Waldlerisch

Mir Waldla liabma unsa Hoamat,
Mir holtma s über olls in Ehrn
Und sama gleihwohl Wondervögl:
Hoam kömma denast wieda gern.

Dahoam! Du liabs, du liablas Wartl,
Klingst schöna, wos des schönast Gsong!
Erst in da Fremd lernst d Hoamat schatzn,
Erst in da Fremd wirst hoamatkronk.

Und hot viel Bam ah s Weta grissn
Und saust da grobe Wind mit Gwolt.
Getrost, du wirst, wos d gwen bist wieda:
Da freie deutsche Böhmerwold!

Wenn s Hoamloid kömmt, aft gibts koa Holtn,
Dir wird s um s Herz bol hoaß, bol kolt,
Bis d wieda segst dein Hoamathimmel,
Bis d wieda segst dein Hoamatwold!

Impressum

Tag der Veröffentlichung: 07.10.2010

Alle Rechte vorbehalten