s Christkind kimmt

Es is a Waunsinn, a so a Waunsinn da Winta is scho do

Es is a Waunsinn, a so a Waunsinn hots gschnim vom Hümmisdo

 

Siagt ma ka Wiesn, is es bewiesen zum Schwammalsuachn is scho dspot,

gaunz stü is im Woid, da Wind is eiseskoid nimma laung bis ma Weihnochtn haum.

 

Es is a Waunsinn, a so a Waunsinn da Winta is scho do

Es is a Waunsinn, a so a Waunsinn hots gschnim vom Hümmisdo

 

So sche feut da Schnee auf de Spuan von am Ree

da Uhu uhut umanaund,

in da woamen Stum do sitz ma olle midanaund uman Adventskraunz herumm

 

Es is a Waunsinn, a so a Waunsinn da Winta is scho do

Es is a Waunsinn, a so a Waunsinn hots gschnim vom Hümmisdo

 

Stok finsta wiats im Laund und wia woatn gaunz gespaunnt,

des Keaznliacht wias in de Kindaaung sche glaunzt,

wia singan midanaund, hoin uns haund aun haund, es is so sche waun a Kindaheazal staunt.

 Gaunz hoamli hot ses gmocht,

 des Christkind woa scho do,

 a Gleckal hots varon,

heit hauma heilig Om.

 

Es is a Waunsinn, a so a Waunsinn a Lockal hots valoan

Es is a Waunsinn, a so a Waunsinn des Christkind is geboan!

Impressum

Tag der Veröffentlichung: 24.11.2015

Alle Rechte vorbehalten