OKUMANYISA

 

Nohaburwa kugaba empapura ze kihandiiko kinu kuraba omumiringo yoona eyokwenda, hambeho, rundi mumulingo ogwempapura ezipurintingirwemu. Osobora kuhandiika okateeka ebigambo binu, byoona rundi mubichweka, aha mukutu gwawe, rundi ahandi hoona. Baitu nitukusaba kuteekamu okumanyisa Kunu nukwo abandi basobole kumanya nukwo bakope kandi nabo bagabire abandi. Ekitabu kinu kiroho kyabusa aha intaneti, hamu na mp3 aha Mukutu.

 

https://marriagesupper.wixsite.com/endtimescatalog/marriage-supper-of-the-lamb#!

 

©2012 by Susan Davis

 

https://www.facebook.com/Obugenyi-BwoMwana-Gwentaama-2296398057251686/?modal=admin_todo_tour

OBUTUMWA KURUGA AHA MUHANDIIKI

  

Ekitabu kinu kitahangweho aha bwomulembe gwokukora amagoba baitu ha bwekigendererwa ekyokuhikaho abantu baingi kuraba omumulingo gunu ogwamakuru. Baitu hatali habwokukora sente kuraba omukukolesa ebigambo binu ebyobunabi ebya MUKAMA. Omuhendo ogutaito muno ogwekitabu kinu gukatekwaho kutangatangana omuhendo gwokutaipingamu ebigambo binu kandi nokwehayo okukugendera omuhandiiki haihi tikuroho.

 

(Hasobora kubaho obu centi butaito buli kitabu habwemihendo eyokupurintinga eyekuhindukahinduka. Esente zoona ezisigaire haiguru ya busa nizikozesebwa kugura ebitabu ebikugabirwa busa.)

 

Obutumwa bunu bwa bwangu muno kandi bwomugaso muno nukwo nitwenda kurora ngu omuhendo ogwe kitabu tikiri kyokulemesa abantu kutunga obutumwa bunu.

 

 

EBIKUKWATAHO OBUNABI BUNU

 

Susan akolera omukisembo ekyobunabi. Omu 1 Abakorinso 14:1 nihagamba hati; "Mukuratirege okugonza; kandi mwegombe ebisembo ebyomwoyo, baitu hakire mutebezege.

 

Hati tulimu kwikara kandi tusemeriire kuba nitworobera engenderwaho za RUHANGA omundagaano empyaka. Nobukiraaba abamu baikiriza ngu ebisembo ebyomwoyo, nk'obunabi tibikyaroho, kunu kuli kuteekereza kwomuntu kutali okwa RUHANGA. RUHANGA tahinduire endagaano ye. Nitukyaikara omukyasa ekyendagaano empyaka-ekikwetwa  endagaano empyaka. Boojo, wetegereze ngu okwehayo kwawe okukubanza kuine kuba hali MUKAMA YESU KRISTO hamu nekigambo kye nkokukihandikirwe mu Baibuli --okukira muno omundagaano empyaka. Nkengeri kiba, obunabi bwoona bwetaagisa kubulengesa n'ekigambo ekya RUHANGA -BAIBULI.

 

Baitu, obunabi kakusinga buba nibwikiraniza n'ebaibuli hati tuba nitunihirwa kubworobera. Obwire bunu RUHANGA takolesa obunabi kuletaho enyegesa ezihyaka. Obunabi bunu nibukolesebwa kugumya ekyo ekyamukama amazire kutuhereza omu Baibuli.

 

RUHANGA era abikozesa kuhereza okurabura aha muntu omu omu aha mikoro eyomumaiso eye kugenda kutukwataho. Engeri kiri omundagaano enkuru, RUHANGA akolesa abanabi omubwire bunu obwendagaano empyaka obwire bunu obutulimu kwikaramu. Ekitabu ekyengeso za bakwenda, ekinyakuli omundagaano empyaka, kibazaho abanabi abamu nka Judas hamu na Silas (Engeso za bakwenda 15:32) hamu na Agabus (Engeso za bakwenda 21:11) kandi haaliyo nabandi. Obuhereza obwa'banabi era nibubazibwaho omu bwire bwendagaano empyaka omu 1 Abakorinso 12:28, 14:1, 29, 32, 37 ahamu nomu Abefeso 2:20, 3:5, 4:11.

 

YESU akoma abanabi kumukolera omulimo gwe hanu omunsi.

 

Hagati yebindi ebintu,YESU akolesa obunabi hamu n'abanabi kubaliza abaana be ebyakwenda. Ebaibuli nayo yonka ekahandiikwa ha bwobunabi kuraba omukwebemberwa kwa MWOYO ARUKWERA. Abantu abamu bagamba ngu ebigambo byobunabi biri omu kabi akokwongeraho aha Baibuli rundi kwihaho hali Baibuli.

 

---Kirungi,Baibuli ebazaho obunabi ngu kiri kisembo ekya MWOYO ARUKWERA. Omulingo Baibuli eyongerwaho rundi ekaihwaho ebigambo tikuli habwebigambo ebyobunabi ebitungirwe abantu ebi MWOYO ARUKWERA abahereza, baitu kiri habwokuhindura ebigambo bya RUHANGA okugaitamu ebindi ebintu ebitali mu Baibuli kuruga omunyikiriza ezindi ezekikafiiri nkekyokuroraaho. Baitu omulimo ogwokubanza ogwabanabi omu Baibuli guikaire guli okugaara abantu hali ekigambo kya RUHANGA, Baibuli. Engeri kikugamba omu 1 Abasesalonika 5:19-21 Mutaraza Omwoyo; mutagaya ebyabanabi; mulenge byoona mukwatire kimu ebirungi.

 

Kandi omulingo ogwokukeberamu obutumwa kuli kulengesanizamu ebiri mu butumwa bunu n'ekyo ekya Baibuli ekubaza. Omu bunabi bwoona obuli hansi hanu, NYOWE (Mike Peralta- omuteekaniza wekitabu). Nkebiire obutumwa bwoona bunu kandi bwoona nibwikiraniza nekyo ekya Baibuli ekugamba. Baitu mutekwa kwekeberera obutumwa bunu inywenka nimukolesa Baibuli. Kandi kakusinga buraba nibwikiraniza na Baibuli, hati RUHANGA nakunihira kuba nobutwara ha mutima kandi noyorobera engenderwahoze.

 

EBIRI MUKITABU KINU

 

Okwanjura kwa MUKAMA

Obwakaiso

1. Okwebundaaza

2. Otalyeyesiga oba abandi

3. Okutendekwa mu kwebundaaza

4. Okwesiga RUHANGA

5. Okuganyira

6. Ikara omunsi baitu otaba Wensi

7. Okutwarwa kwekanisa hamu Nobugenyi bwomwana Gwentaama

8. Tekaniriza okutwarwa kwekanisa

9. Hali ekanisa Enya kubuzire

10. Okwegomba ensi

11. Ensi negenda mubuzibu

12. Okwija KWANGE okwabwangu

13. Esaaha neiruka baana BANGE

14. Ensi Enyehindukiriire

15. Abebembezi Tibakyampondera

16. Esaaha y'okugaruka KWANGE Erimu kuhika

17. Ahali omuhakaniza wa Kristo

18. Obwire bwahika obwokusirimuka KWANGE okwabwangu

19. Mukole entekaniza

20. Obwire bwanyu haihi buhoireyo

21.Oihireho kuba mukugonza KWANGE nimundwanisa

22. Ekibi nikiija kuhwerekereza Ensi

23. Esaaha erihaihi kuhika mukaaga gwekiro

24. Muleke kurwanisa ngana

25. Tinkwija kukutwara kakusinga oraba oine Ekibi ekitegarukirwemu

26. Mwikaze amaiso hali NYOWE

27. Mutekwa kwetekaniza kakusinga muraaba nimwenda kurugamu NANYOWE

28. Obwomezi bwanyu obwebiro byoona buli hamunzaani

29. Mutekwa kwiruka,hatali kurubata Nimwija hali NYOWE hati

30. Omugole WANGE mugonzebwa omumihanda ye yoona

31. Bataito muno bandamya kandi banyegarukiramu

32. Ndi haihi kwihamu omugole WANGE kumuta omu kuba kurungi

33. Ninyenda ekiikaro ekyokubanza rundi busaho ekiikaro

34. Haroho okubonabona okukwija okubonabona okukuru

35. Tiharoho nakamu kugoboramu kwona omu kuhambya ensi enyakulimu kufwa

36. Baingi abakutekereza ngu betekaniize balimu kwefwora basiru

37. Mwine obwire obwomuhendo butaito obusigaireyo

38. Abahondezi BANGE abahikiriire balimu kutunurra balinzire

39. Obwakaiso bwange obukukwataho ekihandiiko kinu hamu nokusiiba Kwang

 

OKWANJURA KWA MUKAMA

 

Baana BANGE, onu ni MUKAMA Wanyu akubaza. Ninyija bwangu muno. Okwija KWANGE kuli haihi, na harwigi honyini. Ninyija! Nimwetaaga kutekaniza.

 

Ekihandiiko kinu kikamaliirizibwa mubiro kakumi ana (40) ebyokusiiba kwa Muhara WANGE Susan. Akakora okusiiba kunu aha kwesengereza KWANGE. Nkamuleta mukaikaro akasoroirwemu nukwo asobole kwefwera. Omubwire bunu, nkamuhereza ebigambo biingi muno ebinayenzire bigendere abaana BANGE. Nahabweki akahandiika ebigambo BYANGE nimwebembera.

 

Amabaruha ganu goona gaine amakuru agomugaso agamukwetaaga kusoma hamu nokubarabaramu, engeri okwija KWANGE kuli haihi. Onu nuwe MUKAMA Wanyu kandi Mujuni YAHUSHUA (YESU KRISTO)

 

Ebyahandiikirwe byoona ebitekerwemu nibiruga omu King James Version Bible.

 

Ebigambo binu bikasomebwa RUHANGA ISIITWE hamu NOMWANAWE YAHUSHUA HA MASHIACH (YESU KRISTO, rundi YESU ayasesirweho amafuta rundi YESU Massia) hali Susan omukusiiba kwebiro-- makumi ana bihandikirwe kuruga Omukwokubanza, 27, 2012 kuhikya Okwakasatu 6, 2012.

 

(OBWAKAISO BWABASOMI)

 

Ninkusiima muno habwa e-mails zawe hamu nokubagana ebigambo bya RUHANGA kandi bikampereza muno omugisa. Nkasaba kandi nasaba OMWOYO ARUKWERA okunyebembera okundetereza okwetegereza ebintu biingi kandi nokurubatira omumuhanda gwe. Boojo, nsabira Nanyowe. Hamurundi ogundi webale muno kandi RUHANGA akuhe omugisa hamu nobuhereza bwawe.......... Omusomi akubanza (1)

**************

 

Mwene waitu akugozebwa, Susan, webale muno YAHUSHUA habwebaruha zinu hamu nekiwasabire muhara wawe/omugole wawe okurabamu nukwo zisobole kuhandiikwa! Nkatandika ekiro hanyuma kandi nasomaho empapura nka Ikumi buli kaire. Mpairwe omugisa............  Omusomi wakabiri-2

 

**************

 

Susan, webale muno habwa link eyiwabagaine. Ekampereza omugisa omungeri ya haiguru muno kandi nimpuura Omwoyo guine enjara muno hali MUKAMA YAHUSHUA. .........  Omusomi wakasatu-3

 

**************

 

Hello mwene wange omugonzebwa Susan, haihi mazire kusoma obutumwa bwa RUHANGA /ebaruha eziyakuhaire omukusiiba kwawe. Mananukwo bigambo bye. Nimanyisa tinsobora kuteeka hansi-ekihandiiko ekyo ekyempapura -100 (chikumi). Amananuge, hamu nokutwesengereza nikuhuniiriza. Ali mwebundaazi muno. Kandi nagonza kuba nasobora kuhabura, kurabura amahanga. Ninkimusiimira ekyo, kandi ninkuhereza omugisa habwokukibagana nanyowe................  Omusomi wakana-4

 

**************

 

Omugonzebwa Susan, webale mwene WANGE omugonzebwa, okunsindikira kinu! Nkihandiikirege nakiteeka ha mukutu, kandi nyetekaniize mpikire ira hagati. Kikandeeta hamaju mu maiso ga MUKAMA. Ninsaba ngu millioni za bantu nazo nukwo zikole. Mukama akuhe omugisa habwokworoba kwawe hamu nobwesigwa bwawe hali we. Engonzi ezitahwaho omu MASSIYA Waitu.............  Omusomi wakatanu-5

 

**************

 

Susan, bunu buli obunabi malikwo obusesirweho amafuta kuruga hali MUKAMA. Mpuliire obunabi kuruga obwire obwakara kwiha mba mukurisitaayo muno enyuma omu 1979. Mpuliire kandi nasoma obunabi obumu obusesirweho amafuta kwiha emyaka 33 enyuma kandi obutumwa omu kitabu kinu buli obusingireyo kuseswaho amafuta obunakasoma obwomezi bwange bwoona........ Mike Peralta. (omutekanizi wekitabu)

 

ESUURA 1: OKWEBUNDAZA

 

Okwebundaza nukwo okwebundaza. Nukwo okuhereza abantu otaine kwemurugunya oba kutontoroma. Nukwo okurora ekibi ekyabantu bakukozire okabaganyira kandi okabasekera. Nukwo kuyayana kuhereza abantu hamu n'okusemeza RUHANGA. Nukwo kuba nekihika kyokugonza kuhereza RUHANGA obwire bwona oine okunihira kwingi, n'oikiraniza na RUHANGA mubyakukuragira byona, omwoyo ogurukugonza ogwetekanize kuhereza RUHANGA hamu n'abantu.

 

Okwebundaza kyongera kimanyisa okwikaarra omuntebe yenyuma--- Entebe ekusembayo, ekikaro ekikusembayo, muno, butamanyirirwa.

 

Luka 14:7-12 Kandi akabachwera orufumo abo abayeserwe, obuyaboine okubayegomboize ebiikaro ebya hagati; nabagambira ati obwoyetwa omuntu weena hali obugenyi obwobugole, otaika'ra omukikaro ekya hagati; rundi hatabaho arukukukira ekitiinisa ouyayesere, nogu ayesere iwe noli aija nakugambira ati higiza onu; nubwo olibanza nensoni okukwata ekiikaro ekyenyuma. Baitu obwoyetwa, ogende oika're omu kiikaro ekyenyuma; ayakwesere obwaija, akugambire ati Mugenzi wange i'ra kuli hagati: nubwo olitunga ekitinisa omumaiso gabu boona aboikalire nabo ha byokulya. Baitu omuntu wena anyakwenyumiza wenka nuwe aliga'rwa enyuma: nanyakwezinga wenka nuwe alinyumizibwa.

 

Matayo 19:30 Baitu baingi abokubanza abaliba abenyuma: nabenyuma baliba abokubanza.

 

Nuwe omuntu owabandi barukwebwa habwokuba ali hansi muno, tayanguha kumanyirirwa. Abebundaize tibeetaga ekikaro ekyahagati. Beetaga kwikara baserekerwe, baculiire, bengeso, behaireyo hali RUHANGA.

 

Kinu nikyo kwebundaza, muhara wange kandi onu nuwe mugole wange. Naisana binu byona. Muhara wange norora ensobi zaawe hati?

 

Leia tugumizemu... Obuculezi nikyo kiki? Nukwo kukolera enyuma yebiikaro otakwetaaga kweyoleka. Nukwo okweherayo kimu hali RUHANGA. Nikwo kuseera okworobera RUHANGA mubintu byoona. Okwebundaza tikiri nikyo kutunturra ekyabantu bakuteekereza hali iwe. Okwebundaza nikwo kukolera abandi otakusasurwa. Nukwo kuba nekihika ekyokwenda okuganja kuruga hali RUHANGA hatali abantu. Nukwo kukulira mukuganja kwa RUHANGA hamu nokusemeza RUHANGA. Nukwo okuculeera nokuba nengeso. Nukwo okukurra muli RUHANGA. Nukwo "kwisanaisana-kristo." Okwebundaza kintu kisemiire muno hali RUHANGA.

 

Omuntu omwebundaazi kandi omuculeezi ayangasana mumaiso ga RUHANGA. Okwebundaza nikwo kugonza-kusemeza RUHANGA hamu nokurubatira mumuhanda gwe. Okuba wahansi muno no butetekerezaho kubangu oli murungi muno kukira abandi boona, kandi butatekereza ngu nosinga abandi boona, nikyo okwetwaara ahansi yabaandi hamu nobutachwera abandi omusango. Nyowe nyenka ninye achwa omusango. Tikirukukanyisa ngu toli wamugaso. Nikimanyisa oteekemu abantu ekitinisa nengeri barukwehurra, nobubaraba nibasiisa, kandi otabarabyamu amaiso mumutima gwawe. Nikyo okukwatirwa abantu embabazi habwokuba naiwe okyali harulengo rwokusisira RUHANGA.

 

Kinu nikyo kibaho omuntu bwaba ayebundaize. Abebundaize bahereza obwakaiso oburungi, bangasana mubukama BWANGE, mumaiso GANGE. Bahulirizibwa RUHANGA. Mpuliriza abahereza BANGE abebundaaza obubanculirra. Nsobora kukora ekintu kyona ekikwetagisibwa kujuna abahereza BANGE abebundaize. Ngya kurubasa iguru n'ensi habwa abebundaize. Kinu nokyetegereza muhara WANGE?

 

Abahereza bange abebundaize beherireyo kimu mukunyorobera. Bakimanyire ngu tibakusobora kukora ekintu kyona ntali nabo.

 

Baikara nibanseera mumiringo yoona nkomwana engeri aseera omuzairewe. Onu nuwe omuhereza WANGE owayebundaize. Taina okugonza okwe. Beesiga Nyowe nyenka mukurubata kwabo okwa buli kiro. Baseerra nyowe kubagarukamu. Banyesiga n'emitima yaabu yoona kandi mbagarukamu. Mbahereza ebyange ebirukusingayo habwokuba banseerra haiguru yebindi byona okubagarukamu.

 

Bebundaize kandi bekitiinisa mumaiso GANGE. Babazibwaho kurungi muno. Tibali nkensi enyakubetoroire. 

Bemeerra bonka kuruga mu Bantu abaingi. Oburungi bwabo nibwisana nkobwa-RUHANGA hamu n'eiguru. Nukwo iguru liri riti---lijwire abantu abaine obulinzi bwabu omuli RUHANGA habwokuba Ntangatangana ebyeetago byabu byoona.

 

Tikirukwetaagisibwa kuba muhoole, oba okukara, oba kwepanka. Ebyetaago byabu byona mbitangatangana. Banihire nibagonza kuhereza, kandi nibahereza basemerirwe habwokuba mpikiriza ebyetaago byabu byona obwire bwona. Busaho n'omu wena owanyakwenda okumanyirirwa mu iguru lyange. Bulk omu weena anihire. Kiri ekiikaro ekirukwera, ekyobusinge, ekiteekaine, ekyokugonza, ekyokuseka, ekyomuhimbo. Okwikiriza nkokwomwana omuto kukuru muno habwokuba omwana tayehingura.

 

Omwana ahondera haihi enyuma yomuzaire habwokuba ayesiga omuzaire. Akwatirirra hamuzaire nokunihira, alinzire engenderwaho, okuhaburwa, nokwebemberwa. Omwana tayeteeka mukukora ekyomyzaire aine kukora.

 

Ayemanyire tarukusobora kwebembera, Ayesiga omuzaire wenka kutangatangana ebyeetago bye. Omwana obwaruga mumaiso gomuzaire, atandika kutiina natukumira habwokuba amanyire ngu ebyetaago bye byoona abitunga kuruga hali omuzaire owakuzire nayesiga kandi na'gonza. Enu niyo enkoragana enyakubaho hagati yaabo abebundaize hamu na RUHANGA. Abebundaize bahondera RUHANGA nkomufu wa amaiso, omukwesiga RUHANGA kandi no mukworobera RUHANGA na RUHANGA abajuna. Tinaliyo ebigarukwamu handi hoona. RUHANGA wa maani, kandi nuwe kunihira kwonka, okuhikire, okurukumara.

 

Abaana baseera abazaire baabu kutangatangana ebyetaago byabu byona. Babaculiirra habwokuba abazaire baabu nibasobora kubajuna nka mukama engeri ajuna abebundaize abamuhondera no'mutima ogwebundaize ogurukwera. Kinu nikikora amakuru goona hati muhara WANGE? Omuntu owaijwire emyepanko asobora kuhinduka akebundaaza? Muhara WANGE, ekigarukwamu kiri "ego", habwokwebembera kwange nokwehayo hali NYOWE, RUHANGA waawe. Nahabwekyo ebintu byona nibisoboka? Ego na RUHANGA ebintu byona nibisoboka.

 

Enfumo 15:33 Okutiina MUKAMA nukwo okwegesibwa kwonyini. Kikusemerire kubanza kwebundaaza hanyuma nukwo oheebwe ekitinisa.

 

Leka tutandike. Okwebundaaza nukwo okugonza. Okugonza kuruga mumutima ogwebundaize. Okugonza tikuruga mukwepanka. Okwepanka kuhwerekereza okugonza. Emyepanko egamba: "ninkukira"; "nimanya muno kukusinga"; "ndi womugaso kukukira"; "toli wa muhendo hali nyowe''; "ninyemalirra"; "kandi"; "tinkukwetaaga". Kinu nikyo okwepanka kukukanyisa muhara WANGE. Okwepanka kubiihire mubuli mulingo gwona. Nukwo kwegondeza, ngambanyenka, kandi nebyana byakwo bibi. Owemyepanko nyingi Aimukira MUKAMA nagamba ati, "tindukwetaaga RUHANGA" Ndi RUHANGA- Ninyefuga, kinu kibiihire kandi kijumo. Tihalimu burungi bwona muli kinu. Tihalimu kikujuna kyona muli kinu. Nikinaga abandi. Kiretereza abantu kwehurra bali ahansi, bangirwe, tibakugonzebwa, bahutaazibwe, babihizibwe.

 

Tiharumu kintu kyona ekirukusisana obwa RUHANGA omu-kwepanka. Kandi kiri opositi yenyetwara ya- KRISTO. Tiharumu kantu koona akarukwisana KRISTO okukwepanka. Busaho karungi koona mukwepanka---akabi konka. Noyetegereza mwana WANGE?

 

Tusobora tuta okwiruka hali okweisaniriza kwoona okwemyepankov MUKAMA? Muhara WANGE, oteekwa kwiruka muno oruge ha kwepanka, genda hara muno. Webundaazege obwiire bwona.

 

Muhara WANGE tikirukwetagisibwa kweyombeka kuseera kumanywa mubantu, singa oba nogonzebwa RUHANGA. Serra engonzi kuruga hali RUHANGA Kandi oigusibwe ezo zonka kandi nekihika kyona ekyokwetaaga kuseera engonzi kuruga ha bantu abakwetoroire kiraswekwa engonzi zange. Abantu abakwetoroire tibasobora kuhikitiza ebyetaago byawe---Nyowe nyenka ninsobora kukukolera kinu. NYOWE nyenka ninsobora okwigusa omutima ogwenjara ogu taina kantu koona. Nyina ebigarukwamu byona ebyomutima ogurukwetaaga.

 

Ninsobora kwijuza okwetaaga kwona. Abantu tibasobora. Tibasobora nobukiraba nikiisana kityo ngu nibasobora. Haroho okurolerwa kwa kaire katoito muno kuruga mu bantu. Ndi mugera ogunyakwijuliza kimu. Nyijuza kandi nyigusa okwetaaga kwomutima gwomuntu. Mwije hali nyowe mwigusibwe ekyetaago kyanyu ekyokugonza nokulorerwa. Muteeke hansi emyepanko. Gali maani agakuhwerekereza kandi busamu Kugonza. Ekolera aheeru yo Kugonza kandi ereeta okuhwerekerra kwonka hali buli omu.

 

Emyepanko nikyo ekibi ekikusooka. Era kikyafuga kandi kilema mumitima yabantu. Emyepanko eretereza abantu kuseera emihanda endi yoona mukiikaro kyokuseera RUHANGA. Abantu beyombeka omubiikaro omumirimo yaabo, mutalanta zaabo mubyobugaiga byaabo, mubintu ebibaine hamu nomunkoragana zaabu na bantu. Binu byona biri bisisani kandi tibarukuta amaiso gaabu hali MUKAMA kugarukwamu oihireho beyombeka kuraba mubibakuhambya ebintaikirize, nukwo baisane abasinguzi mumaiso gabantu abanyakubetoroire. Abanyakwebundaize mumitima bonka nibo baseerra RUHANGA Okutunga ebigarukwamu byabu, hamu n'ebyetaago byabu kandi bateeka harubaju ekihika kyokuhambya ebintu byensi kusemeza abantu abanyakubetoroire.

 

Obwotunga obuguuda rundi okekolera ibara omunsi nobukwakuba omubuheereza, niiwe oba norwanisa okwikirizibwa mubantu, noseera okusiimwa mubantu. Kunu tikuli Kugonza kwange. Tikusobora kuba. Abaana BANGE abanyakwebundaize banseerra buli Kiro habwebyetaago byabu kandi mbajuna. Nukwo nti nyegesa okwesiga RUHANGA. Abaana BANGE obubarwanisa mumaani gaabu, kandi bakasingura, baba nibalemwa habwokuba tinsobora kuha empeera abo abanyakuli aheeru yokugonza kwange, nobukiraaba ngu ebintu biri birungi, obu bulinzi obwebisuba. Kandi ndeka nabaana bange kugwa omukurwanisa kwabo nukwo barole nibanyeetaaga. Ningonza kuba kihika kyomutima kandi kigarukwamu kya buli kintu kyona.

 

Ebindi byona biri bulinzi obwebisuba oburukwebembera abaana BANGE kubaiha omukugonza KWANGE. Ego banu bali baana bemyepanko nibaseerra omuhanda gwabo tibarukwija kuserra obuhabuzi hali NYOWE n'okumanya, n'okunyesiga kinu kirugiiramu okwigusibwa okwakaire katoito. Rwanisa rwanisa, Abaana BANGE barwanisa kandi bamalirra bataine kantu koona, nibakyayetaaga, bataigusiibwe nakamu---baikara nibakyayetaaga ebindi, baitu batamanyire kiki. Ninyowe kiki ekyo ekibarukwetaaga. Ninyowe muhanda gwonka ogurukutwara mu kwigusibwa okwamananu, mumutima ogwijwire, mubwomeezi obwijwire, mumwoyo ogwijwire.

 

Nyigusa, maliriza, nyijuza nyijuza omwanya gwomumitima, ebyetaago byemitima yabantu, busaho ondi weena. Gunu guli musingi gwemyepanko kandi nekibi ekiruga mumyepanko, omutima ogunyakwikara niguseera kusemezibwa nokwikirizibwa mubintu byoona oihireho RUHANGA. Busamu kantu, kwikara wenka, hamu nobutahikiiriza nikyo kirugiiramu, enyikara yo kubihirwa eyintagondiize Ebihangwa BYANGE.

 

Emyepanko, ekibi ekibihiire muno ekitainiire kimu kugonza omumulingo gwona ekiikaro kitaine Kugonza ekitainiire kimu Kugonza omuntu wena. Okwebundaaza nukwo Kugonza. Tikuli kwehereza. Tikufuga hali abandi. Kulindiira abandi babanze baherezibwe. Kuteeka abandi mubiikaro ebyahaiguru kukira hukwo kwonyini. Tikutwara omugaso. Tikwina ihoole. Tikukwekunika. Tikujwara mbeho. Tikwejunana. Kusemiire, kubazibwaho kurungi, nikunuliirra, nikugonza, nikuloreera. Nikwisana RUHANGA, NIKWISANA KRISTO, KUSEERA RUHANGA.

 

Tikufuga abandi, rundi kuhambiriza ekikaro kyakwo. Oihireho kujunanizibwa hali ebiikaro byabandi. Kunu nukwo kwebundaaza, kwikaarra enyuma, butaikara nohambya entebe eyomumaiso, gunu nugwo muhanda GWANGE—kugumisiriza, kandi kugaruka bwangu mumbeera enungi, hanyuma yokukorwa kubi. Okwebundaaza guli mulingo gwo Kugonza. Tikwehambisiriza hali abandi. Kulindiirra akasumi kakwo. Nukwo kugonza haiguru ya byona. Tikuseerra kubundaaza bandi ngu nukwo kwimukibwe. Kuseerra oburungi bwonka hali abandi. Habwaki okwebundaaza kiri ekintu ekirungi muno hali NYOWE RUHANGA? Nsemererwa obwa'baana bange bebundaaza hali NYOWE.

 

Kyoleka kunteekamu ekitinisa, engeso, hamu nokunyesiga NYOWE RUHANGA Waabu. Bateeka okunihira kwabu kwona hali NYOWE okuhikiriza ebyetaago byabo byona. Baihaho ekihika kyabo kyona ekyokuseera ebigarukwamu kuraba omu kwemalirra kwabo, mumaani gaabu, omukweserura kwabu omukugonza kwabu. Tibehaireyo kuhondera omutima gwabu nokuleka nyowe RUHANGA waabu, nokweteeka habibakuhambya byabu ebibebembera kubaiha hali omumuhanda gumu ogunyakuhikire, NYOWE RUHANGA waabu. Baingi babihirwe habwo kuhambya emihanda yaabu oihireho kwija haihi nanyowe nokuserra okugonza kwange, amananu gange, hamu nomuhanda gwange omubwomezi bwabu. Bahambya ekyensi ekugamba ngu kihikire. Nibaseera sentence ekiikaro, obukuru, hamu nokwigusibwa, omumiringo nyingi oihireho NYOWE RUHANGA. Kunu kubihwabihwa okwekika kyahaiguru.

 

Tinkugamba ngu mutakora, oba kwomeera, baitu ningamba ngu munseerre kubanza kandi ndaaboleka omuhanda oguhikire ogwokurabamu nimwomeerra omunsi munu. Obumurahambya pulaani zanyu n'ebiroto byanyu mutantekeremu, buli nimwirukira aheeru yokugonza kwange kandi kandi mwereka mutaswekerwe hali omunyanzigwa wange kandi nimwikara mukibi habwokuba timuli mukugonza KWANGE. Kinu nikyo kwepanka nokundwanisa, baingi, bakirubatiramu.

 

Enfumo 18:12 Okubanza okuhwerekerra omutima gwomuntu gwekunika. kandi okubanza ekitinisa hagenda obuculezi.

 

Enfumo 29:23 Emyehembo yomuntu erimubundaaza baitu anyakwina omutima omuculezi alihabwa ekitinisa.

 

Matayo 23:12 Nogu weena alyenyumiza, alibundaazibwa, nogu weena alyebundaaza wenka alinyumizibwa.

 

Yakobo 4:6 Nikyo kyahandiikirwe ngu RUHANGA atanga abemyehembo baitu abaculezi abaha embabazi.

 

Enfumo 8:13 Okutiina MUKAMA nukwo kunoba ekibi, emyehembo, nemyekuniko, nomuhanda omubi, kandi akanwa akobutigi nkanobere.

 

Omuntu asobora ata kwikara mukugonza kwawe KUKAMA?

 

Gunu nigwo omulingo osobora kwikara mukugonza kwange: weheyo hali NYOWE---Okwehayo okumalirire (okwijwire) nukwo ndinde entambu zaawe. Kinu kikole buli kiro. Noija hali NYOWE buli kiro nonsaba kukwebembera nokukulinda nkomwana muto. Kunu nikwo okwikiriza okwomwana muto. Ensi esiigire ekisisani ngu okwemalirra guli muhanda gwobwomezi obwobusinguzi. Egyo eri pulaani eyebisuba kuruga hali omunyanzigwa wange. Abihabihire ensi ne kisuba kinu. Abaana bange bahambya obwomezi kuraba munteekereza zabo nokupulaninga kwabu nengenderwaho zabo batarukwija hali NYOWE kunyehabuzaho, NYOWE OMUHANGI waabu kandi baikiriza ngu buli kimu kiri kurungi. Obukiraba kiri kirungi kitekwa kuba kirungi. Baitu buli bubi obukutekwa kunaga abaana bange kuruga hamuhanda ogufunda. NYOWE nyenka nyina omuhanda oguhikire ogwabaana bange barabamu kandi ngubaha buli kiro.

 

Yohana 5:30 Tindukusobora kukora kintu habwange: nkokumpu'ra nukwo ncwa omusango; nomusango ogunchwa gwobulyo baitu tinseera ebingonza nyenka, rundi ogu ayantumire ebyagonza.

 

Abaantu obubaikara omunsi munu,obundi bahambisirizibwa Ku pulaninga ebintu ebyomumaiso kandi ekyo?

 

Mwana wange, ego abaana bange baikara munsi, baitu mpereza engenderwaho ahancwamu ezikorwa habyomumaiso. Abaana bange singa banseera, obundi ekigarukwamu kiri: teekana olindiire. Abaana bange boona abanyakuli haihi nanyowe, barubata nanyowe buli kiro, barahebwa amagezi ganu. Abaana bange obubaba bali hara yange kandi bakaija hali NYOWE dimu na dimu, kinu tinkiha omugisa. Tindi RUHANGA owokuramburwaga hati na hati, nkabaana abaingi barukumanya. Baingi baija hali NYOWE mubwire bwebizibu byabo kandi bamara bagarukayo banyebwa. Abaana abo tibarukumanya.

 

Ndi RUHANGA owarukwenda enkoragana n'okwikara haihi nabaana bange. Kinu kiri kibi hali NYOWE---koyakoya ebintanakayo.

 

Matayo 7:21-23 Omuntu weena anya kungambira ati, MUKAMA WANGE, MUKAMA WANGE tali ogu alitaha omubukama obwomu iguru, baitu ogu anyakukora Isenyowe ali omu iguru ebyagonza. Baingi balingambira hakiro kiri ngu MUKAMA waitu MUKAMA waitu tutagambire omu ibara lyawe? Tutabinge mizimu omwibara lyawe? Tutakole byamahano bingi mwibara lyawe? NYOWE ndibagarukamu ningamba nti tinkabamanyaga inywe murugeho nambere ndi inywena abakora ebyokwema.

 

ESUURA 2: OTALYEYESIGA RUNDI ABANDI

 

Hati muhara WANGE. Leka tutandike. Kiro kinu, ninyenda okubazaho naiwe ahakizibu ekiri omukweyesiga. Okwemaliirra, okwemaliirra n'okwemaliirra guli muze mubi. Nigutembebwa haiguru enkora yensi kandi gusagikwa omunyanzigwa WANGE.

 

Okwemaliirra tikwine makuru, ninkokweteka mukikaro kya RUHANGA. Nikwo kurubatira mukugonza kwawe otarubatiire mukugonza kwange. Hati nkokusiiba kunu okwebiro 40 -kuli Kugonza kwange, abaantu obubakora ebibechweriremu batabandize, kunseerra omunkoragana, bairuka mukugonza kwange kandi baikara omu kibi. Kunu kuli kundwanisa. Ningonza abaana bange barubatire omukugonza kwange.

 

Obwire obumu,okugonza kwange tikuzooka kuhikire kusigikiirra hankora yensi. Ensi egamba, hambya sente, ebintu, obulinzi, okugonza kwabaantu. Okugonza kwange tikutebangana nekyensi eyeta kirungi. Kwisana kundi. Baitu okugonza kwange kuhikire. Nkahanga abaantu kandi era nkabahanga okunyesigaga nokurubatira okukugonza kwange. Okumanya okugonza kwange oine okuhayo obwomezi bwawe hali NYOWE omukwehayo okwo kwebundaaza kandi okanseerra buli kiro. Abo abanyakunseerra mumananu nibahayo obwire bwabu hali NYOWE nenkoragana mubwire bwabo nanyowe, omukaikaro akensita nokusoma ekigambo kyange, balinzoora hamu nokugonza kwange. Kinu nikyetaaga enchwamu. Nimutekwa kuchwamu habwokuba ebiikusikiiriza byensi nibisobora okubanaga kuruga ha muhanda oguterekeriire ogufunda. O' haroho emihanda endi enyingi eyokurabamu baitu yoona etwara omukuhwerekeerra omuhanda ogukutwara omugehena gukooto baingi bagugwamu.

 

Bataito abasanga omuhanda gunu ogufunda ogwomugaso ogukuleeta hali NYOWE, n'obwomezi obutahwaho. Baingi bateekereza nibarubatira hamuhanda ogufunda baitu babihirwe. Bahuliriza abandi abanyakuhihabihirwe. Abebembezi bange abaingi babihabihirwe kandi babihire baingi habwokuba batekereza ngu kukora emirimo nyingi nokwikara bize omumakanisa gange guli muhanda ogwo kutunga obulinzi obutahwaho baitu kinu kisuba. Kuli kuba nenkoragana, n'okumanya mumananu, n'okumara obwire nanyowe kuhayo obwire mukumanya. Kinu nikyo kisumuruzo hali okuba kurungi nobulinzi obutahwaho.

 

Zabuli 91:1 Anyakwikara omukiikaro ekyensita ekyogu anyakuli haiguru muno nuwe araikaraga ha kiituru kyowobusobozi bwona.

 

Omubiri gulisibwa okumakanisa baitu omubiri gunu tigusobora mananukwo kukora kurungi gutatungire okulisibwa okumpereza omukaikaro akensita hamu nomubwire obumazirwe omukumanya omumulingo ogwenziha. Kunu niho mananukwo omubiri gwombekerwa.

 

Kunu niho mperereza okugonza kwange nebigambo byange hali entaama zange kandi mbasobozesa kusingura ebyomunyanzigwa WANGE alengaho kukora kuleeta akabi. Kiri habwokuba nenkoragana nanyowe kurorangu nimusobora kuraba nokusingura emihito nebizibu byobwomezi. Kakusinga ogenda wenka, ogya kurwanisa kandi olemwe. Habwokuba tokumanya kiki ekindukwenda kandi ndi muchwi womusango wabyoona omukumaliirra. Osobora ota kuteekaniza okuntangaana omukuchwerwa omusango obworaba otakaijaga haihi nanyowe kandi otakegaga ekindukukwetagaho? Obwolintunu'ra mumaiso otabaire na nkoragana nanyowe oliba otaine kantu koona mungaro habwokuba ogumiire hali enyikiriza zaawe, enteekereza zawe, nokugonza kwawe kandi oligwa muno. Olifwika otatungire emanyikirizo.

 

Abarumi 14:12 Nikwo itwena tulyetonganira omu omu hali RUHANGA.

 

Mutabihwabihwa. Baingi abakwetwa abebembezi bange tibamara obwire nanyowe, kandi nabo tibarubatira omukugonza kwange, kandi Bali nkomufu wamaiso nayebembera omufu wamaiso nibasirimuka hansi omukuhwerekera. Baingi balihuniira nkokubabaire babuziibwe habwokuba besigire abo abatarukumanya kandi nabo babihabihirwe muno. Tosobora okwesiga omubintu ebirukuzooka nkebihikire omunsi.

 

Oine okwehayo hali NYOWE. Hayo ebyawe byona kandi onseere nomutima gwawe gwona. Kinu nikyo ndukwenda. Ekigambo kyange kibaza amananu ganu. Kisome kurungi oyerolere. Abebembezi bange,abaingi muno bagonza ensi nemihanda yayo Bahabwekyo bahindura ekyebigambo byange bikumanyisa babihindura nukwo bahurre kurungi omukweziringura nensi. Ensi munyanzigwa WANGE. Soma ekigambo kyange.

 

Amananu ganu tigaserekerwe. Timusobora Kugonza ensi nanyowe gamurundi gumu. Nyetegerezibwe hali kinu? O' ego muli omunsi, baitu kwine okumpondera hamu nemiganda yange mukyali omunsi.

 

Yakobo 4:4 Inywe abakazi abasihani timumanyire ngu okuganjana okwensi nubwo bunyanzigwa na RUHANGA? Nukwo omuntu weena anyakugonza okuba enganjani yensi buli ayefoire omunyanzigwa wa RUHANGA.

 

Haroho ebiikusikiriza buli hokuhindukira hoona ebikugya kubaiha omukuseera enkoragana nanyowe. Mwine okuba nekihika ekyokwenda okumara obwire nanyowe kukira ebikusikiriza ebyensi. Nimutekaniriza ebintu ebyahansi ebitainemu kantu kakuba muhambya ebintu ebyensi okukira kuba nenkoragana nomuhangi wobwomezi bwona -omuhangi waanyu, ayahangire enyunyuzi n'eiguru.

 

Abaheburaniya 10:38-39 Baitu tituli bokwehinya enyuma omukuhwereke'ra baitu tuli bokuikiriza okwokujuna obwomezi. Baitu owange anyakuhikirire aliba mwomezi obwokuikiriza. Kandi obwayehinya enyuma, omutima gwange tigukusemererwa omuluwe.

 

Otatunda orugendo rwawe orwekitinisa orutahwaho orwokurubata nanyowe, omuhangi kandi owanyakwikazaho obwomezi bwona okutunga ebintu byensi ebitaine beyi.

 

Ebyokuhambya omunsi kuli kwigusibwa okutaroho, hamu nokufwa. Okomamu emaliira yawe, notekereza ngu noteekaho omuhanda gwawe, notekereza nimpa omugisa ebyokuchwamu byanyu. Timwizire okuumanya omunkoragana. Kakusinga mwizire mwakwegere ekyahukaineho. Mubihabihirwe emihanda eyensi nomunyanzigwa WANGE oworugezigezi. Asobora hakire okwenda oyekolere ekyokwikiriza ngu kirungi otali na NYOWE. Kinu tinsobora kukiha omugisa. Era abaana bange bahuniira habwaki bagwa omubizibu biingi. Okubihwabihwa okubi muno okurukusingayo okwo' munyanzigwa wange nukwo okwikiriza ngu buli kimu kiri kurungi obwoba otali omunkoragana eyamani nanyowe. Kunu nikwo kubihwabihwa okwamani okukusingayo. Byona bizooka kurungi baitu obwolintaangaana, ndikugambira nti--nduga mukaiso iwe enkozi yebibi, ntakumanye.

 

Matayo 7:21 Omuntu weena anyakungambira ati: Mukama WANGE, Mukama WANGE, tali ogu alitaaha omu bukama obwomu iguru, baitu ogu anyakukora Isenyowe ali omu iguru ebyagonza.

 

Baingi balingambira ha kiro kiri ngu MUKAMA waitu, MUKAMA waitu, Tutagambire omu ibara lyawe? Tutabinge kizimu omu ibara lyawe? Tutakole byamahano biingi omu ibara lyawe? NYOWE ndibagarukamu ningamba nti, tinkabamanyaga inywe: murugeho nambere ndi inywena abakora ebyokwema.

 

Ego kinu kigambo kyange. Ntabahange kurubata inywenka mutali nanyowe hamu nokuseera emihanda yanyu mutaizire okunyehabuzago. Ego nimusobora kukora ebintu binu habwokuba mwine obugabe omubimukugonza, baitu timuli omukugonza kwange kandi nimunsisira.

 

Mpeereza abaana bange obugabe kukora ebibakugonza kandi basobora kukomamu kunseera omunkoragana nokwesiga okulindwa kwange rundi nibasobora okunyiruka bakandugaho.

 

Abaana bange obubandugaho bakaruga omu Kugonza kwange, bakaseera pulani zaabu, baba nibarwanisa pulani zobukama bwange kandi kinu kibi. Behikyaho okuhwereke'ra okubatamanyire, habwokuba bateekerize ngu nibasobora kwomeera obwomezi bwabo bonka bali aheeru yokugonza kwange okurungi na pulani zange. Beeretera ebizibu hamu nabandi. Beereka bataine bulinzi hali emitego, nobukodyo bwomunyanzigwa. Baana bange oihireho NYOWE, Muli busa, timwine kimuli hali omunyanzigwa WANGE oworugezigezi. Mutatekereza ngu muli bagezi muno, timwine mugaso mutali nanyowe. Habwaki ngamba abo abanyakwine okwikiriza nkokwabaana abato nibo baligwetwa obukama bwa RUHANGA? Habwokuba abaana abo betegereza nkokubarukunyeetaga buli kaire, nkoku omwana ahindukira omuzaire we, buli kasumi. Omwana omuto amanyire ngu nambere omuzaire atali, ali mukabi kamaani muno, nkooku abaana bange bamanyangu nambere ntali, nabo bali mukabi kaamani muno kandi beesiga omuli buli kigambo kyange. Nikyo mpabulira abaana bange okwikara muno omukigambo kyange, nambere amakuru goona amarungi gali.

 

Ebigarukwamu byoona ebyokwomera obwomezi bunu bihairwe omukigambo kyange.

 

Nkahayo ekitabu kinu nkekyokuhabura hali abantu boona. OMWOYO WANGE asuukura amananu mumpapura zaakyo. Omukwehayo kwonka hamu nokutunga OMWOYO WANGE omubwijwire, niho honka ogenda kutungira okwetegereza okwamananu, okwebigambo byange. Tikuli habwokwegesa okwabantu, haitu habwa MWOYO WANGE ebigambo bikura omumitima yanyu. Habwa OMWOYO WANGE wenka nubwo musobora kutunga ekyererezi kyobwomezi ekyekitabu kyange.

Matayo 18:4 Nukwo weena aliculeera nkomwana onu omuto nuwe mukuru omubukama obwomu iguru.

 

1 Abakorinso 2:11-14 Baitu muntu ki amanyire ebyomuntu, rundi omwoyo ogwomuntu oguli omuluwe? Nukwo busaho amanyire ebya RUHANGA rundi OMWOYO WA RUHANGA. Baitu itwe tutahabwe Omwoyo ogwensi rundi omwoyo oguruga hali RUHANGA: nukwo tumanye ebi RUHANGA ebyatuhera busa. Kandi nibyo tugamba, hatali omubigambo amagezi gabantu ebigegesa, baitu omwebi OMWOYO ebyayegesa obutuinganinganiza ebyomwoyo n'ebyomwoyo, Baitu omuntu owokuzarwa kwonka taikiriza ebyomwoyo ogwa RUHANGA Baitu uwe wenka tayetegerezebwa nomu. Baitu biba byobutami haluwe; kandi tasobora okubimanya, baitu nibyetegerezebwa ebyomwoyo.

 

Ensi eijwire okubihwabihwa hati. Otafworwa musiru habwekibi ekikozirwe omunyanzigwa wange. Asobora hakiri kuleka okaikiriza habwobutumwa otunga buli kiro ngu nosobora kwesiga ebintu byensi. Nimwesiga ebindi byoona baitu NYOWE omugabi wobwomezi timukunyesiga. Mwesiga sente, okusoma, obulinzi bwensi, gavumenti, obu buyambi bwebisuba kandi bulinzi bwebisuba. Kunu kuli kuhiiha okwekika kyahaiguru kandi kiiha abaana bange hali NYOWE. Abaana bange era bagurukyagurukya omukunyesiga. Bampindukiraho kataito bongera besiga ebindi. Enu Teri nkoragana. Ego mwine enkoragana n'ensi hamu nebyokwetaaga byanyu, baitu hatali nanyowe. Nimwetaaga kwija hali NYOWE kandi muteeke ebyanyu byoona hali NYOWE.

 

Timusobora kumanya mumananu kuhikya muteekere harubaju obulinzi bwanyu obwensi kandi mukaija hali NYOWE nimuseera enkoragana. Ekintu ekindi kyoona oihireho enkoragana enu, kiri koyakoya kandi tinsobora kutamu kitinisa enkoragana eya koyakoya. Baingi muno balihuniira obubalintunulirra kandi bakakizoora ngu okuzina nensi hamu nokumara akaire kataito nanyowe kiribaikaza aheeru yobukaka Bwange. Baingi balihuniira.

 

Okusukururwa 3:16 Nahabweki habwokuba muli koya koya, kandi timukufuka oba kwokya, ningya kubatanakayo omukanwa kange.

 

Kiki ekindukwenda ne kinkunihira hali abaana bange? Ninyenda obwomezi bwabo. Nimbwenda bwona mubwijwire. Okuzina nensi hamu nokuzina nanyowe ekyo kibi. Soma ekigambo kyange. O' baingi basoma ekigambo kyange kandi baihamu ebibakwenda nukwo basemeze, nukwo basobole okunyumirwa ensi kandi behuurre ngu nibasobora kutaaha omu bukama bwange obwomezi bwabo obubulihwayo.

 

Okwekanga hali abo abanyakukizoora ngu ntaangirra abo bonka abanyakumpa ebyabo byona-abahongereyo ebyabo byona. Ebyokuhambya obuguuda, okumanywa, ebintu byobuguuda byona byali byahusa kandi hanyuma yebyo byoona bikwikaza aheeru yobukama bwange. Okugonza kwabu no kupulaninga kwabu bibaletiire okuraba ahamuhanda oguli aheeru yokugonza kwange hamu naheeru ya pulani zange ezobwomezi bwabu-obwomezi obunahangire.

 

Obwomezi obunabahaire kandi obunyikazaho.

 

O' ego busaho nomu anyakwomeera kandi akaikya bulk kiro rundi buli nkikirize. Enu niyo nsonga habwaki abaana bange tibasemeriire kwekakasa pulani zaabo zitali mukugonza kwange hamu nebigendererwa byabu ebihikire ebyobwomezi bwabu.

 

Nsobora kutwara obwomezi bwona obunkomeremu mukugonza kwange. Busaho nomu aikara aheeru yenchwamu zange habwomezi bwabu. Mpereza kandi ntwara nkokundora kisemeriire nkokungonza. Nikyo habwaki kiri kyobusiru muno obwabantu bahangaho pulani zaabu kandi bakakora omuhanda gwabu batali mukugonza kwange habwobwomezi bwabo. Bunu buraira bwemyepanko nobusiru kandi kiri kibi. Guli muhanda gwomunyanzigwa WANGE okwebembera entaama zange kuzibuza ahamuhanda ogwokuhwerekerra habwebikusisana ebirungi kandi ebihikire. Enu eri pulani eyokubihabiha kwomunyanzigwa okubiiha baingi.

 

Yobu 12:10 Omu mukonogwe nuho haroho obwomezi obwekintu kyoona ekyomezi norwoya orwabantu boona.

 

Zahuli 104:29 Osweka amaiso gaawe, bituntura. Obiihamu orwoya rwabyo, bifa bigaruka omu cucu yabyo.

 

ESUURA 3: OKUTENDEKWA MU KWEBUNDAZA

 

Muhara WANGE, Nyetekanize okukuha ebigambo. Huliliza kurungi obundukubaza. Hati ninyenda kugenda hamakuru agahyaka. Ninyenda kubazaho aha kyokutendekwa omukwebundaza. Gunu nugwo omuhanda ogwabebundaize. Omutima oguculeire ogutekaine nibo abebundazi bange. Barubata baculeire, batakusera ekikaro oba akagisa. Banse'ra mumiringo yona. Baikara nibasera RUHANGA wabo. Tibagonza kuba hagati. Tibagonza kesera kurorwa abantu oba kumanyirirwa.

 

Betaga kugonzebwa hamu nokurolerebwa nyowe nyenka, RUHANGA wabu. Banyesiga kandi mbarole'ra. Ntangatangana ebyokunihira byabu. Mbaha ebyetago byabu. Mbaletera ebintu byona ebibarukwetaga okwomera. Ninyowe mwandara gwabu. Nyikara ndi mwesigwa hali abahereza bange abebundaize. Mbaletera obusinge hamu nokutekana omuihunga lyona.

 

Nyikara harubaju rwabu mpondera,ningonza kwikara nimbahereza. Ngonza abahereza bange abebundaize. Bali kahoho akasemire hali nyowe. Mbagonza kandi mbagonza. Titukwahukanizibwamu. NINYOWE rwoya rwabu. Bamyangasana nkenyunyuzi. Tibasera emihanda eyensi. Mbaikaza banihire. Ensi tebaineho kakwataine kona. Bansera okwetaga kuniha kandi mbaletera ekibarukwetaga. Tibakuurwa. Bataito barubatira hamuhanda gunu. Bataito abagusanga. Abo abagusanga basanga omuhanda ogukutwara omubukama bwange obutahwaho.

 

1 Petero 5:6 Nukwo mwebundazege omumukono gwamani ogwa RUHANGA abanyumize omumpiko yobusumi.

 

Abahereza bange abebundaize bahuliliza iraka lyange. Barubata obumbaragira kandi bahereza obumbetaga kuhereza nomutima ogusemerirwe. Bagonza kuhereza omubukama bwange. Banihire, nibahereza omukama wabo kandi mbaletera omuhimbo nobusinge.

 

Okugonza kwange kubasirimukaho. Tibaburwaho. Okuba mwebundazi otekwa kwetwara-omukikaro ekyokusembayo, otakwetaga ekikaro ekyokubanza. Amagezi nigo gasembayo hatali nigo kubanza. Abasiru baseera ekikaro kyokubanza. Abahereza bange abebundaize bagezi kandi bamanyire ekikunsemeza NYOWE RUHANGA wabo. Abaana bange nibo abebundaize Abensi etakumanyirira, rundi etarukurora, baserekerwe, tibali mumaiso gensi.

 

Tibaine kikaro omunsi munu baitu omubukama bwange, nibo bebembera kandi bafuga. Bahairwe ekitinisa omubukama bwange. Mpereza ekitinisa abebundazi bange. Baika'ra nanyowe hantebe yange eyekitinisa eyomwiguru kandi banyumirwa okubaho kwange. Abebundaize abetwara bokusembayo omubwomezi bunu, banyumirwa ebikaro omubukama bwange. Baimukiibwe haiguru kandi batwarwa omubitinisa habwobwomezi bwabo obwokwebundaza omunsi. Banu bandetera omuhimbo kandi mbaletera obusinge, obusinge obutahwaho.

 

Marako 10:31 Baitu baingi, abokubanza baliba abenyuma nabenyuma baliba abokubanza.

 

Ndubata nabebundaize kandi nyemanyisa halubo. Kinu nikyo kisembo kyange habwekyonzira kyabo. Okugonza kwabu hali NYOWE kuli kahoho akakunulira kandi ngya kubaha ekitinisa.

 

Okwebundaza nugwo muhanda mubukama bwa RUHANGA. Buli omu wena mubukama bwange aijwire okwebundaza. Emyepanko tesobora kutahamu. Teine kikaro mubukama bwange, okwehayo okwobusinge kwonka hali nyowe RUHANGA.

 

Bunu nubwo obukama bwange, bwijwire okwebundaza okuculire nambere boona baigusibwe nokugonza hamu noburungi obukubooga. Busaho nomu owataigusibwe nobwomezi bwabo omwiguru. Okunihira kwonka nobusinge bukanyire. Ensi enu ebooga nokugonza.

 

1 Yohana 2:16

 

ESUURA 4: OKWESIGA MULI RUHANGA

 

Leka tutandike Muhara wange. (Okwakabiri 7, 2012)

 

Kiro kinu, Mwana wange, nitugenda kusweka orugendo oruhyaka. Ninyenda kubazaho okwesiga muli Ruhanga. Abaana bange tibakunyesiga. Bagamba ngu banyesiga, baitu emitima yabu eri hara YANGE. Nibeyesiga. Kinu kibi. Besiga ensi, nebintu byensi. Tibakurubatira Mumuhanda gwange habwokuba tibakugwesiga.

 

Singa banyesiga, bakubaire nibarubatira omumuhanda gwange, omukugonza KWANGE. Mumihanda YANGE, enungi. Basera emihanda endi eyokugendamu. Barubatira omumihanda endi. Basera habwebigarukwamu byabu kuraba mu sente, kumanywa, ebintu byobugaiga, obulinzi, engonzi, nokusemezibwa---byona, baitu NYOWE RUHANGA wabu!

 

Niboomera mukisuba obubakugamba ngu nibanyesiga kandi nibase'ra ebigarukwamu omunsi. Bisuba byona, bisuba. "Kwesiga muli RUHANGA" bagamba baitu tibahayo obwomezi bwabo bwona hali NYOWE kandi bagumizamu okukwatiri'ra hali ensi, kutunga ebigarukwamu, baikara babihirwe ekisuba kandi nokukirora tibakukirora.

 

Ego mpereza abaana BANGE mubwijwire. Naga enjura kandi nyakisa omusana hali abahikirire n'enkozi z'ebibi. Baitu abaana BANGE tibasobora kugamba ngu banyesiga kandi bakagumizamu kukora obusihani hali NYOWE n'ensi. Kinu kijumo. Ngonza abaana abanyakuhayo obwomezi bwabo hali NYOWE Omukwehayo okwijwire kandi bakateka okwesiga kwabu kwona muli NYOWE, nibateka harubaju pulani zabu ezomumaiso kandi bakesiga omukugonza KWANGE, okuhikirire habwo'bwomezi bwabu.

 

Tibarukwetagisa kurwanisa n'okutalibana,n'okwerarikira hali nyenkya kakusinga baba Bali omukugonza KWANGE. Tindole'ra ebinyonyi? Kandi hati abaana bange abanyakumpa ebyabu byona kandi bakanyesiga, Tindikukiraho?

 

Matayo 5:44-45 Baitu nyowe nimbagambira nti, mugonzege abanyanzigwa banyu, musabirege abanyakubahiga, nukwo mube abaana aba Isinywe Ali omu iguru, baitu izobalye alijweseza ababihire na basemire, anagira enjura abahikirire nabatahikirire.

 

Zabuli 4:5 Muhonge ebyonzira ebyokuhiki'ra nimwesiga MUKAMA.

 

Ndi RUHANGA owasobora okwesigibwa. Tihaliyo omwandara gundi gwona. Ebindi byona guli musenyi ogukudikira. Ninyowe RUHANGA owemyaka. KUBANZA N'OKUMALIRA. ALPHA NA OMEGA. Nsobora kwesigwa.

 

Habwaki musisa obwire hamu nokwerarikira hali pulani zanyu? Busaho nomu amanyire nekyesaha ekugarukaho engeri eraba. Pulani zanyu nizisobora kuburaho mukasumi kamu konka. Habwaki muzesibi'ra nkandiisi zirabajuna? Nkandisi zirabemerezaho? Kunu kuramya ebisisani mananukwo.

 

Matayo 7:26 Nomuntu wena obwahu'ra ebigambo kyange binu, atarukubikora, alisisana nomuntu omudomadoma ayayombekere enjuye ha musenyi. Nenjura yagwa nemigezi yagera, nekiyaga kyatera, nibitera enju egi yagwa: nokugwa kwayo kukaba kuli kwingi.

 

Muleke kukwatirira pulani zanyu ezitahikire. Mumpe obwomezi bwanyu omukwehayo okwijwire. NYOWE nyenka manyire ebyomumaiso, nyenkya yawe. NYOWE nyenka manyire ebyoraba nokora nyenkya. Okunihira kwanyu nebiroto byanyu Murali omukugonza kwange habwobwomezi bwanyu bikugya kubatwara omukuhwerekera habwokuba abo bonka abanyakuli mukugonza kwange habwokwehayo mubwijwire nibo Bali kurungi, mananukwo kurungi. Abandi boona nibarubatira aheru yokugonza kwange omukugonza kwabu okukundwanisa, nahabweki tibasobora kugenda mumaiso omubulinzi oba kuba kurungi. Kinu nkimanyisize baana BANGE. Mwimuke omuturo kandi muleke kwesiga omumihanda yanyu eyokurwanagana nanyowe kandi mwesige RUHANGA wanyu.

 

Nyowe nyenka manyire omuhanda omufunda. Mutahabisibwa nimutekereza ngu nimusobora kusanga omuhanda gunu mutali NANYOWE---Obwo busiru.

 

Bataito muno basanga omuhanda gunu habwokuba bataito balekaho kukwatirira emihanda yabu.

 

Batekereza emihanda yabu nungi muno habwokuba buli omu nahondera omuhanda ogu, baitu omuhanda gwa gehena gukoto muno.

 

Mutayesiga abaingi abanyakubetoroire abanyakuhabire. Kinu timukukirora? Kiki ekimutarukwetegereza hali kinu banana bange?

 

Matayo 7:13-14 Mutahe omu irembo erifunzire baitu irembo ligalihire nomuhanda ogurukugenda omu kuhwereke'ra mukoto, nabo abagutahamu baingi. Baitu irembo lifunzire nomuhanda ogutaha omubwomezi muke, nabo abaguzora bake. Nahabwekyo munyesige. Nsobora kwesigwa. Ebigambo byange tibiremwa. Musome ekigambo kyange. Nsumura abo mananukwo abetaga kusumururwa. Ndi RUHANGA owasumurura abo abanyakwehayo hali NYOWE omukwebundaza no kuchweka. Nahabwekyo mwije musumururwe kandi mwege kwesiga RUHANGA Wanyu.

 

ESUURA 5: OKUGANYIRA

 

Leka twongere tutandike. (Okwakabiri 7, 2012)

 

Hati ninyenda kubazaho okuganyira. Baana bange, ninyenda kubagambira, ahansonga enu eyokuganyira.

 

Abaana bange tibarukuganyira omumitima yabu, nibeyahulira enobi hali bagenzi babu. Tinsobora kuganyira abo abatarukuganyira. Kinu mukyetegerize?

 

Nsobora nta kubaganyira inywe mutarukuganyira abo abanyakubetoroire? Ekigambo kyange tikirukugamba kinu? Okuganyira nukwo okugonza. Obutaganyira buletereza ebibi byemiringo yona, obusalizi, okuho'ra enzigu, okuhangiira nokuchwera kubi omusango, nebindi. Kihereza omunyanzigwa omuhanda kutahamu kandi nokukuhwerekereza. Kinu kikulemesa kwikara haihi kandi nokuba nenkoragana nanyowe RUHANGA waawe, kandi kulemesa kutunga omwoyo wange. Kinu kikuru muno.

 

Matayo 6:14 Baitu obumuliganyira abantu okusisa kwabu, Isinywe Ali omu iguru alibaganyira nainywe. Kandi obumutaganyira Bantu ebyokusisa byabu, na Isinywe talibaganyira inywe ebyokusisa byanyu.

 

Obumuraba mutakuganyira, timusobora kwetekaniriza okwija kwange. Kinu kibasiga enyuma. Kitwahukaniza. Muleke obutaganyira bunu enyuma. Muganyire ngana. Muteke hansi ebiniga byanyu ebimwinire ngana. Kiki ekimurukutunga obumwahu'ra ngana ebiniga? Obonabona muno kukira omuntu owobihirirwe. Kinu timukukirora?
Okwahu'ra ngana ebiniga nikubaki'ra okujunwa kwanyu okwebiro nebiro?

Marako 11:25 Kandi obumurayeme'raga nimusaba, muganyire obumurabaga muyina ekigambo hamuntu; na Isinywe anyakuli omu iguru abaganyirege ebyokusisa byanyu. Baitu obumutaganyira,na Isinywe anyakuli omu iguru taliganyira ebyokusisa byanyu.

Mutekwa kuseruliriza mumitima yanyu mukaguze ekikaguzo kinu. Kiki ekikukira kufwerwa omwoyo gwawe ekibanobanganisize? Ganyira kandi orugeho ogende kandi ohure osumurukire. Omuntu oli nobwataakuganyire, musabire, ego musabire abanyanzigwa banyu. Mubasabire no'mutima omurungi kandi ndatagasa emutima yanyu hali abo ababakora kubi. Ngyakukuha omutima ogwomubiri.

 

Musobora muta okunihiramu abo abatakurubatira omumuhanda gwange nabo abataine Omwoyo wange arukwera okubarabya nkabaine Omwoyo arukwera? Mutekwa kwoleka okugumisuriza, oburungi, okugumisiriza hali abo abatarukumanya.

 

Tikikusoboka hali abo abatarukumanya mananukwo kumanya okwetwaramu nkabamanyire. Kinu timukukirora? Timusobora kinu kukinihiramu abo abatarubata nanyowe.

 

Matayo 5:44-45 Baitu nyowe nimbagambira nti, mugonzege abanyanzigwa banyu, musabirege abanyakubahiga, nukwo mube abaana aba Isinywe Ali omu Iguru, baitu izobalye alijweseza ababihire nabasemire, anagira enjura abahikirire nabatahikirire.

Ensi netekereza ngu esobora okuiruka yonka etali na RUHANGA. Neyebiiha. Nyowe nyenka nkwatirira buli kimu kyona hamu. Nyowe nyenka ndeta omuhanda oguhikire okwomeramu hali abantu. Ensi enu ekunyanga, eikara omumuhanda ogwebisuba hamu nokubihabiha okubi. Yona efwokere mbi muno. Busaho mananu, okwikiraniza okwebisuba kwonka. Oihireho emihanda yange enungi muno, abantu baikara omu kubihwabihwa hamu Nomu'enguzi.

 

Busaho rundi busaho nomu asobora kwesigwa. Omugole wange wenka, owasigara omunsi kandi akarubatira omumihanda yange emirungi, Ali hamuhanda oguterekerire ogufunda. Huwe wenka atekaine kandi ahikire. Abandi boona barubatira hamuhanda ogutakwesigibwa ogwe kibi. Gutatekaine omumihanda yagwo yona. Bwangu omugole aija okwihwamu kandi ensi ejakwihwaho ekyererezi kyayo kyona. Ekirima kyona kija kuba bikisweka ensi. Ekiro kinu nikiija.

 

Okuganyira. Ekisumuruzo ekyokuzora omuhanda gwange kwija hali nyowe. Ganyira buli omu. Busaho obutaganyira obukusinga okufwerwa omwoyo gwawe.

Luka 6:37 Otachwera omusango naiwe tolichwerwa. Otajunana naiwe tolijunanwa. Ganyira naiwe oliganyirwa.

 

Muhara wange, onu MUKAMA wawe owakubaza. Leka tutandike. Hati ninyenda kuhereza engenderwaho ezokwikara nabandi.

 

Baingi muno tibakutekamu ngana ekitinisa -okugumisiriza okutito, okutekamu ngana ekitinisa kitoito.

 

Binu byona nibiretereza ebiganbo byempaka. Nibiretereza obutamarwa, nokwehura ohutazibwe. Abaana bange bali nganba nyenka. Nibenda kuba bokubanza mubintu byona. Tibarukukwatwaho habwebyetago byabandi, nibagwamu katoito muno mukurole'ra abandi. Kinu kireta empaka, ekiniga.

 

Baana, mbihizibwe kinu. Baitu endugiiro ye kizibu kinu eruga omu kwemali'ra. Kinu kiruga omukuburwa okwebundaza.

Engero (Proverbs) 15:33 Okutiina MUKAMA nukwo okwegesibwa kwonyini. Kikusemeriire kubanza kwebundaza, hanyuma, nukwo oheebwe ekitinisa. Okuruga omumutima ogunyakwebundaize gwonka- niho musobora okwikara na bagenzi banyu omubusinguzi.

 

Mutekwa kuteka ebyokwegomba byanyu hansi kandi mukaha bagenzi banyu mukasigara mutekaine. Kinu nikyetaga okwikara entebe eyenyuma yabandi boona abakwetoroire. Gunu nigwo muhanda gwabebundaize. Kinu kizara ebijuma; obusinge, okuniha, nembeera eyokwenyumirizamu. Bataito muno beega okwikara bati. Bataito baikara bati. Bataito basanga amananu ganu. Baitu gunu nugwo muhanda ogwobusinge, omuhanda gwange. Mpereza ebiragiro binu ebyobwomezi nukwo abaana bange basobole kwikara omu businge, nokuniha kandi kunu bakomamu omuhanda gwabu kandi hanyuma yebyo byona baba nokukungana hamu nobutaniha bwingi.

Balyega dihi ngu omuhanda gwange nugwo omuhanda ogurungi ogukusingayo ogwokurabamu? Manyire buli kimu. Manyire nkoku abaana bange basobora kwikara hamu kurungi. Mpereza ebiragiro nebigenderwaho okwebembera abaana bange omumaka gobusinge okwikaramu, hamu nokuniha. Kinu era nikyetagisa abaana bange bateeke hansi emihanda yabu hamu nebyokwetaga byabu bahondere ebiragiro byange.

Zabuli 34:14 Ruga omukibi, mukolege okurungi, muse'rege obusinge, mubuhonderege. Enchwamu zangamba nyenka ziretereza amaka agatasemerirwe. Leka nfuge muka zanyu. Leka ndeme omumitima yanyu. Omuhanda gwange gutekaine, businge, Kugonza. Njakuleta eka yawe ngifwole eka eyokusemererwa eyinagondize abaana bange. Muheyo emitima yanyu nimugonza ndaleta embera nenyikara eyokuculera. Eka yawe eraleta okugonza, hamu nokwikara omubusinge.

 

 Murubatire omumihanda eyokuniha okuculeire, okwebundaza, hamu nokulorera enyehura yabandi leta ekijuma ekyokwigusibwa. Leka ndeme omuka yawe, kandi ndaleta eka eyokusemererwa nomuhimbo.

 

Zabuli 37:11 Baitu abaculezi baligwetwa ensi, balikyanganuka obwobusinge obwingi.

 

ESUURA 6: IKARA OMUNSI BAITU OTABA WENSI

 

Leka tutandike. Ningonza kubazaho aha kwikara omunsi. Abaana bange baikara omunsi baitu tibasemerire kuba bensi. Ensi eri bunyanzigwa hali nyowe. Nyowe ntamirwe ekibi kyayo ekihinguraine.

 

Baana, musobora kurubatira mubantu abensi mutakwatanize hamu nebintu ebyensi. Ensi eija kubatwara hansi mumihanda eyokuhwereke'ra n'okurumwa omutima.

 

Yakobo 4:4: Inywe abakazi abasihani timumanyire ngu okuganjana okwensi nubwo bunyanzigwa na RUHANGA? Nukwo omuntu wena anyakugonza kuba enganjani yensi, buli ayefoire omunyanzigwa wa RUHANGA.

 

Ndi ndugirro yonka yokwijuzibwa kwanyu, obusinge,hamu nokutekana. Mutahindukira ensi kubebembera. Nimugya kubuzibwa kwonka. Mutekwa kumpindukira. Mbebembere mukwatirire nyowe omusaha enu eyomugaso. Nkwatirire ebigarukwamu byanyu byona.

 

Ninyenda kubahungya okubihirwa hamu n'okusalizibwa, baitu mutekwa kumpa obwomezi bwanyu bwona mubwijwire --nubwo honka nsobora kubutwara kandi nkabasumura. Musobora kurubata kurungi omunsi mutakwasirweho ebyokusikiriza byensi, baitu nimunyetaga kukuratira harubaju rwanyu. Nsobora kubekulembera kuraba mubintu ebikusikiriza ebitakuhwayo ebyensi ekutekaho kubahabya n'okubansikaho.

 

Ningonza mutunuure nyowe. Mwikaze amaiso hanyu Hall nyowe, omujuni wanyu. Ndi rwigi rwanyu orwokuba kurungi. Enyigi zindi zoona zitwara omukuhwerekera.

 

Mutabihwabihwa kandi mukaiha amaiso ganyu hali nyowe. Mpereza okunihira omunsi eyetahereza okunihira. O' eisana nkenyakwina kunihira, baitu ekikwisana nkekirungi nikibihabiha.

 

Zabuli 25:15 Amaiso gangs garora MUKAMA obutosa. Use aliiha ebigere byange omu ndubatira.

 

Zinu saha ezokusembayo. Ensi eri mukasumi akokusembayo. Ensi neisana nkenungi baitu byona tibiri bityo--- netwara omumuhanda gwokuhwerekera. Bwangu baingi balisanga kinu bakererirwe. Mukingule amaiso ganyu. Ensi nebaha okunihira okwebisuba kwonka.

 

Leka mbekulembere. Muherezeyo obwomezi bwanyu bwona hali nyowe. Ngya kukingura amaiso ganyu na Mwoyo wange Alukwera,wenka nuwe asobora kukinguraho amaiso ganyu agomwoyo agababihabihire, ahamihanda eyensi. Nyetekanize kubaha akabazi kamaiso akomwoyo (eye salve) kuyambiranizaho empinduka enu kubaho.

 

Nimwetaga okunkaguza nkabahe. Muheyo obwomezi bwanyu, omutima, omwoyo, obwomezi kandi leka mbahe amaiso agamukwetaga kuraba kurungi omunsi.

 

Okusukururwa 3:18 Nahabweki ninkuhabura; onguleho zaabu, enyakusemezibwe omurro, nukwo obe muguuda. Onguleho n'ebijwaro ebirukwera, bikuswekerre, bikwiheho ensoni ezokurorwa nogenda busa; kandi onguleho omubazi gwokuta omumaiso nukwo orole. Tindukwenda mukwatwe mutamanyire.

 

ESUURA 7: OKUTWARWA KWEKANISA HAMU NOBUGENYI BW'OMWANA GW'ENTAAMA

 

Leka tutandike. Binu ebigambo by a buli omu owarabitunga. Kirk kinu ningya kugambaho aha kutwarwa okwekanisa okukwija, okwihwamu okwomugole, ekanisa YANGE.

 

Akasumi Kanu nikaija bwangu. Abaana baingi tibetekanize. Nibandwanisa kandi nibakwatirira ensi. Nibenda kurubatira omumihanda eyensi. Nibairuka kunu na kuli kandi tibakwerinda ahabwokurabura okunkuhereza. Bwangu, okurabura kunu kugya kuhwayo kandi ntekwa kwija kandi omugole aihwemu. Naija kutwarwa kuruga omukisisani.

 

Danieri 12:4 Baitu iwe Danieri, osweke ebigambo obohe ekitabu nemanyikirizo, okuhikya akasumi akahampero: baingi abaliirukairuka bona, nokumanya kulyeyongera.

Okumanyirirwa kwe ensi tekumanyire. Aserekerwe kurungi. Mwine muserekere omukaikaro akobulinzi akarungi. Ekyererezi kyange kyaka muli we. Ekyererezi ekikusembayo omunsi. Obwire butaito, kandi bwangu, ekyererezi kinu kija kwihwamu. Abantu bange abanatumire baija kugenda mumaka gaabu omu iguru babe kurungi bahunge emihito yensi.

 

Okutwarwa kwekanisa kunu kuija kuba mukoro ogwamani, okwihwamu kwabana bange abetekanize.

 

Busaho mukoro ogundi gwona ogulisana gunu omubyafwayo byabantu. Tihaliyo kindi kyona ekirisana gunu omukoro gutakabaireho oba gumazire kubaho. Kuli okuruga okwamaani muno okukusingayo okwobwire bwona. Abantu bange baligenda omukasumi kandi batunge emibiri eyekitinisa. Emibiri enu eriba nehinduka kandi yebiro nebiro.

 

Erihondera omukwisana omubiri gwange ogwekitinisa ogungira. Ndi muganuro ogwabandi boona abaingi. Abaana banu baliba nobwomezi obubatakamanyaga, obwomezi bwekitinisa, obwomezi obutahwaho.

 

1 Abakorinso 15:51-54 Dora nimbatebeza ekyensita: tituligwijagira itwena, baitu itwena tulihindurwa, omu kasumi kake, okuzibiriza ekikohi, hangwara ya hampero, baitu engwara erigamba, kandi abafu balihumburwa okutajunda, naitwe tulihindurwa. Baitu okujunda kunu kulijwara okutajunda, nebyokufa binu obubirijwara okutafa, nukwo kirihiki'ra ekigambo ekyahandikirwe ngu okufa kumizirwe okusingura. Halibayo ebintu ebirungi muno biingi, ebyabaana bange abatwairwe. Kambakopeseho. Abaana bange obubalihika, baliramukibwa abagonzebwa baabu, abamaka gaabu, hamu nabanywani abanyakuli omu iguru. Ndiba nindora. Kanu Kali kasumi akekitinisa ekyamaani. Kisembo kyamaniki! Okwegaita nabeeka yawe abawali oyoyere.

 

Hanyuma abaana bange balitwarwa habugenyi bw'omwana gwentaama. Ndiba mukiikaro ekikusingayo ha mukoro gunu.

 

Okusukururwa 19:9 Malaika yangambira ati: handiika oti: B'omugisa abaralizibwa hakiihuro ky'obugenyi bw'obugole obw'omwana gw'Entaama! Malaika yayongera ati: Ebi nibyo bigambo bya RUHANGA ebya mazima!

 

Emeeza eriba etekanizibwe omumulingo gwekiguuda. Bulk kagoye oba ekikozeso kyona kirihebwa. Ebiriba hamukoro gunu birihuniriza muno. Abaana bange baliba baikalire mumaiso gekikaro namabara gabu gahandiikirwe mu zaabu. Buli kikaro kyomuntu kiriba kiine ebikozeso bya zaabu. Halibayo ebakuli za zaabu nazo zisemezibwe namabaale agomuhendo. Akatambaara aka ha meeza kaliba ka siliki kadizainingirwe ehuuzi za zaabu. Ekyererezi kiryaka omu wiivu. Ebikopo biriba bya zaabu. Buli kiikaro ekyomuntu kiriba kine ekisembo kukiramuno ekya buli mwana. Ekisembo kiriba kijukizo ekyenkoragana yange nomwana ogu. Kiriba kyenyahukana hali ekyondi. Buli kisembo kiriba nekikikumanyisa ekyembaganiza hali buli mwana habwenkoragana yaitu endaira. Halibaho ebyokuhuniriza biingi muno aha mukoro gunu--- obugenyi bwage.

 

Matayo 22:2 Obukama obwomu iguru nibwisanizibwa nkomuntu akabali omukama, ayacumbiire omwanawe obugenyi obwobugole. Buli mwana aliba na malaika anyakumulinzire. Emerge etekanizibwe omubicumbiro byange ebyomu iguru. Busaho nomu alifwika. Buli mere eyabulimulingo eriba yomwiguru, emere kuruga munsi enyakumanyirirwe hamu n'emere kuruga omu iguru etakarorwahoga. Oburungi obutagambwa nibwo butekanizibwe ha meza enu. Emeza yange eriba eijwire ekyererezi. Obutaara bwekyererezi, menora ezisemiire. Abaana bange balijwara ekanzu zekyererezi. Balyaka nekyererezi hataroho ebiituuru.

 

Yakobo 1:17 Ekisembo ekirungi nekisembo kyona ekihikirire kiruga haiguru nikisirimuka okuruga hali Isiitwe owebinyakujwa, atarukusobora okuba nokuhindukahinduka, nobukwakuba ekiituru ekireta okuhingura.

 

Ndyebembera okwesoroza hamukoro gwomugole wange. Ndimuzinira nimuhaisa, nkokwa'semiire Bali nyowe. Halibaho okuzina hamu nomuziki nokujaguza nokusemererwa. Omugole alindora nyena omukitinisa kyange ninyakayakana. Oburungi gwange bulimyangasana nengonzi zange ziriseseka zihunirize boona abaliba hamukoro.

 

Taata wange aliba narora omukusemererwa kwamaani Nkengeri haliba haroho kuzina nokujaguza kwingi. Ndizina nomugole WANGE kandi tuliba tuli kimu. Abaana bange balizina kandi bajaguze.

 

Emitima yoona eriba esemerirwe. Busaho nomu aliba abihiirwe. Enu eriba esaaha yamaani yekitinisa no Kugonza. Amaiba galijuza omumwanya. Galiharuuka omumiringo eyobukodyo okusemiire nigaleeta obutumwa obusemiire hali omugole wange. Aliba ahuniriire, nayehuurra nahebwa ekitinisa. Ndihereza omugole wange empeta. Amabara gaitu galiba gahandiikirwe hampeta enu. Ebimuli byona biriba biri bulihamu; ebya buli rangi yona. Erangi empyaka n'enkuru. Akahoho kaliijura omumwanya. Akahoho akasemiire. Abaana bange balibuurra mukusemererwa okwamaani muno nomuhimbo mwingi muno.

 

Luka 15:22 Baitu Ise yagambira abairube rubaale ati mulete bwangu ekyokujwara ekirukukira oburungi, mukimujweke; nakoma mukamujweke omu rukumu nenkaito omu bigere. Enyana eyebisajwa mugiite, tulye. Baamalaika bange baliijura mumwanya nokwechanga, nokuzina ebikozeso ebyomwiguru birikora omuziki ogusemiire. Enyunyuzi ziricura nizijaguza omwana gwentaama nomugole we.

Yobu 38:6-7 Emiganda yayo ekagumibwa haki? Rundi noha yataireho ibaale lyayo erya hakarugu? Enyunyuzi ESA nyenkya ezorukyakya obuzazinire hamu nabana ba RUHANGA boona obubatokere habwokusemererwa. Ebihangwa ebyomwiguru byona biryesoroza bikugize ahabugenyi obwamaani obwomwana gwentaama. Buli omu alikugiza nazinira omukama, omugolewe aizire. Ayetekanize. Leka omuhimbo gutandike.

Okusukururwa 19:7 Katusemererwe,tukyanganuke kandi tumukugize, habwokuba obugenyi bw'omwana gw'Entaama buhikire, kandi omugole we ayeteekanize.

 

Omwana gw'Entaama owaihaho ekibi kyensi nagaitwa nomugonzebwa we omubuswezi oburukwera. Ibara rye likuru. Kugiza Ibara lye omuiguru lyona habwokuba ayekwasire omugonzebwa we kandi asinguire omutima gwe.

 

Yohana 1:29 Obwire obubwakiire nyenkya yarora Yesu naija namberali yagamba ati Dora, omwana gwentama ogwa RUHANGA arukwihaho ebibi byensi.

Abaana bange era balyorekwa enju zaabu. O' muhara wange, oburungi, oburungi. Eriso tirikarozire oba okutu tikukahuliire, ebyo ebirindirire omugole wange owekitinisa owa gonza.

1 Abakorinso 2:9 Baitu nkokukyahandikirwe ngu Eriso ebiritakabonahoga kandi okutu ekikutakahurahoga ebitakatahaga omumutima gwomuntu nibyo RUHANGA yatekanirize abarukumugonza. Muhara wange, enju zinu ziriba zokwenyumirizamu muno kukira ekintu kyona ekyensi ekuha. Busaho kintu kyona ekyosobora kulengesaniza noburungi obwebintu ebyomugole wange ayahulirwe omu sitooha. Zinu enju ziritangatangana okuroza nokwenda kwa buli mwana. Busaho enju ekwisana nendi. Buli emu eyahukaineho hali endi.

 

Yohana 14:2-3 Omunju ya Isenyowe harumu ebiikaro biingi ebyokwikaramu kakuba kitalikyo nakubagambiire baitu ningenda okubatekaniriza ekiikaro, ndigaruka hanu, okubatwara nambere ndi nyowe namberendi nainywe muikaleyoga.

 

Abaana BANGE balihuniira habwebyo ebibalisanga mubuli nju. Zoona zina ebyamaani ebirisemeza kandi bikakwata mukama wabyo. Busaho kintu kyona omunsi ekikusoborra ebintu ebikozesibwe kusemeza no burungi bwamaka ganu. Munda yamaju ganu hoona halimu ebihuniriza. Amaju ganu gomezi. Gatwara abaana bange kunu na kuli mubichweka ebirungi muno habwabaana bange okunyumirwa.

Tulibagana hamu mubintu binu ebitali byabulikiro.

Tuliseka kandi turambule. Okusemererwa okwamaani muno tikulihwayo. Halibayo emisiri nebyokunyumirwa biingi, hona hona. Omuziki gulijura omumwanya nobuhoho obukugonzebwa. Buli eka yona eriba eijwire okugonza hamu nokuseka. Okwikara wenka tikiriba kizibu omu iguru. Nyikara n'abaana bange nitujaguza kandi nitunyumirwa okuba hamu kwaitu.

Zabuli 36:8 Baliigutira kimu ebyebisajwa ebyomunju yawe. Iwe olibanywisa ha kyambu ekyokusemererwa kwawe.

 

Engonzi zange ziryetorora bulivkugenda kwabu kwona. Kuseka, kugonza, hamu n'omuhimbo nibyo empeera za maju ganu agatahwaho, omuhimbo ogutagambwa, okusemeza okutahwaho. Enu eri ndoza yebintu ebikwija.

 

Abaana bange tibarukwetegereza nakamu ebibalinzire. Tiharoho mulingo gwona gwokuteramu akasisani ha bintu ebibalinzire ne bintu ebiri munsi. Okweberaho wenka okabirora nikyo kirihereza okusoborra okuhikire.

 

Nahabweki abaana bange mwije kandi munyumirwe ebikusemeza bye iguru omu mukama obutahwaho na maka kukiramuno agatekanizibwe omugole wange no kuloreera okwengonzi.

 

Zabuli 16:11

 

ESUURA 8: TEKANIRIZA OKUTWARWA KWEKANISA

 

Leka tutandike. Hati muhara WANGE, ebiro ebikwija okutwarwa kwekanisa kutakabaireho, haroho biingi ebyokuteekaniza. Abaana BANGE nibeetaga kwikara NANYOWE, omukaikaro akensita, akaculiire, akaire akokumanya. Ninyeetaga babe hali NYOWE nokwikara NANYOWE. Ninyenda kubagana omutima GWANGE nabo.

 

Ninyenda okwehayo okuhikirire, okwijwire, okwemitima yabu, obwomezi bwabu, hamu nebikwatagaine nensi.

 

Zabuli 91:1 ANYAKUIKARA omu kiikaro ekyensita ekyogu anyakuli haiguru muno nuwe araikaraga ha kiituru kyo wobusobozi bwona.

 

Abaana BANGE bakwatirire ensi. Nibaikiriza ngu ensi enu ebainiire byona. Ensi enu teine keine kandi nefuka. Buli omu ali harwe, busaho nomu akufwayo hali mugenziwe. Efwokere embwa erye, embwa ensi. Buli omu ali hakyakutunga hali mugenziwe habwebigendererwa byabu ebya ngamba nyenka.

 

Eri ensi etaine kunihira kandi eyenaku. Kandi abaana BANGE bakyagikwatiireho nibagira ngu ebainiire Nyenkya enungi.

 

Babuzabuzibwe abo ababuzire abakutembya emihanda yabu eyokubanza.

 

Abaana BANGE nibetaaga kwesika hali binu ebitaine mugaso kandi baije hali RUHANGA OMWOMEZI, OMUHANGI wabu, owanyakwine ebigarukwamu byoona ebyobwomezi bunu n'obukwija.

 

Ndi RUHANGA Omukuru, owemyoyo yoona enyakwomiire kandi erukwikya.

 

Nyine ebisumuruzo ebyobwomezi obutahwaho. Muheyo ebyanyu byoona hali NYOWE ntakakozire okutaaha KWANGE okwamaani omunsi, kutabaara omugole WANGE, nkagya harubaju, kandi nkaleka ensi ekatunga ekyayo ekigisemerire.

 

Yobu 12:10 Omu mukonogwe nuho haroho obwomezi obwekintu kyoona ekyomezi, norwoya orwabantu boona.

 

Kinu kiri haihi kubaho. Okwehayo nikwetagisibwa kuba Mugole WANGE, abaana BANGE abacunguirwe. Busaho owoihireho. Kwehayo okwijwire kwikiriza OMWOYO WANGE kwija omu mwoyo Wawe,kandi akagugarra buhyaka kandi akasemeza omumutima gwawe nokwogya kwomusaahi GWANGE hamu nokumulikirwa okuheibwe kuraba mukigambo KYANGE. Binu byoona nibyetaagisa kusumurra Omwoyo gwawe, okwezibwa, butaba na kitonyezi, nenkanyanya, kufworwa arukwera, kandi nokufworwa anyakwetekaniize kwihwamu kutwarwa omukwahurwa okurungi. Obworaba nogurukyagurukya kinu, soma ekigambo KYANGE.

 

Abefeso 5:25-27 Abasaija mugonzege bakazi banyu, nka KRISTO nauwe okuyagondeze ekanisa kandi yayehayo wenka habwayo: nukwo agyeze obuyamazire okugisemeza nagyogesa amaizi omu kigambo, nukwo agyeretere wenka ekanisa eyekitinisa, etanyina kamogo, nobukwakuba ekintu kyoona ekirukusisana kiti; baitu ikalege erukwera etaroho musango.

 

Musabe okwijuzibwa OMWOYO ARUKWERA. Muteeke obwomezi hansi; mwegarukemu ekibi kyanyu. Mutandike okusiiba nimwoleka okusasa kwanyu aha kibi, ekimulesire muhimbire hali NYOWE RUHANGA WANYU ARUKWERA. Ngya kubaijuza, Ngya kubebembera nimbatwara mu mananu agatahwaho omu mihanda YANGE hamu nokugonza KWANGE.

 

Okugonza kwanyu kugya kubatwara omu kuhwerekerra. Kuli omuhanda ogukooto ogwekigambo KYANGE kigambaho. Mwije omukugonza KWANGE. Kuli akaganda akafunda, akarungi, Ngya kukutwara mukahanda kanu.

 

Matayo 7:13-14 Mutaahe omu irembo erifunzire: baitu irembo ligalihire nomuhanda ogurukugenda omu kuhwerekerra mukoto, nabo abagutaahamu baingi. Baitu irembo lifunzire, nomuhanda ogutaaha omu bwomeezi Muke, naabo abaguzoora bake.

Ekigambo KYANGE kiija kukwebembera kukuta mumuhanda ogwekyererezi. Emihanda endi yoona etwara omu kuhwerekerra okutahwaho. Mwije omukyererezi KYANGE, okugonza KWANGE. Mumpe obwomezi bwanyu.

 

Leka mborobezeho ekibi kyanyu ekyenyuma kandi mboleke omuhanda ogukutwara omu bugabe kuruga omubusibe bwe kibi.

 

Zabuli 119:105 Ekigambo KYANGE niyo etabaaza hali ebigere BYANGE, kandi omusana hali omuhanda gwange.

 

Habehoki habehoki, ekibi kikwikaza oli musibe. Nsobora kukusumurra, baitu otekwa kubanza kwehayo, oyegarukemu, kandi oikirize ngu oine ekibi, ekyokwenda kurugamu, kandi kikole kuruga omumutima ogwegarukiremu mananukwo. Ngya kusemererwa omu kukusumurra kuruga mukibi kinu ekikusibire. Oba nikiha ekikusibire ninsobora okukusumurra.

 

Busaho ekitakusoboka hali NYOWE-busaho. Nkaija kusumurra abasibirwe. Baitu nimutekwa okukisaba.

 

Luka 1:37 Hali RUHANGA busaho ekitarukusoboka.

 

Leka nkusumurreho obulemezi bunu. Leka mpimbe okuganya n'okubihirwa kwawe. Leka Nyorobye ebitekerezo byawe,kandi ntwale omugugu gwawe. Leka nkutekanirize ekitinisa KYANGE ekikwija. Binu byoona byawe-kwehayo; -ihaho ebyokwetaaga byawe byoona ebyensi oije hali NYOWE omu kwehayo okwijwire.

 

Njakukuha obusinge, obukukira okwetegereza kwona kandi oija kufworwa muhikirire omumaiso GANGE.

 

Ninsobora kukuhikiriza mumaiso GANGE, ISENYOWE na MWOYO ARUKWERA.

Abafilipi 4:7 Kandi obusinge bwa RUHANGA, obukukira okumanywa kwona bulirinda emitima yanyu nebitekerezo byanyu omu Kristo Yesu.

 

Engonzi zinu tizisobora kugurwa. Zabusa -ozitwalira busa, ozisabira busa. Mwanguheho bwangu nkengeri kwineho akaire kataito, nkokwobwire busembeire Haihi, obwokwija KWANGE. Mutakerererwa, esaaha eri enu eyokwogebwa mumusaahi GWANGE nokwetekaniza.

 

1 Yohana 1:7 Baitu singa turubatira omukyererezi nkokwali omu kyererezi, twine okuteerana na bandi kandi omusaahi gwa YESU KRISTO omutabani we, gutwogyaho ebibi byaitu byoona.

 

Leka tutandike, muhara WANGE.

 

Kiro kinu ninyenda kubazaho esaaha yaabo abaliba basigaire enyuma omunsi.

 

Esaaha hanyuma yokutwara kwekanisa, ensi erihinduka. Halibaho akaimukiiro buli hamu.

Ensi erihinduka. Okutiina okwamaani kulitera ensi. Abaana BANGE abali koya koya balimanya ekibaireho kandi okutiina: okutiina okwamaani kuliteera emitima yabu. Ensi eriba etakyakora nka buli kiro. Na hansi haitaka haliba hahindukire. Halibaho emiiro hamu n'ebigwererezi byensi buli hamu.

 

Abantu baliba batakyaine obulinzi nkengeri ebikoosi byabantu biriba nibiseera abantu kubaiba nokubalya.

 

Tihalibaho poliisi kuyamba abantu engeri buli kimu kiriba kiri mu kavuyo. Baingi balifwerwa obwomezi bwabo engeri okuhwerekerra okwa bwangu kwizire omunsi.

 

Ebicweka byoona ebyensi biriba bitakwisana, bihindukire, engeri abantu baingi balifwa hamu.

 

Abasesalonica 5:3 Obubagamba ngu mirembe mirembe busaho kabi, nubwo okuhwerekerra okwa bwangu kubaizira, nkokurumwa okukuizira anyakuli nenda kunu tibalikira na kake.

 

Okukankana kuliija omubicweka byoona ebyensi. Tihalibayo hantu hoona ahokuhindukira kutunga okuhumura. Ebyokulya birikeeha bihweho.

 

Halibaho embeera embi muno buli hamu. Kinu kirigumizamu kuhikya obwire omuhakaniza wa Kristo obwalitaahamu akateeka ensi mukulema kwe. Kubanza, kirizooka ngu abaantu abo abasobiirwe muno bahumuzibweho okurora embeera yagaruka munteeko, baitu okuhumurwaho okwakuleta kulireta okufwa ha baingi. Abo boona abalyanga okufugibwa we baliitwa kandi baingi babonabonesebwe. Okwanga kuba mu nkora ye kiriba kitakumusemeza engeri aliba ataine kugumisiriza engeso zabo abakwanga kumworobera.

Ali mubi muno ekihinguraine. Aliteeka ensi yoona hansi ya gavumenti ye embi. Bulinsi yoona erigondera okufuga kwe habwokutiina embeera embi muno enyakuroho kutunga okuhumura hahwa'kavuyo akasigirweho hanyuma yokutwarwa kwekanisa.

Kinu kiriba kiro ekyekiirima muno ekimanyirwe abantu. Abaingi balyeita nibaseera okuhumuraho. Kunu tikuli kumaraho ekizibu. Gunu tiguli mulingo GWANGE ogwokumaraho ekizibu nahahweki tigusemeriire kubarwa.

Omahakaniza wa Kristo aliteekaho emanyikirizo ye kisoro aha bantu guli mulingo gwokubafuga. Okwanga emanyikirizo kulireeta kufwa. Tihalibaho ngu "oihireho onu".

Okusukururwa 13:16-17 Kyahambisiriza boona, abato n'abakuru, abaguuda n'abanaku, ab'obugabe n'abairu, hatekweho akarorwaho ha mukono ogw'obulyo rundi ha buso.

 

Okusukururwa 14:11 Omwika ogw'okubonesebwa kwabo guliikara nigucuuka ebiro n'ebiro; kandi abo abaramya ekinyamaiswa n'ekisisani, kyakyo hamu n'abanyakwina akarorwaho ak'ibara lyakyo, tibaligira kihuumuro nyamusana n'ekiro.

 

Baingi abahondezi BANGE abali koya koya balyetegereza omuhendo ogubatekwa kusasura okwija omubukama BWANGE. Baingi muno tibalyehayo hali omuhakaniza wa Kristo kandi baingi muno balifwa habwokwikiriza kwabo. Baliba baingi muno. Tikiri kikuru ngu baingaha abalifwa habw'omuhakaniza wa Kristo. Okwegomba kwe kwokutunga amaani nokufuga biryebembera mumutima gwe. Taliba na bujune bwona hali abo abalifwerwa obwomezi bwabo. Kiriba ekiro ekyekiirima muno hali abo abalyatura Ibara LYANGE. Ibara LYANGE lirireeta okufwa hali baingi.

 

Ibara LYANGE lirihakanizibwa kandi lirisana erikurwanisa enkora y'omuhakaniza wa Kristo onu ,kandi balyetaaga okumaraho abo boona abakutebeza NYOWE n'emihanda YANGE. Ekiro ekyekiirima ekikwija baana BANGE. Zinu zibaire saaha zekirima omunsi omubiro ebyenyuma baitu kutali nkebiro ebyo ebikwija. Kinu tikiriba kiikaro ekyokwenyumirizamu hali abo abaliba bahimbire abaana. Ekiirima kirifuga. Kinu nikyo ekanisa YANGE egya kurora.

 

Amakanisa aganyakuli koya koya galingarukira mubwingi.

Abaantu balinseera nkokubatakanseraaga. Era ndibaho baitu baliba nibatekwa kuraba mumbeera enyakugumire.

 

Amaka galyahukana kandi nokubihirwa kulikanya. Binu byoona biribaho habwokuba abaana BANGE bagumize emitima yaabu hati kandi basigaire nebikya bigumangaine hali okurabura KWANGE okwingi okunkubaha hati. Byoona binu nibyerindwa kakuba abaana BANGE baija hali NYOWE, bakanculiira n'omutima ogwebundaize nibegarukamu, bakaseera amaiso GANGE, bakeega k'umanya omunkoragana.

Mwirukire omungaro ZANGE. Ngya kubooleka amananu aha saaha YANGE eyokwija KWANGE okwabwangu hamu n'engeri basobora kwetekaniza kuba Mugole WANGE.

 

Mwije baana BANGE. Mwiruke, ndinzire kubajuna binu byoona. Ndi mucunguzi owamaani. Ningonza mbajune. Busaho nomu akwenda kusigara enyuma. Haroho omwanya ogwabo boona abanyakwija hali NYOWE. Ninyetaaga okwehayo kwawe hali NYOWE hamu nokwegarukamu ebibi byawe. Mutafworwa basiru engeri hataroho muhanda gundi. Leka mbaletere okuhumura hali esaaha enu erukwija.

 

Leka twongere tutandike. Abaana BANGE nibateekereza ngu bakyaine emyaka nyingi muno mumaiso. Tibarukwetegereza ngu ndugirwemu okugumisiriza ensi enu.

Abaana BANGE bakwatiirwe muno omunsi kurora omulingo ensi enu erugire ha mananu GANGE hamu na NYOWE RUHANGA ekinkukikirra.

 

Nobukwakuba amakanisa gaabu gali hara ye bigambo BYANGE, amananu GANGE, Ekitabu KYANGE.

 

Abebembezi be ntaama ZANGE bakwatiirwe muno omu mirimo yensi, kandi bakora emirimo YANGE okwesemeza. Tibakyaine rundi tibakyaseera engonzi ezihikirire hali NYOWE. Bahambya obuguuda, kumanywa, amagoba kuruga hali abo abanyakubetoroire, kandi batekereza ngu Ndabaha emigisa. Batekereza ngu abantu baingi omumakanisa gaabu kimanyisa obusinguzi kandi ngu nsemerirwe. Nsemererwa obwabebembezi BANGE, begesa abaana BANGE okubanza kunseera omumihanda yaabu yoona hamu n'okurubata NANYOWE omu nkoragana eculeire. Bataito muno nibeegesa kinu habwokuba tikikusemeza amatu ga baingi ababakwetaaga kusikiriza mubyombeko byabu ebibasabiramu. Baingi baleeta sente kandi sente zisemeza buli omu, baitu obukama BWANGE tibuli ha buguuda bwomunsi munu.

Luka 16:13 Busaho mwiru asobora okuko'ra abakama babiri, baitu alinobaho omu nagonzaho ondi; rundi aligumira homu nagaya ondi. Timurukusobora okuko'ra RUHANGA na mamona.

 

Abebembezi BANGE bali hara YANGE,kandi habwaki? Obubakusemeza abantu baingi hati banyiniire dihi obwire? Ndi nsonga habwaki boomera. Niyowe ndeeta omusana n'enjura.

 

Enu eri saaha eyekiirima kandi neyeyongera ekiirima buli kiro,kandi kunu abebembezi BANGE nibasereka amananu ganu hali abaana BANGE. Nibagasereka kandi baleeta ebigambo ebyokusemererwa n'omuhimbo byonka.

 

Entaama ZANGE zibihirwe kandi tizikutekanizibwa. Nibatekereza ngu byoona biri kurungi kandi bagumizamu nkabuli kiro. Bigamboki ebyokurabura ebisobora kubagarra buhyaka? Kiki ekibasemerire kuhurra okwikiriza ngu ekitabu KYANGE kibolekere amananu boona, kunu busaho nomu ahuura, busaho nomu aikiriza. Kiki ekisemerire kubazibwa kurora ekanisa YANGE ehulire okurabura kwona kandi bakateka hansi emize yaabu nebintu ebyensi kandi bakalindiira kandi bakatekaniza?

Koseya (Hosea) 4:6 Abantu BANGE bahwerekerire habwokuburwa okumanya: baitu Iwe oyangire okumanya nikyo nyowe ndyangira iwe kunu toliba nyakatagara namberendi: baitu okebwa ebiragiro bya RUHANGA wawe, nanyowe ndyebwa abaana bawe.

 

Boorobere kandi nibahabisibwa. Obwire nibuhwayo kandi ekanisa esigaire etekaine nkandisi buli kimu kiri kurungi. Ekanisa eya koya koya ebiihabihirwe muno!

 

Kakusinga ekanisa mali enseera omu nkoragana,busaho kurabura KWANGE kwona okwandiizire halibo nkekyokuhuniriza kandi bakubaire bahabwirwe mumitima yabo boona. Enu eri saaha yamaani eyekirima ahamakanisa.Bataito muno baikalire kandi nibetegereza. Bataito muno nibarubatira omumihanda YANGE. Embabazi tizikukwatirwa abo abanyakwikara bakimanyisize batakwegarukamu. Musobora kuzimya n'okubihiza OMWOYO WANGE ARUKWERA kandi hati kiki ekimukukora O' ekanisa?

 

Abefeso 4:30 Kandi mutaganyisa OMWOYO OGURUKWERA owa RUHANGA, oumwaterirweho akokuro'raho hali ekiro ekyokucungurwa.

 

Obumwirukya OMWOYO WANGE kuruga omubyombeko byanyu ebisemiire habwokuba ali wahaiguru muno y'okuroza kwanyu-NYOWE n'a OMWOYO WANGE tuli kimu. Nimuramya oha, obumuraaba mweihireho OMWOYO WANGE kandi nokurubata kwa MWOYO WANGE kuruga mukubaho kwanyu? Noha mali owumukuramya? Nimuramya ebisisani.

 

Engeso za bakwenda 7:51 Inywe abengoto egumire, abatasazirwe omuitima nomu matu, inywe mutunga obutosa OMWOYO ogurukwera nka baisenkuru inywe, nainywe nukwo kukora muti.

 

Mwehangiire akaruhanga kanyu, ruhanga owakwenda ebyokwegomba byanyu ebyensi baitu tali nuwe RUHANGA omu omwomezi. Kiri kisisani. Nimutekereza abantu abaira abaramyaga ebisisani bali bafu bamaiso oba batakukenga? Timwahukaineho. Mwije hali NYOWE omukwegarukamu okw'okwebundaaza makanisa inywe kandi Ndayogya emyoyo yanyu. Ngya kubaganyira okuhambya kwanyu okwa mamona hamu nokundugaho. Ningonza kubegarurra. Leka mbagarre buhyaka kandi mbaletere obusinge kandi mbahikirize na RUHANGA wanyu.

 

Marako 8:36 Baitu nikimugasiraki omuntu, okutunga ensi yoona, nokuburwa obwomezi?

 

Engeri mwemeriire, kuli hara YANGE, nemihanda YANGE. Kinu tingya kukiha omugisa. Wewe mumpindukire O' ekanisa enyakubuzire. Nkyalinzireho akaire kataito.

 

Okukerererwa tiguli mulingo. Mwemerre muli bulindaara kandi muhurre Okurabura kunu. Mubeho nekimukukora!

 

Obwomezi bwingi buli ha bunkenke.

 

2 Timoseo 4:3-4 Baitu ebiro biriija obubataliikiriza okuhu'ra okwegesa okwomiire; baitu amatu nigabanuliira balyetungira bonka abegesa nkokwegomba kwabu kukuli, baliigara amatu gabu okulenga amazima, balihaba okuhondera enganikyo kwonka.

 

ESUURA 9: HALI EKANISA ENYA KUBUZIRE

 

Leka Tutandike. Ekigambo kinu, ninyenda kubazaho ekanisa YANGE enyakubuzire, abo abakugira ngu balindiirwe omuli NYOWE, baitu bali hara ya NYOWE. Ndimu kubabaliza hati: Baingi bali mumakanisa nibagira ngu nibabahereza amananu agaijwire hali NYOWE nekindukwenda-baitu amananu gali, ngu haroho okufurungurwa okwebyo ebinkwenda omumakanisa agakukira muno obwingi omunsi yoona. Kinu nikimanyisa ngu nibatwara amananu agebicweka hali abantu habwokuba abantu tibarukusobora kugumisiriza amananu goona. Tibakwenda kumanya enjiri YANGE mubwijwire.

 

Nibetaaga kuhurra ebikusemeza amatu gaabu nebyokwegomba kwabu okuba munsi nokwikara obwomezi obwensi. Esaaha neija eyokwija KWANGE, kandi tinsobora kutwara abaikiriza BANGE Abemitima etamaliliire, bali koya koya. Bagya kusigwa enyuma. Baija kumanya ekyokwikiriza kwabu okwebicweka kubaletiire.

Okusukururwa 3:15-16 Manyire ebikorwa byawe: torukufuka kandi torukwokya. Haakire wakufukire rundi wakwokeze: Baitu habwokusangwa oli koya koya, torukufuka kandi torukwokya, ninyija kukutanaka onduge omukanwa.

 

Hati baana, timusobora kwesiga abebembezi banyu abekanisa kubahereza amananu goona. Mutekwa kunyeserurra inywe inywenka kutunga amananu goona. Mutekwa kusoma ekigambo KYANGE, Mweheyo hali NYOWE nemitima yanyu kandi musabe kwijuzibwa na MWOYO WANGE kuruga omumutima ogukwegarukamu ogwebundaize.

 

Tiharoho omuhanda gundi gwona. Ninyenda okwehayo mubwijwire. Ngya kuhingisa obwomezi bwanyu nobwomezi obwijwire kandi omubwijwire kandi naiwe namaiso gaawe gagya kukingurwa hali amananu, amananu GANGE. Nubwo murayetegereza ekindukwenda okutangirirwa omubukama BWANGE. Ekanisa YANGE ebuzirwe amaiso hali ekyo ekirukumanyisa kuba muhondezi WANGE. Tibahondera mihanda YANGE nebinkubagamba. Nibaseera obuhuru okukora ekyo kyonyini ekibakwenda era basigara nibehuura kurungi. Kinu kigumizemu kumara obwire bwingi muno baitu hati kisasaine kandi bataito muno abakwetaaga amananu goona, bataito muno abakwenda kwetegereza kiki ekyekigambo KYANGE kikugamba.

 

Nibenda obuboozi butaito muno obukubanyumira nkokubakwija kandi bakagenda baitu tibetaaga kumanya kiki ekindi rundi NINYOWE oha. Nibateekereza ngu nibamanya. Tiimanyirwe mananukwo abahondezi BANGE abaakukira. Abakukira bagurukyagurukya omunkoragana NANYOWE. Tibarukwetegereza kimu kiki ekirukumanyisa kufworwa RUHANGA wabo. Ndi muroziburozi nindora mubwomezi bwabo, ntakukora mali mubwomezi bwabo, ntarukubagana nabo omu nkoragana.

 

Matayo 7:21-23 Omuntu wena anyakungambira ati: Mukama WANGE, Mukama WANGE, tali ogu alitaaha omu bukama obwomu iguru: baitu ogu anyakukora Isenyowe ali omu iguru ebyagonza. Baingi balingambira ha kiro kiri ngu Mukama waitu; Mukama waitu; tutagambire omu ibara lyawe? Tutabinge mizimu omu ibara lyawe? Tutakole byamahano bingi omu ibara lyawe? NYOWE ndibagarukamu nimbagamba nti tinkabamanyaga inywe murugeho nambere ndi inywena abakora ebyokwema.

Kinu nikimbihiza muno, engeri enu niyo ensonga hahwaki nahangire abaana BANGE, kuba nenkoragana NANYOWE, kurubata hamu omuhanda gunu ogwobwomezi hamu. Kandi kunu ensi nebabiiha muno bakomeremu omuhanda ogwahansi kukira kwija kumanya omuhangi wabu.

 

Nikibiihiza kwekwata nebihangwa nokwanga OMUHANGI, ayakozire ebyo byoona ebibekwasire. Nikibihiza muno malikwo.

 

Baana, Ningonza kuba kiteekerezo kyanyu ekikubanza, engonzi zanyu ezikubanza, kubanza-byoona mu byoona.

 

Enu niyo nsonga habwaki mwahangirwe. Kuba NANYOWE ebiro n'ebiro.

 

Kakusinga mutakomamu kurubata omuhanda gunu NANYOWE, hati nsoboranta kunihira ngu muliikara NANYOWE ebiro n'ebiro?

 

Nimunihira kukwatirirra oha ebiro n'ebiro? NYOWE rundi omunyanzigwa WANGE? Nimwetaaga kwekaguza ekikaguzo kinu.

 

Engonzi ZANGE nizikira zindi zoona ezomuntu amanyire. Mutetunda inywenka nimuserra okwigusibwa okutaito. Timulimanya okugonza okwamaani okukira okwange. Baana, nimwetaagisibwa kuseera omumitima yanyu, mukebere emyoyo yanyu. Nitwemerra nkaha, iwe NANYOWE? Ninteekanira nkaha omu bwomezi bwawe? Ndi aheeru nindora mubwomezi bwawe rundi twina enkoragana? Ndi musingi gwobwomezi bwawe? Nimwetaaga mbe nkaha?

 

Mutekwa kwekaguza. Mbalindirire. Emikono YANGE ebalindirire kubatwara omu nkoragana yamani muno nomuhangi wanyu, RUHANGA wanyu. Esaaha nehika eyokukora encwamu ezikuru muno. Nimwenda kuba mubagole BANGE? Ali WANGE byoona mu byoona. Alindiira NYOWE, kandi atunurra NYOWE. Niimukiirra ebirungi byoona tindi ogu owanyakweta dimu na dimu rundi obwaba mu byetaago aine ekyakwenda; huwe NANYOWE tukwatangaine. Ndubata, arubata, tuisanaisana, tuli kimu. Ali mukugonza KWANGE kandi arubatira ha muhanda GWANGE ogufunda, orugendo rwaitu nirwisana. Nahabweki baana BANGE, mbalekiire encwamu. Nobundaaba ningonza mucwemu, mukyaine obugabe nokugonza kwanyu. Nahabweki nimbaraliza kwija omu nkoragana etaine kamogo nekigendererwa mwahangiirwe. Encwamu eri yanyu. Mutalindiira muno kucwamu. Akagisa tikaliikaraho ebiro byoona. 

ESUURA 10: OKWEGOMBA ENSI

 

Ego Muhara WANGE; Tutandike. Susan, kinu nikyo ndukwenda kubazaho kiro kinu. Ekibi ekiimuka mumitima y'abantu, -kiri ekibi ekyo kwegomba ensi. Emihaanda yoona eyensi mbi, abasaija ababi nibayayanira kukora ebikorwa ebibi. Byoona ebyensi ekukora tibikwatagaine na RUHANGA. Ensi teri mukugonza KWANGE, nahabweki teri kugonza KWANGE. Ensi obwakaira eyatura ngu nemanya, baitu eri hara YANGE hamu namananu GANGE. Neiruka namaani muno omu rugendo orwekwegondeza kugendamu etaizire n'okunyehabuzaho, NYOWE OMUHANGI WAYO. Kinu kibi.

 

Okwirukira aheeru y'okugonza KWANGE kibi. Okugonza kwonka okutali kubi nukwo okugonza KWANGE. Kinu timukukirora baana? Ensi enu esobora eta kurubatira murugendo RWA RUHANGA hati kunu erugire muno hali kiki ekindi nekyo ekindukwemererra? Nyemererra obulukwera, obutaba na kamogo omumutima, ekiragiro n'enteeko, Amananu n'engeso. Ensi enu nejerega emihanda YANGE yoona, kandi terukwija na haihi yekitabu KYANGE kitekaho nkamananu no muhanda GWANGE ogutahwaho. Ensi embazaho ne mihanda YANGE buli kagisa koona aketunga hamu naabo abampondera. Emihanda YANGE tekutekwamu kitiinisa. Kakusinga ebaire netekwamu ekitiinisa ensi enu tiyakubaire netunga emihito, embeera ezigumire, endwara hamu nenaku anyakugiijwire. Omuhanda GWANGE guleta emigisa. Omuhanda gwensi guleeta emikyeno n'emikyeno ekanya.

Abo bonka abanyakurubatira haihi n'ekigambo KYANGE hamu NANYOWE batunga obusinge n'okuteekana ngu nsumurra nomumbeera embi muno. Onu nuwe mugole WANGE owanyakumpondera ataine kutiina. Amanyire. Angonza.Tagenda hara. Amanyire ngu ndi ndugiiro y'obwomezi bwe, maani'ge ngonzi ze maani ge. Ninkaha ahandi nambere asobora kugenda kutunga okuhumuzibwa kunu? Amanyire kurungiho ekyokuruga hali NYOWE kugendera abagonzebwa abandi.

 

Ndengerweho, nagezesebwaho kandi ndi wamananu haliwe. Ndi we byoona mu byoona. Busaho nomu asobora kutwara ekiikaro KYANGE mumaiso'ge. Ensi temanyire Engonzi zange. Eyekwasire okwigusibwa okutaine kantu okwahansi muno. Kubiihirwa okwa mulingoki hali abo abanyakuhondera ensi hamu nemihanda yayo, nibaikiriza ngu enkora yensi enu ebainiire ebigarukwamu byoona. Bwangu ensi enu eja kuburwaho ekyererezi kyayo ekikusembayo obundaihamu omugole WANGE. Kasta aba aihirwemu, ensi egya kufwoka ekiikaro ekyekiirima ekinugwa. Haija kuba hatakyaroho ekintu kyoona ekikwisana ekyererezi kya mananu ekikwebembera hamu no burungi, okubiiha okwingi muno kwonka hamu nekibi kirirugiiramu.

 

Enu niyo ensi ekwija. Kinu nikyo kiri haihi kubaho.

 

2 Abasesalonika 2:3-4 Omuntu weena aleke okubabiihabiiha omukigambo kyoona kyoona, baitu tikirihika, rundi okwahukana obukulikamara okubaho, kandi omuntu oli owokusisa obwalikamara okusuku'rwa omwana wokuhwerekerra, arukutanga nayenyumiza wenka okukira kyoona ekirukwetwa RUHANGA, rundi ekiramibwa; kandi okuika'ra naika'ra omu yekaru ya RUHANGA, Nayegamba wenka okuba RUHANGA.

2 Abasesalonika 2:6-7 Kandi mukimanyire nukwo asuku'rwe omu mpikoze. Baitu ekyensita ekyobwemi nikikyakora; kyonka haroho arukutanga hati bunu, okuhikya obwaliihwaho.

 

Ensi etarukutambulira ha biragiro BYANGE eri nkeryato litaine muvugi. Linu lyato erifwire kandi erikujunda, eryato erikudikira. Bwangu baana, mwija kurora okufwa nokuhwerekerra okumutakaroraga. Habwokuba ensi enu ekomeremu kuruga hali RUHANGA, omuhangi wayo. Mutafworwa basiru. Ensi tesobora kugumizamu kubaho etaine mananu GANGE hamu n'emihanda YANGE. Eri lyato eri kudikira. Buli bwire obwokuruga mulyato linu. Nimwija obundayeta abesigwa BANGE? Murampondera rundi murasigara enyuma mukwatirire ha kunihira okwebisuba, ngu ensi enu eine ebigarukwamu byanyu byoona? Mukyahuliriza emisega enyakuli mubyoya byentaama ngu busaho kabi koona kandi ngu buli kimu kyoona kiri kurungi? Emisega enu eyetamanyire, eyenyakwine okusisana nkokutiina RUHANGA, baitu amaani gakwo bagehakaine? Muragumizamu nimuhabisibwa kandi nimwitwa amaiso habwokuba nimunyumirwa ensi enu?

 

2 Timoseo 3:5 Bayina okusisana nkokutiina RUHANGA, baitu amani gakwo bagehakaine, kandi nibo oterege amabega. 

Mwije mwegaite hali RUHANGA kandi muzoole ngu haliyo amananu agakukiraho, haliyo obusinge obukukiraho, haliyo engonzi ezikukiraho. NINYOWE. Mumpambye baana. Mutunge okumanya. Ninsemerra kuserurwa. Ninsemerra kumanyibwa, kuhereza obwire.

 

Ninyowe yakuhangire. Torukwenda kumara obwomezi obutahwaho NANYOWE? Haroho ekindi, nikyo ekiikaro nambere oburungi bwobwomezi bunu bwoona obukuruga hali NYOWE butali. Ego, byoona ebirungi ebiri munsi munu biruga hali NYOWE.

 

Nkabihanga byoona. Mutali NANYOWE, busaho mubintu byoona ebirungi ebimunyumirwa kandi mukatwara nkekitali kikuru, ebikuruga ha mutima gwa RUHANGA, muliba nimusobora kwenyumirizamu. Nahabweki kinu mukitekerezeho muno. Mucwemu. Obwomezi bwanyu obutahwaho kubumara na RUHANGA oba mutali na RUHANGA. Mukomemu mucwemu. Ndakutwara obundaija kutwara omugole WANGE?

 

Enu ncwamu yawe. Baitu haroho emihendo yokusasura. Mutekwa kwahukanaho kuruga mukugonza kwanyu nokuhambya ensi habwokuba omuhanda gwensi tiguli muhanda GWANGE. Ngya kubaletereza kwija ha ncwamu hali orugendo orumukucwamu. Bataito muno nibakomamu omuhanda GWANGE, bataito muno.

 

1 Yohana 2:15 Mutaligonza ensi nobuhakuba ebintu ebiri munsi. Omuntu wena owagonza ensi, okugonza kwa Isiitwe tikumulimu. 

 

ESUURA 11: ENSI NEGENDA MUBUZIBU

 

Leka tutandike, Muhara WANGE. Hati ninyenda kubazaho ebiikugenda kubaho. Ensi negenda mubuzibu. Haroho ebicu ebyamani ebikwiragura ebiimukire buli hoona. Bwangu bwangu muno, Ensi enu eija kuhinduka. Yoona egya kuhinduka omukiro omugole obwaraihwamu.

 

Ensi eja kwijura ekiirima nkokwetakabaga hataroho Kunihira okwokugarukaho engeri ebaire. Bwangu baana BANGE, kinu kiija kubaho. Mutandike kutekaniriza kinu kyonyini. Tindi akukanyisa amananu. Ebigambo byange bisobora kwesigwa. Esaaha yempindukahinduka zinu neija bwangu.

 

Byoona bitekanizibwe kandi tibisobora kulemesibwa. Ensi efwokere nsisi muno kandi busaho muntu, gavumenti, rundi amaani gasobora kutanga ekiikwija. Kunu kuli okuziingu'rra kw'okusukururwa n'ebiro ebyokusembayo. Esaaha eyokwija kw'omutabani WANGE neija. Bwangu ensi eija kumanya kiki ekisuukwirwe nkomusuma mukiro. Busaho kuhakana akasumi kanu. Kakagambwaho kara kandi hati kalimu kuhikirra, nkebigambo BYANGE byagambire nti kaliija.

 

1 Abasesalonika 5:2 Baitu inywe mumanyire kurungi ngu nkomusuma ekiro nukwo ekiro kya MUKAMA waitu kiija kiti.

 

Baana, nimwetagisibwa kukora entekaniza. Mwetekanize, inywe inywenka. Mwetekanirize okwija KWANGE okwabwangu hamu no kuhika kwa mutabani WANGE. Naija neihe lyabamalaika be, nibavuga omumwanya kuzoora omugonzebwa we. Esaaha enu eri nkeri hanu. Mwimuke O' abesigwa. Mutekanize. Mutekanirize omukoro ogwamaani muno ogukusingayo omubyafwayo byoona, OMUGOLE OMUSAIJA naizira omugole we. Mwije mutekanize. Boona batekwa kuba beetekanize. Mwije mutekanizibwe omusaahi gw'OMWANA GW'ENTAAMA. Mwesweke omumusaahi gwe. Guroho. Mweheyo hali engonzi ze ezamaani. Mumufwole KUTANDIKA kwanyu hamu n'okumaliira. Tuli kimu. TAATA, MUTABANI, hamu na MWOYO ARUKWERA.

 

Hati baana omunyanzigwa alimu kukora pulani ze. Natekaniza kutongozaho okurumba kwe hali abantu.

 

Enkora nenkurakurana ya bantu eri haihi kuhinduka okwihirwaho kimu. Tindukwenda mukwatwe mutaine kimumanyire.

 

Baitu empinduka yamaani enu eri haihi kubaho. Nimwetaaga kwetekaniza. Abantu bali haihi kugwa omu mbeera eyoburaru nekibi ekitakukanikwa. Mutabani WANGE wenka bwaligaruka omunsi, nubwo binu byoona birihwaho-nubwo ekibi kinu kirisingurirwa kimu.

2 Abasesalonika 2:8 Kandi nubwo ogu owobwemi Alisuku'rwa MUKAMA waitu YESU Owalihwerekereza norwoya orwakanwake, namuburanganiza obwokumanyisa obwokwija kwe.

 

Bwangu baana, BANGE, Mutekwa kukora encwamu ekusembayo. Kiki ekimuraikiriza? Kiki ekimurakwatirirra? Ensi ekuhwaho? Rundi okugonza KWANGE nemihanda YANGE? Mpereza obukama obutahwaho. Mutatekereza ngu ensi enu ebainire nyenkya yanyu yoona.

 

Byoona biri haihi kwekuba bwangu. Eitaka lirihinduka ebiro n'ebiro. Mutaba nomururu, nimukwatirira nyenkya eyetaroho. Nimusiisa obwire bwanyu. Mwije mwikiranize na mananu ganu kandi mwimuke. Nimbahereza amananu. Musome ekitabu KYANGE kandi mukirengesemu nebirimu kubaho hati. Ebikwisanaisana birimu kubaho biteekaine habwokuba byoona birimu kuhikiira nkokunagambire kara na kara. Tikiri habwa kagisa ngu nibibaho. Kinu kiri kigambo kya RUHANGA ekyamaani ekirimu kuhikiira. Ekigambo KYANGE tikiburwa maani oba tikiremwa. Ebigambo BYANGE bigumu. Ndi RUHANGA owa BYOONA, MANANU AGANYAKWIKARAHO, TIMPWA MAANI, WAMAANI, OMUKAMA WA BAKAMA OWATAHINDUKA, MULEMI WABALEMI. Ebigambo BYANGE tibihinduka.

1 Petero 1:24-25 Baitu ngu omubiri gwona guba nkobunyansi, nekitiinisa kyagwo kyoona kiba nkorwakyo rwobunyansi. Obunyansi buhotoka norwakyo ruragara. Baitu ekigambo kya RUHANGA nikiikara ebiro nebiro. Kandi kinu nikyo kigambo ekyenjiri enyakubatebezibwe.

 

Mwije mwimuke, O' inywe ababyami. Enu niyo esaaha eyokwimuka. Mube bulindaara. Hati nibwo obwiire. Mwiheho ebisweka amaiso. Muteeke hansi ebintu byensi kandi mube bulindaara. Itumbi niriija. Baana, nimbesengereza. Kutagwibwamu bu gwibwamu. Kwetekanize. Mutekanize. Esaaha yokwija kwo MUTABANI eri haihi.

 

ESUURA 12: OKWIJA KWANGE OKWABWANGU

 

Leka tutandike. Hati muhara WANGE, kiro kinu ninyenda kubalizaho ahali ensi ebikwatagaine nokwija KWANGE okwabwangu. Ensi eri haihi kuitiraitirana empinduka yamaani. Empinduka neija kuruga embaju zoona. Okwihwamu okwasipidi okwomugole WANGE-abo abeetekanize; bayesemeza omumusaayi GWANGE nokwogebwa ekigambo KYANGE. Hamu nekirukurugiiramu ekyabwangu hanyuma yokutwarwa okwomugole kihondirweho okuhwerekerra okwabwangu hamu nokwimuka kwenkora yomuhakaniza wa Kristo.

 

Abefeso 5:25-27 Abasaija mugonzege abakazi banyu, nka Kristo nauwe okuyagondeze ekanisa kandi yayehayo wenka habwayo, nukwo agyeze obuyamazire okugisemeza nagyogesa amaizi omu kigambo, nukwo agyeretere wenka ekanisa eyekitiniisa etanyina kamogo, nobukwakuba omugonya, nobukwakuba ekintu kyoona, ekirukusisana kiti, baitu ikalege, erukwera, etaloho musango.

 

Enu eija kuba empinduka nkooto muno eyekiro. Busaho kintu kyoona kirikiraho empinduka enu, mubyafwayo byensi. Abo abalisigara baligihuura, kandi naabo abalitwarwa balikimanya. Baingi muno balifwa omukaire akempinduka enu bweriba nebaho nkokuhwerekerra kuliyo nikwija omunsi enu. Halibaho okuhwerekerra okukugumizamu engeri ekiniga KYANGE, kiriba nikiseswa. Ekyensi eyerolireho hati kiri ndozo ya kiri ekirukwija. Enu niyo nsonga habwaki ningumizamu kusesa okurabura KWANGE, kuraba muburorwaho bunu hamu nomu bahereza BANGE abaingi! Abato nabakuru.

 

Okurabura KWANGE kwikaire nikwetegerezibwa kandi nikwisanaisana. Byoona kuraba mu kigambo KYANGE hamu nokuraba mu kurabura okunkuhereza kuraba mubandi. Timpinduka oba kuruga mukiikaro. NDI MANANU AGATAHWAHO. Amananu GANGE tigahinduka-ekigambo KYANGE tikihinduka. Baana, esaaha enu engeri ekwija, obwire bwizire obwokubaza hamu nokurabura abo abanyakubali haihi hali okuhwerekerra okurukwija omunsi.

 

Baingi muno batekereza Ekitabu KYANGE Kali katabu kataito akobusisani, baitu buli kigambo gali mananu kandi byoona nibiija kuhikirra. Bwangu okusukururwa kuja kwetorora nkesaaha ya hakisiika. Mwija kukurora kwona nikwija hamu mumaiso ganyu. Nahati kukatandika kakusinga mutunga obwire mukasoma muketegereza. Buli kimu ekikubaho kikagambwa ngu kiribaho kara na kara. Nahabwekyo muteeke okugurukya gurukya kwanyu haruhaju. Muleke kuhuliriza abandi abataamanyire. Mwesomere ekitabu KYANGE inywenka. Museere OMWOYO WANGE ARUKWERA okubebembera. Aikaraho obwire bwoona kusukura amananu, kubaha akabazi kamaiso, akamukwetaaga kurora amananu ganu.

 

Okusukururwa 3:18 Nahabweki ninkuhabura; onguleho zaabu, enyakusemezibwe omurro, nukwo obe muguuda. Onguleho n'ebijwaro ebirukwera, bikuswekerre, bikwiheho ensoni ezokurorwa nogenda busa; kandi onguleho omubazi gwokuta omumaiso nukwo orole. Tindukwenda mukwatwe mutamanyire.

 

Ninyenda kwimuke mutunge amananu, kandi mube abetekaniize kandi bulindaara. Ninyenda abaana BANGE baije omu kyererezi kandi barole amananu. Amananu garoho. Tiharoho nsonga hati yokwikara omukiirima nobuteetekaniriza ekiikwija. Nsobora kukuhabura kukwebembera. Leka nkikole. Ningonza kukikora. Ningonza kukukwata kandi nkukakase ngu nosobora kwehara emihito eyerukwija omunsi, byoona tibibuzire. Baana mwije omumikono YANGE enyesigwa. Ndi RUHANGA owakuloreera, owakugonza, ayeteekanize kubaroleera, tikiri kikuru oba okozireki, rundi nambere obaire. Ija, ija! Enu niyo esaaha eyokucungurwa kwawe. Otakwatirwa omunsi enyakurugire munteeko habwokuba eyangire RUHANGA omu okwomezi owamananu, hamu nemihanda YANGE etaine kamogo.

 

Baingi baija kulinda muno kandi beijukye encwamu zaabo. Kinu otakireka kukubaho. Nyetekaniize kubagana omutiima GWANGE nainywe. Kukukingurraho kukweretera, nokubagana hamu enkoragana. Kinu nikyo kwetaaga KWANGE. Kukuhimba nokukurabya mumbeera ezigumire. Wewe Leka mbagane nainywe omu busumi obunyakugumire obwobwomezi. Ninyenda munyikirize mbahumuze. Ninyenda enkoragana enu O' ningyenda muno. Mutansindika NYOWE OMUHANGI Wanyu. Mubumbaatire okuhayo KWANGE okwokuba haihi nainywe, haihi muno kukira omuntu ondi weena owuyakabaga haihi. Kinu nikyo nkuhayo baana BANGE, enkoragana etali nkendi yoona eyobuntu-Enkoragana na RUHANGA wanyu, owabamanyire, kukira abandi boona. Mpayo okumba haihi kunu. Mbaletera omutima GWANGE.

 

GWANGE kuhereza kandi ningubahereza. Gwanyu okugusaba. Bataito abagusaba, baitu guroho buroho. Baana, nkinguireho omutima GWANGE, mbaraliize kutahamu, mulye, munyumirwe okubaho KWANGE. Mwije mumanye, nka RUHANGA owatali hara muno. Nsobora kuhikirirwa. Nsobora kubagana nainywe ebitekerezo byanyu ebyomunziha hamu nebikubakwataho. Nsobora kubahumuza, nkabarabya mubwire obukusingayo obubi, kandi mbahabule omumbeera zanyu ezigumire muno. Ndi RUHANGA owakugonza, akugonza kukinguraho, nokubagana enkoragana nainywe, kurubata hamu obwomezi bunu. Timwine kwongera kurubata omuhanda gunu inywenka. Nyikara harubaju rwanyu.

 

Ndoho kubahumuza, kubasagika, hamu nokubahabura. Mwije mumanye omu nkoragana eyinamanyisize eyaitu kubagana hamu. Kinu nikyo habwaki mwahangirwe-kuba nenkoragana nanyowe. Enu niyo nsonga mubwomezi bunu. Musobora kwikiriza kundi, baitu ndi MUHANGI wanyu kandi ningamba ngu kiri kiti. Ninyenda kubaho mubiikaro byanyu ebyahaiguru n'ebyahansi, mubwire bwebizibu no mukusemererwa, nitubagana hamu obwomezi, niturubata hamu hamuhanda oguterekeriire. Bunu nubwo obwomezi obunali mba pulaningire. Pulani YANGE enungi nokugonza KWANGE habwobwomezi bwanyu.

Zabuli 139:3 Onseru'ra kimu omuhanda gwange nokubyama kwange, kandi omanyire amagenda gange goona.

 

Nahabweki mwije hali NYOWE. Muheyo obwomezi bwanyu hali NYOWE. Mubuteeke hansi gabigere byange omukwehayo okwokwebundaaza, kandi ngya kubutwara kandi nkusemeze, nkutekanirize obukama BWANGE kandi musobole kuliira ha bugenyi BWANGE nkomugole WANGE. Kinu mwina kukisaba, kandi ngya kubaha binu byoona. Ningonza kubaleta omunsi. NYOWE RUHANGA nyetekaniize kandi ndinzire. Muleke kwomeera obwomezi bwanyu mutali nomuhangi wanyu.

 

ESUURA 13: ESAAHA NEIRUKA BAANA BANGE

 

Nahabweki Leka tutandike. Baana. Nimbaliza abaana BANGE. Esaaha neiruka baana BANGE. Ninyija bwangu muno aha mapapa ga maiba agarukwera, aha mbarasi eyetoroirwe milioni na milioni za bamalaika. Ekiro kinu nikiija. Nimwetaaga kuba mwetekaniize, mulindirire, mutunuliire, nimunsera.

 

2 Abasesalonika 3:5 Kandi MUKAMA Waitu aliterekereza emitima yanyu omukugonza kwa RUHANGA, kandi nomu kugumisiriza kulindiira Kristo.

 

Ndi wempe etoire, nkwata akaire. Ekigambo KYANGE kirungi. Nkora ekingamba kandi nkikora habwire. Esaaha enu erimukuhwayo. Nahabweki mutahoibwamu maani inywe abandinzire nekihika kiingi habwokuba timwija kukurwa.

 

Ndi RUHANGA Owanya kusumurra nekigambo kye. Ekigambo KYANGE kirungi, kigumire, Ndi MWANDARA! Busaho nomu owateka okwikiriza kwe omuli NYOWE owaliswazibwa-busaho nomu. Timpinduka. Ndi nkokunali ijo, kiro kinu hamu nebiro byoona. NINYOWE ALPHA NA OMEGA! Baana mutekwa kwetekaniza. Muteke harubaju ebintu ebyensi ebimukutunturra, mukole entekaniza.

 

 

Nimutekaniza muta? Ninyenda okwehayo okwokwebundaaza.

 

Ninyenda, okwegarukamu okwamananu hamu nokumanyirra ekibi kyawe ekyokozire hali RUHANGA ARUKWERA, ekibi ekyokujunanizibwa. Ninyenda okwehayo okwijwire-otaine ekyokuleta aheeru. Ninyenda oteeke okwikiriza kwawe kwona muli NYOWE.

 

Ninyenda oyeijuze OMWOYO WANGE ARUKWERA. Ija otunge etaara enyakwijwire amafuta.

 

Ninyenda oyenabye omukigambo KYANGE,ninyenda oyesemeze omu musaahi GWANGE- Omusaahi ogunahaireyo kukujuna.

 

Ninyenda onseere omumiringo yawe yoona kandi omanye omukaikaro akensita.

 

Ninyenda orubate NANYOWE buli kiro, oigamiire hali NYOWE buli kaire.

 

Ninyenda osabe esaara hali NYOWE, Kandi obaze NANYOWE ekiro kyoona. Onu MUKAMA wanyu nuwe alimukubaza. Baana, Ninyenda mube bulindaara, namaiso gakurora kandi mutunuliire mulinzire NYOWE.

 

Ninyenda murole oburorwaho, mumanye obwire, kandi musome ekitabu KYANGE.

 

Mutaba omukiirima hali amananu. Enu eri saaha ye kirima kandi tekugenda kuba nekyererezi. Busaho kyererezi ekirukwizira ensi enu, akabi konka, akabi kagirindirire. Muhuliirize kurungi; Amananu GANGE nigemerezaho. Nimusobora kwemerezibwaho amananu ganu.

 

Ngambire esaaha enu eyekiirima neija kandi hati nginu ebaiziire. Baana bunu tibuli bwire obwokuba muteekaine, mukasangwa mubyamire. Mwimuke mwije mu mananu GANGE. Munyegarukiremu. Mbalinzire. Mutaise ensi. Eyimukwikiririzamu nemitima yanyu yoona. Mutakwatirira ensi enyakulimu kubarukabaruka, nkandiisi ebainire ebigarukwamu byanyu byoona. Muleke kuzina nensi hamu NANYOWE. Tinsobora kwikiriza okwehayo kwanyu okwebicweka. Kinu tikikirizibwa. Mutekwa kwija hali NYOWE omu kwehayo okwijwire rundi titusobora kuba hamu mubwomezi obutahwaho.

 

Binu nibyo ebyeetago BYANGE ebindukukwendaho okwija mubukama BWANGE. Kinu nikyo omugole WANGE ayetekanize kukora kubeera kimu wensi YANGE. Ayetekanize kumpa ebye byoona mu byoona. Ninyenda okwehayo okumaliriire. Ekitaito hali kinu tikyakole.

 

Baana, nkabafwera okufwa okwijwire kandi okwebundaize. Busaho ekyasigaire kitamalirize. Hatabeho ekisigaliire-nkakitwara kyoona, Nyeena--ekyo nikyo nahaireyo. Ntageze kurubata kuruga mu kwegomba KWANGE okwo kutunga ekibonerezo kyanyu ekimwali musemeriire. Nkakitunga mubwijwire. Buli kasumi Kali kokubonabona hamu nokujwahya. Nkaisana entaama omumbwa. Busaho ekyange kyoona ekyasigaire obubyahoire. Omuhendo gukasasurwa mubwijwire.

 

Zabuli 22:16 Baitu embwa zinyehingulirize: ekitebe kyabo abakora obubi banyezigolize. Banfumuire ebiganja BYANGE nebigere BYANGE.

 

Mutaligeza kwanga omuhendo ogwamani gunu ogunabasasulire habwebyo kusiisa byanyu. Kakusinga mwanga okuhayo kunu, timukwija kutunga okwihwaho kundi okwekibi. Tihaliyo kindi kyoona ekyokwihaho ebibi. Nobukiraba abantu bakiseera tikibayo. Ninyowe kyokusasurwa kyonka. Omusaahi GWANGE ogwasesekere, okubonabona KWANGE hamusaraba, omubiri GWANGE ogucwekere, omutima GWANGE ogucwekere. Nkasasura omuhendo gwanyu, ekibonerezo kyanyu, kandi nkakikolera busa kuruga mukugonza KWANGE, nukwo munyumirwe okuteerana omubwijwire na ISENYOWE,NYOWE NA MWOYO WANGE. Kinu nikyo nagumisirize kandi na habwaki nakigumisirize.

Abaheburaniya 13:12 Kandi YESU nauwe obwokweza abantu nesagamaye wenka, nikyo yabonabonire aheru yomusongo'ra.

 

Kinu kisembo ekyomuhendo muno, baana BANGE. Omuhendo tigusobora kutekwaho ha kisembo kinu. Busaho muhendo gwakumazire. Mutakitwara nkekitaine mugaso rundi kukirabyamu amaiso. Ekisembo kinu mukitekemu ekitiinisa. Busaho kisembo kindi ekikukira kinu ekyabahairwe RUHANGA Wanyu. Hati baana, tindukusaba kusasuura ekisembo kinu. Busaho kusasura kwona oku mwakukozire okukusobora nokuhika ha muhendo gwekisembo kinu. Kyabusa-kiherezibwa busa, kandi kiroho kyanyu kutwara. Mutagaya rundi kwanga ekisembo kyomuhendo nkakinu, kuruga hali RUHANGA owayebundaize kandi OMURUNGI omugabi.

 

Kwanga ekisembo ekyamani nkakinu kiija kuleeta ebibonerezo ebitahwaho. Kwanga ekisembo nkakinu kiija kuleta gehena eyebiro nebiro. Nimwetegereza baana BANGE? Nahabweki mutazanisa ekisembo kinu. Mukirolere habwokuba kiri ekihebwayo ekyomuhendo muno ekihairweyo RUHANGA Wanyu habwokujuna kwanyu hamu nobugabe obutahwaho okuruga hali okuhwerekera okwa gehena.

 

Abaheburaniya 10:29 Okubonabonesebwa okulimutekerezebwa ogu ayalibasire nebigerebye omwana wa RUHANGA, natekereza esagama eyekiragano eyiyayezibwe nayo okutaba erukwera, nayekunikira OMWOYO OWE MBABAZI tikulikira muno?

 

Kinu kiri kisembo ekitakukanyakanya mali. Bataito muno omunsi abakitunurraho kandi abakitwara nkekyomuhendo. Bataito muno abalirubatira ha mihanda YANGE eya zaabu, habwokwikiriza kwabu okwobutafwayo ha kisembo KYANGE ekyamaani kandi ekyembabazi ekinahaire abantu. Mutafworwa basiru. Kukwata kubi ekisembo kinu ekyamaani kiri kintu kibi muno. Nahabwekyo mukikwatire haihi muno, mukirolerre, kandi mukitemu ekitiinisa kandi musemererwe habwakyo habwokuba kuraba mukyo halimu okujuna okutahwaho, okunihira, hamu nobwomezi obutahwaho omubukama bwa RUHANGA Obwamaani.

 

Ekisembo KYANGE hali abantu, NYOWE NYENKA NKAMALIIRA ekyo ekyomuntu ondi weena omwomezi atakuhikirize. Mpereza busa engonzi ZANGE, ezitahwaho, engonzi ZANGE ezikukira ezindi zoona ezakamanywa.

 

Mwije mulye Nanyowe aha meeza YANGE eyokugonza, kandi mutunge okugonza okutakarorwaga. Mperereza busa. Kinu kihebwayo ekyo murundi gumu mubwomezi. Twara twalira busa. Tikyaikalehoga.

 

Kinu nikyo ekihebwayo KYANGE ekyengonzi ekisesirwe. Ija weena owarukugonza.

 

MUKAMA YAHUSHUA

 

OMUKAMA OWAMANI

 

OMWANA OGWENTAAMA OGWEBUNDAIZE.

 

EKIHEBWAYO EKISESIRWE.

 

 

ESUURA 14: ENSI ENYEHINDUKIRIRE

 

Leka tutandike, Mwana WANGE. Baana, ninyenda kubaliza ensi eyenyakunyehindukirire. Ensi enu enyehindukirire, nebintu ebinyemererire. Efwokere mbi kandi nkeyetakwikarwamu.

 

Yakobo 4:4 Inywe abakazi abasihani timumanyire ngu okuganjana okwensi nubwo bunyanzigwa na RUHANGA? Nukwo omuntu weena anyakugonza okuba enganjani yensi buli ayefwoire omunyanzigwa wa RUHANGA.

 

Baana BANGE, ensi enu eijwire ekibi. Tihakyaroho ahokuhindukira kutunga oburukwera na mananu. Namakanisa GANGE gali hara YANGE. Naabo abakwetwara ngu bamanyire bali hara. Nibanyikaza haburaira bwo mukono. Tinkwehabuzibwaho na bebembezi BANGE. Tibarukunseera. Tibamanyire. Amakanisa gaabu gafwokere biina byobwemi habwokuba batebeza obutumwa obwebisuba. Tibaamanyire kandi tibarukufwayo kumanya. Ndi RUHANGA owatamanyirwe.

 

Ensi teiniire RUHANGA obwire. Empikaho mubigambo honka hatali mumananu. Ensi enu eijwire abanyabisuba hamu nabasuma, Abasaija abakwepanka kandi abakuramya ebisisani nibahambya ensi nemihanda yensi, baitu batarukuseera RUHANGA wayo. Kyobusasi muno hali abo abataamanyire, baitu bagamba ngu baamanyire. Ndi RUHANGA owasobora kumanyibwa. Tinserekerwe hali abo abanyakunseera. Tindi owatamanyirwe hali abo abanyakwija haihi NANYOWE omukwehayo okwebundaize. Manyirwe. Mui're haihi NANYOWE kandi ndasembera haihi nainywe.

 

Zabuli 73:28 Baitu kisemerire nyowe okui'ra haihi RUHANGA: MUKAMA RUHANGA mufoire ekyokwebingamu kyange.

 

Nukwo ntebezege ha mirimo yawe yoona. Baana BANGE buli hokakuhindukira hoona, ekibi kiriyo kiserekerweyo. Busaho kintu kyoona munsi ekitatekanizibwe omunyanzigwa okubahungura kuruga ahamuhanda gwokuba haihi NANYOWE RUHANGA. Enkora yensi etekerweho kunyihaho abaana BANGE hamu nokubaikaza hara YANGE.

 

Omunyanzigwa WANGE obwaraba naabaikaza muli bize na bwaruhanga obundi n'ebisisani hati timusobora kunseera kandi mukasanga, omuhanda ogwamananu ogukutwara mukujuna KWANGE, okusemezebwa KWANGE, hamu n'obugabe BWANGE. Enu eri pulani yomunyanzigwa kubarora nimulemwa, kubaletereza kufwika okucungurwa KWANGE, no kufwerwa ekiikaro kyanyu omubukama BWANGE. Enkora yensi enu esiibiirwe ha pulani z'omunyanzigwa WANGE. Buli kimu kyoona kimanyiirire ha kweserura, hamu nokwemalirra, hatali kuserra-RUHANGA, kuhambya RUHANGA, Kuzoora-RUHANGA. Tarukwenda mwije nimunserra.

 

 

Nayenda mube musibirwe omunkora eyekwegesa ngu "nyenka" nikyo kikuru muno, "kweyesiga wenka" pulaninga nyenkya yawe, butayesiga muntu wena baitu iwe wenka. Gunu tiguli muhanda gwange baana BANGE. Okugonza KWANGE kugamba hondera RUHANGA, wesige RUHANGA, seera okugonza kwa RUHANGA, omuhanda gwa RUHANGA. Obwoseera okugonza kwawe, pulani zaawe, oba oli aheeru yokugonza KWANGE kandi ekyo kibi. Noikara omukibi obworaba oli aheeru YOKUGONZA KWANGE.

 

Osobora ota kumanya okugonza KWANGE habwobwomezi bwawe obworaba otakunseera kandi otakuhayo ebyawe byoona hali NYOWE? Muteekwa kuteeka pulani zaanyu hansi, nemihanda yanyu, kandi munyikirize kwebembera obwomezi bwanyu. Kiri habwokurubatira mu kugonza KWANGE kyonka habwobwomezi bwanyu kurora nti nimusobora kuba nobugabe nobusinge, obusinge obumpereza.

 

Kuhondera omuhanda gwawe otali NANYOWE, kiija kuletereza okuhwerekerra. Tolisobora kutoroka kuruga hali ekibi. Okugonza KWANGE nukwo okwijuzibwa OMWOYO ARUKWERA, hamu nokuba neetaara eijwire amafuta. Gunu nigwo omulingo gwonka ogwokuba oyetekaniize habwokwija KWANGE okwabwangu, okujunwa nokucungurwa. Baana, mutekwa kwimuka. Ganu mananu. Tihaliyo amananu agandi goona.

 

Matayo 25:4 Baitu abamagezi bakatwara amagita, omu nsale zabu hamu netabaza zabu.

 

ESUURA 15: ABEBEMBEZI TIBAKYAMPONDERA

 

Leka twongere tutandike: Baana BANGE ninsaasa muno habwensi enu eyekuntekamu ekitiinisa kitaito muno. Tinkutekwamu ekitiinisa ekyamaani nakamu. Tindukukira kwetwa n'abantu BANGE-abo abakwebembera entaama ZANGE.

 

Nibakora pulani zaabu bonka batantekeremu. Tinsobora kubesiga. Tibarukugambira abantu baabu amananu, byonka ebibarukwetaaga bahuure. Busaho nambere abaana BANGE basobora kugenda kutunga Amananu. Bateekwa kwija hali NYOWE. Nibagya kuhabisibwa omumakanisa gaabu. Nibagya kubuzabuzibwa ebyo ebikwisana nkebihikire oba ebyabuli kiro, kugwa bugwa mumitego eyebisuba eyomunyanzigwa WANGE abateekireho. Nayetaaga baikirize ngu basobora kwesiga ebigambo byabembezi baabu kandi ngu kunseera oihireho ekyo tikikwetaagisibwa.

 

Amananu gonka nigasangibwa mukunaaba buli kiro ne kigambo KYANGE. Kinu nikyetaaga engeso. Baana BANGE, muli beegi BANGE kandi kuba beegi kyetagisibwa kuba nengeso. Obumuraaba mukwatiire muno mubisikiriza byensi, musobora muta kunihira kuba MUKUGONZA KWANGE baana? Kinu tikisobora kuba. Tindi RUHANGA owasobora butatekwamu kitiinisa rundi kwangibwa. Ensi enu etandikire okurora obuzibu bwo kwanga RUHANGA wayo. Haroho ebizibu ebikurugiiramu ha bwokuruga hali RUHANGA, ebizibu ebibi muno. Tinkwata kurungi abo abanyakwija haihi NANYOWE kandi bakamara bakaseera ensi nibateekereza ngu nebakiira NYOWE.

 

Kinu tikiri kintu kyamagezi ekyokukora nakamu. Kunu kinu nikyo ensi erimu kukora. Okuleka okunihira kwona habwokwehereza kandi nokuseera emihanda yayo. Esaaha eizire eyokwija KWANGE, okwabwangu. Muli haki baana BANGE? Muli NANYOWE rundi mulimu kundugaho nimugaruka munsi? Ensi tebaha kunihira kwona. Eri ensi eyerimu kugwa, necweka, ebuzire, ebuzire habwokuba tekyaseera RUHANGA habwebigarukwamu byayo. Emizimu erimu kulema ensi hati kuraba mumiringo yoona: kuraba mubutumwa obumukutunga, kuraba munkora yensi enyakuroho, kuraba mumakanisa agahabisibwe.

 

Ekigambo KYANGE kyonka nikyo kisobora kwesigwa--tikihinduka. Mweteeke ha kigambo KYANGE. Mukitaahe muno mumpapura zaakyo. Mutunge obwire obwokusoma ebigambo BYANGE. Mumale obwire nakyo. Musabe OMWOYO WANGE abasuukure amananu. Aija kubasuukurra kakusinga muramusaba mananukwo.

 

Nayetaaga kubebembera mukubatwara ha mananu. Kunu nukwo kwegomba kwe okukusingayo, inywe kwebemberwa kugya mumananu kandi nokwezibwa ekigambo KYANGE.

 

 

 

1 Abakorinso 2:13 Kandi nibyo tugamba, hatali omu bigambo amagezi gabantu ebigegesa, baitu omwebi Omwoyo ebyayegesa obutuinganainganiza ebyomwoyo nebyomwoyo.

 

Baana, mutaletereza ensi enu kusikaho ebyooya byentaama aha maiso gaanyu. Mutaikiriza omunyanzigwa kubahabya nkaabandi okubahabire. Mube bulindaara. Mwije mukyererezi KYANGE. Muliisibwe amananu GANGE nomukono GWANGE ogurukwera.

 

Ningonza kubaliisa n'amananu. Kubaliisa n'enyegesa kuruga Mukigambo KYANGE. Leka mbaleete mukyererezi KYANGE. Leka mboleke ekimutaketegerezaga. Nyine ebintu biingi ebyokubagana nainywe. Ninyenda kubasika kuruga mukiirima. Bunu nubwo obwire obwamananu kumanyibwa hatali amananu agafurunguirwe rundi agebicweka nebisuba. Timurukwenda kutunga ekigwererezi aha kujunwa kwanyu.

 

Nahabweki mwije hali NYOWE. Mucuurre amananu. Ngya kubaha amananu, amananu agatahinduka.

 

Hati baana, hati niyo saaha.

 

NINYOWE YAHUSHUA, OMUHANGI wa byoona.

 

ESUURA 16: ESAAHA Y'OKUGARUKA KWANGE ERIMU KUHIKA

 

Leka tutandike Muhara WANGE.

 

Esaaha, baana BANGE, neija eyokugaruka KWANGE. Esaaha enu erimu kuhika nkobwire bwekiro engeri buhinduka bukafwoka nyamusana. Ninyija kandi busaho kutanga omukoro gunu. Mutekwa kumanyirra omugaso gw'omukoro gunu. Nigwija butatangirirwa buli omu. Busaho Omwoyo ogwomiire, ogukwikya gwona ogutaakwatweho omumulingo gwona hanu munsi.

 

Haija kubaho abo abakutoroka NANYOWE kugenda mu kusemererwa okwamani, no muhimbo ogwamani hamu naabo abakutunga okuhwerekerra okumaliirire, hamu nokufwerwa okwingi. Omulingo olitangaanamu omukoro gunu eri ncwamu yawe.

 

Oligenda NANYOWE obunditwara Omugole WANGE kuba mukaikaro akarungi rundi olicwamu kusigara enyuma otunge okubonabona okwamaani; ekiniga KYANGE ekisesirwe hamu n'omunyanzigwa WANGE omumaani amaingi? Hati kinu nikiisana nkencwamu enyakwanguhire--baitu bataito abalimu kukomamu kwija NANYOWE mukaikaro akarungi. Bataito abakunseera rundi kwikiriza ngu obwire obwokwija KWANGE buli haihi. Habwaki nimutekereza ngu kinu kiri kiti baana BANGE? Kiri habwokuba ekibi kibakwasire. Bamanyiriire muno kandi baikiririzamu ensi enu enyakwijwire ekibi, nibagonza emihanda yayo, kandi betekanirize kimu nokuliiramu. Tibasoma kandi tibesiga ekigambo KYANGE.

 

Tibanseera kutunga ebigarukwamu BYANGE. Ensi nabantu nibibakiira obulemezi mubiteekerezo byabu. Baana, tinsobora kujuna abo abatasobora kumpindukira omu kwebundaaza, omukwehayo nk'okwomwana omuto. Hataroho okwehayo okwijwire hali NYOWE, tinsobora kubachungura obubukuhika obwire obwokwihamu ekanisa YANGE.

 

Eija kutwarwa kandi mwija kusigwa. Nukwo abaana BANGE abasigaire baija kurwanisa embeera n'omunyanzigwa WANGE. Eija kuba saaha yamaani eyekiriima. Okuhumuraho tikwabeho.

 

Marako 10:15 Mananukwo nimbagambira nti, weena ataliikiriza obukama bwa RUHANGA nkomwana omuto, atalibutaahamu na kake.

 

Era mukyaine akagisa akokugaruka hali NYOWE omubiro ebikusembayo okwija KWANGE okwabwangu kutakahikire.

Kakusinga mwehayo hali NYOWE, mukahayo okugonza kwanyu hali NYOWE, kandi ndakufwora omuntu omuhyaka kandi nkutekanirize obukama BWANGE.

 

Nindora bataito muno abakugonza kuteera entambu zinu, akacweka kataito akabantu konka nikanseera mananukwo aharulengo rwe nkoragana eyindukwenda. Bataito abahaireyo obwomezi bwabu omukunyesiga hali NYOWE. Abakukira besigire ensi nibahayo obwomezi bwabo hali ensi hamu n'enteekereza yabantu eyekuhabisa.

 

Baana, mutekwa kugaruka mu sensi zanyu. NINYOWE NYENKA asobora kubayamba. Tihaliyo handi hoona ahokuhindukira. Ego musobora kuhindukira ensi baitu hati eri mumbeera eyetaine kunihira, nesirimuka hansi bwangu buli kiro.

 

Mutekwa kwija mwomiire. Mwije hali NYOWE. Mutafworwa basiru habwebyo ebikwisana ebikukenga hati. Endora esobora kuba nebiihabiiha. Ensi tesobora kugenda yonka etali NANYOWE. NINYOWE akugyoleka hekugenda. Ntaroho hamu nemihanda YANGE eyetalemwa, ensi enu tesobora, kwemerezihwaho, engeso ezibi.

 

Baana BANGE, bwangu bwangu muno binu byoona biija kubaho. Okwija KYANGE okwabwangu. Tindukwenda musigale oba mubule. Ninyenda Mwije hali NYOWE. Kunu kuli kuralizibwa KWANYU. Ninyenda munyizire haihi NANYOWE. Murubatire ha muhanda ogufunda NANYOWE.

 

Leka mbayambe. Leka mbebembere...mukwate omukono GWANGE. Mutafwerwa akagisa kanu akaamani, akokufwoka mugole asemiire kandi ayetekaniize. Nimugonza muno. Ali kanisa YANGE ekunuliira muno, owakungonza haiguru yebindi byoona.

 

Ndiwe byoona mu byoona. Ninyija kumujuna, emihito eyerukwija. Aija kujunwa ebyo byoona ebikwija, ali mungaro ZANGE ezirindiriire.

 

ESUURA 17: AHALI OMUHAKANIZA WA KRISTO

 

Leka Tutandike. Baana, Ninyenda kubazaho ekintu ekihyaka kiro kinu. Ninyenda kubazaho hali omuhakaniza wa Kristo, hamu nokulema, nokufuga kwe omunsi.

 

Bwangu aija kuba naija omunsi kulema no kufuga-byoona biija kuhinduka.

 

Ensi tekamanyaga omwekulembezi mubi nkonu. Talyahura banyankomo. Aija kuba atunuliire okuhwerekereza. Omuntu weena owalyemerra mumuhanda gwe alimanya okuhwerekerra. Buliba obwire obwekiirima muno.

 

1 Yohana 2:22 Nooha arukubiiha ebisuba? Tinuwe ogu arukuhakana YESU nkooku ali Kristo? Arukuhakana YESU; nuwe ogu arukuhakana RUHANGA na Ise mwana.

Abo abalibaza Ibara lyange balisangwa bataine mugaso. Ibara LYANGE lirimanyisa okufwa. Baingi abange balitiina omubutiini kukolesa ibara LYANGE. Kinu kiribaho munsi yoona. Buliba butiini obwamaani muno munsi yoona; okuhwerekerra okusasaine. Ensi tekamanyaga okuhwerekerra nkakunu.

 

 

Okusukururwa 20:4 Hanyuma narora ebitebe by'obukama, abakaba babiikaliireho nubo abo abaahairwe obusobozi obw'okucwa emisango. Kandi narora emyoyo y'abo abaacwirweho emitwe habw'okujurra Kristo n'ekigambo kya RUHANGA. Nubo abo abatararamize ekinyamaiswa rundi ekisisani kyakyo, abakaba hatatairweho karorwaho kaakyo, ha buso,rundi ha mikono yabo. Bakahumbuuka; baalema hamu na Kristo, kumara emyaka Rukumi.

 

Omuhakaniza wa Kristo aliija ahabwire ensi obweriba n'eseera ebigarukwamu hamu nemiringo yokumara ebizibu ha bwokuhwerekerra okusigirweho munsi hanyuma y'okutwarwa kw'omugole WANGE. Omukoro gunu nigwimuka bwangu.

 

Ensi negenda kumanya okubonabona nkokwetakaroraga.

 

1 Yohana 4:3 Baitu weena atarukurangiira Yesu, buli taina Mwoyo oguruga hali RUHANGA. Ogu nugwo Mwoyo gw'ogu arukurwanisa Kristo, oumwahuliireho nkooku arukwija, kandi ahikire ira omunsi.

 

Omuhakaniza wa Kristo alirengaho kwihamu boona abakukiikira emihanda YANGE, obwakaiso BWANGE. Omuhakaniza wa Kristo alireeta emanyikirizo ye kisoro nkomulingo ogukusooka ogwobusuubuzi kufuga abantu.

 

Abo abataliikiriza kusaba kwe okwokutunga emanyikirizo baliihwamu nkabo abahakaniza benkora enu. Abo abalitunga emanyiikirizo balibonesa abo abaliba bangire emanyikirizo. Eriba esaaha eyekiirima muno. Abo abalitunga emanyikirizo begondiize bonka baliba babuzire ebiro nebiro. Nikyoleka nti ofwokere wenkora Y'omuhakaniza wa Kristo.

 

Okusukururwa 14:11 Omwika ogw'okubonesibwa kwabo guliikara nigucuuka ebiro n'ebiro kandi abo abaramya ekinyamaiswa n'ekisisani kyakyo hamu n'abanyakwina akarorwaho ak'ibara lyakyo, tibaligira kihuumuro nyamusana n'ekiro.

 

Baana mutekwa kutekereza kurungi hali okugonza kwanyu okunuga okurabura kunu hamu nekikwija omunsi omukasumi kataito. Esaaha eriyo nehika eyo kwija KWANGE kwizira omugole: abo abarachungurwa--Ekanisa YANGE eyamananu. Esaaha enu neija bwangu kandi neija haihi nkenkora yomuhakaniza wa Kristo eri haihi kutandika.

 

Omuhakaniza wa Kristo aija Kuba ataine mbabazi kandi aine iroho lyomusaahi. Takugya kwikiriza kintu kyoona kumwemerra mumuhanda gwe. Aijwire ekiniga kandi nokwegomba amaani. Abantu tibamwinire mugaso. Tainiire kimu mbabazi nakamu--nayomeera kwonka okwerora naleema kandi nafuga ensi.

 

Aija kuba aigamiire okuhwerekereza kwonka kuleeta amahege mubwekulembezi. Busaho kintu kyoona kilimulemesa kuhikya obundigaruka omunsi kubiremesa byoona. Nubwo, kandi bunu nubwo honka alilemesibwa. Tihalibaho kumulemesa kundi kwona oihireho kunu. Busaho muntu, busaho kitongole ekisobora kumulemesa. Aija kuba atakuhwa maani omukibi kye.

 

2 Abasesalonika 2:8 Kandi nubwo ogu owobwemi alisuku'rwa, MUKAMA waitu YESU owalihwerekereza norwoya orwakanwake, namuburanganiza obwokumanyisa obwokwija kwe. Haroho obwire obubi obukwija. Enyuma munkukutu, pulani ziriyo nizikorwa nukwo enkora enu etandike. Omuhanda guliyo nigusemezibwa habwokwimuka kwekibi kinu. Bwangu abantu abarasigara hanyuma y'ekanisa emazirwe kutwarwa bagya kwetegereza enkora yomuhakaniza wa Kristo eyokuhwerekereza hamu nokulema eyerimu kubalema.

 

Abali koya koya, abakuristaayo abasigaire enyuma balyetegereza kimu ekyo ekibaireho mumaiso gaabu. Okweijukya kuliba kwingi muno. Abaingi baligwa ahabwokunyigirizibwa kwo muhakaniza wa Kristo. Omuhanda gwomuhakaniza wa Kristo gulizooka nkogwanguhire muno kulengesanizamu no butaguhondera. Mananukwo eriba saaha yencwamu ezigumire.

 

Baingi muno balimanya mumitima yaabu ekibasemerire kukora kandi hahwokuguma nokugonza kurora obukama BWANGE, balihondera nibarabamu nencwamu ezigumire ezibaine kukora. Okwikiriza kwabo kulibahimba. Okwikiriza mukwanga enkora Y'omuhakaniza wa Kristo, nkencwamu enyakuhikire hamu nokukomamu NYOWE, RUHANGA. Baingi tibaliba nokwikiriza nkakunu hamu nobugumu nkabunu. Eriba esaaha Yekiirima.

Okusukururwa 19:20 Ekinyamaiswa kyahambya hamu n'omurangi owebisuba ayakozire ebihuniriza omumaiso gaakyo. Ebihuniriza ebyahabisize abo abatairweho akarorwaho k'ekinyamaiswa n'abo abaaramize ekisisani kyakyo. Ekinyamaiswa n'omurangi owebisuba byanagwa omunyanja y'omurro erukwaka n'obuganga bikyali byomezi.

Mananukwo baana,nimwetaaga kuba bulindaara bwangu, kandi mwetekanize kucungurwa--kuba mwetekaniize mweteguire. Esaaha enu neetahamu. Nimwetaaga kuba mweteguire. Mulindiriire, mutunuliire nimurora kandi amaiso ganyu gali hali NYOWE, munyetekanirize.

 

NINYOWE Rwigi rwonka--NINYOWE hokuturukiramu--NINYOWE kutoroka! Ngya bwangu kuba nkwatirire orwigi rukyakinguire kandi hanyuma rugya kukingwa. Gunu gugya kuba mulingo gumu kandi gwonka ogwokutoroka ekyo ekirukwija. Kinu nikiija. Esaaha erimu kuhika. Ekanisa YANGE neyetaaga kwetegura.

 

Matayo 25:10 Nabo obubakaba bagenzire okugura, omuswezi yaija naabo abakaba batekanize bahingura nauwe omu bugenyi obwomugole, orwigi rwakingwaho.

Omuhakaniza wa Kristo ali mumapapa. Alimu kukora enteekaniza kwija habwekulembezi. Alimu kuseera kwekulembera abantu bensi. Takugya kuba na hakulekera. Obutiini obwamaani nilyo ibara lye. Aija kufuga omukutiina okwingi. Kandi busaho nomu omunsi asobora kumutanga. Amaani ge garuga mumunyanzigwa WANGE. Ganu nigo.

 

Mananu gonka agali enyuma yokutiina okwamaani kunu ekirohokwo.

 

Busaho nekimu ekikwisana nkokukiri. Ebintu nibiisana nkebikukenga baitu endora yabyo nebihabiha. Kandi kinu kipulaningirwe omunyanzigwa WANGE. Nayenda kubahungura kubaiha ha muhanda. Tarukwenda murubatire ha muhanda ogufunda, oguterekerire ogukwija hali NYOWE hamu nokuchungurwa KWANGE okwabwangu.

 

Okubiihwabiihwa kukanyire muno hati. Baingi muno babihabihirwe mukuteekereza ngu buli kimu kiri kurungi. Byoona tibiri kurungi baana. Byoona tibiri kurungi. Ensi erimu kweyahukanizamu harubaziiro, neharuuka. Baana mukingule amaiso ganyu. Mwije mukutesagana nekyo ekiri haihi kubaho. Mwije mwimuke murorarole nambere muli. Mutaahe muno mukigambo KYANGE nukwo murole ekirimu kubaho omunsi. Ensi enu erimu kwanga RUHANGA wayo omu nsonda ina zoona. Tinkyasobora kugigumisiriza.

 

Ndimu kwimukya omukono GWANGE ogwobulinzi kuruga hali ensi enu nokugireka okutunga ebyekwenda, ensi etaine RUHANGA Wayo, OMUHANGI Wayo, AYAGIKOZIRE. Ndi RUHANGA owekigendererwa, baitu kakusinga ensi ensaba kugenda harubaju, nikyo ngya kukora--nukwo musobora kusanga ebintu nkokubikwisana mutaine obulinzi BWANGE. Ndi RUHANGA omugumisiriza, baitu okugumisiriza KWANGE kuhoireyo habwabantu banu abakunyanga batyo. Ndimu kwesengereza...boojo mugaruke mu sensi zanyu. Mwije hali NYOWE omu kwehayo. Mumpe obwomezi bwanyu. Ngya kubwikiriza. Ngya kubasweka mumusaayi GWANGE, ogwomuhendo. Ngya kubasemeza omukigambo KYANGE. Esaaha erimu kuhika.

 

Nimwetaaga kwezibwa nukwo musobole kwija NANYOWE haiguru hanu obundayeta omugole WANGE kuhondera enyuma YANGE okuba Kurungi. Mukyasobora Kwija. Mweteekanize, muteekanize bwangu. Esaaha enu terindirire muntu weena. Busaho kintu kyoona ekiratanga okwija KWANGE.

NINYOWE YAHUSHUA, OMUKAMA OWAMAANI.

RUHANGA OWAYEBUNDAIZE.

 

Yohana 15:3 Inywe hati bunu mumazire okusemezebwa, obwekigambo ekimbagambiire.

 

ESUURA 18: OBWIRE BWAHIKA OBWOKUSIRIMUKA KWANGE OKWABWANGU

 

Leka twongere tutandike: Hati nubwo obwire BWANGE obwokubazaho isomo erihyaka.

 

Baana, esaaha nehika eyobwire obwokusirimuka KWANGE okwabwangu. Kinu nikiija bwangu. Baingi, baingi muno tibeteguire, baingi muno balimu kugwa. Baingi muno tibaketeguraga. Haroho empinduka nyingi muno eziri haihi kubaho omunsi. Ninyenda mwije mukwikiraniza na mananu ganu. Baana, esaaha nehika eyokugaruka KWANGE okwabwangu, nindora ngu baingi muno tibeteguire. Baingi nibagira ngu beteguire baitu tibeteguire. Baingi bakyazina nensi. Kinu tikisobora kuba, baana BANGE. Mutekwa kucwa ebibasibire nensi. Ensi eri lyato erikudikira kandi neija kubatwara hansi nayo.

 

Baana BANGE tintwara nkekyomuhendo obwire obumumara mutali NANYOWE nimuhambya ebintu byensi. Nimuseera ebigarukwamu kuraba omunsi. Tikisobora kuba baana. Mulimu kurora aha kunihira okutaine kantu koona... Okweraga okutaine kantu, hamu namananu agataine kantu... Okufwerwa kwanyu kwija kuba kwamaani kakusinga mugumizamu hansi mukihuru kya wakame. Nikitwara mukigwererezi. Habwaki nimulemeraho omukwikiriza ngu ensi ebainiire amananu goona oihireho amananu GANGE? NINYOWE MANANU.

 

1 Yohana 2:15 Mutaligonza ensi nobuhakuba ebintu ebiri omunsi. Omuntu wena owaligonza ensi, buli okugonza kwa ISIITWE tikuli muliwe.

 

Baana, muhuliirize kurungi, obwire bwanyu bulimu kuhwayo. Mwine obwire butaito okwesika hamu. Buli bwire hati obwokuteekaniza. Obumulapulaninga okwija NANYOWE, mutekwa kuteeka amaani aha kwija KWANGE. Omunyanzigwa WANGE alimu kuteekaniza okurubata kwe bwangu muno. Pulani ze ezimu nezimu ziija kuhinduka habwokwija KWANGE. Timukurora, baana BANGE ngu musemerire kuba muzoire amaiso ganyu kandi mwetekanirize emikoro eyeri haihi okubaho.

 

Bwangu, busaho nomu owatagya kukwatwaho habwempindukahinduka ezirukwija omunsi. Oba noija NANYOWE mukuba kurungi rundi noija kusigara enyuma kandi okole nomunyanzigwa WANGE hamu nekiniga ekikwija.

 

Ekiro kinu nikiija, baana BANGE. Nikiija kandi busaho nomu asobora kukitanga.

 

Nimwetaaga okwetekaniza inywenka nkesaaha nkokwesembiire. Neija bwangu muno. Mwije mumanye. Tihaliyo muhanda gundi gwoona. Kakusinga mutatunge obwire obwo kumanya, timusobora kugenda NANYOWE mu kuba kurungi.

Muteekwa kuhayo ebyanyu byoona hali NYOWE. Mbalinzire baana, BANGE. Nooha araija hali NYOWE omukwehayo okwijwire? Nooha araija okuumanya, mananukwo okumanya? Kinu nikyo ndukwetaaga. Nkabakolera omuhanda. Nteekaniize omuhanda. Nsasuire omuhendo gukooto ogwo kuruga kwanyu munkomo kuba mubugabe nukwo musobole kunyegaitaho obundaizira omugole WANGE. Ayetekaniize kandi nimwizira.

 

Omuhendo ogunasasuire gwali gukooto. Busaho ondi weena ayakukozire ekinakozire. NYOWE nyenka nakumaliirize ekyo ekinakozire. NYOWE NYENKA nakusasuire omuhendo omukooto muno nkoogu --RUHANGA owanyakwija harulengo orwokuseebwa habwa abaantu. Omuhendo gunu tigusobora kubarwa. Busaho muhendo ogusobora kutekwa hakikorwa nkakinu. Busaho muhendo ogwakusoboire kuhikya omuhendo ogwasasuirwe.

 

Isaya 52:14 Nka baingi okubakuhunirireho (amaisoge gakasisikara, okukira, abantu boona, nokusisana kwe okukira abaana ba Bantu).

 

Baana BANGE, mutaligeza kwanga ekisembo kinu. Mwine ninkibaherereza busa. Boojo mubalemu amagezi okuhayo kunu. Kibalinzire kukitwara mube bobugabe, okugenda NANYOWE obundasika abaana BANGE kwija mubugabe. Kwikara kwanyu---mutekwa kwija mukehayo. Kinu nikyo ekinkubasaba. Kakusinga mutefwora BANGE, mukyali bomunyanzigwa WANGE. Muli BANGE, rundi b'omunyanzigwa WANGE? Mukomemu kuba BANGE. Ndinzire ekigarukwamu kyanyu.

 

Onu nuwe MUKAMA WANYU KANDI MUJUNI, YAHUSHUA, MASIIA OWAAMANI.

 

 

ESUURA 19: MUKOLE ENTEKANIZA

 

Leka tutandike. (Okwakabiri 19, 2012)

 

Baana, nyine ebigambo biingi. Esaaha nehika eyokugaruka KWANGE. Nimwetaaga kukora enteekaniza. Ninyenda kugenda nainywe obundaizira omugole WANGE Owasemiire, baitu obworaaba oteteguire, tinsobora kukutwara. Muteekwa kwetekaniza inywe inywenka. Munyoleke ngu mweteekanize.

 

Nimbeetaga mube muntunuulire. Ninyetaaga amaiso gaanyu goona gabe gali hali NYOWE. Obumuraaba mutatunuliire, timusobora kuba abeetekaniize. Abo bonka abatunuuliire nubo baraba betekaniize.

 

Abaheburaniya 9:28 Nukwo Kristo obuyamazire okuhebwayo omurundi gumu okwetweka ebibi bya baingi, aliboneka omurundi ogwakabiri, hataloho ekibi hali abo abamutegereza naleta okujunwa.

 

Abamu bagamba ngu tibasemeriire kutunurra kuba abetekaniize. Kinu kiri kisuba guruga hali omunyanzigwa. Mugezi muno kandi aijwire ebisuba. Nayenda kwebembera abaana BANGE boona kubahabya nokubaiha hamuhanda ogufunda. Mutekwa kwikara mweteekanize buli kaire koona. Muteekwa kuba mutunuliire kandi mweteekaniize habwokuba timumanyire, esaaha eyinkwiziramu.

 

Ngya kwija nkomusuma ekiro. Ekigambo KYANGE tikigamba kinu? Ekigambo KYANGE nikyetegerezibwa hali kinu. Baingi nibagya kuhunirizibwa, batetekaniize, kandi bagwibwemu batamanyire habwokuba bakalemwa kutunuurra nokwetekaniza. Mutaba hali ekikosi ekyabantu banu abakwanga kuhuliiriza okurabura KWANGE okwokutunuura hamu nokusigara mwetekaniize. Ekikosi kyabantu banu nikigya kubiihizibwa hamu nokuhwerekerezibwa okukizoora ngu basigirwe enyuma okutunga ebibonerezo ebikusinga obubi hamu nemihito yensi.

 

Muleke kusereka ebitekerezo byanyu hamu nobutagarukamu hali okurabura KWANGE okwingi. Mube abeetekanize, mwije mwomiire, mwimuke muturo!

2 Timoseo 4:8 Ekisigaireho ekondo yokuhiki'ra eyahuliirwe nyowe, MUKAMA waitu, eyalimpeera hakiro eki, omucwi wemisango, yobulyo; kunu tali NYOWE nyenka baitu na boona abagondeze okuboneka kwe.

 

Baana BANGE, nimwikiriza nemirimo yanyu eyobuhereza kubemerera omumuhanda ogw'okwetekaniriza omukoro gunu ogwomugaso muno. Amakanisa maingi hamu na bebembezi BANGE abaingi muno balisigwa. Mutakwatirwa omumutego gunu.

 

Mube bulindaara, mube abeteekaniize,mumanye ngu haroho ekyamaani ekikwija. Kutaikiriza enju zanyu kucwibwa kutaahwamu. Oteemera harubaju okaleka enju yawe kucwibwa; netaahwamu. Kalisoliso owatetekaniize agwibwamu atamanyire, omusuma obwaija atanihirwe kwija—mwerinde, mutekanize. Nkokumutamanyire esaaha eyinkwiziramu kuihamu ekanisa YANGE.

 

Matayo 24:42-44 Nukwo murolege,baitu timumanyire ekiro okukiri MUKAMA wanyu, ekyaliiziramu. Baitu kinu mukimanye ngu kuba nyineka yamanyire ekisisimuka okukiri omusuma ekyaraiziramu, akukozire takusigire enju ye okulimwa. Nukwo nainywe mwetekanize baitu omukasumi akamutatekerezaho omwana womuntu aliiziramu.

 

Kasta obundaija kandi nkatwara ekanisa YANGE, omugole WANGE, tinyija kwongera kugaruka mulingo ogu. Orwigi rwija kukingwa kandi busaho muntu aija kuba nasobora kurukingura.

 

Luka 13:24-25 Mwekambe kutaaha omu irembo erifunzire: baitu nimbagambira nti: baingi abalise'ra okutahamu, tibalisobora. Mukama wenju obwalikamara okuimuka nokukingaho oruigi, nainywe nimubanza okweme'ra aheru, nokweranga ha ruigi nimugamba ngu mukama waitu otukingur'eho; nauwe aligarukamu nabagambira ati Timbamanyire, nambere murugire.

 

Okwija KWANGE kuliyo kwo kandi kwa bwangu. Tingya kukerereza omukoro gunu habwo muntu weena rundi ekintu kyoona. Nigwija mali nigwija. Nyenkya esobora kukerererwa muno, oku nukwo okwija KWANGE kuli haihi kuti. Mutakerererwa omu kukora encwamu zaanyu, hamu nokukora enteekaniza ezokwija KWANGE okwabwangu. Liinda muno kandi tondoleho. Hati bunu tibuli bwire obwokusiisa hamu no kuzubazuba omubintu byensi.

 

Baana BANGE, mutakerererwa omukukora encwamu zanyu hali NYOWE. Tinyija kulinda ebiro n'ebiro aha kanisa YANGE eyenyakuli koya koya okwimuka.

 

Boojo ebigambo binu mubitwale bikuru muno. Tinkugenda kwikara ndindirire ebiro n'ebiro aha kanisa eyenyakwanga kumbumbatiira n'okunseera. Kinu tikisobora kuba. Pulaani ZANGE ziija kurabamu, kandi ngya kutwara abetekaniize BANGE.

 

Abo abakunseera nibafwayo kandi nibanihira. Abo nibo nkwija kutwara-- abandi boona baija kusigara. Muranganyira ebigambo binu obubiraaba nibiisana ebikazire, baitu okurabura KWANGE kwona kubaire nikwetegerezebwa kandi nikwisanaisana.

 

Habwaki abantu nibagira ngu tinkugya kuhondera ebigambo BYANGE hamu n'okurabura KWANGE okwingi muno? NYOWE RUHANGA, tinyikaire ninyisanaisana mubinkukora ebiro n'ebiro? Timpinduka.

Abaheburaniya 13:8 YESU KRISTO naisana okumu ijo, na hati nebiro byoona.

Mube abeetekanize, engeri ndi haihi kutwara omugonzebwa WANGE. Nyetekaniize kumutabarra. Obworaha noyenda kuba omu haluwe, buli oyetekanize wenka. Esaaha niyo enu hati eyokwetekaniza. Obwire nibuhwayo.

 

Tunurra kandi oyetekanize.

 

Binu bigambo BYANGE. Ndi wamananu aha bigambo BYANGE.

 

MUKAMA WANYU, YAHUSHUA.

 

ESUURA 20: OBWIRE BWANYU HAIHI BUHOIREYO

 

Leka tutandike: (Okwakabiri 20, 2012)

 

Nyetekaniize kubaha ebigambo. Baana BANGE, NI RUHANGA wanyu, kandi ndi hanu kubahereza hokugenda ahahyaka. Ensi erimu kusegesibwa bwangu. Obwire bulimu kwija obwensi kutunga ekiniga KYANGE ekyabwangu. Esaaha enu neija bwangu muno, baana, hambiro zenyini. Haroho obwire butaito obusigaire aha saaha. Emihito yensi erimu kutahamu. Bwangu, boona baija kuba bakimanyire, bwangu muno.

 

Okusukururwa 14:10 Nawe alinywa empotole y'ekiniga kya RUHANGA, enya kwiturwirwe omu kikopo kye. Alibonabonesibwa omurro n'obuganga oburukwokya, bamalaika abahikirire n'omwana gw'Entaama baroleriire.

 

Baana nimwetaaga kwikarra mukahuliiriza kurungi. Mutayanga okurabura kwingi kunu okukuru. Mutunuure kwerinzire muno omukukora entekaniza. Okwija KWANGE kuli haihi. Haroho obwire butaito obwokusiisa. Mutekwa kwimuka. Tinsobora kubalindiirra ebiro byoona, baana, tinsobora. Nteekwa kutwara omugole WANGE ngende.

 

 

 

Ayetekaniize. Ayeteekaniize wenka. Ninyenda nainywe mwetekanize baana BANGE. Mwije hali NYOWE omukwehayo okwebundaize. Enu niyo esaaha YANGE eyokuhika KWANGE okwabwangu.

Mutalinda ebiro n'ebiro. Timwine ebiro byoona. Obwire bwanyu haihi buhoireyo. Nimanya kinu nikibaizira nkekikukanga rundi ekigumire kwikiriza, baitu amananu gali obwire busembiire hakumaliira ntakaihiremu omugole WANGE. Ayeteekaniize.

 

Nyeteekaniize kandi n'ensi ehindwire omugongo gwayo gwoona hali NYOWE. Bwangu muno omugole WANGE, owalindiriire aija kuba atakyalindirire kandi tinkugya kumwikiriza kusigara enyuma kurora ebyo ebikwija hali abo boona abali omunsi abanyakunyehindukirire. Ayetekanize wenka kandi esaaha erimu kuhika eyokutwarwa kwe omukwahurwa kwe okurungi.

 

Okusukururwa 19:7 Katusemererwe, tukyanganuke kandi tumukugize, habwokuba obugenyi bw'obugole obw'omwana gw'Entaama buhikire, kandi omugole we ayetekaniize.

 

Gunu guliba omukoro ogukuru muno ogutakarorwahoga omubyafwayo byabaantu.

 

Baana mukole enteekaniza okugenda NANYOWE. Munyegaiteho omumwanya. Ninyenda okugenda nainywe. Ngya kubalinda kurungi hali ekyo ekikwija. Bwangu bwangu muno, byoona nibihika. Mutabihwabihwa n'ebyo ebikwisana nkebirungi kandi nkebihikire.

Baingi muno baija kukwatirira ensi, nkandiisi ebainiire ebigarukwamu byoona.

 

Eine okutiina okwamaani hamu nokuganya kwonka bwangu muno.

 

Mutatuntuzibwa okurabura kunu. Mukukwatirire nka mananu. Muhindukire ekitabu KYANGE. Musome empapura zaakyo. Leka amananu gabeyanjurure, amananu GANGE. Munseere, museere OMWOYO WANGE. Leka OMWOYO WANGE abooleke amananu.

 

Mumwikirize okwija omubwomezi bwanyu kandi abahereze okwetegereza okuhyaka okwekigambo KYANGE. Abantu tibasobora kubooleka amananu, OMWOYO WANGE wenka.

 

1 Abakolinso 2:11-14 Baitu muntuki amanyire ebyo muntu, rundi OMWOYO gwo muntu oguli omuluwe? Nukwo busaho amanyire ebya RUHANGA rundi OMWOYO WA RUHANGA. Baitu itwe tutahabwe OMWOYO ogwensi, rundi OMWOYO oguruga hali RUHANGA: nukwo tumanye ebi RUHANGA ebyatuhera busa. Kandi nibyo tugamba hatali omu bigambo amagezi gabantu ebigegesa, baitu omwebi OMWOYO ebya yegesa: obutuinganainganiza ebyo mwoyo nebyomwoyo. Baitu omuntu owokuzarwa kwonka taikiriza Ebyomwoyo ogwa RUHANGA: baitu biba byo butami haluwe, kandi tasobora okubimanya, baitu nibyetegerezibwa obwomwoyo.

 

Baana esaaha enu erimu kutahamu. Leka nkole aha mitiima yanyu. Leka mbogye omumusaahi GWANGE ogukujuna. Leka nsweke ebibi byanyu nomusaahi GWANGE ogutaine kamogo ogunasasuire omubwijwire ahamusaraba, omusaraba ogukuswaza, nambere najwerire nahika nokufwa habwekibi kyanyu. Kinu nkakibakorra baana BANGE. Inywena-nkajwera boona, boona abakutungire ekisembo kinu.

 

Abafilipi 2:8 Kandi obuyazokere okusisana nomuntu yayebundaza wenka, naculera okuhikya ha kufa, nukwo kufa kwa ha muti. Ego zikaba ngonzi ZANGE hamu nokugonza KWANGE okujuna abantu kuruga munsobi zaabu hansi yemikyeno eyensi enu.

 

Hati ekisembo kinu kyanyu kakusinga mukomamu kukitwara kandi mukatunga okuganyira okwijwire okwebibi byanyu. Mutekwa kyonka kukyetaaga. Mutekwa kwija hali NYOWE omukwehayo okwijwire. Ninyenda kubarora nimurubata nimuruga omubibasibire nensi hamu nokugonza ensi. Tinsobora okuba nainywe omubukama BWANGE kakusinga muraaba mukyali omukugonza nensi. Nahabweki mwine encwamu eyokukora.

 

Emihanda YANGE rundi nimukomamu kugenda omumuhanda gwanyu nomunyanzigwa WANGE? Tiharoho hagati na hagati---oli kunu oba kuli. Okugonza okwawe oba okugonza okwange habwomezi bwawe. Enu niyo encwamu mutekwa kukora. Kakusinga mwija omukugonza KWANGE okurungi, mutekwa kwija hali NYOWE omukwehayo okwokwebundaza--kandi nomukwegarukamu okwomunziha okwekibi kyanyu.

 

Ngya kukusweka mumusaahi GWANGE kandi ntwale ekibi kyawe ekyenyuma. Ebihandiiko byoona biija kuhwerekerezebwa kandi nobwomezi bwawe buja kuba nkobuhyaka.

 

Abaheburaniya 13:12 Kandi YESU nauwe obwokweza abantu nesagama ye wenka, nikyo yabonaboniire aheru yomusongo'ra. Kinu nikyo kibalindirire kakusinga mwija hali NYOWE omukwehayo okwokwebundaza hamu nokwegarukamu okwekibi ekyenyuma.

 

Enu niyo esaaha eyencwamu enu. Mutalinda. Esaaha enu erimu kwija eyokugaruka KWANGE. Busaho muntu wena asobora kugitanga. Nimwetaaga kuba mwetekanize. Mwefwole abetekaniize. Ndinzire ekigarukwamu kyanyu.

 

Onu nuwe RUHANGA WANYU OWAKUGONZA.

AGUMISIRIZE, YAHUSHUA.

 

ESUURA 21: OIHIREHO KUBA MUKUGONZA KWANGE NIMUNDWANISA

 

Leka tutandike, Muhara WANGE. Baana, ninyenda kubabaliza aha isomo erihyaka.

 

Bwangu muno baana BANGE, ngya kuhika kuihamu ekanisa YANGE. Bataito muno betekaniize, halindirire, batunuliire, bataito muno baija kutwarwa. Kinu kikuru muno, baana BANGE, kikuru muno. Bataito muno abaana BANGE abanyakuhuliirize mananukwo, bataito muno era abakufwayo. Baingi tibarukusoma ekitambu KYANGE oba kukora ebigambo BYANGE hamu nokuhondera ebiragiro BYANGE, ebimbaterireho.

 

Baingi muno nibakora nkokubarukugonza bataine kufwayo kwoona hali ekyo ekinkutekereza. Bali muno aheeru yokugonza KWANGE kandi nibakora encwamu zokugonza kwabu batali NANYOWE. Obwotarubatira omukugonza KWANGE, oba nondwanisa. Kinu kyokubiihiza baana, kurora ngu baingi tibakwikiriza ekigambo KYANGE kunu bakomamu okuhondera ensi. Baana, ensi eri munyanzigwa WANGE. Timusobora kuba NANYOWE hamu nensi hamurundi gumu.

 

 

Yakobo 4:4 Inywe abakazi abasihani, timumayire ngu okuganjana Okwensi nubwo bunyanzigwa na RUHANGA? Nubwo omuntu wena anyakugonza okuba enganjani yensi buli ayefoire omunyazigwa wa RUHANGA.

 

Nikimanyisaki kinu okuba wensi? Nikimanyisa kuhindukira ensi kutunga ebigarukwamu byawe byoona. Kuhondera ensi habwokutunga obulinzi bwawe obwomumaiso, notekereza ngu ekwiniire ebigarukwamu byawe byoona. Bunu buli bulinzi obwebisuba-kutunulira abantu kutunga ebigarukwamu--Abantu abatamanyire mananukwo aha byomumaiso. NYOWE NYENKA RUHANGA manyire ekiri mubwire bwomumaiso.

 

Ensi eseera abantu hamu n'emizimu kutunga ebigarukwamu. Enkora yensi niyo enkora y'omunyanzigwa WANGE. Nayenda kwikaza abaana BANGE basikirizibwe ebintu byabuli mulingo nukwo batalinseera kutunga ebigarukwamu, nahabweki tibanseera kumanya omunkoragana. Kinu kyobuzibu muno baana BANGE.

 

Zabuli 20:7 Abandi besiga egaali, nabandi besiga embarasi: Baitu itwe tuligamba ibara lya MUKAMA RUHANGA waitu.

 

Nayenda mwikale hara YANGE nambere asobora kubategera kandi akabahwerekereza. Aija kukolesa emiringo yoona okubabuzabuza kubanyihaho. Aija kukolesa obuhereza bwawe, eka yawe, okuhambya kwawe okwasente hamu nobuguuda, ebyokwesemeza, hamu na buli kikusikiriza kyoona ekyosobora kutekereza.

 

Gunu guli mulingo gwe ogwokuiha amaiso ganyu hali NYOWE nokugaikaza gali habindi byoona. Zinu ziri pulani ze kubahwerekereza kandi asinguire abantu abakukira. Bataito muno abakomerwemu mubaingi mananukwo abakumpondera haihi NANYOWE, bakunseera, kandi abaija hali NYOWE. Enu niyo ekanisa YANGE enyakuhikire. Banu nibo abeegesibwa BANGE, abahikire abateka obwomezi bwabo habigere kumpondera.

 

Habwaki mulemeraho omukuhondera ensi, kunu NINYOWE NYENKA EKYEREREZI ekihikire ekirungi? NINYOWE OBWOMEZI OBUTAHWAHO. Mbahereza obwomezi, mbemerezaho. Ninyowe ndinda obwomezi bwanyu. NINYOWE mpereza obwomezi kandi nkabutwara. Busaho ondi.

Yobu 12:10 Omumukonogwe nuho haroho obwomezi obwekintu kyoona ekyomezi, norwoya orwabantu boona.

 

Habwaki mulemeraho mubutampa ekitiinisa hamu no mukuseera abagonzebwa bandi,abagonzebwa abataine kibaine? Nimwerimira inywenka ekiina ekimutaasobole kurugamu. Mwije hali NYOWE. Mwegarukemu kandi muheyo obwomezi bwanyu bwoona hali NYOWE. NYOWE nyenka nyine ebigarukwamu byoona. NYOWE nyenka nsobora kukufwolera ebintu ebihikire. NYOWE nyenka nyine ebisumuruzo ebyo bwire bwawe obwomumaiso.

 

Ija omanye omumulingo ogwenkoragana. Mpondera muno kandi ndakuha ebisumuruzo ebikutwara mu bukama. Ensi enu tekwiniire kintu kyoona, okubonabona kwonka, okuku'ra hamu nokufwa okwabwangu hamu nokuhwerekerra nibiija omunsi enu. Muleke kubamba okunihira kwanyu ahansi eyefwire kandi eyekufwa--eyefwire habwokuba tekyamanyirira NYOWE nka MUKAMA kandi MWEGESA habwa gavumenti yoona omunsi. Abebembezi boona abensi baseera enyikiriza ezindi zoona oihireho NYOWE MUKAMA kandi OMUHANGI owaikirizibwe. Kinu kijumo kandi tinkugya kukikwata mpora. Ensi terukutukumira mumaiso GANGE, nahabweki ntekwa kwongera kubegesa bwangu ekyo ekindi. Nintwara abaikiriza BANGE abahikire abataito mubaingi omu kuba kurungi nukwo ensi eija kukizoora ngu ndi RUHANGA owa kwemerezaho kandi hatali owakunugibwa.

 

Bwangu hati ninyija kwimukya omukono GWANGE ogwobulinzi kandi omunyanzigwa WANGE aija kuba nakolera omumaani maingi omunsi huwe hamu namahe ge agemizimu. Eriba esaaha eyekiriima muno hali abaikazi bensi.

 

Zabuli 111:10 Omu kutiina MUKAMA, amagezi numwo garukubandiza, Bategereza kurungi bona aba nyakukora bati okukugizibwa kwe kuikaraho ebiro byoona.

 

Nsobora kukora nta kurora ngu amananu ganu gabahikireho? Goona gahandiikirwe mukitabu KYANGE, baitu bataito muno abarukwenda kumanya amananu. Nibairuka kunu na kuli omunsi yoona nibaseera amagezi hamu nokumanya, baitu batakwija ha mananu.

 

Danieri 12:4 Baitu iwe Danieri osweke ebigambo obohe ekitabu nemanyikirizo, okuhikya akasumi akaha mpero; baingi abalirukaituka hoona nokumanya kulyeyongera.

 

Eri saaha eyokuganya ha bantu. Abantu abakuhambya ensi baitu batakwegomba kutunga amagezi go MUHANGI wabo. Bunu buli bwire obwokuganya hali abantu. Hamu nebikurugiiramu ebyo kunuga NYOWE, RUHANGA nibyanguha kwetegerezebwa; ekibi ekikanyire—emisango, oburwaire, okufa ebigwererezi ebye sente, entaro, hamu nengambo zentaro. Bunu nubwo obuzibu obwa bantu bakweretera obubarubata kuruga hali RUHANGA wabo bakaseera ensi. Baana mugaruke hali NYOWE. Obwire tibukakererirwe. Ngya kubegarura. Mbalinzire. Mwirukire omumikono YANGE. Mwije mumpondere. Nitukyasobora kuba hamu mubwomezi obutahwaho. Nsobora kubafwora BANGE. Musobora kwija mubukama BWANGE kandi mukanyumirwa obwomezi obutahwaho NANYOWE oku.

 

Ego baana BANGE, musobora kunseera, NYOWE AYABAKOZIRE, rundi ensi oihireho NYOWE. Enu eri ncwamu yanyu kukora. Ninyija bwangu kutwara abo abanya kukomamu NYOWE nkengonzi zabu zonka mukiikaro kyensi. Mukole encwamu zanyu hagati yanyowe hamu n'ensi, habwokuba nteekwa kwija bwangu kucungura abange, abo abacwamu butahondera ensi bakahondera NYOWE, RUHANGA wabo. Murakoraki? Ndinzire mubugumisiriza baitu hatali muno. Bwangu tinyija kuba nencwamu oihireho kwihamu omugole WANGE kumutwara mu kuba kurungi.

 

 

Onu nuwe MUKAMA WANYU hamu n'OMWEGESA, OMUHANGI WENSI YAHUSHUA.

 

 

ESUURA 22: EKIBI NIKIIJA KUHWEREKEREZA ENSI

 

Leka twongere tutandike. Baana onu nuwe ISIINYWE akubaza. Nyine ebigambo biingi ebyokuha kiro kinu.

 

Haija kubaho ekiyaga ekyamaani muno ekikwija omunsi enu-nibakyeta "ekibi". Nikiija kuhwerekereza ensi hamu naabo abaikazi bensi. Nikiija mazire okwihamu omugole WANGE kumutwara omu kuba kurungi. Naija kubanza aihwemu. Takwija kuroraho ebikutiinisa ebikwija. Ekibonerezo ekikwija omunsi kiija kuvuga abantu kibatwale mu kuba abararu.

 

Ebiikutiinisa ebitagambwa biija kubaizira. Eija kuba saaha eyokutiina okwamaani. Abantu baija kuba mu kuhwerekerra hamu n'okukankana. Busaho nomu arayesigibwa; kiki esaaha eyokutiinisa erindiriire. Omuhakaniza wa Kristo alikoraali embeera.

 

Alihwezekera kimu kandi namaani ge galiba ga gavumenti eyensi yoona. Busaho nomu alisobora kumulemesa. Abebembezi ababi muno abenyuma nabasingaho omukulengesanizamu na maani ge, gavumenti ye, hamu nokwegomba omusaahi.

 

Talinganainganwa omu butiini obwamaani muno obwalireeta omunsi. Busaho nomu alisobora kwesereka. Tihalibaho kuhumuraho, busaho kutoroka, okufuga kwe okuzibu.

 

Halibaho akahanda kamu konka akokutoroka omubwire obwokufuga kwe; okufwa kwonka. Bunu buliba bwire obwekiirima muno obwebyafwayo byabantu.

Okusukururwa 18:4-5 Nubwo nahuliire iraka erindi erirukuruga omwiguru nirigamba liti: Inywe Bantu BANGE, muturuke muruge omu rubuga oru, timwikara kwetaba omu bibi byarwo, mukabagana ha mihito yarwo. Ebibi byarwo bituumire kuhika ha iguru, kandi Ruhanga aijukire obubi bwarwo.

 

Baana, mwimuke mutunge amananu. Musome ekitabu KYANGE. Musome okusobora kwebyo ebikuja kwija. Mutagwibwamu mutamanyire. Mweretere okuhumurwaho-mwije omungaro ZANGE ezirindirire. Nyemeriire nyetekaniize kubajuna. Nyetekaniize kubatangiira, kubaha omugisa, n'okubaleeta omubukama BWANGE oburungi obukuhuniiriza, nambere hali engonzi ezebiro byoona, hamu no kusemera.

 

Ngya kukuleeta aha bugenyi bwange nambere turateranira kandi tukabagana hamu engonzi zaitu ebiro n'ebiro. Timukwetagisibwa kutiina ebyomumaiso. Timukwetagisibwa kweraliikira hali kiki ekya nyenkya eine. Nimwetaaga kwehayo hali NYOWE kyonka.

 

Mukole okwehayo okwijwire hali NYOWE. Mumpe ebyanyu byoona; obwomezi bwanyu, Omwoyo, omutima hamu na pulani zanyu ezomumaiso. Munfwole kimu MUKAMA kandi MWEGESA. Ninyija kubalinda mbebembere omukuba kurungi.

 

Bataito muno abakwija, bataito muno abakwenda kuba bamu aha kutorokya KWANGE okwamaani, obundatwara abaana BANGE omukuba kurungi hamu nokubahimba kubatwara omu Iguru. Mwija kutunga omubiri oguhyaka ogwekitiinisa. Guija kuba omubiri ogwijwire ekyererezi, ekyererezi KYANGE ekyomu iguru. Guija kuba gusemiire gwebiro n'ebiro, gutahinduka, gwekitiinisa.

 

Baana BANGE omugole WANGE aija kuba asemiire, nagonzebwa kumuroraho. Ego okuhindurwa okwekanisa YANGE kunu kuli haihi kubaho. Talyongera kuisana nkokwali hati. Aija kuba murungi muno ekihinguraine. Empinduka enu eija kubaho nkomukukoimya kweriiso. Omukasumi kamu, ekanisa YANGE eija kuhindurwa, eyeteekanirize omugole wayo omusaija, etekanizibwe ha bwokubaho KWANGE omu burungi obwingi hamu noburukwera; enzooka eyesemiire muno ekihinguraine.

 

1 Abakorinso 15:51-54 Dora nimbatebeza ekyensita; tituligwijagira itwena, baitu itwena tulihindurwa, omu kasumi kake okuzibiriza ekikoohi, hangwara ya hampero, baitu engwara erigamba, kandi abafu balihumburwa okutajunda naitwe tulihindurwa. Baitu okujunda kunu kulijwara okutajunda nebyokufa binu birijwara okutafa. Baitu okujunda kunu obukulikajwara okutajunda, nebyokufa binu obubirijwara okutafa nukwo kirihikirra ekigambo ekyahandiikirwe ngu okufa kumizirwe okusingura.

 

Aija kufworwa asemiire omungoyeze zoona. Manyire omugole WANGE, manyire ngu atunuliire hali NYOWE kandi nanseera. Okwikiriza kwe tikuhwa maani kandi tikuhinduka. Nuwe nafweriire. Nuwe atunga ekisembo KYANGE ekisembo KYANGE ekyabusa ekyabantu ekyokujunwa.

 

Bataito muno mananukwo nibenda ekisembo kinu kandi bakiseera. Kinu nikimbiihiza baana. Nkajwa kandi nafwa okufwa okuzibu muno okujuna abantu boona. Bataito muno abakwenda okujujwa kunu. Bataito muno abatwara okujunwa kunu kandi behayo mubwijwire hali NYOWE.

 

Mwije baana BANGE, mutaba muli abo abarasigara kandi ababuzire. Mugaruke mu sensi zanyu. Munseere nemikono yanyu yoona eyanjurwire. Mwirukire omu mikono YANGE enyakulindirire. Esaaha enu nekaba bwangu. Muli haihi kurora entandikwa yomulembe ogwekibi hamu no kubona bona okukuru. Mwimuke Bwangu. Mwijuze etaara zanyu. Obuziraaba zitaijwire, timusobora kwija.

Matayo 25:4 Baitu abamagezi bakatwara amagita omu nsale zabu hamu netabaza zabu.

 

Ija otunge OMWOYO ARUKWERA WANGE omubwijwire bwe bwona. Aija kukuleeta omu nkoragana eyeijwire NANYOWE. Nukwo ngya kukwogya omumusaahi GWANGE. Kandi nkusemezeho ebitonyezi aha rugoye rwawe kandi nkutekanirize obukama BWANGE. Kinu kiri kiti nukwo osobole kuba otaine kwefunya hamu nekitonyezi kyoona. Omugole WANGE anyakusemiire.

Abefeso 5:25-27, Abasaija mugonzege abakazi banyu, nka Kristo nauwe okuyagondeze ekanisa kandi yayehayo wenka habwayo, nukwo agyeze obuyamazire, okugisemeza nagyogesa amaizi omu kigambo nukwo agyeretere wenka ekanisa eyekitinisa etanyina kamogo, nobugwakuba omugonya, nobukyakuba ekintu kyoona ekirukusisana kiti, baitu ikalege erukwera etaroho musango.

 

Ninyenda kubaleeta omukicweka kinu, ekiikaro kinu ekyobugabe hamu nobwomezi obutahwaho. Mwije bwija hali NYOWE omu kwehayo okwijwire kandi ndatandika okubatekaniza. Obwire nibuhwayo. Mukole encwamu zanyu. Nimusigara enyuma rundi nimwija omu bugabe nokuba kurungi? Hati baana, mucwemu. Ninyenda mwetekanize, mwetekanize kwo mali.

 

Engonzi ZANGE zibalindiirire, OMUKAMA WANYU, YAHUSHUA 

 

ESUURA 23: ESAAHA ERIHAIHI KUHIKA MUKAAGA OGWEITUMBI

 

Leka twongere tutandike. Baana, onu ni MUKAMA wanyu akubaza. Nyine ebigambo biingi ebyokubagana.

 

Esaaha ekererirwe baana BANGE. Neiruka muno ekererirwe. Esaaha erimu kuhwayo. Eri haihi kuhika mukaaga ogweitumbi. Edakiika ibiri ezisigaireyo aha saaha. Kinu nikimanyisa mwine obwire butaito obusigaire kutekaniza, nimanyisa kutekaniza malikwo emitima yanyu, okwefwora abeetekanize. Eri esaaha eyokwija KWANGE okukusembera hansi, okwija KWANGE okusika omugole WANGE kumuiha omu gavumenti embi hamu nekiniga ekikwija. Takugenda kukwatirwa omu buzibu obubi muno obukwija. Ningya kumusumurra kumwiha omusaaha eye kiriima eyeri mumaiso.

 

Takwija kukwatwaho hali ekyo ekikwija. Omugole WANGE aseemiire kandi anyetekanirize, omukamawe hamu no mugole we omusaija.

 

Amaiso GANGE gali ge wenka. Oburungi bwe nibumpuniriza. Nantwara noburungi bwe obwekyererezi. Nuwe abantu abeetekaniize--abeetekanize kutunga omugole wabu omusaija.

 

 

Ekizina kya sulaimani 4:9 Onsemize omutima GWANGE munyanya nyowe, mugole Wange. Onsemize omutima Gwange neriso lyawe. Nomukufu ogumu ogwomu bikya byawe.

 

Bateekaniize, bayeteekaniza. Bogibwe omumusaahi GWANGE. Basemezibwe omukigambo KYANGE.

 

Bandindirire nokunihira. Nibanseera buli kiro. Bali hali NYOWE NYENKA. Tubagana enkoragana hamu. Tumanyire ngana. Abantu BANGE batekere obwomezi bwabo hansi habigere BYANGE kandi barubasire baruga hali ebyokwegomba kwabu okwensi. Betundiire kimu hali NYOWE nyenka. Baseera amaiso GANGE hamu neiraka lyange. Bamanyire iraka Lyange. Mbaza kandi bahondera. Banyirukira nibanyizira.

 

Yohana 15:19 Kakuba muli bensi, ensi yakugondeze abayo; baitu inywe obwokutaba bensi, rundi NYOWE nkabakoma omunsi, ensi nikyo ebanobera.

 

Barungi muno omumaiso GANGE. Mbebembera kandi bahondera. Obwomezi bwabo bwolekya ekyererezi KYANGE hali Ensi. Nubo ekisisani KYANGE hali ensi, ababuzire, ensi ekuhwerekerra. Bwangu, ekyererezi kinu ekisemiire kiija kwihwamu omunsi kandi ekintu kyonka ekirasigara kija kuba ekiirima. Ebiituru biija kwija bigumizemu.

 

Ekiirima kiija kuba omunsi-ensonda ina zoona. Kiriba ekiro ekyekiirima mali. Tiwandyetaagire kuba hanu omusaaha egyo. Osobora okumpondera omukwehayo okwijwire. Ningya kukweretera, nkulinde, nkwebembere mukuba kurungi, obundaizira ekanisa YANGE ekunuliira. Ayeteekaniize kandi Ngya kumulinda aha saaha eyekiirima eyekwija.

 

Baana, buli bwire Haihi obwokuhika KWANGE. Haroho obwire butaito muno obusigaire. Mutekwa kutekaniza. Hakyaroho obwire butaito obusigaire. Mutasiisa akasumi kanu nimuhambya ebintu byensi ebitaine mugaso. Mwehereze obwire obwokukora entekaniza.

 

Nseera nomutima gwawe gwoona. Wegarukemu ebibi byawe byoona. Ninyenda kuhuurra okwegarukamu okuhikire okwomutima gwawe ogwijwire ekibi.

 

Omutima gwomuntu gumubiihabiiha. NYOWE nyenka nsobora kurora enkora yomunda eyomutima gwomuntu. Ninsobora kurora munda omubisiika byomutima ebibi byoona ebyeserekeremu, ebiserekerwe bitakurorwa.

 

Yeremiya 17:9 Omutima gw'obugobya okukira ebintu byoona, gurwaire endwara etarukutambwa; noha asobora okugumanya?

 

Leka nsemeze omutima gwawe. Ngwogye gwere. Leka nyereze kimu omwoyo gwawe. Leka nkuteekanize okwemerra mumaiso GANGE. NYOWE nyenka nsobora kukora kinu, baana BANGE. NYOWE nyenka ninsobora.

 

NYOWE nyenka nyina amaani agokukuleeta omukumalirizibwa kuraba omumusaahi GWANGE--ogwakuguzire nigukuiha munkomo habwebibi byawe. Kinu ningonza kukikuha, kukweza hamu nokukwogya nkakufwora arukwera.

 

Engeso zabakwenda 22:16 Nukwo hati bunu noika'ra ki? Imuka obatizibwe, oyogeho ebibi byawe, nokunga ibara lye.

 

Baana, baana BANGE, mbalinzire kwija kwija hali NYOWE omukwegarukamu okwebundaize, okwegarukamu okwomumutima. Murubate nimwija omu kyererezi KYANGE; mutunge okujunwa KWANGE, okujunwa kwange okuguzirwe omusaahi GWANGE.

 

Leka mbasemeze mbateekanize. NYOWE nyenka nsobora kinu kukibakorra. Muteeke hansi obwomeezi bwanyu habigere byange. Leka mbe nabwo mubwijwire. Mutatuntura.

 

Ensi erimu kukaba. Tebainiire bigarukwamu, busaho mananu. Tekwemerezaho. NYOWE nyenka NINYOWE MWANDARA. NYOWE nyenka nsobora kwesigibwa nobwomezi bwawe. Mumpe obwomezi bwanyu omu bwijwire.

 

Mubuheyo bwoona hali NYOWE, mutakumanya kinu ekirukumanyisa. Mubumpereze bwoona kandi ngya kububaihaho mbaroleere. Ngya kukufwora ekisembo KYANGE kandi nkwijuze n'engonzi ZANGE, OMWOYO WANGE, hamu nobusinge BWANGE.

 

 

 

Timukwija kutiina ekibi ekikwija habwokuba obusinge BWANGE burabaho okwetegereza kwawe kwoona. Ndeeta obusinge obumutasobora kwetegereza. Buli obusinge obwohebwa RUHANGA obukukirayo. Nibufworwa obuhikirire mumaiso ga RUHANGA, RUHANGA ARUKWERA.

 

Kinu nikikukiira byoona omubwomeezi bwebiro byoona. Ninsobora kubaleeta hali bunu --bunu obusinge obutainganwa. Hati enu niyo esaaha eyokwatura okwikiriza kwanyu omuli NYOWE, okukomamu NYOWE. Kakusinga mutakomamu NYOWE, mukomamu omunyanzigwa WANGE. Haroho enchwamu ibiri zonka--ibiri zonka. Oli WANGE rundi nondwanisa. Busaho ekiikaro ekyakasatu. Mutabiihwabihwa.

 

Kakusinga oguruka orugo, toli WANGE. Ninyenda okwehayo okwijwire. Mwije hali NYOWE omu kwemaliira, nokwegarukamu okwokwebundaaza, kandi ndaihaho ebibi byanyu, mbiteeke hara muno nkoku buruga izooba eri hara ya bugwa izooba. Tindyongera kubiroraho. Ngya kubaleeta omu kumaliirizibwa muli NYOWE.

 

Nitugya kubagana enkoragana kandi oramanya RUHANGA wawe, mananukwo omanye. Ningonza okumanywa kunu hagati yaitu.

 

Zabuli 103:12 Nkoburugaizooba okubuli hara nobugwa izooba, nukwo ataire hara naitwe ebyoousiisa byaitu.

 

 

 

Nahabweki, ija ija omanye. Nsemeriire mananukwo okumanywa; ngya kubaleeta mukiikaro ekyo obusinge hamu nekyokwetegereza. OMWOYO WANGE, aija kubebembera kandi akingule amaiso ganyu hali Amananu, amananu agakujuna obwomezi; Aija kuboleka esaaha eyimukwikaramu. Kwija kwolekwa amananu, nkokumutakaroraga, nukwo mwija kujunwa, kandi mugumibwe ekiikaro omu bukama BWANGE. Kinu nikyo nkwetaaga okubaleetamu. Mwije mumanye RUHANGA wanyu.

 

Leka turubate hamu. Ngya kubebembera mbaturukye. Obwire nibuhwayo. Esaaha niyo enu. Mukomemu NYOWE.

 

NINYOWE MUKAMA wanyu kandi MUJUNI WANYU OWAMAANI MASSIA.

 

OMUKAMA AYEBUNDAIZE. YAHUSHUA. 

 

ESUURA 24: MULEKE KURWANISA NGANA

 

Leka tutandike. Baana BANGE, mbainiire ebigambo ebihyaka.

 

Byoona tibiri nkokubikwisana. Ebintu nibiija ahakumaliira omulingo nkokumubimanyire. Baana BANGE, obwire bulimu kufwoka ekiirima. Byoona nibifwoka kiriima. Obwomezi nkokumukimanyire bulimu kuhindukira kimu. Bwangu tihaija kubaho kuhindukira enyuma, busaho kagisa kokugaaraho ekisisikaire.

 

Kunu kurabura KWANGE. Nimpereza okurabura kwingi kandi bataito muno abakuhuliiriza, bataito muno abategere amatu kuhuliiriza, nobukwakuba kuhurra.

 

Habwaki abaana BANGE batakuhuliiriza? Bakwatiirwe omunsi zaabo--hatali omunsi eyange, hatali mubiteekerezo BYANGE, hatali mukuraburwa KWANGE. Kinu kikuru muno baana BANGE. Tinkuhereza okurabura KWANGE kunu habwa NYOWE kuba kurungi, baitu habwanyu kuba kurungi. Manyire ekiri Haihi Kubaho. Ninyenda nainywe mumanye.

Matayo 6:24 Busaho muntu asobora kukoorra abakama babiri, baitu alinobaho omu, nagonza ondi, rundi aligumira homu, nagaya ondi. Timurukusobora kuko'ra RUHANGA na mamona.

 

Baana tinkwetaaga musigale omukiirima. Ninyenda mwimuke mwije mumananu. Ninyenda mwije mwomiire hali ekyo ekikugenda kubaho. Boojo, mwimuke. Mukage ekibi kiri mu sensi zanyu. Byoona bihindukire byafwoka bibi. Busaho nomu abumbatiire oburukwera. Buli omu ahabire.

Isaya 53:6 Itwe itwena tuhabire nkentaama, tuhabire omuntu weena omumuhanda gwe wenka, MUKAMA amutwekere okutahikiira kwaitu itwena.

 

Omugole WANGE wenka akunuliira nuwe mwesigwa. Nuwe wenka ataire amaiso ge hali NYOWE. Nuwe wenka akunseera, anseera buli hakuhindukira. Onu nuwe mugole WANGE, ekanisa YANGE, ekanisa YANGE eyehikire.

 

Baana, kukunganiza ngana,nimuhwerekereza ngana. Muleke kukungana aha bigambo BYANGE. Enu teri niyo esaaha eyokukwatira ekiniga hali bagenzi banyu aboojo na baisiki. Omunyanzigwa atahiremu kandi yababiihabiiha. Nayenda kubaleeta hansi haidaara lye. Boojo muleke kukunganizibwa obuntu butaine mugaso kandi mugonze ngana.

 

Yohana 13:34 Ekiragiro ekihyaka nimbaha, ngu mugonzanganege; nukwo boona balimanya muli begeswa BANGE, obumurabaga nokugonzangana Inywenka.

 

Mwegarukiremu ngana ebibi byanyu. Muletere ngana emigisa hatali emikyeno. Enu teri niyo esaaha eyokurwana. Muteeke hansi okuhakaniza ngana kandi mwije hali NYOWE.
Ningya kuboleka engeri murasobora kugenda hamu.

 

Abaana BANGE bagwire habwokuba nibarwanisa ngana. Gunu tiguli nugwo omulingo. Gunu tiguli mulingo GWANGE. Mumpindukire baana, kandi mwegarukemu. Nukwo mugendere ngana kandi mukole empinduka zamaani. Muganyirangane.

 

Obwire nibuhwayo. Mutaletereza ensonga zinu hagati yanyu, okubaleeta kubaiha omu kujunwa KWANGE okwebiro byoona. Ninyenda kubacungura baana, BANGE, baitu tinsobora kujuna abaana BANGE, abakurwanagana. Kinu tikisobora kuba. Nimucwaho enkoragana NANYOWE kakuba nimulema kuganyira ngana.

 

Matayo 6:14 Baitu obumuliganyira abantu okusiisa kwabu, Isiinywe ali omu Iguru alibaganyira nainywe.

 

Nahabweki muganyire kandi muganyiriire kimu, mutakwahura ebyo ebyabagenzi Banyu babasisire. Gunu nugwo muhanda GWANGE, baana omuhanda ogwa RUHANGA ARUKWERA. Muteeke enobi zanyu harubaju ezimukwatiriire hali bagenzi banyu kandi mwije hali NYOWE omukwegarukamu.

 

Matayo 6:15 Kandi obumutaganyira bantu ebyokusiisa byabu, na Isiinywe talibaganyira inywe ebyokusiisa byanyu.

 

Ninyenda kubasumurra omu kibi kinu. Busaho kibi kyoona omunsi enu ekikukirra okufwerwa okujunwa kwawe okwebiro byoona. Boojo mwijuke kinu. Baana, engonzi ZANGE zamaani, baitu tinsobora kunuga ekibi. Nahabwekyo mwegarukemu kiro kinu, kandi muganyire ngana. Mwiruke mukukora kinu. Mutaleka kintu kyoona kitakozirwe. Muganyire boona, nukwo NYOWE Isiinywe omu Iguru nsobole kubaganyira. Kinu kyanguhire muno, kunu bataito muno abakwata omugaso gwokuganyira hamu nokutaisura okuhutazibwa okwenyuma.

 

Leka ndoleere obusasi bwanyu obwenyuma. Muteeke okuganya kwanyu aha mabega GANGE kandi Leka mbaletere okukizibwa. NYOWE nyenka nsobora kukora kinu. Ija hali NYOWE kandi leka mpimbe emigugu enu. Ngya kukikora. Ningonza.

 

Leka nyongere nyombeke obwomezi bwawe kandi nkanike obusasi bwawe. Mulete obusasi bwanyu hali NYOWE. Muganyire abo ababasaaliize, kandi mumpindukire mbahumuze obusasi bwanyu. Ningonza kubaleeta omu kumalirizibwa hamu nomukumalirizihwa kwomutima. Binu nibyo ebyokunihiza BYANGE.

 

Musome ekigambo KYANGE. Ndi RUHANGA owokugaaraho. Leka mbagareeho mu kusemererwa nokumalirizibwa. Ninyowe anya kugaraho kandi nkiza busaho ondi.

 

Leka nkwoleke engonzi ZANGE ezihikire. NYOWE nyenka mpereza engonzi ezihikire.

 

 

Yoweri 2:25 Kandi nimbaga'raho emyaka enzige eyizaliire, na kadoima, norukunguru, na bucenkede, ihe ryange erikooto erinatumire nambere muli.

 

Ego esaaha enu kuhika eyokwija KWANGE. Leka nkusemeze kandi nkugarureho obwomezi obuhyaka omuli NYOWE. Leka nkutekanirize okwija KWANGE. Nyetekaniize kandi ningonza. Ninyowe kunihira kwawe, okunihira kwonka.

 

Ija hali NYOWE. Hati nubwo obwire. Mutalinda muno. NYOWE nyenka nsemeriire.

 

Asemeriire OMWANA GWENTAAMA.

 

Mwirukire omumikono YANGE, BWANGU.

ONU NUWE MUKAMA WANYU, YAHUSHUA.

 

ESUURA 25: TINKWIJA KUKUTWARA KAKUSINGA ORABA OINE EKIBI EKITEGARUKIRWEMU

 

Leka tutandike. Nyetekaniize kubaha ebigambo ebindi.

 

Baana, esaaha esembiire eyokugaruka KWANGE. Neija bwangu aha rukaara. Baingi bateekereza ngu tindukwija. Baingi batekereza ngu tindukwija habwemyaka mingi mumaiso.

 

Baana BANGE, ninyija bwangu. Okuhika KWANGE kuli haihi. Kuli na'harwigi. Ngya kugwamu baingi. Baingi baija kuba babyamire, obundaija, bagwijagiire omumwoyo.

1 Abasesalonika 5:6 Nukwo tuleke okugwijagira nka bandi baitu tulorege baitu tuleke okutamiira.

 

Bwangu, obwire bunu bukwija. Abo bonka abakurora nabakulindiira nubo baraba batekaniize.

 

Abo boona abatakuhuliiriza kurungi baija kusigara barole ekikwija. Obwire busembiire haihi muno. Baana mwine kuba mweteekanize. Mutagwibwamu mutetekaniize.

 

 

 

Tinkwenda kuleka muntu weena enyuma. Baitu ekyokubiihiza baingi baija kusigara. Esaaha eyokubiihirwa erimu kwija! Nkwenda mwimuke. Mwije mukwikiraniza nekyo ekinyakuroho. Ndimu kuhika, kandi ndi na harwigi.

 

Bwangu busaho nomu aija kwongera kuhunirizibwa engeri nkebinyakuroho ebiratahamu engeri ekyo ekiraba kibaireho. Ensi eija kumanya ngu empinduka egizireho, empinduka ezamaani. Tikikwija kuba ekiikaro nkokukibaire bwangu muno.

 

Baana BANGE, Mumpuliirize kurungi, tinkwija kubatwara kakusinga muraba mwine ekibi kitegarukirwemu.

 

Tinsobora kugenda nainywe. Tikisobora kuba, baana BANGE. Nahabwekyo, mwije mumaiso GANGE kandi mwegarukemu ekibi kyanyu. Boojo kinu mukitwale nkekyokubanza.

 

Luka 13:5 Nimbagambira nti tikirikyo; baitu obumutegarukamu, nukwo mulihwerekerra muti inywena.

 

Mwije mutereze ebintu NANYOWE. Ninyetaaga kubaleta omu bukama BWANGE. Ninyenda kubacungura hali ekyo ekirimu kwija. Tinsobora kubatwara kakusinga muba mutali BANGE. Kakusinga muraba mutaizire mumaiso GANGE, kandi mutampaire obwomezi bwanyu, timuli BANGE. Kinu kyomugaso muno baana. Nimwetaaga kumpa obwomezi bwanyu. Mubuteeke hansi habigere byange, mutasigayo kintu kyoona.

 

 

Bunu nubwo obwire obwokwija hali NYOWE omukwegarukamu okwokwebundaaza. Muleete okulorerra hamu nokutuntura kwanyu hali NYOWE. Ninyenda obwomezi bwanyu.

 

Ningya kuhingisa obwomezi bwanyu nebyobutasemera bwabyo hamu nemihito yabwo, n'obwomezi obwengonzi, omuhimbo, hamu nokumaliirizibwa. Bwangu bwangu muno, ninyija kandi nimwetaaga kuba abetekaniize.

 

Esaaha enu netaahamu. Leka mbaleete omu kumaliirizibwa KWANGE hamu nokubagarra buhyaka omu kukizibwa. Engonzi zange nizisweka ebibi byanyu byoona.

 

Mwije hali NYOWE, ndinzire nemikono eyanjurwire, emikono eyerukugonza kubakwata hamu nokubagonza.

 

Luka 5:31 YESU yagarukamu nabagambira ati, abomiire tibetaaga omusaho; baitu abarwaire.

 

Mutakerererwa. Enu eri saaha eyomugaso. Tinkugya kukerererwa kwihamu omugole WANGE. Nyetekaniize kumutwara omuka omu nju enungi ezimuteekanirize. Kunu nuho aragenda omukwahurwa okurungi.

 

Nahabweki baana BANGE, mwefwole abeteekanize, nkokwija KWANGE engeri kuli Haihi. Nimbabaliza nka TAATA owakubaroleera. Ninyenda kubajuna, kubacungura kuruga omunsi eyeri haihi kugwa iraru. Leka mboleke orwigi orukutwara omukuba kurungi. Nirukingura bwangu. Baitu nirwongera nirukingwa. Nahabwekyo mwetekanize, nkokunyeteekanize kubatunga.

 

Onu nuwe MUKAMA RUHANGA kuruga omu Iguru, YAHUSHUA. 

 

ESUURA 26: MWIKAZE AMAISO HALI NYOWE

 

Luka 13:24-25 Mwekambe okutaaha omu Irembo erifunzire; baitu nimbagambira nti, baingi abalise'ra okutaahamu tibalisobora. Mukama wenju obwalikamara okuimuka nokukingaho orwigi, nainywe nimubanza okweme'ra aheru nokweranga ha ruigi, nimugamba ngu, MUKAMA waitu otukingu'reho, nauwe aligarukamu nabagambira ati, timbamanyire, nambere murugire.

 

Leka twongere tutandike: Baana, onu ni MUKAMA wanyu akubaza. Ninyenda mwikaze amaiso hali NYOWE, amaiso mugataire hali NYOWE. Hati tibuli bwire obwo kuirukairuka nokwikaza amaiso hali ensi. Enu eri saaha eyokubaganizamu, hamu nokunyikazaho amaiso. Enu niyo esaaha eyo kuhuliiriza kurungi hamu nokutunurra habwa NYOWE hamu nokugaruka KWANGE okwabwangu. Buli kiro, nesembera haihi.

Mutagaya okurabura KWANGE, Okurabura kunu nikuruga mumbaju zoona. Ndimu kusindika obutumwa kuruga mungendo zoona. Nibwija kuraba mu bigwererezi, kuraba muntaro hamu nengambo zentaro, kuraba mubanabi BANGE, hamu nomubatumwa BANGE, kuraba muburorwaho hamu nebihuniriza omumwanya, kuraba mukanwa kenkerembe. Nimugya kuba mutaine kyokwekwasa kakusinga murasigara enyuma.

 

Timukwija kuba nowumukwekwasa wena, baitu Inywe Inywenka kakusinga murasigara kurora ebibi ebihinguraine muno. Ekitabu KYANGE kibaire nikyetegerezibwa muno hali obwire obumukwikaramu, hamu nekyo ekiri haihi kubaho omunsi enu.

 

Baana, mutekwa kwimukira amananu ganu. Muteeme'ra muli ngaro nsa nimwikiriza ngu ntabahe ekyokugenderaho, hamu nokurabura kwona. Nkabaha ekitabu KYANGE, baitu kakusinga mwanga kandi mukanuga ebigambo BYANGE hamu nokurabura, tinsobora kubayamba. Nyikaire ninyetegerezibwa, kandi nimbahereza mubwingi obutumwa bwange obuherezibwe.

 

Mulyemerra mumaiso GANGE, mutaine kyokwekwasa kakusinga mwanga kutunga obutumwa bunu. Nsobora kwesengereza, kumatiza, nokusaba muhuliirize kurungi, baitu tindisobora kubahambiriza omu kukora encwamu enu.

 

Encwamu yanyu inywenka.

 

2 Petero 3:3-4 Ekyokubanza, kinu mukyetegereze omu biro ebya hampero, abasekerezi baliija nibasekereza,kandi nibatwalirizibwa okwegomba kwemibiri yabu. Nibagamba bati Akaraganiza kwija, hati araha? Okuruga baisenkuru itwe obu baafiire, ebintu byoona biikaire nkooku bikaba biri ensi nehangwaho. Bataito muno baija kukora encwamu eyehikire rundi nobutakomeramu kimu. Butacwamu era eri ncwamu yokuba okomeremu omunyanzigwa WANGE.

 

 

Ekyokubiihiza baingi tibaija kucwamu kandi era basigale hansi yamaani ge nokufuga kwe. Kinu nikimbiihiza muno nkoku nasasuire omuhendo gukooto muno aha kasozi ka calvary nukwo abaana BANGE, basobole kutunga obugabe, obugabe obuhikire kuruga mukukwatwa omunyanzigwa WANGE, hamu nebyabo. Tikikwetaagisibwa abaana BANGE kubonabona batarukwetaaga omubwomezi bunu rundi obukwija butaine okunihira hamu nengonzi ezitahwaho.

 

Matayo 24:37-39 Baitu nkebiro bya Nuha okubikaba biri, nukwo kuliba kuti okwija okwomwana womuntu. Baitu nkokubakaba Bali omu biro ebi, ebyabandize, okusandara kwamaizi, bakaba nibalya, nibanywa, nibaswera nibagaba, okuswera, okuhikya ekiro Nuha ekiyatahiremu omu bwato. Kandi batamanye okusandara kwamaizi obukwaizire, nukutwara bona; nukwo kuliba kuti okuija okwomwana womuntu.

 

Nahabweki baana, mwimuke. Mutwale kinu, O ekisembo ekyomuhendo, eki nkuhereza kandi leka ngule obugabe bwawe. Nsobora kukikora. Ningonza. KYANGE kuhereza kandi nkiherereza busa inywe. Kuli kunyumirwa KWANGE okubaleeta omu kukizibwa, obusinge hamu nomuntekereza enungi. Binu byoona byanyu kakusinga mumpindukira, mukakora okwehayo okwijwire, mukateeka obwomezi bwanyu hansi habigere BYANGE. Leka mbe MUKAMA kandi MWEGESA wanyu. Leka mbaijuze na MWOYO WANGE kandi mbasweke no musaahi GWANGE nukwo nsobole kubasiimura ekibi kyanyu ekyahuirwe.

 

Luka 17:16 Yayejumika hali ebigere bye namusiima, nogu akabaali musamaliya.

Leka mboleke omuhanda ogwokurabamu kandi mbataisulize kuruga omumihanda eyomunyanzigwa. Mwije hali NYOWE kandi mutunge omutima ogusemezibwe omu murro GWANGE kandi gwogibwe omu maizi gekigambo KYANGE. Kinu kiri kyawe kutwara.

 

Yohana 15:3 Inywe hati bunu mumazire okusemezebwa obwekigambo ekimbagambire.

 

Murubate kuruga mu pulani zanyu zoona kandi mumpereze obwomezi bwanyu, nobukwakuba pulani zanyu zoona. Leka ntunge obwomezi bwanyu.

Ningya kuhingisa obwomezi bwawe na pulani zawe na pulani zange ezirungi muno hamu nokugonza KWANGE habwomezi bwawe--pulani ezinamanyisize kuba zobwomezi bwawe, ezinagenderire kuba zawe, obunakuhangire. Rubatira omu Kugonza KWANGE, otongera kusiisa norubatira omu kugonza kwawe.

 

Ija omu Kugonza KWANGE kandi obe murungi wembaganiza mumaiso GANGE. Kunu kuli kwetaaga KWANGE habwomezi bwawe. NINYOWE MUHANGI wawe.

 

Manyire ekikusingirayo oburungi. Ija otunge ekisembo kinu ekyamaani--obusinge nomuhangi Wawe. Baana, esaaha neyanguha. Mutasisa obwire bwingi omukurubata aha ncwamu enu. Obwire buli bwekigendererwa. Tindukwenda murole obubi obukusingayo. Munseere kandi ndaboleka amananu ganu, kandi nkingule amaiso ganyu. Ninyija kusikaho ebikoko ebiswekere amaiso kandi mbafwole bobugabe, mbatekanize okwija muka nanyowe omukuba kurungi.

Engeso za bakwenda 9:17-18 Ananiya yagenda yataha omu nju, kandi obuyamutaireho emikono yagamba ati mwene waitu Saulo, Mukama waitu, nuwe YESU ayakubonekiire omu muhanda, ogwoturukiremu; antumire, oiguke oijule Omwoyo ogurukwera. Ahonaho byaragara, okuruga ha maisoge nkebikoko, yaiguka, yayeme'ra yabatizibwa; obuyakomere ebyokulya yatunga amani.

 

Ninyenda mwimuke kunu kuli kwetaaga KWANGE, nukwo Inywe mwije omu mikono YANGE eyerindirire.

 

Mutateera empaka. Okuteera empaka kusobora kuba kuzibu muno, kandi kusobora kubatwalira okujunwa kwanyu okwebiro byoona.

 

Ebigambo binu, nibiruga hali ISIINYWE owakubaroleera.

 

AKUGONZA YAHUSHUA.

 

ESUURA 27: MUTEKWA KWETEKANIZA KAKUSINGA MURABA NIMWENDA KURUGAMU NANYOWE

 

Leka tutandike. Baana, ninyowe MUKAMA wanyu kandi mbainiire ebigambo.

 

Obwire bulimu kuhwayo. Bwangu ningya kuba ninyija kutwara omugole WANGE kumuihamu nimutwara omu kuba kurungi, omu kwahurwa, okurungi. Aija kwimuka naruga omunsi omubusinguzi obwamaani hamu nomukitiinisa. Nuwe omusinguzi WANGE. Ninyija kumweretera mwimukye kuntangatangana omumwanya.

 

Omukoro gunu nigwetwa "okutwarwa kwe kanisa" baitu kyoona ekimuracwamu kugweta,--omukoro gunu nigubaho bwangu. Ninyija kusika omugole WANGE musumurreho enjegere ezensi eyeri haihi kuruga mumbeera zayo, ezabuli kiro. Erugiire kimu mukulemwa, ensi eyekwomerra yonka, etaine RUHANGA.

 

1 Abakorinso 15:51-52 Dora nimbatebeza ekyensita, tituligwijagira, itwena, baitu itwena, tulihindurwa, omu kasumi kake, okuzihiriza ekikohi ha ngwara ya hampero; baitu engwara erigamba, kandi abafu balihumburwa okutajunda naitwe tulihindurwa.

 

Ndi RUHANGA owakulema, kandi hati ensi eija kurabamu mubwomeezi obutaine omukono GWANGE ogwamaani ogwobulinzi hali yo. Bwangu kinu nikiija kubaho.

 

Baingi baija kurora omukoro gunu nkabo abasigaire enyuma. Bataito baija kurora omukoro gunu nkabo abatwairwe kuruga omunsi. Ninyenda mube bamu hali abo abacunguirwe, baitu mutekwa kuba mweteekanize kakusinga muraba nimwenda kurugamu NANYOWE.

 

Abo bonka abeyogeze bayera omumusaahi GWANGE, hamu naabo abalimu kutunuura nekihika kiingi, habwokugaruka KWANGE okwa bwangu, baija kuba nibaija NANYOWE, obundayeta omugole WANGE haiguru hanu. Bataito bonka baija kuba nibaija. Kinu kikuru muno, baana BANGE, abandi boona baija kusigara enyuma.

1 Yohana 1:7 Baitu obutuba nitugendera omumusana, uwe nkooku ali mumusana, buli na itwe tuteraine hamu kandi esagama Y'omwana we Yesu etwogyaho buli kibi kyoona.

 

Okubihizibwaki okubalindirire! Abo abasigaire. Otaba omu hali abo. Tosemerire kuba. Nkukoliire omuhanda. Nsemiize hokuraba. Kiri habwomusaahi GWANGE kurora mbakoliire omuhanda. Omuhanda gwanyu gurungi kandi gwobugabe kuraba muli NYOWE. Tiharoho muhanda gundi gwona. Busaho ondi weena arabajuna.

 

Tiharoho bigarukwamu bindi byoona. Kinu kyonka, mumpindukire, mweheyo hali NYOWE. Mutateera empaka. Mukole kinu bwangu, nkokwija KWANGE kuli haihi. Mutunge obwire obwokumanya. Nyetekaniize kandi mbalindirire. Engonzi ZANGE zirindirire inywe.

 

Mwije hali NYOWE omu kwegarukamu okwo kwebudaaza. Ninyija kubateekaniza kuraba mu kusweka kwomusaahi GWANGE hamu nekigambo KYANGE--okwogya kwekigambo KYANGE.

 

Abefeso 5:25-27 Abasaija mugonzege abakazi banyu nka Kristo nauwe okuyagondeze ekanisa, kandi yayehayo wenka habwayo, nukwo agyeze, obuyamazire okugisemeza nagyogesa amaizi omu kigambo, nukwo agyeretere wenka ekanisa eyekitiinisa etanyina kamogo, nobugwakuba omugonya, nobukyakuba ekintu kyoona ekirukusisana kiti, baitu ikalege erukwera etaloho musango.

 

Mwije hali NYOWE. Mutasiisa obwire bwona. Enu eri Saaha eyokwekamba na RUHANGA Wawe. Mutalinda muno.

 

NINYOWE MUKAMA RUHANGA YAHUSHUA.

 

 

ESUURA 28: OBWOMEZI BWANYU OBWEBIRO BYOONA BULI HA MUNZANI

 

Leka twongere tutandike. Obwire buli haihi, baana, obwokugaruka KWANGE okwa haihi.

 

Bulimu kutaahamu. Haroho biingi ebyokukora okwetekaniza mbainiire biingi muno ebyokukora. Nimbetaaga kuhayo obwomezi bwanyu hali NYOWE omu kwehayo okumaliirire, okwehayo okwijwire. Nimbwenda bwoona baana. Okwehayo okwebicweka tikuli kwehayo. Boojo kinu mukitwale kikuru muno. Obwomezi bwanyu obwebiro byoona buli ha munzaani. Mutaine okwehayo okwijwire kunu, timuli BANGE mananukwo.

 

Mube nimugambaki oba nimutekereza ki; kuba nokwehayo okwijwire kwonka mananukwo nubwo muba BANGE. Baana ninyenda mwikaze amaiso hali NYOWE, amaiso goona hali NYOWE. Manyire omuhanda ogukutwara aheru. Manyire hokutoma kugenda mumuhanda ogukutorokya. NYOWE nyenka. NINYOWE owakwasire ebisumuruzo, ebyokucungurwa kwanyu, okugarurwaho kwanyu kuruga hali ebikwija.

 

Kakusinga muratunurra mumbaju, mwija kusikirizibwa. Mutakireka kubaho. Esaaha erimu kukeeha.

 

Baana BANGE, mutekwa kwimuka. Mugaruke mu sensi zanyu. Mwikale muli bulindaara.

Matayo 7:14 Baitu irembo lifunzire nomuhanda ogutaha omu bwomezi muke, nabo abaguzoora bake.

 

Obwire nibwija obwange okugaraaho omugole WANGE, kumutwara omuka NANYOWE, kumusendekereza omumakage amahyaka, nambere aliikara ebiro byoona, NANYOWE Omugole we omusaija.

 

Ningonza kumutwara omungaro ZANGE kumukwatira haihi, kandi museseho engonzi ZANGE, Mugonze mutemu ekitiinisa, kandi mwoleke engonzi ZANGE. Bwangu kinu kiija kubaho. Nyetekaniize kandi nomugole WANGE ayetekaniize.

 

Alindirire mubugumisiriza. Omugole WANGE ali kyererezi ekyensi enu; Nayaka muno omunsi eyekiirima enyakubiihire. Nuwe ekyererezi ekikusembayo. Ekyererezi kye kiingi muno kandi nikiruga ha kyererezi ekyange.

 

Ekyererezi kinu nigo mananu-amananu GANGE agebiro byoona. Ebindi byoona bisuba kuruga hali omunyanzigwa. Abihabihire ensi nebisuba bye hamu namananu agebicweka. Ensi ebiihirwe, kandi abantu tibasobora kurora amananu.

Yeremiya 17:5-6 Nukwo MUKAMA agambire ati akyenerwe omuntu ogu anyakwesiga omuntu, nafora omubiri okuba omukonogwe, nomutimagwe guruga ha MUKAMA. Baitu alisisana nkomusisa ogwomwirungu, ebirungi obubiriija talibibona, baitu alirara omu biharabaga ebyomu irungu, ensi yekisura etarumu muntu.

 

Obwire bwizire obwa baana BANGE okwimuka kurora amananu. Ensi neija ha Kumaliira nkokukibaire. Omulembe oguhyaka gwizire, omulembe ogwomuhakaniza wa Kristo, hamu nempinduka enzibu ezirahondera. Busaho nomu araba kurungi, abahondezi BANGE bonka abahikire, abandatwara muka NANYOWE, Obundabasikamu kubata mu kuba kurungi. Banu bonka nubo abahukaineho hali ekyo ekirukwija. Ekyensi erarora omunyanzigwa WANGE amazire kwija mubwekulembezi kandi aikirizibwe kufuga nokulema. Kiro ki ekyekiirima ekiri mumaiso!

Okusukururwa 17:16-17 Kandi amahembe ikumi ag'orozire, go, hamu n'ekinyamaiswa birinoba malaaya ogu, birimwehindukiira, birimutwara busa, birijunjubura omubiri gwe, birimusiiririza kimu n'omurro. Habwokuba RUHANGA akakita omu mitima yabo okwikiraniza n'okuhikiriza entegeka ei yamutegekiire, nukwo obusobozi bwabo obw'okulema babuhe ekinyamaiswa okuhika ebigambo bya RUHANGA obu birikahikirizibwa.

 

Bunu buliba obwire obubi muno obwekiirima hali abantu, ekiirima ekingi muno hamu nobuzibu bulimu kwija.

 

Esaaha enu eyerimu kwija neija ha mbiro enyingi. Bwangu busaho kintu ekikwija kuba nkokukibaire. Ninyenda inywe baana mube mwetekaniize kutemba NANYOWE kuruga omunsi. Ninyenda mwije NANYOWE. Musobora kwehara byoona ebirimu kwija omunsi kakusinga mwihaho ebibaswekere Amaiso, kandi mukaija hali NYOWE omukwegarukamu okwokwebundaza hamu nokwehayo.

 

Ninyetaaga kubatwara omu ngaro ZANGE kandi mbajune enaku yoona eyeri mumaiso, kuli kwetaaga KWANGE okwamaani, kubajuna esaaha eyobuzibu eyerimu kwija. Ndimu kuhereza ebigambo biingi hamu noburorwaho, kubaleta omumananu ganu. Bataito abakuhuliiriza kurungi. Baingi muno bakyasweirwe ensi enu ensiihani, hamu nekibi kyayo kyoona.

 

Ego baana, kasta muba mukwatirire hali ensi, hamu nemihanda yayo, nimuba nimukora obusiihani nensi hali NYOWE kandi tinsobora kubatunga mu bukama BWANGE. Nahabweki murugeyo baana BANGE. Murubate muruge hali ensi, nabyoona ebyekwemerera. Teine engeso, nehakaniza RUHANGA, kandi tinkyasobora kugumisiriza ensi enu omurundi gundi.

 

Ezekyeri 16:35-36 Nukwo iwe malini, hu'ra ekigambo kya MUKAMA. Nukwo agambire MUKAMA RUHANGA ati baitu esabu yawe, ekaseswa, nenjuro yawe ekasukurwa ha bwokusihana kwawe nabakundwa bawe, kandi habwebisisani byoona ebyebinugwa byawe, nahabwesagama eyabana bawe, abawahaireyo nambere biri. Obwire bulimu kuhwayo. Mugaruke mu sensi zanyu. Mukingule amaiso ganyu. Murole obwire obumulimu kwikaramu; Mutafworwa basiru habwebyo ebikwisana ebirungi kandi ebihikire.

 

 

Ninyija Kubaleta omu bukama bwange kumarayo ebiro byoona. Mukole okwehayo okwijwire hali NYOWE. Munfwole MUKAMA WANYU kandi MWEGESA wanyu YAHUSHUA.

 

Luka 21:31-32 Nukwo nainywe, obumulikarora ebi nibihikiira, mulimanya ngu obukama bwa RUHANGA buli haihi. Mananukwo nimbagambira nti, obusinge bunu tibulihwaho, okuhikya ebigambo ebi byoona obubirikamara okuhikiira.

 

 

ESUURA 29: MUTEKWA KWIRUKA, HATALI KURUBATA NIMWIJA HALI NYOWE HATI

 

Ego muhara WANGE, Leka tutandike. Baana BANGE onu ni MUKAMA wanyu owakubaza.

 

Ninyenda mumanye ngu ninyija bwangu muno. Esaaha eri haihi aha rwigi.

 

Bwangu ngya kukora omuhanda GWANGE kwija kutwara omugole WANGE. Ali mugonzebwa kandi noburungi bwe buhinguraine muno.

 

Nimurora nekihika kyamaani kandi ningondeza kimu kumuleta omuka NANYOWE omu Iguru, hamu ne'ka eyimuteekanirize. Esaaha enu nehika baana BANGE. Nimwetaaga kutekaniza. Nimwetaaga kwanguhyamu omu nteekaniza. Haliyo ekiro ekyekiirima ekikutiinisa.

 

Bwangu ningya kuhimba ntwale omugole WANGE. Ninyija kumusika harubaju mute omu kuba kurungi. Bunu buli obusumi obwa haihi. Okugaruka KWANGE haihi kuli ha rwigi. Nahabwekyo mwije omungaro zange ezirindirire baana BANGE, bwangu muno.

 

 

Mutekwa kwiruka hatali kurubata nimwija hali NYOWE hati. Muleke kuhu'rra mwigusibwe ebyanyu baana. Muleke kinu kukitwara nkekitasemerire engeri okurabura KWANGE nukwo kwonyini. Nimbaleeta omukiikaro kinu baana, BANGE; Ninyenda musisimuke mwije mwomeere, mutunurre amananu. Bwangu muno esaaha enu eri haihi harwigi.

 

Mumpuliirize baana BANGE, ninyenda musisimuke. Haroho obuzibu obulimu kwija omunsi. Nibwija nka injini ye gaali yomwika. Nibwiruka hambiro nyingi muno. Busaho ekisobora kubutanga. Busaho musaija, busaho mukazi, busaho mwana asobora kutanga ekikwija. Haija kubaho ebikurugiiramu ebizibu muno hali abo abatatiina okurabura KWANGE. Toliba na kyokwekwasa obwoligamba ngu otamanye. Buli muntu najunanizibwa ekibi kye--nkokumbaire ninyetegerezibwa omukitabu KYANGE.

 

Byoona byanjuruirwe omu kitabu KYANGE, kakusinga abaana BANGE baba bafwireyo kukisoma. Nikitwara obwire kusoma ekitabu KYANGE. Ekintu kyoona ekimusobora kukolera ensi, hamu nokuhambya ensi, kitekwa kuteekwa harubaju kurora nimutunga obwire bwekitabu KYANGE. Baitu timwija kuteka harubaju ebyokuhambya byanyu ebyensi, okutunga obwire bwekigambo KYANGE.

 

Abarumi 14:12 Nukwo itwena tulyetonganiira omu omu hali RUHANGA.

 

Musobora kuzaana nensi, Baitu tikuli buli kimu ekyangasana kyoona eba zaabu, baana BANGE.

 

 

 

Ensi yoona neisana neyangasana, kandi nkempyaka, baitu byoona biri butwa bwenyini nehereza rufu rwonka.

 

Muteeke ensi harubaju, mutunurre RUHANGA wanyu. Tinsemerire kuserurwa?

 

Yohana 12:25 Anya Kugonza obwomezi bwe, bumubura, baitu anyakunoba obwomezi bwe, omunsi enu alibulinda okuhika ha bwomezi obutahwaho.

 

Ego, nkabafwera okufa okuzibu muno aha musaraba ogwekiti oguzibu muno. Kikaba nikiruma nikisaliza muno. Ego nkataisulira obwomezi BWANGE TAATA WANGE hanyuma ye saaha ezokubonabona aha mikono yabasaija ababi, abataine ngeso, abanobi, abaali nibakora okugonza kwa isebo, omunyanzigwa WANGE. Gunu nugwo omuhendo ogunasasurire iwe n'obwomezi bwawe. Tinsemeriire obwire bwawe, engonzi zawe, hamu nokumpuliiriza kurungi?

 

Zabuli 22:12-18 Enimi nyingi zinyehingulirize; enimi ezamaani eza basani zingosere. Nizinyasamiza akanwa kazo, nkentale enyakutaagura, enyakuboroga. Nsesekere nkamaizi, Amagufa gange, goona nigancenya, omutima gwange gufwokere nkebisasara; gwagire hagati omu Mara gange. Amani gange gomere nkoruguhyo. Norulimi rwange nurugumira ha nsaya zange. Kandi ontwaire omu cucu eyokufa. Baitu embwa zinyehingulirize. Ekitebe kyabo, abakora obubi banyezigolize.

 

 

Banfumuire ebiganja Byange, nebigere byange. Ninsobora okubara amagufa gange goona. Nibarora nibangunurra amaiso, nibabagana ebyokujwara BYANGE, nibatoma ekyesomeko KYANGE.

 

Mwije hali NYOWE. Nimbasaba kwija hali NYOWE. Leka mbateeke omungaro ZANGE, mbakwate mbaroleere nkabange.

 

Ninyowe Isiinywe owakubagonza. Busaho engonzi ezikukira ezange. Busaho okwenda okwa haiguru muno okukira okwange okumbainiire. Mutehakana okumpa engonzi zanyu. Mwije hali NYOWE omu kwegarukamu okwokwebundaaza. Leka mbasemeze, mbafwole abahikire mumaiso GANGE. Leka nyijuze omutima gwawe nomuhimbo, nokusemererwa.

 

Nsobora kukikora. Ningonza. Hati nubwo obwire. Mutalinda rundi kuhakana. Kinu nikyo ekiro ekyokugaruka KWANGE. Ninyija kubaihamu. Leka mbaijuze N'OMWOYO WANGE. Leka mbakize. Mbafwole abamaliirire omuli NYOWE. Obwire bulimu kuhwayo, baana. Bwangu tihaija kubaho obwire obusigaire.

 

Nahabwekyo mutachwaho hamuhendo gunu ogukuhuniriza muno ogwo kujunwa KWANGE okukunuliira hamu nomusaahi ogunasesire habwo kujunwa kwanyu, nukwo musobole kukizibwa hamu nokumalirizibwa omuli NYOWE omumulingo ogutalihinduka ebiro byoona.

Matayo 25:46 Nabali baligenda omukubonabonesebwa okutahwaho, baitu abahikirire baligenda omu bwomezi obutahwaho.

 

Ninyetaaga okubamanya omunkoragana, tusobora kuba n'enkoragana enu. Yanyu kutwara. Munsabe kandi ningya kugibahereza. Ninyetaaga kubagana enkoragana nainywe, kuba haihi muno nainywe, kuli kwetaaga KWANGE. Kuba haihi nainywe buli kaire omu nziha hamu nomumulingo gwobuntu.

 

Kakusinga mwija hali NYOWE omumulingo gunu, nanyowe ninyija hali Inywe. Ekigambo KYANGE nikyoleka ngu ninyetaaga enkoragana enu Kuruga hali Inywe. Ninyenda munseere omu kaikaro akaculeire, nambere tusobora kubagana hamu obunywani.

 

Baana BANGE, Kunu nuho nsobora kubaha engenderwaho engeri nkwenda mwomeere obwomeezi bwanyu. Obumwija hali NYOWE omunkoragana, hati nubwo tusobora kutandika kumanya ngana kandi ninsobora kubatekeraho pulani ZANGE mumaiso GANGE engeri nkubenda mutwalemu obwomezi bwanyu.

 

Baitu kubanza, mutekwa kuba omu Kugonza KWANGE kandi kuba mu Kugonza KWANGE, mutekwa kuhayo obwomezi bwanyu, hali NYOWE-mumpe ebyanyu byoona mu byoona. Mumpereze obwomezi bwanyu, kandi mutaleka kintu kyoona enyuma obwomezi bwanyu mubufwole BWANGE bwoona. Nimbwenda omu kwehayo okwijwire.

 

Kinu nikimanyisa kuleka ebindi byoona hamu n'ensi. Ninyenda murubate muruge hali okwehayo kwanyu hali ensi, kandi mube nimugonza okumpondera, buli hoona handabatwara. Kinu tikiri kintu ekya bantu abakukira bakwenda kukora. Baingi muno nibenda kukwatirira aha kintu ekibatakwenda kuleka kikagenda. Baana BANGE, Kiki ekimulimu kuteeka hagati yaitu? Mulimo gwawe? Baana bawe? Buguuda bwawe? Buhereza bwawe? Kiki ekimukuteeka hagati yaitu? Kiki ekikubasemeza muno kukira NYOWE?

 

Matayo 10:37-39 Anyakugonza Ise rundi nyina okubakiza NYOWE, tanseme'ra anyakugonza mutabani we, rundi muisiki we, okubakiza NYOWE, tanseme'ra. Nauwe atayetweka omutigwe nankuratira tanseme'ra. Anyakubuza obwomezi bwe, habwange alibuzora.

 

Baana, kakusinga mutanteeke mukiikaro ekyokubanza, nimugya kufwerwa byoona ebibasemeza kukira NYOWE hamu NANYOWE. Binu biri bigambo bikuru muno, baana BANGE, baitu nibyetagisibwa kubaza. Ninyetaaga mubihurre, kandi mumanyiire nambere muli omuli NYOWE. Ndi mukiikaro ekyokubanza mubwomezi bwanyu rundi ndi mukiikaro ekikusembayo ekyahansi mubwomezi bwanyu?

 

Baana BANGE, nimwetaagisibwa kubarabaramu ekiikaro kyanyu omuli NYOWE. Kichwekaki ekinkukwata omu mitima yanyu? Baana mwemerre haihi NANYOWE--ningonza kubakwatira haihi nomutima GWANGE. Esaaha erimu kwija eyokugaruka KWANGE okwa bwangu. Tundukwenda musigale enyuma kurora ebibi ebikusingayo. Mwije munzoole. Nyikara haihi, ndindirire hali inywe okunseera. Engonzi ZANGE zamaani. Mutafwerwa okunyumirwa okwengonzi zange ezebiro byoona.

 

Onu nuwe OMUGOLE WANYU OMUSAIJA, YAHUSHUA.

 

 

ESUURA 30: OMUGOLE WANGE MUGONZEBWA OMUMIHANDA YE YOONA

 

Ego muhara WANGE, leka twongere tutandike. Baana BANGE, ninyowe MUKAMA Wanyu. Nimbaramukya omu ibara lya ISENYOWE, ISIINYWE.

 

Baana, esaaha erimu kwiruka habwokusirimuka habwokugaara bugyaka okwo mugole WANGE. Ali mugonzebwa omumihandaye yoona. Nsemeriirwe okumweta WANGE.

 

Ali mugonzebwa WANGE. Ninyija kumutwara omu mikono YANGE enyakulindirire bwangu muno. Aija kuba NANYOWE ebiro bye byoona ebyobwomeezi obutahwaho.

 

Tuija kuba nkenyunyuzi ezikwaka, huwe NANYOWE. Engonzi zaitu tizirimanya okumaliira, tizihwayo, engonzi ezitahwayo. Obusinge obundukumuletera buliikaraho ebiro byoona. Ali omugole WANGE owakunuliira. Nanyorobera kandi nagonza emihanda YANGE.

 

Nuwe ngonzi zange, kandi ampondera. Arubatira omu muhanda GWANGE, ogufunda. Atunurra habwa NYOWE. Emihanda ye negonzebwa. Nuwe ekyererezi ekikusembayo ekyensi. Ayoleka ensi emihanda YANGE. Ensi endora omuli we. Ayoleka ekisisani KYANGE hali ensi. Emihanda ye yokwebundaaza kandi eyoleka okwikiriza-nkokwomwana omuto. Zinu nizo engeso zabo abanyakuli omu Iguru.

 

Esaaha nehika eyange kumwiha omunsi. Nimweretera hali NYOWE. Nimwetwalira omukuba kurungi. Bwangu aija kugenda NANYOWE omukuba kurungi nambere ndamulindira hali ebintu ebikwija. Esaaha enu nehika, mutagurukyagurukya.

Matayo 18:3 Mananukwo nimbagambira nti, obumutahinduka nimufwoka nkabaana abato, mutalitaaha na kake omu bukama obwomu Iguru.

 

Ninyenda mutekanize kandi mube abetekanize nkomugole WANGE engeri ayetekanize. Ayetekaniize, nayeyogya omumusaahi GWANGE. Ayesemiize kandi Taine kitonyezi hamu nokwefunya kwona. Ayeteekanize kwija omu Iguru LYANGE, okuteerana NANYOWE, kandi akanyumirwa okubaho KWANGE.

 

Abefeso 5:25-27 Abasaija mugonzege abakazi banyu, nka Kristo nauwe okuyagondeze ekanisa kandi yayehayo wenka habwayo, nukwo agyeze obuyamazire okugisemeza nagyogesa amaizi omu kigambo, nukwo agyeretere wenka ekanisa eyekitiinisa etanyina kamogo nobugwakuba omugonya, nobukyakuba ekintu kyoona ekirukusisana kiti, baitu ikalege erukwera etaloho kusango.

 

Mwetekanirize okwija hali NYOWE omumwanya, kwija haiguru hanu. Enu eri nsita, ensita eyamaani, engeri aija kuhindurwa afwoke owasemiire ataine kamogo. Aija kukorwa nkomu kisisani KYANGE, omumubiri gwekitiinisa oguhyaka.

 

Omubiri gwe guija kuhindurwa, busaho bitonyezi, kutajunda, ekyererezi ekitahwaho, ekyererezi ekyange. Aija kwaka omu iguru. Aija kuba wekitiinisa kandi asemiire muno engeri tukwisaniza engeso. Omubiri gunu tigulifwa, rundi tigulimanya okufwa. Guli ndugiiro yamaizi agebiro byoona agomubusigazi. Omubiri gunu tigulimanya okutangwa.

 

Abaana BANGE balinyumirwa emibiri yaabo empyaka. Tibalihurra busasi bwoona. Emibiri enu erihinduka nembeera ezikugyetaagisa. Erigendera omu Iguru etakukolesa maani goona. Emibiri enu eriharuuka rundi erirubata. Erikora buli kimu kyoona ekyomubiri ogwomuntu gukora hamu nokukiraho. Eri mibiri eye kyererezi. Emibiri enu teriremesibwa nkoku emibiri eyobuntu eri. Busaho kintu kyoona ekyemibiri enu etasobora kukora. Busaho ebikulemesa nkomubiri ogu ogwobuntu.

 

Abaana BANGE balirya kandi banyumirwe ebyokulya, nkokubakora hati. Buli kintu kyoona ekikukwataho emibiri enu empyaka eyekitiinisa kiri kanga kandi kihuniirize abo abakugitunga. Byoona birihinduka omu kwikya, omukasumi.

 

Abaana BANGE, balihinduka omukasumi. Kiribabaho bwangu. Bali huniiira muno. Baana enu mpinduka eyebiro byoona. Eriso tirikarozire, oba okutu tikukahuliire, ekyo ekinteekanirize abaana BANGE abesigwa.

1 Abakorinso 15:51-54 Dora nimbatebeza ekyensita, tituligwijagira, itwena, baitu itwena tulihindurwa, omu kasumi make, okuzibiriza, ekikohi hangwara ya hampero; baitu engwara erigamba, kandi abafu balihumburwa okutajunda, naitwe tulihindurwa. Baitu okujunda kunu kulijwara okutajunda, nebyokufa binu obubirijwara okutafa, nukwo kirihiki'ra ekigambo ekyahandiikirwe ngu okufa kumizirwe okusingura.

 

Muhinduke mutunuure NYOWE. Timukwenda kufwerwa omukoro gunu, hamu nekitiinisa KYANGE, obundaija kutunga omugole WANGE kumweretera. Omukoro gunu nigwija.

 

Baana, mutekanize-mukole entekaniza. Mwikale mutunuliire, munseere. Bataito muno abalimu kutunuura habwange. Bakwatiirwe omubintu byensi. Byoona nibizooka nkebikukenga kandi nkebihikire, baitu nebihabiiha. Ensi mbiihi yebisuba. Eijwire ekibi kandi ebumbatirire amananu gaayo. Ekwatirire aha bisuba ebyekukoramu kandi ebirabyaho nkamananu. Teine amananu omukanwa kayo.

 

Ensi eyenda hakiri oikirize ngu byoona birungi, baitu byoona tibiri birungi. Bwangu ensi eija kwetegereza kinu kurungi muno. Mwefwole abetekanize. Tinyija kulindiira bwangu hati. Okwija KWANGE kuli ha rwigi. Nyemeriire aha rwigi ninkonkona. Munyikirize ntaahe mumitima yanyu.

 

Esaaha erimu kuhindura ekiikaro. Omusenyi omu gilaasi gulimu kukendeera. Muruge nambere muhumulizibwe kandi muteeze amaju ganyu. Mwegarukemu ekibi kyanyu. Mumpereze obwomezi bwanyu kandi ndabasemeza mbatekanize, ninyetaaga kukora kinu. Mweyahukanizemu hali ensi. Mwije harubaju, murugemu. Ensi eri rufu. Tekwija kugumizamu etali NANYOWE. Okugwa kwayo kulimu kumpindulira omugongo kandi hamu nokuseera omuhanda gwe ogwekibi.

 

1 Abasesalonika 5:23 Kandi RUHANGA owobusinge nuwe alibeereza kimu, kandi Omwoyo gwanyu, nobwomezi, nomubiri byoona hamu birindwege hataloho, kuhanwa omu kuija kwa mukama waitu YESU KRISTO.

 

Nangwa baana, mutekwa kukomamu. Muragenda nawe rundi murarugamu NANYOWE? Enu eri ncwamu yanyu okukora. Tinsobora kugibakorra. Nsobora kwesengereza kwonka ngu mwije NANYOWE. Ninyenda mumbe harubaju ebiro byoona. Nimbetaaga munyegaiteho omu Iguru lyange. Baitu enu eri ncwamu yanyu kukora. Mweheyo hali NYOWE rundi musigale enyuma. Ndindiriire enchwamu zanyu.

 

Engonzi zanyu zigumisiriza, baitu bwangu nteekwa kucungura omugole WANGE. Ebigambo binu nibyekakasa. Ndi RUHANGA owatabiihabiiha. Mwije hali NYOWE obwire butakahoireyo.

 

NINYOWE OWAMAANI, YAHUSHUA.

 

ESUURA 31: BATAITO MUNO BANDAMYA KANDI BANYEGARUKIRAMU

 

Nahabweki leka twongere tutandike. (Okwakabiri 28, 2012)

 

Baana BANGE abankuninga,esaaha nehika eyokugaruka KWANGE. Mwija kwetaaga kukora entekaniza. Mwija kwetaaga kweteekaniza. Mwetekanize inywenka. Ninyenda mwesweke omumusaahi GWANGE. Ensi erimu kukinga. Erimu kuhika hakufa kwayo.

 

Erimu kwija ha kumaliira kwayo okwebairemu. Erimu kweyongera bwangu omukujunda engeso. Erimu kwimuka haiguru omu kibi kyonyini. Erimu kuhindura omugongo gwayo hali RUHANGA Wayo. Bataito muno banseera aha idaara erinkwenda abaana BANGE banserureho. Bataito muno benaga habigere byange kandi bandamya kandi banyegarukiramu. Bataito muno nibagonza okumpondera nambere ndukwenda bagende bataine kugurukya gurukya.

 

Marako 8:34 Yayeta namberali ekitebe nabegeswabe, yabagambira ati, omuntu wena anyakugonza okunkuratira, ayeyangise wenka, ayetweke omutigwe, ampondere.

 

 

Baingi muno bakwatirwe omunsi hamu nokuhambya ebyensi. Timumanyire ngu ensi enu munyanzigwa WANGE? Tinkwija kwongera kugumisiriza ensi enuna muno. Tindukwija kugiikiriza kugumizamu. Bwangu ningya kwihamu omugole WANGE kandi nsikemu abaana BANGE mbate mukuba kurungi.

 

Asemiire kandi mwetekanirize okwija omuka eyimutekanirize omu Iguru. Kinu Mananukwo nikigya kubaho bwangu, baana BANGE. Nimwetaaga kumanyisibwa. Nimwetaaga kusisimuka hali amananu ganu.

 

Baingi muno balimu kugwijagira,muturo tukuru. Balimu kundugaho mporampora. Balimu kugwa mungaro z'omunyanzigwa kandi bwangu nkebinyonyi ebinyakugwibwamu baija kugwa omu kitimba kyomutegi.

 

Zabuli 124:7 Obwomezi bwaitu bucwire nkenyonyi omu ndubatira ya bategi, Endubatira ecwekere, naitwe tucwiremu.

 

Musisimuke hali amananu ganu, baana BANGE. Mwimuke kandi murole, ndimu kwija. Musisimuke mutakagwirwemu kandi mukagwera kimu. Esaaha neija eyo kugaruka KWANGE kandi baingi muno bakyabyamire muturo otukuru. Enu teri niyo esaaha eyokugwibwamu mutamanyire. Mutekwa kusisimuka.

 

Bwangu omunyanzigwa aija kubateka honyini nambere akwenda mube kakusinga mutaije hali NYOWE omu kwehayo okwijwire. Bunu nubwo obwire obwo kwekamba na RUHANGA Wawe. Ndi RUHANGA owagumisirize, baitu okugumisiriza KWANGE kuija kuhwayo. Tinyija kwongera kugumisiriza ensi enu eyerimu kufwa, erimu kufwa habwokuba eyangiire kimu RUHANGA wayo. Buli nsonda yensi yoona enyangire. Kuli kwanga okwembaju zoona.

 

Ensi hati ebumbaatire ekibi. Negwa ekibi mukafuba, nebyama n'ekibi, neimuka kukora ekibi, nebyama hansi kukora ekibi. Omugole WANGE wenka nuwe mananukwo akumpondera. Huwe wenka mwesigwa. Huwe wenka aikaize engaroze nizeera. Huwe wenka anseera kandi ayeyahukanizeho n'ensi. Huwe wenka tairaguize engoyeze nokulira hamu ne bintu byensi. Nuwe kyererezi KYANGE omunsi eyekiirima.

 

Nayaka muno omu kiirima. Ekyererezi kye nikyaka muno omunsi eyekiirima, ensi eyekweyongera ekiirima buli kiro. Bwangu ekyererezi kinu kiija kuzima engeri ntekwa kumwihamu kumuta mukuba kurungi. Ensi egya kweyongera ekiirima kandi ehoibwemu ebimera.

 

Enu eri saaha yekiirima baana BANGE. Mutekwa kusamba mukyererezi KYANGE engeri mukyaine akagisa. Haliyo obwire butaito obusigaire. Esaaha haihi ehoireyo. Akalimi kedakiika Kali haihi kuteera mukaaga ezeitumbi. Ebigambo binu mutabikwata nkabatafwireyo. Biroho habwoburungi bwanyu. Kubajuna kuruga hali akabi akakusingayo, kubajuna hali ekyo ekirukwija.

 

 

 

Yohana 8:12 Kandi YESU yagaruka nabagambira ati NINYOWE musana gwensi: anyakukuratira NYOWE taligenda omu muirima, baitu aliba nomusana ogwobwomezi.

 

Baana BANGE, nimbagonza nkoku Taata owagonza nkokwakukozire. Ninyenda mwije omu ngaro ZANGE nambere muraba kurungi. Kuli kuraba muli NYOWE nyenka kurora ngu musobora kutunga okuba kurungi, muli NYOWE nyenka kandi kuraba muli NYOWE nyenka musobora kujunwa.

 

Tiharoho muhanda gundi gwoona. Kakusinga muhindukira ensi habwebigarukwamu, muija kubuzibwa habwokuhinduka kwonka habwokwebemberwa kwabantu,abantu abataine ekibamanyireho kyoona rundi amananu GANGE. Esaaha enu esembiire haihi baana BANGE.

 

Muruge hali ensi. Munaabe engaro zanyu oburofu obwakubaletamu. Nabebembera kuruga hali NYOWE. Mutaahemu haihi NANYOWE. Mwikaze amaiso ganyu gali hali NYOWE. Ninyowe okucungura okukusembayo ensi etakeyahukanirizemu kimu. Mutafwerwa okucungurwa kumu kunu kwonka okwokugya mukuba kurungi.

Yakobo 4:8 Mui're haihi RUHANGA, nauwe alibai'ra haihi. Munabe omungaro zanyu, inywe abasisi; kandi musemeze emitima yanyu, inywe abanyina emitima ebiri.

 

 

 

Mwetekanize kuba omu ha mugole WANGE. Mwije hali NYOWE omukwehayo okwijwire. Muteeke hansi habigere BYANGE obwomezi bwanyu. Mumpe okwekamba, okworoba kwanyu, ebyanyu byoona.

 

Ningya kubebembera kurungi. Kunu kweraganiza KWANGE. Okurabamu kurungi, obugabe hali ekyo ekirimu kwija hali ensi bwangu. Mutateeka hansi okuhayo KWANGE.

 

Mutayomeera okweijukya enchwamu zanyu. Ndi wamananu hali ekigambo KYANGE. Nsobora kubasumurra kubata omukuba kurungi. Ndi RUHANGA owanyakwine amaani, mwesigwa okusumurra. Leka emitima yanyu etatuntura. Mwirukire omu mikono YANGE ekujuna.

 

RUHANGA WANYU OMWESIGWA, YAHUSHUA.

 

ESUURA 32: NDI HAIHI KUIHAMU OMUGOLE WANGE KUMUTA OMUKUBA KURUNGI

 

Muhara WANGE, Leka tutandike. (Okwakabiri 28, 2012)

 

Baana NINYOWE RUHANGA wanyu. Ndi RUHANGA owa kubafwaho munziha muno.

 

Nimbagondeza ebirungi byonka. Hati baana BANGE, ninyenda muhulirize ebigambo byange. Muhulirize kurungi, ensi eri haihi kwejumika. Bwangu ensi eija kuba neyehinduliza. Haija kubaho biingi ebikwija kubaho omunsi nokwetorora ensi, kandi bitaito muno hali ebyo biija kuba birungi. Ndimu kwimukya omukono GWANGE ogwobulinzi kuruga hali ensi, habwokuba enyehinduliire. Nerubatira omu rugendo orwahukaine ha rugendo orwomutima GWANGE, emihanda YANGE, Amananu GANGE. Eri kijumo hali NYOWE. Ndi haihi kwikiriza embwa za sitani kutwara ensi enu.

 

Zabuli 22:16 Baitu embwa zinyehingulirize, ekitebe kyabo abakora obubi banyezigolize, banfumuire ebiganja byange nebigere byange.

 

 

 

 

 

Omukoro gunu guli nkoguhikire. Baana BANGE, binu biri biro ebyekiirima, ebiikwija. Tinkwija kwongera kugumisiriza ekibi kyoona kuruga omunsi enu. Ndi haihi kuihamu omugole WANGE kumuta omu kuba kurungi. Narugamu bwangu muno. Tinkwija kwongera kuikara nensi enu obwire bwingi. Ndi haihi kutanakayo ensi enu. Ekibi ekinyakutwaire ensi enu kibihire omu maiso GANGE. Tinkyasobora kukitunuraaho.

 

Tinyija kwikiriza abagonzebwa BANGE nabo okukigumisiriza era. Ekanisa YANGE eri haihi okuihwamu kugenda mukuba kurungi. Esaaha enu neija bwangu. Habwaki baana inywe nimugurukya gurukya? Okwikiriza kwanyu kuli nkaha? Habwaki nimugurukya gurukya muno? Oba mwikirize rundi timwikirize tikiine engeri kikwatireho hali ekyo ekiri haihi kubaho.

 

Kiija kubaho, baana BANGE engeri ekitabu KYANGE kigambire ngu nikigya kubaho. Mbaire wamananu muno omubigambo byange byoona. Nsoboroire obwire bwempero omu kitabu KYANGE. Musome ebigambo BYANGE, Mwemanyiize ekitabu KYANGE. Musome ebigambo binu nobwegendereza. Mwija kurora ngu bunu mananukwo bwire bwempero kandi n'okwija KWANGE kuli haihi.

 

Baana, muleke kuhuliiriza ngana kandi mwije munseere. Mwije hali NYOWE nokwebundaza kwo mutima kandi ndaboleka amananu, ninyenda kubasukurra amananu. Timpabya abaana BANGE. Baitu kakusinga batakomamu kunseera, hati tinsobora kubasukururra amananu. Baija kugumizamu kugenda hansi namaiso agafu, omumihanda eyekiirima eyokuhwerekerra.

  

Mwije hamu nanyowe kandi musange omuhanda gwanyu. Ninyija kubebembera omu muhanda gwange ogufunda; Bataito abagusanga, baana BANGE, bataito muno abaguseera. Mutaba mubaingi abatasanga omuhanda gunu. Haroho baingi muno ababuzire aha mbaju zomuhanda, baingi muno ha muhanda, ogugazi ogukozirwe nokuhwerekerra.

 

Matayo 7:13 Mutahe omu irembo erifunzire, baitu irembo ligalihire nomuhanda ogurukugenda omu kuhwereke'ra mukoto, naabo abagutaahamu baingi. Mugaruke mu sensi zanyu baana BANGE, mwije mwomiire.

 

Munseere namaani. Enu niyo esaaha eyo kwija mu bwomezi, kwija mubwomezi omuli NYOWE. Tiharoho mihanda endi ekugya mu bugabe hamu nobwomezi obutahwaho. Hati niyo esaaha hati. Mwirukire omu mikono YANGE eyerindirire. Mutasibamu mu kubaza. Okusibamu omu kubaza kiija kuba kumaliira kwanyu, nokufwa kwanyu.

 

Ningonza kubajuna. Muheyo ebyanyu byoona hali NYOWE. Mumpereze buli kachweka kanyu koona. Nimbyenda byoona. Okwehayo okwebicweka tikukumara. Mwije hali NYOWE muteeke obwomezi bwanyu habigere byange. Ningya kubwikiriza kandi mbahe ekitiinisa habwebigendererwa byange kumpereza hamu nokunyumirwa iguru ebiro byoona.

Yeremiya 30:19 Kandi omu ebi nuho haliruga ebyokukugiza, niraka lyabo abarukuseka; kandi ndi bakanyisa, tibaliba bake; kandi ndibanyumiza, tibaliba bato.

 

Esaaha enu erimu kuhwayo. Omunyanzigwa WANGE alimu kukora omuhanda gwe kwija ha kiikaro. Bwangu tihakwija kubaho kwehakana esaaha eyimukwikaramu. Baitu hati obwire obwokucungurwa kwanyu busobora kuba bukererirwe kandi mwija kuba mufwerirwe akagisa kanyu akokujujwa.

 

Baana BANGE, nindengaho kubaimukya nokubaleta omumananu. Kiki ekintekwa kukora kukwata okuhulirizibwa kwanyu? Kakusinga mulindiira muno okwija hali NYOWE, mwija kusigwa enyuma. Ningya kuhambisirizibwa kubaleka. Mutaleka kinu kubaho.

 

Okwegarukamu okwehayo hamu Nenkoragana; binu nibyo ndukwenda, binu nibyo nkubeetagaho. Binu nibyo ebyetaago ebinkwenda kurora ngu noikirizibwa omu bukama bwange. Ekitabu KYANGE tikigamba kinu? Mwije hati obwire butakabakwasire. Mwije kandi ndabogya omumusaahi GWANGE, kandi murayetekaniza kwemeera omumaiso GANGE, kandi mutangirirwe omu bukama BWANGE, obukama BWANGE obusemiire obutahwaho.

 

Okusukururwa 1:5 Kandi ebinyakuruga hali YESU KRISTO kaiso omwesigwa ayabandize kuhumbuuka omu bafu, kandi anyakulema abakama b'ensi. Ogu anyakutugonza, ayatwihire omu bibi byaitu natucunguza esagama ye.

 

 

 

Obwire nibuhwayo. Mutasiisa edakiika endi hali ensi enu.

 

Onu nuwe MUKAMA wanyu kandi OMUKAMA OWAKUBANZA, WAHAIGURU. KANDI OWAMAANI, OBUSOBOZI OBUTAHWAHO MUKAMA YAHUSHUA.

 

ESUURA 33: NINYENDA EKIIKARO EKYOKUBANZA RUNDI BUSAHO EKIIKARO

 

Leka tutandike. (Okwakasatu 1, 2012) Baana, onu RUHANGA wanyu. Nyina ebigambo ebihyaka ebyokuleta mu kuhuliriza kwanyu. Baana BANGE, haroho omulembe oguhyaka oguli haihi okuija hali ensi enu. Nugwo ogu ogumanyirirwe nekibi, abasaija ababi, obwire obubi. Mutekwa kuteekaniza kukora okugenda kwanyu NANYOWE. Ninyetaaga mutekanize. Ningya kwetaaga kusika omugole WANGE kuruga omunsi enu eyekibi kandi muteke omukuba kurungi.

 

Tinsobora kumwikaza omunsi munu obwire obundi, habwokuba bwangu, ensi enu eija kubiiha muno kandi nekintu ekibi muno kiija kubaho. Atekwa kutekwa harubaju omu kuba kurungi. Nukwo ensi eija kutaisura ekibi kyayo hali abo abasigara enyuma.

 

Bwangu, omukoro gunu guija kubaho. Nahati eihunga lyoona lirimu kwija hamu kukora ekiyaga ekyembaganiza ekyokuhwerekerra, Ekigonzi ekyokutiinisa okwingi, ekikwija bwangu kutiinisa abantu boona abanyakukomamu kurwanisa NYOWE. Ntekwa kufworwa kyokubanza mubwomezi bwawe. Ntekwa kuba mukiikaro ekikubanza, nukwo musobole kwetangira obuzibu bunu. Tindi RUHANGA owagonza kurora abaana BANGE nibabonabona, baitu kakusinga mwanga kunteeka haiguru yebisisani ebimuteeka omumitima yanyu haiguru YANGE, nukwo muija kwega bwangu kiki ekirukumanyisa kwanga RUHANGA wanyu, omuhangi wanyu.

 

Ndi RUHANGA owatasobora kukwatibwa kubi. Ninyenda ekiikaro ekyokubanza rundi busaho kiikaro kyoona. Tinkufwayo kuba mukiikaro ekyakabiri rundi ekyakasatu ha rukaara rwebyetaago byawe. Nkabahangira habwebirungi byange kundamya, kumpa ekitiinisa, hamu nokumanya, ninyenda kukwataniza nainywe omumulingo gwenkoragana, kuba nenkoragana eyahaihi muno NANYOWE.

 

Kakusinga mukomamu butaamanya omumulingo gunu, nubwo musobora kuba nomuhanda gwanyu, nukwo nitwahukana kandi nimuba nobunywani nomunyanzigwa WANGE omumaliira ye eyebiro byoona. Ndi RUHANGA oweihali. Ntabahange okubabagana nomunyanzigwa WANGE.

 

Ekyebiragiro 32:16 Bakamukwasa ihali nabacwezi abanyaihanga, bayerema okumubihiza nebinugwa.

 

Nimwenda rundi kubeera kimu BANGE, rundi musobora kuhondera omuhanda omugazi ogukuta omukuhwerekerra nambere abandi baingi bamazire ira kugya. Bataito muno nibenda kumanya haiguru yehindi byoona ebyokuhambya ebintu byensi.

 

Nyemeriire nkaha omubwomezi bwawe? Tinsemeriire ekiikaro ekyokubanza omumutima gwawe? Nkabafwera baana BANGE, okufwa okuzibu muno okukusaliza. Nkabahanga kandi mbaha obwomezi. Mbemerezaho buli kiro. Baana BANGE, bwangu nimugya kwetaaga kuchwamu. Nimwetaaga obusinge bwange?

 

Okuteekana KWANGE, hamu nengonzi ZANGE? Nimwenda okukakasibwa KWANGE okwokubarabyamu kurungi kuruga omunsi eyeri haihi kwahukanamu? Nahabweki hati niyo saaha eyo kuchwamu kiki ekimurakomamu kukora. Murabumbatira muta RUHANGA wanyu? Nokugonza hamu nokuhayo obwire bwanyu bwoona rundi nempinduka eya koya koya?

 

Abafilipi 2:8 Kandi obuyazokere okusisana nomuntu yayebundaaza wenka, naculeera okuhikya ha kufa, nukwo kufa kwa ha muti. Nimbetaaga muchwemu.

 

Nimugonza okwefwera Inywenka habwange kandi mukahayo ebyanyu byoona hali NYOWE? Mbalindirire kugarukamu hali okuhayo KWANGE okwija hali NYOWE omu kwegarukamu okwokwebundaaza kunsaba okubaganyira ebibi byanyu hamu nokubasweka omumusaahi GWANGE. Kiri habwomusaahi Gwange gwonka kurora ngu nimusobora kujunwa, habwekihongwa kyonka ekinakozire ha musaraba.

 

Kakusinga mwikiriza ekisembo kinu ekyomusaahi GWANGE ogwabajunire kusibwa munkomo, mukegarukamu ebibi byanyu nomutima ogumanyisize kwo gutaine bugobya, mukateeka obwomezi bwanyu habigere BYANGE. Mukampondera mutaine kwekunika, Nsobora kuhindura obwomezi bwanyu, nkabasemeza, nkabatekaniriza obukama BWANGE. Nkabafwora abetekaniize okwija NANYOWE. Mutwale okuhayo kunu nkekikuru muno.

 

Baana, musobora kulindiira muno kyonka. Kulindiira kurora ekyo ekirabaho hamu nokwanga enchwamu enu kusobora kuleetereza kufwerwa byoona ebimbainiire omubwomeezi obukwija. Mutaba basiru, mugaruke mu sensi zanyu.

 

Mutekanize, mwetekanize. Ninyenda mujunwe kuruga hali ebikutiinisa ebiri mumaiso. Ndimu kubasabira. Ndimu kusaba hali ISENYOWE habwanyu. Baana, esaaha enu erimu kukendeera mporampora. Ninyenda muchwemu. Ningya kwizira OMUGOLE WANGE mutafwerwa okurubata okwamaani kunu okwa RUHANGA. Mutafwerwa byoona ebimbainiire. Ndi wamananu hali ekigambo KYANGE.

NINGYA KUBA WAMAANI MUNO KANDI NEKANISA YANGE NEIJA KUBA YAMAANI MUNO.

 

Nahabwekyo mutekwa kuhuliiriza ebigambo BYANGE.

 

NINYOWE WAMAANI " NINYOWE"

 

NINYOWE MUKAMA YAHUSHUA OMWESIGWA OMU KUSUMUURA.

 

 

ESUURA 34: HAROHO OKUBONABONA OKUKWIJA- OKUBONABONA OKUKURU

 

Leka tutandike. (Okwakasatu 2, 2012)

 

Baana BANGE, NINYOWE MUKAMA wanyu. Nyine ebigambo ebihyaka ebyokubaha.

 

Baana, enu eri saaha enkuru muno. Haroho enaku nyingi muno eyekwizira ensi. Haija kubaho obuzibu bwahonaho bwingi hamu nokubiihizibwa. Emihito enu etandikire Ira.

 

Ekibi kisasaine omu Bantu. Mutaburwa okunihira baitu, nsinguire ensi. Ninyija kwihamu omugole WANGE kumuta omukuba kurungi. Asemiire muno kandi nagonzebwa muno kumuroraho. Atunurra habwokugaruka KWANGE, okugaruka KWANGE okwabwangu. Aikaza amaiso ge agataire hali NYOWE. Nimugonza nomutima GWANGE gwona. Mukwatira haihi NANYOWE namaiso GANGE. Ntunurra buli kugenda kwe kwoona.

 

Tageza kuruga omukurorwa KWANGE. Bwangu aija kuba NANYOWE omu Iguru Lyange alinzirwe kurungi kunu ensi eyasigire neyahukanamu harubaziiro.

 

 

Yohana 16:33 Ebi mbibagambiire mube nobusinge omuli NYOWE. Omunsi muyina obujune; baitu mugume, NYOWE nsingwire ensi.

 

Omukoro gunu gulimu kwezingurra hati baana. Haroho okubonabona okukwija- okubonabona okukuru. Okwensi etakarorahoga enyuma. Inywena nimwisana nkabataigusibwe nakamu okurabura KWANGE, oburorwaho BWANGE, ekitabu KYANGE.

 

Timurukwetegereza ngu omuhito gulimu kwija omunsi? Nigwija kandi busaho musaija asobora kugutanga. Kinu nikirugiira hali ensi enyakulekere RUHANGA wayo, erimu kwanga RUHANGA wayo. Ensi enu tekyantekerezaho mumulingo ogwembaganiza hamu nemihanda YANGE. Nahabwekyo ntekwa kusikaho omukono gwange ogwobulinzi ngyeiheho NYOWE nomugole WANGE. Bwangu ensi eija kwetegereza kiki okutiina okuhinguraine ekikukumanyisa.

1 Yohana 4:1-8 Abagonzibwa, muleke kwikiriza buli mwoyo, baitu emyoyo mugyetegereze, nukwo mumanye obu eraaba neeruga hali RUHANGA; hahwokuba abarangi baingi ab'ebisuba bararangire omunsi. Aho nuho muraamanyira Mwoyo wa RUHANGA, weena arukurangirra YESU KRISTO nkoooku yazairwe omu mubiri, buli aina omwoyo oguruga hali RUHANGA. 3 Baitu weena, atarukurangiira YESU, buli taina mwoyo oguruga hali RUHANGA. Ogu nugwo mwoyo gw'ogu arukurwanisa Kristo, ou mwahuliireho nkooku arukwija, kandi ahikire ira omusi. 4 Baana BANGE, inywe muli ba RUHANGA, kandi abarangi abo ab'ebisuba mubasingwire, habwokuba Mwoyo anyakuli omuli inywe nuwe mukuru okukira oli ayaizire omunsi kurwanisa Kristo. 5 Bbo b'ensi enu, habwokuba ebi barukugamba by'ensi, kandi ensi ebahuliiriza. 6 Itwe tuli ba RUHANGA. Weena arukumanya RUHANGA, atuhuliiriza, kandi atali wa RUHANGA tatuhuliiriza. Aho nuho tumanyira omwoyo ogw'amazima n'omwoyo ogurukuhabisa. 7 Abagonzibwa mugonzangane; habwokuba engonzi ziruga hali RUHANGA. Ogu anyakwina engonzi, aba azairwe RUHANGA kandi amanyire RUHANGA. 8 Ogu ataina ngonzi tamanya RUHANGA, habwokuba RUHANGA nuwe ngonzi.

 

Tinkwija kubabiiha baana, ndi RUHANGA. Ensi enu tekwija kuba kiikaro ekimukwenda kusigaramu enyuma kurora ebirarugiiramu omu mukoro gunu. Timukwija kuhona ekyo ekikwija kakusinga muraba mutakwenda kusigara NANYOWE. Abo boona abalinyatura hanyuma yomugole WANGE amazire kwihwamu balifwa habwokwikiriza kwabo. Buliba obwire obugumire muno obwa baana BANGE.

 

Mutaba basiru nimuteekereza mulingo gundi.

 

2 Timoseo 3:12 Mazimakwo boona abarukwenda kukuza obwomeezi baahairwe RUHANGA nibakuraatira Kristo Yesu, bali b'okuhiiganizibwa.

 

Tinkugya kusekerezebwa. Ensi enu tesobora kugumizamu omukinywa kinu, kandi ekaikiriza ngu busaho ebibi ebikurugiiramu. Njwahire kulinda hamu nokuloreera ensi eyenobere kandi eyekunsekereza. Omulembe gunu guli haihi kukingwaho.

 

Bwangu ngya kwikiriza ensi enu kuba harwayo, ensi etaine RUHANGA wayo ekwatiriire ekibi ekikugya bwango kugiijaho. Ensi tekuntamu kitiinisa nka RUHANGA wayo, nahabwekyo ningya kugireka etunge okugonza kwayo okukusingayo, okweirukya yonka etaine RUHANGA ARUKWERA, owagyoleka hekugenda. Nukwo ensi erakizoora omugaso gwokugendera omu biragiro byange, n'okudumiira kwange hamu nokuhondera emihanda YANGE eyebiro byoona.

 

Ensi etaine owakutanga, kinu nikyo ekya baana BANGE abasigaire enyuma bakwija kurora. Bwija kuba obwire obwokutiinisa hali abantu. Mutasigara enyuma. Mwije hali NYOWE hati. Mutalinda. Mwesemeze omumusaahi GWANGE, hamu nomu kigambo KYANGE.

 

Mulime mutaahe muno omunziha omumpapura zekigambo KYANGE.

 

Mwegarukemu kandi muheyo obwomezi bwanyu hali NYOWE. Leka mbajune hali ekyo ekirimu kwija. Ningonza. Obwire bugufu. Mwanguheho. Enu niyo esaaha eyokwirukira omu mikono YANGE. Engonzi zange zibalindiriire.

 

Leka mbajune kuruga ha bubi obukusingayo. Mwije hansi yokuswekwa. Kwomusaahi GWANGE omukuba kurungi.

 

Ebigambo binu byamananu kandi tibiine kamogo.

 

Onu nuwe MUKAMA, YAHUSHUA OWAMAANI MUKUJUNA.

 

ESUURA 35: TIHAROHO NAKAMU KUGOBORAMU KWONA OMU KUHAMBYA ENSI ENYAKULIMU KUFWA

 

Leka twongere tutandike. Baana, onu nuwe MUKAMA wanyu akubabaliza. Baana BANGE, Ndimu kwija mukuteekana okugufu, nahabwekyo mutamarwamu amaani. Ensi enu erimu kuhoibwaho obwire obwokutereza ebintu Kubihikiriza NANYOWE.

 

Bwangu, abo boona abakwanga kutereza ebintu NANYOWE kuraba mukwegarukamu hamu nokwehayo okwijwire baija kubonabona habwebikurugiiramu. Owakuhagana NANYOWE aine iroho lyomusaahi kandi tainiire mbabazi muntu weena.

 

Ensi eija kumanya okutiina okukusingayo nkokwetakarorahoga enyuma. Esaaha enu neija bwangu muno hambiro. Tinkwija kwongera kugumisiriza muno kuruga hali ensi eyekibi eyetakuntamu kitiinisa. Ndozire kandi nahurra ekikumara. Eri ensi enyakwanga RUHANGA wayo, kandi ekahindura omugongo gwayo hali emihanda YANGE hamu n'amananu GANGE.

 

 

Yakobo 4:4 Inywe abakazi abasihani, timumanyire ngu okuganjana okwensi nubwo bunyanzigwa na RUHANGA? Nukwo omuntu weena, anyakugonza okuba enganjani yensi, buli ayefoire omunyanzigwa wa RUHANGA.

 

Baana, mulimu kwebemberwa omufu wamaiso, kakusinga mugumizamu kuhambya ensi mutaine kigendererwa. Tiharoho nakamu kugoboramu kwoona omu kuhambya ensi enyakulimu kufwa etaine owakugyoleka hekugenda. Mutekwa kuba nimukirora kinu hati bwire bunu.

 

Mwije mukwate mugumye amananu ganu. Busaho kunihira okwensi enu eyefwire, enyakulimu kufa eyekwanga omuhangi wayo. Mutekwa kwija muhuliirize nobwegendereza. Mukingule amaiso ganyu. Mulimu kuhabisibwa kuruga ha muhanda GWANGE ogufunda.

 

Baana, bataito muno basanga omuhanda gunu. Mube bulindaara. Musemeze ensonga omumaiso ganyu kandi musike ebikokwa hamaiso. Mwije hali NYOWE kutunga amaiso agomwoyo. Muleke kuzaana nomunyanzigwa nka rundiisi kuzaana okutaine buzibu.

 

Muzibu muno eyetekanize kukudukura bwokuba nokinihira kataito muno. Timwine kimuli oihireho muli NANYOWE. Mutekwa kwija haihi NANYOWE kutunga obulinzi. Kiri habwokuba haihi NANYOWE kyonka kurora ngu muli kurungi. Kiri habwokwikara omu kitabu KYANGE kyonka hamu no kukora enkoragana eyahaihi NANYOWE kurora ngu nohona. Kinu nimukyetegereza? Kakusinga murakikwata inywenka, timwija kusobora.

Mutebiihabiha. Mutaba basiru. Omutima gwomuntu haiguru yebindi byoona gubihabihirwe. Omunyanzigwa WANGE worugezigezi muno hali inywe. Egyo niyo nsonga habwaki musobora kusobora habwokuba nenkoragana eya haihi NANYOWE yonka. Kakusinga muba haihi NANYOWE, mananukwo haihi, omunyanzigwa tarukwenda kwija haihi NANYOWE.

 

Ekiirima tikisobora kugumisiriza ekyererezi. Nahabwekyo muteke pulani zanyu hamu n'obwomezi bwanyu hansi, mubinkwase NYOWE. Leka mbitwale kandi iju lyanyu ndifwole oburungi. Leka mboleke okugonza kwange okutaine kamogo ha obwomezi bwanyu. Nsobora kukikora. Ningonza.

 

Kuli Kugonza kwange habwanyu kuba omukugonza kwange habwobwomezi bwanyu. Kunu kuli kugonza kwange kubasemeza omumusaahi gwange kandi nkabaleeta haihi NANYOWE, nkoku maama agonza omwana we, ningonza kubaroleera.

 

Isaya 66:13 Nkomuntu arukuhumuzibwa nyina NANYOWE nukwo ndibahumuza; mulihumulizibwa Yerusalemu.

Matayo 23:37 Ai bambi Yerusalemu,Yerusalemu iwe anyakwita abarangi nooteeza amabaale abakutumirwa! Kaingaha obu naagondeze kusorooza hamu abaana baawe nk'enkoko oku ebumbatira obwana bwayo omu mapapa gaayo baitu iwe otaikirize!

Baana, esaaha enu nehika eyokugaruka kwange okwabwangu. Timutunuliire. Mwija kusigwa. Ninyizira abaana BANGE bonka abanyakufwayo kutunurra, abanyakugonza kunseera omumulingo ogwenkoragana.

 

Banu nibo abakwija. Abandi boona, ekyokubiihiza baija kusigara. Abaingi muno omulibo baija n'okubura omukuhwereke'ra okwabwangu.

 

Enu eri saaha enkuru muno kandi kunu kuli okurabura okukuru muno. Musome ekitabu KYANGE. Musukule empapura zaakyo. Musabe Omwoyo WANGE okubebembera mumananu goona. Obwire nibuhwayo. Mutasiisa edakiika emu endi nimuhambya ensi enyakunoba, RUHANGA wayo.

 

Mulimu kugendera mu rugendo orwokufa. Mugaruke mu sensi zanyu. Museere, museere Omwoyo WANGE, museere ISENYOWE, Mutuseere. Tuli kimu kandi nitugonza kukujuna.

 

Esaaha eizire eyokuhika kwange okwabwangu. Mutafwika okucungura kwange.

 

Onu nuwe MUKAMA WANYU, YAHUSHUA, owakubagonza muno.

 

 

ESUURA 36: BAINGI ABAKUTELEREZA NGU BETEKANIIZE BALIMU KWEFWORA BASIRU

 

Leka tutandike, Muhara WANGE. (Okwakasatu 4, 2012)

 

Huliriza nobwegendereza engeri nkukuha ebigambo ebihyaka. Mwana WANGE, ni MUKAMA wawe. Boojo handika ebigambo binu. Esaaha erimu kuhika eyokugaruka KWANGE, baingi muno era tibakyatunurra, baingi muno baine ebiswekere amaiso kandi banga kuhuliiriza, hali ensonga. Esaaha eyokugaruka KWANGE neija hambiro.

 

Mutekwa kwetekaniza baana. Mutekwa kutekaniza. Mube bulindaara kandi mutunuliire. Kinu kyomugaso aha kwetekaniza. Abo bonka abatunuliire baija kutwarwa. Abo bonka abanyakufwayo kumanya aha kugaruka KWANGE nubo basobora kwetekaniza.

 

Abo abatafwayo kandi abataikara omu MWOYO WANGE baija kusigara kurora ebibi ebikusingayo. Baingi baija kuhunirra ngu basigirwe. Baingi baija kwekanga ngu tibatwairwe, baingi muno abakuteekereza ngu beteekanize balimu kwefwora basiru.

 

Bali hara yo kwetekaniza. Basibirwe omu bintu byensi. Baine ebitekerezo aha bintu ebindi. Tibafwayo aha kutunurra aha kwija KWANGE. Beijuize bonka hamu n'ebintu byensi.

 

Tibarukumara obwire NANYOWE. Tibalimu kutunuliira ha bwange. Basekereza kandi bahiganiza abo abatunuliire, kunu baija kuhunirizibwa obubaraba basigirwe enyuma, nibateekereza ngu b'amanyire. Tibaamanyiire kimu nakamu. Bamanyire kwonka ngu nibamanya. Emitima yaabu eri hara YANGE. Tibaija hali NYOWE omu kaikaro akensita.

 

Nibairukira ebintu ebyensi. Amaiso gaabu tigarukwenda kutunurra hali NYOWE. Nibagonza kukwata ebintu byensi. Bapulaninga hara muno omubwirwe bwo mumaiso.

 

Bakora pulani ezitalihikiira no kuhikira. Tibanyekaguzaho hali pulani zinu, kakusinga baijaga hali NYOWE kunyekaguzaho, nakubagambiire kuntekaho amaiso gaabu goona hali NYOWE, kuija haihi YANGE, kuteka hansi pulani zabu, nokuzihayo hali NYOWE.

 

Kinu nikyo nkwenda... okwehayo okwijwire, kuteeka pulani zanyu habigere byange, kunyegereza iwe weena, nobukyakuba obwomezi bwawe, hamu na pulani ezomumaiso gaawe. NYOWE nyenka manyire ekinyakuli omubwire bwomumaiso.

 

Pulani zoona ezomuntu akora zisobora kuchweka omukasumi kataito. Habwaki mutaleka nkateka pulani zange ezobwomezi mukiikaro. Manyire ekikubasingirayo mubyoona, baana BANGE. Manyire okutandika kuruga ha kumaliira. NINYOWE ALUFA na OMEGA.

 

Okusukururwa 22:13 Ninyowe ALUFA na OMEGA, amakuru gaakyo: Owokubanza kandi W'okumaliira, entandiko kandi empero.

 

NINYOWE muhangi we Izooba, okwezi hamu n'enyunyuzi. Timukutekereza ngu ninsobora kubaroleera hamu na pulani zanyu ezomumaiso? Nsobora kubateeka mu bukama bwange kakusinga mumpa buha obwomezi bwanyu. Nsobora kubatwara mubusinge hamu no mu kuba kurungi. Mbahimbemu kubatwara omu kuba kurungi.

Musobora kwikara mu businge mumanyire ngu pulani zange ha bwomezi bwanyu zirungi muno kandi ndi waamani kusumurra. Musobora kuba n'obulinzi bunu kakusinga muba muli mu Kugonza KWANGE okurungi muno okwobwomezi bwanyu.

 

Timwine kutuntura ekiro ekindi kakusinga muba muli omukugonza KWANGE. Mutaisule okukwata okumwine ha mihanda yanyu na pulani zanyu.

 

Binu biija kubebembera omu kuhwerekerra kwonka. Muheyo ebyanyu byoona hali NYOWE kandi musambe omu Kugonza KWANGE, okugonza KWANGE okurungi muno. Leka ogu anyakumanyire entandikwa kuruga ha kumaliira nuwe abaroleere.

 

NINYOWE RUHANGA wanyu owebiro byoona. Ninyija kubaleeta omu bukama bwange obutahwaho. Kyanyu kubusaba.

 

Okusukururwa 21:6 Nukwo yangambiire ati byoona bihikirizibwe! Ninyowe ALUFA NA OMEGA, amakuru gaabyo; entandiko kandi empero; weena anyakukwatwa, iroho, ndimuha amaizi agatali g'okugura, agarukuruga omu iziba eryamaizi agobwomezi.

 

Mweheyo, mwegarukemu, kandi munfwole wanyu. Mwije mu kumanya. Ninyija kubagana omutima gwange, nainywe. Ninyenda kurubata nainywe. Timuligeza kuba inywenka. Nahabwekyo obwire nubwo bunu obwokwehayo.

 

Enu niyo esaaha. Bunu nubwo obwire. Mukomemu namagezi. Haroho emihanda nyingi muno. Gumu gwonka nugwo oguhikire, gumu gwonka nugwo oguterekeriire. Mwije omu kumanya kandi ndabebembera aha muhanda ogu terekeriire. Kunu kuli kuyayana KWANGE; kuboleka nokubebembera.

 

Abaheburaniya 12:3 Kandi muhendere ebigere byanyu empenda eziterekerire, anyakusenjura aleke okuhabisibwa, baitu hakire akizibwe.

 

Bwangu esaaha eija kukoona mukaaga ogweitumbi. Mwirukire omu mikono YANGE, emikono etaine buzibu. Leka mbajune. Mukomemu Bwangu. Nikimbihiza kusiga omuntu weena, baitu enchwamu yaabu.

 

Mutayanga kutunga engonzi ZANGE.

 

YAHUSHUA, RUHANGA owengonzi ezihinguraine.

 

1 Yohana 4:16 Nahabweki nitumanya kandi nitwikiriza RUHANGA nkoku atugonza -RUGANGA nuwe ngonzi, aikara omu RUHANGA na RUHANGA aikara omuli we.

 

 

ESUURA 37: MWINE OBWIRE OBWOMUHENDO BUTAITO OBUSIGAIREYO

 

Leka tutandike. Ningya kubahereza ebigambo ebindi.

 

Baana NINYOWE, MUKAMA wanyu kandi nyine ebigambo ebyokubaha. Esaaha nekura mu kukerererwa. Haroho ekyererezi kitaito ekisigaire omukiro. Nimwetaaga kutekaniza, mwetekanize engeri okwija KWANGE kuli haihi.

 

Kulimu kutaahamu. Bataito betekanize kandi batunuliire. Bataito abakufwayo kwetekaniza. Baingi bakomamu okunuga okurabura KWANGE okwingi. Baingi tibamatiire hakyokwija KWANGE. Esaaha enu erimu kutahamu.

 

Ninyenda mube bulindaara kandi habunkenke. Kakusinga mutaabe, muija kugwibwamu. Kakusinga muraba mutatunuliire, timusobora kurora ekirimu kwija. Abo bonka abatunuliire nubo baija kuba bali bulindaara. Abo bonka nubo baraaba betekaniize habwokuba batunuliire. Osobora ota kwetekaniza kakusinga oraba otatunuliire? Abo bonka abetekaniize baija kuba nibagenda. Abandi boona baija kurugamu kwonka netaara zabu ezine amafuta gebichweka.

 

 

Matayo 25:7-10 Abaisiki boona nubwo baimukire, basemeza etabaza zabu. Abadomadoma bagambira abamagezi ngu mutuhe ha magita ganyu, baitu abamagezi bagarukamu, nibagamba ngu rundi tigatumale, itwena nainywe. Hakire mugende hali abarukugura mwegu're. Nabo obubakaba bagenzire okugura omuswezi yaija, jabo abakaba betekanize bahingura nauwe omu bugenyi. Obwobugole orwigi rwakingwaho.

 

Enu teri saaha eyokuba nimugwijagira, baana BANGE. Enu teri saaha eyokuba mubyamire. Tinkwija kutwara abo abatasobora nokuikaraho hakire nibarora akaire kaingiho batunuliire habwange. Abo abagwijagiire obundaija baija kusisimukira mukirooto ekyokutiinisa ekyomiire ekyekyo ekirimu kwija hali ensi. Obwire obwokubihizibwa ki mali mali obwekanisa YANGE enyakubyamire.

 

Abaheburaniya 9:28 Nukwo Kristo, obuyamazire, okuhebwayo omurundi gumu okwetweka ebibi bya baingi, aliboneka omurundi ogwakabiri, hataloho ekibi hali abo abamutegereza naleta okujunwa.

 

Abaana BANGE bali muturo otukuru, kandi obubatamatuke bwangu, baija kwesanga omu mikono eyo munyanzigwa WANGE. Taina mbabazi kandi taine kuganyira rundi kufwayo hali muntu weena. Aine ekintu kimu kyonka mubiteekerezo, amaani hamu nokufuga. Aija kulema nakaara akekyoma. Tinsobora kubamatiza kurungi ekikumara aha maani agakusirimuka agalimu kwija.

 

 

Enu eri saaha enkuru muno kandi haroho ebintu ebikuru muno ebikwija omunsi. Tinkusemerererwa omukubagambira ebintu binu.

 

Ningonza kubarabura kwonka hali ekyo ekirukwija habwokuba tinkwenda mubonabone kuraba omu kuhwerekera okuli haihi kugwera ensi enu. Mugaruke mu sensi zanyu baana BANGE. Mwimuke kuruga muturo twanyu, mwiheho ebiswekere amaiso.

 

Mwije hali NYOWE bwangu. Mwine obwire obwomuhendo butaito obusigaireyo. Mutekwa kuiruka nimwija hali NYOWE bwangu. Ningonza hakire kubajuna hali ekikusingayo obubi. Mutakwatirwa omu ihunga eririmu kuhika. Bataito muno nibaija nanyowe.

 

Obundaihamu omugole. Bataito muno bacwiremu kutunuliira yabwange hamu no kwetekaniza habwo kwogebwa ekigambo KYANGE hamu no kusemezibwa n'omusaahi gwange. Tiharoho ebigarukwamu bindi. Tiharoho muhanda gundi gwoona.

 

Abefeso 5:25-27 Abasaija mugonzege abakazi banyu, nka Kristo nauwe okuyagondeze ekanisa, kandi yayehayo wenka habwayo, nukwo agyeze, obuyamazire okugisemeza nagyogesa amaizi omu kigambo, nukwo agyeretere wenka ekanisa eyekitinisa, etanyina kamogo, nobukyakuba ekintu kyoona ekirukusisana kiti, baitu ikalege erukwera etaloho musango.

 

 

Muheyo esaaha enu. Nyetekaniize kubatunga. Ninyenda mwije hali NYOWE mube kurungi. Ningya kubasweka kandi mbalinde hali emihito eyekwija. Mwejune mwije hali NYOWE. NINYOWE nyenka kutoroka --busaho ondi owabaho. Hayo omutima gwawe hamu nobwomezi bwawe hali NYOWE, omu bwijwire. Noija kutekanizibwa, otekanizibwe omulimo gwa MWOYO WANGE ARUKWERA. Leka mbaijuze kandi mwija kurora amananu, amananu GANGE.

 

Nyetekaniize kubaleta omubukama BWANGE nimwija? Onu nuwe MUKAMA YAHUSHUA. Ndi mugumisiriza kandi ngumisiriza muno, ndinzire inywe muchwemu. Mukomemu NYOWE kandi mujunwe...

 

ESUURA 38: ABAHONDEZI BANGE ABAHIKIRIIRE BALIMU KUTUNURRA, BALINZIRE

 

Muhara WANGE, Leka tutandike. Muhara WANGE, nyetekanize kukuhereza ebigambo ebihyaka. Baana, ni MUKAMA wanyu alimu kubaza. Esaaha erimu kuhika eyokugaruka KWANGE, kandi abaana BANGE babyamire, muturo otukuru. Balimu kugwijagira kimu tibakukwatirwaho kimu hali ekyo ekirimu kubaho haihi nabo. Tibalimu n'okutunurra.

 

Mananukwo bafwire amaiso kandi amaiso gaabu tigali hali NYOWE. Ningya kwija nkomusuma omukiro. Baingi baija kugwibwamu. Ekigambo KYANGE tikigamba ngu kiri kiti? Kinu obukiraba kiri kiti, habwaki abaingi muno nibanuga okurabura kunu? Habwaki baanga kutunurra hamu n'okuhuliiriza kurungi? Ninyenda ekyabo ekikusingayo kandi bampereza ekyabo ekikusembayo.

 

Kakusinga abaana BANGE bamponderaga haihi NANYOWE, Baakumanyire kuba batunuliire, nibarora, kandi bandindiriire, bakubaire baine amagezi ahali ensi enyakubetoroire hamu n'omulingo ensi engeri enyangiire kimu omunsonda ina zoona.

 

 

Abahondezi BANGE abahikire batunuliire balinzire. Batekere amatu gaabu ahansi kandi nibahuliriza entambu zamaguru gange. Batunuliire buli kugenda KWANGE, kwoona, kandi bahuliriza iraka lyange. Ndimu kwija kandi enu teri nsita hali abo abalimu kutunurra baine okunihira.

 

Abaana banu bagumisirize kunu nibakwatwaho muno, nibagondeza kimu. Enu niyo ekanisa YANGE enyakuhikire, omugole WANGE. Nasikiriza muno kandi nekihika kye ekyokugaruka KWANGE nikinkwata. Ningonza okuyayana kwe engeri andindiriire. Onu nuwe owunafweriire, abahondezi BANGE abesigwa abanyakwefwera habwange.

Luka 12:37 Bayina omugisa abairu abo rubale, omukama wabu obwaliija abaalisanga nibarora: mananukwo nimbagambira anti, alyetega omunda alibaikaliza okulya, aliija okubahereza.

 

Bateeka obwomezi bwabo hansi aha bigere BYANGE kandi barubata harubaju hali ensi hamu n'ebintu byensi habwa MUKAMA wabu. Habwa kinu, nsemeriirwe muno kandi nempeera zabo tizirihwayo eze kanisa YANGE enu enyakusemiire.

  

Musobora kuba bamu aha kanisa enu, Omugole WANGE. Musobora kuba abetekaniize kugenda, obuturagenda hamu, omunju omu Iguru LYANGE ezinteekaniize. Baitu haroho obwire obwomuhendo butaito muno obusigaire, nahabweki mube bulindaara muno omu Kunseera kwanyu.

 

 

Ndimu kuseera okwehayo okwijwire. Ndimu kusaba okwekamba okwijwire. Muteeke obwomezi bwanyu hansi habwange omubwijwire bwabwo bwoona mutaine kimukuleka enyuma. Ninyenda obwomezi bwanyu bwoona. Ningya kubuhingisa no bwomezi obuhyaka omuli NYOWE.

 

Ninyenda kubaletera obwomezi obuhyaka. Ninyenda kuboogya mwere omu musaahi GWANGE. Mbanjule omu bukama BWANGE, mbahereze ekiikaro omu baana BANGE abarampereza ebiro byoona; kandi baleme bafuge ebiro byoona NANYOWE, harubaju rwange.

 

Onu nuwe omugole WANGE. Asemiire muno, abantu abatekanizibwe abeetekaniize, balindiriire, batunuliire habwomukama wabo. Ninyija kucungura abaana banu, mbatwale omu bugabe hamu nomukuba kurungi, mbaihe omu bibi ebiri haihi kuhuniiriza ensi. Nubo abasinguzi BANGE. Musobora kuba bamu omulibo. Mbalinzire baana BANGE, kwegaita aha bugenyi bwange obwobuswezi, kuba bamu aha BUKAMA BWANGE. Mbakwatiire ekiikaro aha meeza YANGE eyobugenyi obwobuswezi. Haroho ekiikaro kibatekanirizibwe, baitu muteekwa kwija mukabanza mukagamba ngu kyanyu.

 

Tinyija kukwatiriira orwigi rukinguire ebiro byoona. Bwangu, ninyija kuleeta abaana BANGE abo abeteekanize kuraba omu muhanda gunu ogutaine buzibu nukwo rukingwe niruleka enyuma abo, abanyakwanga okuraliizibwa KWANGE, okwija, barole obuzibu obukusingayo. Kiro-ki ekyokubiihirwa hali abo abanyakwanga okuhayo KWANGE Okwokuba aharungi hamu nokucungurwa. Okwetegereza kwabo aha kiro ekyo ahali ekyo ekinyakubaireho ahamu nekyo ekiba fwerirwe, kiija kuba nikitiinisa muno.

 

Nukwo okwetegereza kwonyini kwija kutaahamu hali ekyo ekibafweriirwe hamu nekibatekwa kurora. Halibaho okweijukya kukooto. Halibaho okucuura kwingi, hamu no kuteera empamo, engeri ekanisa YANGE eya koya koya neija omu kwikiraniza ahali enchwamu zaabo ezokubihiza ezokwanga hamu nokunuga okurabura KWANGE okwingi muno.

Ego, okufwerwa kwabo kuliba kwingi muno kandi no kuganya kwabo kwamaani. Baana, kinu tikisemeriire kuba inywe. Timukwetaagisa kusigwa kurora ekiirima nikisweka ensi. Mwije hali NYOWE omu kwehayo okwijwire, okwegarukamu okwijwire, hamu nokweijukya okumumanyisize kwo okwebibi byanyu, hamu nokurumirizibwa okwekihika ekyokwenda kumpondera n'omutima gwawe gwoona.

 

Ningya kuhindura omutima gwawe kandi nyogye ebitonyezi byebibi byawe mbyeze n'omusaahi GWANGE. Oija kwemerra mumaiso Gange oyeteekaniize kandi otekanizibwe kwegaita aha bugenyi bwange obwa'maani obwobuswezi.

Kunu nukwo okwetaaga kwomutima gwange okwanyu kugaruka hali NYOWE. NINYOWE ISIINYWE, OMUHANGI wanyu. Ninyetaaga oije hali NYOWE, nukwo nkufwole mutabani WANGE, muhara WANGE. Kanu kagisa kaawe kusemeza ebintu NANYOWE. Leka twikale hamu kumara ebiro byoona. Ndinzire enchwamu yaawe.

 

NINYOWE MUKAMA WAWE. NINYOWE OMUKAMA WAWE. NINYOWE RUHANGA WAWE. JEHOVAH.

 

ESUURA 39: OBWAKAISO BWANGE OBUKUKWATAHO EKIHANDIIKO KINU HAMU NO KUSIIBA KWANGE

 

MUKAMA akanyeta kugenda omu kiikaro ekisoroirwemu ahabwo'kusaba hamu n'okusiiba okwebiro makumi ana. Hanyuma ya wiiki ibiri, nasemberaga kulya omugaati gwa Mukama waitu buli kiro, kandi hanyuma ya kaire kataito, nanywaga gilasi ina ezensande ya OZ buli kiro. Okusiiba kunu kyali ekintu ekisingireyo kuguma ninteekereza ekinakataanganaga omubwomezi bwange.

 

MUKAMA akandeeta omu kusiiba kunu nukwo nyefwere, nikyo nakozire. Akampeereza n'ebigambo biingi ebinalengereho nobwesigwa okuhandiika habwabandi kusoma. Ekihandiiko kikansomerwa MUKAMA omubiro byange ebyo kusiiba kuruga Okwokubanza 27, 2012 kuhikya Okwakasatu 6, 2012. (Boojo mumanye ngu amabaruha agakukira obwingi gamu na gamu agansomibwe MUKAMA gatateekweho ebiro byokwezi habwokuba okusiiba kwali kungumiire muno, nkaba ntakwenda kuteekaho muno maani habiro byokwezi rundi engeri obwire obwokusiiba bwagendaga mpora.) Omukusiiba kunu, MUKAMA akangamba kusaba "OMUGAATI OGWEIGURU" buli kaire obunagwendaga kuyambaho oburumi bwenjara YANGE. Nahabwekyo, nagusabaga obunahuraaga oburumi bwenjara, rundi oburumi bwona obwaijaga ha bwokusiiba. Obwire bwoona bunasabaga "OMUGAATI OGWEIGURU" kuruga hali MUKAMA, oburumi bwagendaga aho naaho.

 

Kyahuniirizaga kandi kyamahano. MUKAMA nuwe "MUGAATI OGWEIGURU" (Dora ekyahandiikirwe hansi hanu).

 

Hanyuma yokuhika hagati na hagati omukusiiba kunu, nkaba ninsoma ekitabu ekyandeteriize malikwo kwikaara kandi nkeetegereza. Kikaba nikibazaho omukazi ayayolekerwe Iguru hamu na gehena. Akagamba ngu omu gehena, abo abaliyo, barumwa enjara hamu neiroho ebiro byoona. Kanu kaali kasumi akokunsoboora omu kusiiba kunu habwokuba nkaba ninsiiba kwonka kuruga ha byokulya kumara ebiro makumi ana. (Kandi NYOWE era nkaba ntaine iroho habwokuba nanywaga amaizi omukusiiba Kunu.) Baitu tinasoboraga kukibaliiramu kumara ebiro byoona omuntu n'orumwa enjara. (Kunu ebiro makumi ana byali kurwanisa okwamaani muno) Hamu n'eiroho, kandi na habwekyo ninyenda abandi bateekerezeho amananu agamaani ganu hamu nokuteekerezaho nobwegendereza aha birarugiiramu byabo ebyobwomezi obwebiro byoona.

 

Ninsiima muno MUKAMA habwokundabya omu kusiiba kunu okwebiro makumi ana.

 

Ebikukwataho ebigambo binu ebyampairwe,MUKAMA akakolesa ebigambo biingi muno ebinali ntamanyire nokumanya ekibiikumanyisa kandi nabiseeraaga ekibiikumanyisa kandi nasangaga biri ebigambo ebyomuhendo. Nyowe era ndi muhandiiki kandi obumpaandiika ekintu ekinyakuraihire nke kihandiiko kinu ekyempapura chikumi nokweyongera mumaiso, hati kakusinga nali nkyehandiikiire nyenka, kyakunyetaagisibwe kuhandiika ningarukiranizamu, ninyihamu ebigambo ebimu, oba ningaitamu ebindi, kandi kunu ekihandiiko kinu kitahindurwemu naakamu,--nkaba nimpandiika ebya MUKAMA akunsomera engeri yabingambaga.

 

Nkahandiika ebigambo bya MUKAMA omu katabu, kandi nayongera na bitaipinga byoona nkokubiri ntaine ebingarukiremu rundi kuhinduramu--orujungu orutaine kahoiga koona. Ekitiinisa kyoona kigarukire MUKAMA! Webale MUKAMA, habwokugumisiriza kwawe n'ekikozeso kinu ekyahansi muno, SUSAN DAVIS.

 

YESU NUWE MUGAATI OGWE'IGURU.

 

Yohana 6:29-58 Yesu yagarukamu nabagambira ati,gunu nugwo mulimo gwa RUHANGA, okuikiriza ogu ouyatumire. Kandi bamugambira ngu Nukwo, kokuro'raho ki iwe akokora, itwe turole tukuikirize? Okora omulimo ki? Baisenkuru itwe bakalya emanu omu irungu; nkokukyahandiikirwe ngu, Akabaha ebyokulya ebyarugire omu Iguru. Kandi Yesu yabagambira ati mali mali nimbagambira nti tali Musa yabahaire ebyokulya ebyarugire omu Iguru; rundi Isenyowe nuwe abaha ebyokulya ebyamananu ebiruga omu Iguru. Baitu ebyokulya ebya RUHANGA nibyebi ebiruga omu Iguru, ebiretera Ensi obwomezi kandi bamugambira ngu MUKAMA waitu otuhege obutosa ebyokulya ebi.

 

YESU yabagambira ati, NINYOWE byokulya byobwomezi, anyakuija namberendi talirumwa njara, nanyakunyikiriza talikwatwa iroho na kake. Baitu nkabagambira nti mumboine, kunu timuru kuikiriza. Boona Isenyowe abampa baliija namberendi, anyakuija namberendi tindimubingira aheru na kake. Baitu ntaruge omu Iguru okukora ebindukugonza nyenka, baitu ogu ayantumire ebyagonza.

 

Ayantumire ekyagonza nikyo kinu ngu ha kyoona ekyampaire haleke okuburaho na kake, baitu nkiimukye ha kiro kya hampero. Isenyowe ekyagonza nikyo kinu, weena anyakurora Omwana, namuikiriza, atunge obwomezi obutahwaho, nanyowe ndimuimukya ha kiro kya hampero. Abayudaaya nikyo bamuhyemeriire, baitu akagamba ati Ninyowe byokulya ebyarugire omu Iguru. Nibagamba ngu onu tinuwe YESU Omwana wa Yusufu, outumanyireho ise na nyina? Hati bunu nagamba ata Nkaruga omu Iguru? YESU yagarukamu nabagambira ati mutahyema inywenka.

 

Busaho muntu asobora okuija namberendi, Isenyowe ayantumire obwatamucunda; nanyowe ndi muimukya ha kiro kya hampero. Kikahandiikwa omu banabi ngu Naboona balyegesebwa RUHANGA. Omuntu wena amazire okuhu'ra hali ISENYOWE nayega, aija namberendi. Kandi busaho muntu araboine ISENYOWE rundi ogu ayarugire hali RUHANGA, nuwe yarozire ISENYOWE. Mali Mali nimbagambira nti, anyakuikiriza ayina obwomezi obutahwaho. Ninyowe byokulya byobwomezi. Baisenkuru inywe balyaga emanu omu irungu nibafa. Binu nibyo ebyokulya ebiruga omu Iguru, omuntu abiryeho aleke kufa.

 

Ninyowe byokulya ebyomiire ebyarugire omu iguru, omuntu wena, obwalya ha byokulya ebi, alyomera ebiro nebiro: ego ne byokulya ebindihayo nugwo mubiri gwange, obwobwomezi bwensi. Kandi abayudaaya bakatera empaka bonka nibagamba ngu omuntu onu nasobora ata okutuha omubirigwe okugulya? Kandi YESU yabagambira ati Mali Mali nimbagambira nti, obumutalya mubiri gwa mwana womuntu nimunywa esagamaye, timuyina bwomezi omulinywe.

 

Anyakufutana omubiri gwange nanywa esagama YANGE ayina obwomezi obutahwaho: nanyowe ndi muimukya ha kiro kya hampero. Baitu omubiri gwange nikyo mali, n'esagama YANGE nikyo kyokunywa Mali. Anyakulya omuburi gwange nanywa esagama YANGE buli aikaire omuli NYOWE nanyowe omuluwe. Nka isenyowe omwomezi okuyantumire, nanyowe nkokundukwomera habwa ISENYOWE, nukwo ati anyakundya; nuwe alyomeera habwange. Ebi nibyo byokulya ebyarugire omu Iguru, tikiri nka baisenkuru itwe okubaliire nibafa. Anyakulya ebyokulya binu alyomera ebiro n'ebiro.

 

Impressum

Tag der Veröffentlichung: 15.04.2019

Alle Rechte vorbehalten

Widmung:
NOTICE: You are encouraged to distribute copies of this document through any means, electronic or in printed form. You may post this material, in whole or in part, on your website or anywhere else. But we do request that you include this notice so others may know they can copy and distribute as well. This book is available as a free ebook and mp3 at the website: http://end-times-prophecy.com and http://marriagesupper.wix.com/endtimescatalog OKUMANYISA: Nohaburwa kugaba empapura ze kihandiiko kinu kuraba omumiringo yoona eyokwenda, hambeho, rundi mumulingo ogwempapura ezipurintingirwemu. Osobora kuhandiika okateeka ebigambo binu, byoona rundi mubichweka, aha mukutu gwawe, rundi ahandi hoona. Baitu nitukusaba kuteekamu okumanyisa Kunu nukwo abandi basobole kumanya nukwo bakope kandi nabo bagabire abandi. Ekitabu kinu kiroho kyabusa aha intaneti, hamu na mp3 aha Mukutu. https://marriagesupper.wixsite.com/endtimescatalog/marriage-supper-of-the-lamb#!