Noutschroa

Herrgott üba da Welt!
Hört uns ruafa zu Dir!
Louss uns vor Nout net vorgeh’;
louss uns net schwoch wern und irr!

Herrgott üba da Welt!
Moch dem Elend an End!
D ’Goisl hät ma scho’ gspürt,
nimm ejtz d’ Zügl in d’ Händ,

selbst tua wieda regiern!
Louss net d ’Lumpen und Noarrn
hausn in Deina Welt!
Louss net voödn, vodoarn!

Herrgott üba da Welt!
Louss uns net kloaweis verderben!
Willst net daretten Dei Welt,
schlog’s gleih af oamal in Scherbn!

Impressum

Tag der Veröffentlichung: 07.10.2010

Alle Rechte vorbehalten