyo kikangaaramu muno amaani kurora ngu ningumizu. Kandi hati ndimu kubagambira-- ngu nobwembeera yawe eyolimu hati nobuyakuba egumire eta (butakikwata mpora). Haroho milioni zabantu omu gehena abakwenzire kuhingisa naiwe ekiikaro hati. Nahabwekyo ba nokunihira-- MUKAMA ali naiwe kakusinga oraaba oli NAWE. Otakangira aho, otahanika-- otalekeraaho kusabira abo abakwetoroire. Otaligeza kuhanika. (MUKAMA akampereza ekyahandikirwe kinu habwanyu hati. Zabuli 23:4 Ego nobundiraba omukihanga ekyekituuru ekyokufwa, tinditiina kabi koona, baitu iwe oli NANYOWE Oruga rwawe nomuigo gwawe bimpumuza.)

 

 

 

Bataito muno bamanyire ekigambo KYANGE kandi begezamu omumihanda YANGE

Ebigambo bya MUKAMA.

 

"Kiri kijumo okuikiriza pulani zabantu kukura RUHANGA wanyu."

 

(Ebigambo ebitungirwe Susan kuruga hali MUKAMA waitu, Okwokubanza 12, 2013)

Nyetekaniize okukuletera ebigambo:

 

Baana, okwija KWANGE kuli haihi muno. Ndimu kurabura baitu batoito muno balimu kuhuura. Haakire nibenda bahulirize abantu nibabazaho obwire bwomumaiso-- kinu kiri kibi obwokuba otali na RUHANGA-- otaina ebigambo BYANGE, Amananu. Nteekereho pulani ZANGE hamu noburorwaho obwokurora. Mukiikaro kyekyo nimuchwamu okurora ebyo ebya bantu bakwikiriza ngu obwire bwomumaiso bubainiire. Kinu kibi. Kiri kijumo okwikiririzamu pulani zabantu mukiikaro kya 'RUHANGA.

 

Ekigambo KYANGE nikigamba murole obumurarora oburorwaho bwona obumperiize obuburahikiira, kunu nimukomamu okwikiriza abantu abahansi abataseera RUHANGA wabo: owanyakumanyire kiki ekyobwomezi obwabantu obwomumaiso Ekibuhimbire. Baija okunyekaguzaaho? Baseera amaiso GANGE? Begezamu omu mihanda YANGE? Basoma ekigambo KYANGE? Rundi bahulirizangana ebikorwa byabu ebibi, nobukyakuba kuseera ebigambo byabafu hamu nebyemizimu. Bunu buli bwebembezi obubi muno hali Obukama BWANGE. Ekibi kirimu kutemera kimu haiguru hamu nokugaliha omunsi.

 

Bataito muno abamanyire ekigambo KYANGE kandi begezesamu omu mihanda YANGE. Bataito muno abakwenda amananu, hamu nokworobera ekigambo KYA RUHANGA. Byoona ebyabantu bakwenda bitekerwe omu Kigambo KYANGE. Kimalirizibwe kurungi omukuragira kwakyo habwababuzire hamu nabantu ababuzire abakumaatara. Omuntu weena owakwenda okunsanga asobora okunsanga omu kigambo KYANGE, Baitu buli omu atekwa kuba nekihika ekyokubiikiza hansi ebyokusikiriza byensi omukuhingisaniza namagezi aganyakuroho omu nyegesa ZANGE kuraba omukigambo KYANGE hamu no MWOYO ARUKWERA, owakwebembera omu kwetegereza ekigambo KYANGE. Tiharoho muhanda gundi gwona. Tikuli habwokwetegereza okwabantu abanyakuli hara na RUHANGA hibo bonyini. Kunu tikuli kwonyini engeri murayetegereza ekigambo KYANGE. Amagezi goona agekigambo KYANGE gasobora kuserurwa abo abanyakwine emitima yenjara hamu nokuhayo obwomeezi bwabo, nibanfwolera kimu MUKAMA wabo owaijwire, kandi OMUKAMA wabu.

 

Ninyowe owanyakwebembera kandi akoleka omuhanda aha muhanda ogufunda. Mutabihwabihwa. Enyegesa ezindi zoona ezabantu oihireho OMWOYO WANGE ziija kukwebembera zikuhabye hansi ahamuhanda ogukooto ogwekiirima muno ogwokuhwerekeera, gehena eyebiro byoona. Ija omu kyererezi KYANGE. Seera etabaza eyebiro byoona hamu namafuta aga MWOYO ARUKWERA WANGE nukwo mutaliburwaho amagezi agakujuna.

 

Okwija KWANGE Kukakasibwe. Otasangwa otaine etabaza eyeijwire amafuta obundaija. Binu biri biro ebyekiirima. Nimwetaaga etabaza zanyu zijuzibwe. Baingi muno baija kucwamu okumanya hanyuma yokutwara ekanisa YANGE. Bwija kuba bwire bwekiirima muno hali ekanisa enyakusigirwe enyuma. Komamu hati okwehara ekyo ekinyakulimu kwija. Kakusinga orabyamu amaiso ebigambo BYANGE ebyokuraburwa, mwija kurora endugiiramu yenchwamu yanyu. Ntekwa kubaza amananu.

Onu nuwe MUKAMA owanyakumanyire obwire bwomumaiso.

Ebyahandikirwe ebikugenderaho:

Yakobo 4:13-14 Nukwo nainywe abanyakugamba ngu hati, rundi ijo tuligenda ha rubuga runu tulimarayo omwaka gumu, tulisubura, tulisagisa ensagi: 14 Baitu timurukumanya ekiribaho ijo. Obwomezi bwanyu kiki? Baitu muli ekiho ekinyakurorwa akacu kake nikihwaho.

Isaya 31:1 Ziribabona abo abasirimuka Misiri okukonyerwa, nibesigamira embarasi; nibesiga egaali baitu ziri nyingi, nabahambarasi baitu banyina amani maingi; baitu tibarukurora ha Arukwera wa Isaleri, kunu tibarukusera MUKAMA.

1 Abakorinso 2:13-14 Kandi nibyo tugamba, hatali omu bigambo amagezi gabantu ebigegesa, baitu omwebi Omwoyo ebyayegesa: obutuinganinganiza ebyomwoyo nebyomwoyo. 14 Baitu omuntu owokuzarwa kwonka taikiriza Ebyomwoyo ogwa RUHANGA: baitu biba byobutami haluwe, kandi tasobora okubimanya, baitu nibyetegerezebwa obwomwoyo.

 

 

 

 

Ekyebiragiro 18:10-12 Hatalizoka naiwe omuntu wena arukurabya omu mu'ro omwanawe omwojo, nobwakuba omuisiki, nobwakuba omuntu atera engisa, nobwakuba omuntu aragura ebiriija, nobwakuba omurogo, nobwakuba owamasano, nobwakuba omufumo. 11 nobwakuba arukubandwa omuzimu, nobwekuba embandwa mali, nobwakuba akaguza abafire. 12 Baitu omuntu wena anyakukora ebigambo ebi, nikyo kinugwa hali MUKAMA: kandi habwebinugwa ebi MUKAMA RUHANGA wawe ababingira aheru, omu maiso gawe.

 

Hoseya 4:6 Abantu Bange bahwerekeriire habwokuburwa okumanya, baitu iwe oyangire okumanya, nikyo nyowe ndyangira iwe kunu toliba nyakatagara nambere ndi: baitu okebwa ebiragiro bya RUHANGA, wawe, nanyowe ndyebwa abaana Bawe.

 

Matayo 25:4 Baitu abamagezi bakatwara amagita omu nsale zabu hamu netabaza zabu.

 

ESUURA 12: EKIBI KIRIMU NOKURUMBA EBICHWEKA EBISEMERIIRE KUBA BIRI KURUNGI

 

"Abo bonka abanyakwekambiire kimu hali NYOWE nibo baija kuhurra kurungi hati."

 

(Ebigambo ebutungirwe Susan kuruga hali MUKAMA waitu, Okwokubanza, 14, 2013)

 

Ningya kukuhereza ebigambo kuhereza abantu:

 

Bunu nubwo bwire bwokulengesa hali abantu BANGE. Ekibi kirimu kubetorora. Haliyo ekibi buli hokuhindukira hoona. Nobubyakuba ebiikaro ebikusingayo okuba birungi birimu kuijura ekiirima.

 

Ekibi kirimu nokurumba ebichweka ebisemeriire kuba birungi. Abantu BANGE, ekanisa YANGE, abo abankweta omugole WANGE. Ninyenda mukimanye ngu ndi nainywe. Ninkimanya nimwehuura nkarundisi muli inywenka kandi era haroho na bataito muno abakubetegereza. Mutatiina. Nyikara ndi nainywe oba mugiire nkaha oba nkaha. Enu teri niyo esaaha eyokwijuzibwa obutiini.

 

Muli bantu BANGE, omugole WANGE owahikire. Tinkwija kwikiriza omunyanzigwa okwija hagati yaitu, kakusinga mumpereza ebyanyu byoona. Muheyo ebyanyu byoona kandi mwikale omu businge. Kunu niho mukusobora kusanga obusinge, nobuhakuba omuihunga.

 

Ebicu ebyeihunga birimu okutahamu. Ekibi hati kiri habuli kasonda. Abo bonka abanyakwekambiire kimu mubwijwire hali NYOWE nibo baija kwehurra kurungi hati. Abo bonka abanyakwikaza eriiso lyabo hali NYOWE. Buli omu weena aija okwomeera nokugumirirwa okwensi eyenyakulimu kuijulira kimu ekiirima nobwire bwomumaiso obukwisana obwekiirima.

 

Haroho obuzibu obulimu kubakwa, mutakora ensobi yoona. Ekiirima kirimu kutahamu. Baitu ebicu binu ebikwiragura tibiine kuba haiguru yanyu. Nsobora kubataisura kuruga hali kunu okutiina okuhinguraine okwomubwire bwomumaiso, kakusinga ohayo ebyawe byoona hali NYOWE Kandi okanyesiga nemihanda yawe yoona.

 

Ndi owakusumuura OWAMAANI Muno. Nsobora kukusumurra kuruga omu pulani zomunyanzigwa owakwenda kubebembera hamu na buli omu wena owabetoroire omu kiirima, okuhwerekeera hamu nokufwa. Ndi RUHANGA owanyakwetekaniize okusumurra, nyetekaniize okulinda, nyetekaniize okukuleta omu kuba kurungi, baitu mutekwa okwegomba kinu kuruga hali NYOWE. Tinsobora okukuhambisiriza omu buhumurro bunu, nobukiraaba ngu engaro ZANGE tizine buzibu kandi ndi muhanda ogurungi, ogutaine buzibu, OMUHANDA OGUFUNDA. Otekwa okuchwamu okumpondera.

 

Otatinisibwa. Mpereza ekyererezi ahamaliira yomuhanda. Mpondera omu kuba kurungi, obusinge obwebiro byoona, ekiikaro ekyokuhumura, hamu nokwahurwa okurungi, nomusaaha eyesingireyo okuba yekiirima. Ndi MUNAARA OGWAMAANI OMUBUGUMU, omubwire obwekiirima. Mpindukira obwire butakahoireyo. Leka mbacungule, mube bamu hali ekanisa YANGE, Omugole WANGE. Ebigambo binu biri byokubahumuza omubiro binu ebigumire.

 

Onu nuwe MUKAMA, MUJUNI, kandi OMUCUNGUZI.

Ebyahandikirwe ebikugenderaho:

 

Enfumu 18:10 Ibara lya MUKAMA rukomero rwamani. Anyakuhikiriire arwebingamu kandi ajunwa.

1 Yohana 4:18 Busaho okutiina omu ngonzi, engonzi ezihikiriire zibingamu obutiini bwona. Nahabweki engonzi tizikafwoirwe ezihikiriire omuli omuntu wena owatuntuire habwokuba okutiina kutekwa kukora nekibonerezo.

Luka 21:26 Abantu nibagwa ensazi obwokutiina, nobwokutegereza ebirukuija hansi: baitu amani agaha iguru galitengesebwa.

 

 

 

 

Kyabalaza, 28, Okwokubanza, 2013 

 

Ebigambo bya MUKAMA: "Enu niyo ekanisa YANGE eya koya koya-- okuzizimburwa okwomukanwa KANGE kuija okundetereza okumutanakayo."

Kyabalaza, Okwokubanza, 28, 2013 saha 12:53 A.M.

Ebigambo bya MUKAMA ebya kiro kinu: 

Abahondezi ba KRISTO abagonzebwa abesigwa:

 

Obuturora hara kurugira kimu nambere tuli, niturora hali MUKAMA kandi tusanga ekyererezi. Baitu tekerezamu, RUHANGA huwe owanyakuli muhikiriire, ataine kamogo, arukwera-- omuhikiriire huwe obwarorarora hara kuruga namberali kiki ekyarora obwaraaba nuwe endugiiro yekyererezi wenka? Kinu nikyo nkwikiririza ngu kiri kikuru muno hali RUHANGA hali ebihangwabye, okwecukumuramu byoona nukwo kufuna omwanya habwekyererezi kye-- okwijuzibwa OMWOYO ARUKWERA omumuntu owanyakweheerayo kimu mubwijwire okufwora KRISTO MUKAMA kandi OMUKAMA. RUHANGA Arora hara muno nubwo arora ekyererezi ekikugaruka ekirugire haliwe okuruga omu bihangwabye kandi kinu kitekwa kuba nikisemeza muno haliwe.

 

Wakahaireyo ebyawe byoona hali RUHANGA nokumwikiririza kimu okukwijuza na MWOYO WE mubwijwire? Otekwa kwegarukamu bwegarukamu ebibi byawe kandi okasaba MUKAMA kuruga omu mutima ogukugondereza kimu kuba omu kugonza kwa RUHANGA.

OMUGONZEBWA.

 

Ebyahandikirwe ebikugenderaho:

(Ebyahandikirwe kuruga omu King James Version)

Ekizina kya sulaimani 5:10 Enganzi yange nayera natukura, tarukubura omu bantu kakumi.

Luka 23:38 Kandi hakaba haloho nekihandiiko haruguruwe ngu NUWONU MUKAMA WABAYUDAYA.

Ekizina kya Sulaimani 5:11 Omutwegwe nkezabu erukukira okusemera, Isokelye jwejwe, kandi niriiragura nkekingora.

Yohana 19:2 Baserikale baruka ekondo yamahwa bagimutweka ha mutwe bamujweka orugoye orurukutukura, baija hali nibagamba ngu MIREMBE MUKAMA Wabayudaya.

Ekizina kya Sulaimani 5:12 Amaisoge nkamaiba ha rubaju rwobwambu ganabisibwe amata kandi gatairwemu kurungi.

Yohana 17:1 YESU akagamba ebi; yaimukya amaiso haiguru nagamba ati Isenyowe akasumi kahikire nyumiza omwana wawe omwana akunyumize.

Isaya 50:6 Nkaha abarukutera amabega gange, namatama gange hali abo abamenya isoke: ntasereke amaiso gange hali ensoni nokuchwera amachwanta.

Ekizina kya Sulaimani 5:13 Amatamage gali nkomusiri gwebiboya, nkebituti byemikubi erukuboya: Eminwaye eri nkamaranga netonya moli eyagere.

 

Isaya 53:7 Akerengerwa, baitu yayebundaza tiyayasama akanwake; nkakatama obukatwarwa okuitwa, kandi nkentama okweculera omu maiso gabasazi bebyoya byayo; ego tiyayasama akanwake.

Ekizina kya Sulaimani 5:14 Engaroze ziri nkempeta zezabu ezitairwemu berulo: omubirigwe guli nkomulimo gwamasanga, agaswekerwe na safiro.

 

Yohana 20:27 Kandi yagambira Tomasi ati keta hanu orukumu rwawe, orole ebiganja byange; kandi kandi olete nomukono gwawe ogutahye omurubaju rwange; oleke kuba atarukwikiriza baitu arukwikiriza.

 

Ekizina kya Sulaimani 5:15 Amaguruge gali nkenyomyo ezamabale agarukwera, agatairwe omu bina byezabu enungi: okusisanakwe kuli nka lebanoni, kurungi nkemikogoto.

 

Yohana 19:33 Baitu obubaizire hali YESU nibarora amazire okufa batamuhende amaguru.

Isaya 52:14 Nkabaingi okubakuhunirireho, amaisoge gakasisikara okukira abantu bona, nokusisana kwe okukira abaana babantu.

 

Ekizina kya Sulaimani 5:16 Akanwake, karungi muno: ego wena wokugonzebwa. Nuwe enganzi yange, kandi nuwe enganjani yange. Inywe abahara ba Yerusalemu.

Isaya 53:9 Kandi bakakora ekiinakye hamu nababi, na hamu nabaguda omu kufwakwe; nobwatarakozire itima nobubyakuba ebisuba bitazoke omu kanwake.

 

 

 

Mwije Munabye Ebijwaro BYANYU Omumusaahi GWANGE

Ebigambo bya MUKAMA:

"Enu niyo ekanisa YANGE-- okuzizimburwa okwomukanwa KANGE Kuija okundetereza okumutanakayo."

 

(Ebigambo ebitungirwe Susan kuruga hali MUKAMA waitu, Okwokubanza, 21, 2013)

Muhara WANGE leka mpereze abantu ebigambo ebihyaka:

 

Baana ba RUHANGA owahaiguru muno; ensi erimu kufwoka yakairirizi. Ekyererezi kirimu kukendeera. Byoona ebinyakuli birungi kandi ebitaina kamogo kandi ebirukwera birimu okugwa harubaju rwomuhanda. Omunyanzigwa WANGE alimu kuhwerekereza byoona ebinyakuli birungi kandi nebitaina kamogo nagaraaho ebibi hamu nekiirima. Alimu kusiriwaza ensi hali okuhikirra KWANGE, hamu nekyo ekinyakuli kyomuhendo muno: OBURUKWERA BWA RUHANGA.

 

Ensi erimu kugwa omu kiirima ekyamaani muno, ekiirima ekyaheeru napulani zakyo hamu nebitekerezo oihireho kuba Na RUHANGA omu omuhikiriire. Bwangu muno ensi eija kugwibwamu ekikangabwa obundaihamu ekanisa YANGE kandi nabuli kimu kyoona ekirasigara guli omuhito ogwensi eyeihirwemu oburukwera obuhikire hamu nokuhikirra kwa RUHANGA.

 

Ekirooto kinu ekyokutiinisa kirimu kwizira abo abalimu kwanga okwija omu Kugonza KWANGE kandi baija kusigwa enyuma. Enchwamu yabo eyokunyanga hati, ekigambo KYANGE, obwebembezi BWANGE omu bwomeezi bwabo hamu nokwehayo kwabo okwijwire hali NYOWE Kwija kubaleka balimu kurora obwebembezi, enfuga embi eyomunyanzigwa Sitani, omuhakaniza wa Kristo hamu na nabi wabo owebisuba. Ekikwekweto kinu kiija kurubata omunsi enu habwokubiihabiiha kwemizimu, neyebembera ensi hansi mumuhanda ogwokuhwerekerra omu gehena eyetahwaho-- nambere omunyanzigwa WANGE abeera. Napulaninga kutwara baingi muno nawe engeri akuhambya, akufuga, kandi akubiihabiha. Aija kusingura-- baingi baija kurora okuhwerekerra kandi bagwe omu gehena eyebiro byoona hamu nokubonesebwa.

 

Omulingo gumu gwonka ogwokumulemesa hamu neiroho lye eryomusaahi erisasaine guija kuba okugaruka KWANGE okwakabiri obundahika omunsi neihe LYANGE erirukwera, ekanisa YANGE, okutangira kimu omunwa gwomunyanzigwa nempirimo yakanwa KANGE; okumusiba nenjegere hamu nokumuhungura omu gehena kuhikya obwalyongera kutaisurwa ekyaka rukumi emazire yoona kurabaho. Emaliira ye hanyuma yabyoona eija kuba enyanja yomurro ali nabantu abandi boona nyamwingi abanyakutwalirirwe okubiihabiha kwomunyanzigwa Sitani. Kinu kiri habwokuba abantu baanga okuhayo okugonza kwabo kiinomu hali NYOWE, okuhondera enyegesa eza MWOYO ARUKWERA kuraba omu kutunga okubatizibwa kwe. Hataroho okubatizibwa okwa MWOYO ARUKWERA okunyakwija obwabaana BANGE baheerayo kimu byoona hali NYOWE, 'tibeteekaniize obundaija omu kitiinisa okutunga ekanisa YANGE.

 

Okusaba okujunwa tikiri kintu kimu. Baingi batungire okujunwa baitu tibakanfwoire MUKAMA wabo kandi OMUKAMA. Enu niyo ekanisa YANGE eya koya koya-- enkoragana yaabo NANYOWE tekwokya kandi temaliriire. Tindi byoona mu byoona halibo. Bakwatiriira ebirukwera omungaro zaabo omubichweka buchweka bali hamu nensi kandi nenkoragana yabo eyebichweka eri nkegyo eyamalaaya owakwenda MUKAMA wabo hamu nomukama wabo kataito baitu nibenda kugenda nibasiihana nensi. Tindi murungi muno ekikumara okuhayo enkoragana omubwijwire.

 

Enu niyo ekanisa YANGE eya koya koya-- okuzizimburwa okunyakuli omukanwa KANGE Kuija okundetereza okugitanakayo.Tinsobora okumutwara Tuli hamu omu bukama BWANGE oburukwera engeri atakwija kuba omugole owahikiriire. Engaroze ziine oburofu nizikwata ensi buli kagisa koona akakubona namaisoge, nebitekerezo bye, nomutima gwe. Tinsobora kugitwara. Nkagihereza NYOWE NYEENA kandi hati nayenda okuleeta ensi omukitabu kyaitu. Nampakaniza. Ndimu kwija bwangu kandi ngya kumusiga ayemeriire aha butuuti obwamakanisa aga koya koya nahunirra habwaki omugolewe omusaija amusigire enyuma. Aija kucura kandi ankwatirwe enaku obwaramara okukizoora ekyo ekyakozire kandi era ngu alekerwe nomugonzebwa omukambu owakuija kumusaba obwomeezi bwe.

 

Kinu nikyo ekyekanisa eya koya koya eija kurora. Mugaruke hali NYOWE O' ekanisa eyamaani eyabahondezi abanyakuli koya koya. Mwije munaabye eganduura zanyu omumusaahi GWANGE. Muteeke obwomeezi bwanyu hansi. Muleke ensi enyuma. Mwange omunyanzigwa WANGE hamu nokukwata okwabataireho. Muli haihi bwangu okulekwa enyuma. Okwija KWANGE kuli kwabwangu. Mutafworwa basiru. Mwijuze etabaza zanyu. Mwije kutunge amafuta agatali gokusasurra kuruga hali MUKAMA wanyu.

 

Nkanywa ekikopo kandi hati nimbahereza amafuta agataine kamogo kurugira kimu omukikopo kyonyini ekyetabaza zanyu. Leka nyijuze etabaza zanyu nukwo zibooge.

 

Onu nuwe OMUSWEZI WANYU.

OWAHIKIRIIRE-- ARUKWERA-- OMUHIKIRIIRE.

Ebyahandikirwe ebikugenderaho:

 

Abafilipi 2:15 Nukwo muikale mutaloho ekyokuhanwa, mutanyina itima abaana ba RUHANGA abatanyina kamogo, hagati omubusinge obuhabire oburukwanga nambere murukuro'rwamu nketabaza omunsi;

Okusukururwa 20:1-3 Kandi narora maraika nasirimuka okuruga omu iguru, ayina ebisumuruzo ebyekina ekitanyina hokugarukira, norujegere orukoto omu mukonogwe. 2 Yakwata ekijoka, enjoka eyaira, nuwe Diabolo kandi setani, yamuboha okuhikya emyaka Rukumi yamunaga omu kina ekitanyina hokugarukira, yakiiga'ra, yakitaho emanyikirizo, aleke okubihabiha amahanga okuhikya emyaka orukumi obwerikahwaho; hanyuma yegi alihiki'ra okuboho'rwa akacu kake.

 

Okusukururwa 20:10 Setani ayababiihabihire akanagwa omunyanja yomurro hamu na salufa nambere ekisoro hamu na nabi owebisuba bali banagirwe kandi balibonesebwa nyamusana nekiro ebiro nebiro.

Okusukururwa 2:16 Hati hinduka oruge omubibi byawe! Kakusinga mutayegarukemu ningya kubaizira bwangu ndwanise abo abantu nempirimo eyekuruga omu kanwa Kange.

Engeso zabakwenda 19

(Engeso zabakwenda 19:1 Kandi kyahika Apolo obwakaba ali ali kolinso, Paulo obuyarabire omunsi ezeruguru yahika Efeso, nasanga abegeswa abamu.)

 

Okusukururwa 3:15-17 Ati manyire emirimo yawe nti tofukire, kunu torukutagata: kuba ofukire, rundi otagasire! 16 Nukwo obwokutagata koyakoya, kunu torukufuka kandi torukutagata ningenda okukutanaka omu kanwa kange.   17 Baitu ogambire ngu ndi muguda, kandi ntungire bungi, kunu tindoho ekindukusega; kandi tomanyire ngu oli munaku, kandi wobujune, kandi wamasege, kandi omufu wamaiso, kandi oli kwonka.

 

  

 

Muntunurre, Muheyo Ebyanyu Byoona

Ebigambo bya MUKAMA:

"Otasangwa oli aheeru yokugonza kwa RUHANGA kitalyekyo ningya okukwanga kandi nkunage kuli".

(Ebigambo ebitungirwe Susan kuruga hali MUKAMA waitu, Okwokubanza, 22, 2013)

Baana BANGE, MUKAMA wanyu alimu kubaza:

 

Ndimu kwija. Mutakora ensobi, nihiize kandi nekyo ekya MUKAMA abaza, akikora. Bataito muno banyikiriza-- bataito muno mali bakwatibwaho habwebigambo binu hamu nokugarurwamu amaani. Manyire habwokuba ndora buli kimu kyoona-- manyire byoona kandi ndora ninoha owanseera, owanseera, owakungonza haiguru ya buli kimu kyoona hamu nebindi byoona.

 

Tiharoho okuburwa kwoona hali abo abanyakuhambya ensi, abanyakuseera ebigarukwamu kuraba muli abo abanyakugakana ngu mbaho kandi abanyakwanga amananu GANGE. Bwangu amananu gaija kuguma okutunga. Era kiri kintu ekirimu kukendeera. Amananu GANGE gali zaabu eyabusa-- omuhendo gwayo tigusobora okupimwa engeri amananu GANGE gatwara omu bukama BWANGE obwobwomezi obutahwaho na RUHANGA OWAHAIGURU yabyona-- OMUHANGI wabyoona. Omuhendo ogwamananu ganu tigusobora kupimwa rundi okubarwa. Bataito muno muno bagaseera nobukiraaba nti garoho-- niganguha kuzorwa. Abo bonka abakuyayanira amananu nibo bagaseera nemitima yabo yoona, emyoyo, entekereza hamu namaani-- abo abanyakuhayo ebyabo byoona, kandi bakakwatiriira hali RUHANGA wabo. Banu nibo basanga amananu-- iziba erirungi erobusinge, okukizibwa hamu nokujunwa okutahwaho.

 

Amananu GANGE agabusa tigasobora okuhingisibwa rundi okuzonzorwa kuraba omu mihanda nyingi nobukiraaba ngu baingi muno baine enyikiriza enu. Haroho omuganda gumu gwonka oguhikire ogukutwara omu MANANU. NINYOWE OMUHANDA-- OMUHANDA OGUFUNDA. Okwehayo okwijwire hali NYOWE: MUKAMA ayabambirwe habwebyokusisa byabantu boona kuraba omu bikorwa ebyekibi omusango hali RUHANGA ARUKWERA, AHIKIRIIRE-- nkabiikiza obwomeezi BWANGE hansi, nkahayo byoona, nkagumisiriza okubonesebwa habwomuntu owaijwire ekibi. Nkahutazibwa, naterwa, nachwerwa ebichwanta, naterwa, kandi nkafwoka ekibonerezo habwabantu boona. Gunu nugwo omuhendo ogwa ISENYOWE yakwikiriize habwebibi ebyabantu boona hali buli omu weena ayakubiikize obwomeezi bwe hansi, akehayo weena hali NYOWE, hamu nokunkomamy NYOWE NKA MUKAMA hamu NOMUKAMA.

 

Tihaliyo omuhanda gwoona-- OMUHANDA GWANGE gwonka-- EKISEMBO KYANGE-- omuhendo GWANGE ogusasuirwe. Nobuharaaba nihazooka nkaharoho emihanda nyingi, haroho omuhanda gumu gwonka kuraba omuli NYOWE Hamu nokubatizibwa okwa MWOYO ARUKWERA.

 

Ensi erimu kugwa. Byoona nibizooka nkebirungi. Kinu kiri habwokuba nimwanga okutunurra kurora. Mutekwa kurora esaaha eyimulimu kwikaramu-- obwire bulimu kwiruka nibuhwayo. Mutekwa kurora obwire obumulimu kwikaramu kandi kurora kinu mutekwa kusoma ekitabu KYANGE kandi mukatunga akabazi kamaiso kuruga hali OMWOYO WANGE okutunga okwetegereza okwebigambo ebyolimu kusoma. Huwe wenka niwe asobora okukingura amaiso gawe hali ekyebigambo BYANGE bikumanyisa omu kitabu KYANGE Ekirukwera. Kinu kiri kyomugaso hali okwetekaniriza ekyo ekirimu kwija. Okucungurwa okwomugole WANGE owayetekaniize hamu nokubonabona okutegekirwe abo abanyakukomamu kundwanisa kandi basigirwe enyuma.

 

Muntunurre, muheyo ebyanyu byona. Musange okulindwa okurungi, omu kugonza okwa RUHANGA okuhikiriire. Otasangwa oli aheeru yokugonza KWANGE rundi ningya kukwanga kandi nkunage kuli.

 

 

Ija hati. Ikara omu businge na RUHANGA wawe.

 

Nimbagonza,

 

MUKAMA YAHUSHUA.

Ebyahandikirwe ebikugenderaho:

 

Okubara 23:19 RUHANGA tali muntu abihe ebisuba, Kunu tali mwana womuntu, ayeyijukye; Akagamba talikikora? Rundi akabaza talikihikiriza?

Zabuli 85:10 Okuganyira namananu bitangatangaine; okuhikirra nobusinge binywegerangaine.

1 Abakorinso 6:20 Baitu mukagurwa nomuhendo nukwo mukugize RUHANGA omu mubiri gwanyu.

Matayo 7:21 Omuntu wena anyakungambira ati, MUKAMA wange MUKAMA wange tali ogu alitaha omu bukama obwomu iguru; baitu anyakukora Isenyowe ali omu Iguru ebyagonza.

 

Impressum

Tag der Veröffentlichung: 12.08.2019

Alle Rechte vorbehalten